ခြင်အန္တရာယ်ကာကွယ်ရေးသည် အကောင်း ဆုံးနည်းလမ်းဖြစ်
ရခိုင်ပြည်နယ်၏ မြို့နယ်များဖြစ်သော စစ်တွေ၊ ပုဏ္ဏားကျွန်း၊ ကျောက်တော်၊ မင်းပြား၊ပေါက်တောနှင့် ရသေ့တောင် မြို့နယ် များတွင် ဂျပန် ဦးနှောက်ရောင်ရောဂါ (Japanese Encephalitis)JE ဖြစ်ပွားနေပြီး အချို့မြို့ နယ် များတွင်ကလေးငယ်များ သေဆုံးနေကြောင်း သိရသည်။ သေဆုံးသူများမှာ စစ်တွေ မြို့နယ်မှ လေးဦး နှင့် ပုဏ္ဏားကျွန်းမြို့နယ်မှ သုံးဦးဖြစ်ကြောင်း စစ်တွေ ဆေးရုံကြီးမှ အတည်ပြုပြောကြားသည်။
ပုဏ္ဏားကျွန်းမြို့နယ် အောက်မြတ်လဲကျေးရွာမှ သေဆုံးသွားသော ကလေး ငယ်၏ မိခင်ဒေါ်မာရီက ကျွန်မ သမီးလေးဟာ အပြင်းဖျားပါတယ်။ နောက်ပြီး တက်လာပါတယ်။ ဒါကြောင့် ဆေးရုံကိုသွားတက်တာ ကုသချိန် မရလိုက်ပါ ဘူး။ အသက်ဆုံးရှုံးသွားပါတယ် ဟုပြောပြသည်။
မြို့နယ်အချို့တွင် တောရောမြို့ပါ ဖြစ်ပွားနေသဖြင့် စာရေး သူအနေဖြင့် သက်ဆိုင်ရာတာဝန်ရှိသူများနှင့် သွားရောက်တွေ့ဆုံမေးမြန်းဖြစ်ခဲ့သည်။ စစ်တွေ အထွေထွေ ရောဂါကု ဆေးရုံကြီးမှ ဒေါက်တာစိုးထွန်းအောင်(ဆေးရုံအုပ်ကြီး)နှင့် တွေ့ဆုံမေးမြန်းခြင်း
မေး။ စစ်တွေဆေး ရုံကြီးမှာ ဂျပန် ဦးနှောက်ရောင်ရောဂါ JE နဲ့ တက်နေ တဲ့ကလေးဦးရေသိပါရစေ။
ဖြေ။ ဇူလိုင် ၂၇ ရက်အထိ JE ရောဂါနဲ့တက်တာ စုစုပေါင်း ကလေး၂၁ ဦးရှိပါတယ်။ ဒီအထဲက ခုနစ်ဦးဟာ ဆေးရုံဆင်းသွားပြီးတော့ ခုနစ်ဦးကအသက်ဆုံးသွားပါတယ်။ ကျန်ကလေးတွေက ကုသဆဲပါ။
မေး။ စစ်တွေဆေးရုံကြီးမှာ ဒီ JE ရောဂါကို ကုသမယ့် ဆေးအလုံ အလောက် ရှိပါသလား။
ဖြေ။ ဒီရောဂါရဲ့ ဗိုင်းရပ်(စ်)ပိုးနဲ့ ပတ်သက်လို့ ဆေးကု သတဲ့နေရာမှာ တိုက်ရိုက်ဆေးဝါးတွေကရှားပါးပါတယ်။ ရောဂါကာကွယ်လို့ရတဲ့ ဆေးတွေကိုလည်း ကျွန်တော်တို့ဆီမှာ မဆောင်ရွက်နိုင်သေးပါဘူး။ တိုးချဲ့ ကာကွယ် ဆေးထိုး စီမံချက်မှာ မထည့်နိုင်သေးဘူး။ ကုသရာမှာ သူနဲ့ပတ်သက်ပြီး ယှဉ်တွဲလို့ဝင်လာတဲ့ ရောဂါတွေကိုပဲ ကုရတာပါ။ ယှဉ်တွဲလို့ ကုရ တဲ့ဆေး တွေကတော့ ကျွန်တော်တို့ဆေးရုံမှာ အပြည့်အဝပေးထားပါတယ်။
မေး။ ဆရာကြီးအနေနဲ့ ပြည်သူကို ဘယ်လိုသတင်းစကားတွေ ပေးချင် ပါသလဲ။
ဖြေ။ JE ရောဂါဟာ ခြင်ကိုက်၍ဖြစ်တာပါ။ ခြင်မှာလည်း ကျူးလက်(စ်) ခြင် အမျိုးအစား ကိုက်လို့ ဖြစ်တာပါ။ ဒါကြောင့် ခြင်မကိုက်အောင်နေကြပါ။ခြင် မပေါက်ပွားအောင် ဆောင်ရွက်ကြပါ။ ကလေးတွေဖျားလာရင် လည်း ဆေးရုံဆေးခန်းတွေက ဆရာဝန်တွေ၊ ကျွမ်းကျင်တဲ့ ကျန်းမာရေး ဝန်ထမ်းတွေ နဲ့ သွားပြကြပါ။ သူတို့ရဲ့ ညွှန်ကြားချက်တွေကို လိုက်နာကြပါလို့ ပြောကြား ပေးလိုပါတယ်။
စစ်တွေ အထွေထွေရောဂါ ကုဆေးရုံကြီးမှ ဒေါက်တာ လှမူ(ပြည်နယ်ကလေးအထူးကုဆရာဝန်ကြီး)နှင့် တွေ့ဆုံ မေးမြန်းခြင်း
မေး။ ယခု ရခိုင်ပြည်နယ်မြို့နယ်အချို့မှာ ဖြစ်ပွားနေတဲ့ ဂျပန်ဦးနှောက် ရောင်ရော ဂါဟာ ကူးစက်မြန်တယ်။ အသက်ဆုံးရှုံးမှု မြန်တယ်ဆိုတာ ဟုတ်ပါသလား။
ဖြေ။ ဒီရောဂါဟာ ကူးစက်မြန်တယ်ဆိုတာက ခြင်ကနေတစ်ဆင့် ဗိုင်းရပ်(စ်)ပိုးသယ်လာတယ်။ ဒီဗိုင်းရပ်(စ်) ဟာလည်း သွေးလွန်တုပ်ကွေးရောဂါ ကိုဖြစ်စေတဲ့ ပလေဘီ ဗိုင်းရပ်(စ်)အုပ်စုကြီးရဲ့အောက်မှာ တစ်ခု တည်းဖြစ်ပါ တယ်။ ရောဂါပြင်းထန်ပြီး ကုသမှုနောက်ကျရင် သေတတ် ပါတယ်။ အန္တရာယ် ရှိပါတယ်။
မေး။ ဒီဂျပန်ဦးနှောက်ရောင်ရောဂါရဲ့ လက္ခဏာတွေက ဘယ်လိုပါလဲ။
ဖြေ။ ဒီရောဂါဟာ စစချင်းတော့ သာမန်အအေးမိတုပ်ကွေးရောဂါ တွေနဲ့ ဆင်ပါတယ်။ နှာစေးမယ်၊ ဖျားမယ်၊ ခေါင်းကိုက်မှုတွေဖြစ်မယ်။
ကွာခြားချက်ကတော့ ကလေးတစ်ယောက်နဲ့တစ်ယောက် ကွာခြားချက်ပေါ်မှာ မူတည်ပြီးတော့ နှစ်ရက်သုံးရက်အကြာမှာ အပြင်းဖျားလာမယ်။ တက်လာ မယ်။ နောက်ပြီးဦးနှောက်ရောင်တဲ့ လက္ခဏာဖြစ်တဲ့ အကြောတွေဆွဲလာ မယ်။ သတိလစ်ခြင်းတွေ ဖြစ်တတ်ပါတယ်။
မေး။ တစ်ယောက်နဲ့တစ်ယောက် ဘယ်လိုကွာခြားပါသလဲ။
ဖြေ။ တစ်ယောက်နဲ့တစ်ယောက် မတူတာက အဲဒီလိုမျိုးဖြစ်ပြီးသွား တော့ အကောင်းပက တိပြန်ကောင်း သွားတဲ့ကလေးတွေ ရှိသလို၊ တချို့လည်း ဆုံးသွားပါတယ်။ တစ်ကမ္ဘာလုံးအတိုင်းအတာအရဆိုရင် ဒီရော ဂါဖြစ်လာ ရင်တော့ သေဆုံးမှုနှုန်းဟာ ၃၀ ရာခိုင်နှုန်းကနေ ၅၀ ရာခိုင်နှုန်းထိရှိပါတယ်။ ကုသမှု အပိုင်းတွေ မှာလည်း သာမန်ဗိုင်းရပ်(စ်)ပိုး၊ ဗက်တီးရီးယားပိုးတွေ ကို သတ်တဲ့နည်းတွေနဲ့မဟုတ်ဘဲနဲ့ ရောဂါလက္ခဏာအရ ဖြစ်ပေါ်လာတဲ့ အချက်တွေကို မူတည်ပြီးတော့မှ ကုသရပါတယ်။
မေး။ ကာကွယ်လို့ရတဲ့နည်းတွေရော ရှိပါသလား။
ဖြေ။ ရောဂါကာကွယ်ဆေးတွေက ရှိပါတယ်။ ဒါပေမယ့် နိုင်ငံတော်ရဲ့ ကာကွယ်ဆေးထိုးစီမံချက်တွေမှာ ဒီဆေး တွေက မပါနိုင်သေးပါဘူး။ တင်တော့ တင်ပြထားကြပါတယ်။ မကြာခင်နှစ်တွေမှာတော့ ပါလာမယ် ထင်ပါတယ်။ ဒါကြောင့် အထူးသဖြင့် ခြင် အကိုက်မ ခံပါနဲ့။ ခြင်မပေါက်နိုင်အောင် ရေအိုင် တွေ၊ ရေစီးကြောင်းတွေကို ရေစီး ရေလာကောင်းအောင် ဆောင်ရွက်ကြပါ။ ခြင်အန္တရာယ်ကာကွယ်ရေးဟာ အကောင်းဆုံးနည်းလမ်းဖြစ်ပါတယ်။
မေး။ ဒီရောဂါဟာ ဘယ်လိုရာသီတွေမှာအများဆုံးဖြစ်တတ်ပါသလဲ။
ဖြေ။ ရာသီဆိုတာကတော့ ခြင်ကိုက်ရင်ဘယ်အချိန်မဆို ဖြစ်တတ်ပါ တယ်။ အဲဒီ ကျူးလက်(စ်)ခြင်ပေါက် ပွားတတ်တဲ့ မိုးရာသီတို့၊ ဆောင်း အကုန် နွေအကူးရာသီတွေဆို ပိုပြီးသတိထားရပါမယ်။
မေး။ ဒီ JE ရောဂါဟာ ဦးနှောက်အမြှေးရောင်တာလား၊ ဦးနှောက် တစ်ခုလုံး ရောင်တာပါလား။
ဖြေ။ ဦးနှောက်တစ်ခုလုံးရောင်တာပါ။ ဒါကြောင့် ဂျပန်ဦးနှောက်ရောင် ရောဂါ Japanese Encephalitis) JE လို့ခေါ်တာပေါ့။ တော်တော်အန္တရာယ် ရှိတဲ့ ရောဂါပါ။
မေး။ ဒီရောဂါဟာ ကလေးတွေမှာ ဖြစ်တတ်သလို လူကြီးတွေမှာ လည်း ဖြစ်နိုင်ပါသလား။
ဖြေ။ အဲဒီရောဂါပိုးပါတဲ့ ကျူးလက်(စ်)ခြင်ကိုက်ရင် ကလေးတွေရော လူကြီးတွေပါ ဖြစ်တတ်ပါတယ်။ အသက်အရွယ်ကိုလိုက်ပြီး ဖြစ်တာ မဟုတ်ပါဘူး။
မေး။ ဆေးရုံကဆင်းသွားတဲ့ ကလေးတွေရဲ့အခြေအနေကို သိလိုပါတယ်။
ဖြေ။ အဲဒီ JE ရောဂါဖြစ်လို့ ဆေးရုံတက်လာပြီးတော့ ရောဂါသက်သာ လို့ ဆေးရုံက ဆင်းသွားတဲ့ ကလေး ခုနစ်ဦးရှိရာမှာ ငါးဦးဟာ စကားမပြော နိုင်သေးပါဘူး။
ပညာပေးရေး၊ ကြိုတင်ကာကွယ်ရေးနှင့် ကုသရေးဆောင်ရွက် ရောဂါဖြစ်ပွား ရာမြို့နယ်များသို့ ပြည်နယ် ငှက်ဖျား တိုက်ဖျက်ရေးအဖွဲ့မှ လည်းကောင်း၊ ၎င်းမြို့နယ်ရှိ ကျန်းမာရေးဝန်ထမ်းများမှ လည်းကောင်း သွားရောက်ကာ ပညာပေးရေး လုပ်ငန်း ကြိုတင်ကာကွယ်ရေး လုပ်ငန်းများ နှင့်ဆေး ရုံတက်လူနာများအား စစ်တွေ ဆေးရုံကြီးနှင့် သက်ဆိုင်ရာ မြို့နယ်များ တွင် ကုသပေးလျက်ရှိကြောင်း သိရသည်။ ခြင်အန္တရာယ် ကာကွယ်ရန်လို ဂျပန်ဦးနှောက်ရောင် (Japanese Encephalitis) JE ရောဂါသည် ကျူး လက်(စ်) (Culex tritaeniorhynuhus ) ခြင်မျိုး ကိုက်ခြင်းမှ ဖြစ်ပွားနိုင်ပြီး ၎င်းခြင်များသည် လယ်ကွင်းများ၊ ရေအိုင်များတွင် ပေါက်ပွားတတ်ကြောင်း၊ ညအချိန် ကိုက်တတ်ကြောင်း၊ နေရာရွှေ့ပြောင်းတတ်သော ငှက်ရိုင်းများမှ တစ်ဆင့် ၎င်းငှက်များကိုခြင် ကိုက်ရာမှ လည်းကောင်း၊ ၎င်းခြင်များမှ အိမ်မွေး ဝက်များ နွားများကိုကိုက်ခြင်းမှလည်းကောင်း၊ ယင်းခြင်များ လူကိုကိုက်ခြင်း မှလည်းကောင်း ရောဂါပြန့်ပွားတတ်ကြောင်း သိရသည်။
ရခိုင်ပြည်နယ်တွင် ယခုအခါ ကျေးလက်တောရွာ များတွင်ပါ ဖြစ်ပွား နေ သဖြင့် ခြင်အန္တရာယ်ကို အထူး ကာကွယ်ရန်လိုအပ်ကြောင်း သိရသည်။
MOI Webportal Myanmar
https://www.facebook.com/MOIWebportalMyanmar?fref=nf
