ဂျပန်ဦးနှောက်ရောင်ကာကွယ်ဆေးနဲ့ ပတ်သက်တဲ့ မကြာခဏမေးလေ့ရှိသော မေးခွန်းများနှင့် အဖြေများ

ဂျပန်ဦးနှောက်ရောင် ကာကွယ်ဆေးနဲ့ ပတ်သက်ပြီး မိဘတွေ မကြာခဏမေးလေ့ရှိတဲ့ မေးခွန်းနဲ့အဖြေတွေကို ထပ်မံမျှဝေပေးလိုက်ပါတယ်။ နိုဝင်ဘာလ (၂၀) ရက်နေ့၊ ကျောင်းအခြေပြုကာကွယ်ဆေးထိုး အစီအစဉ်ရဲ့ (၄) ရက်မြောက်နေ့မှာ ကလေးငယ် (၆) သန်းခန့်ကို ဂျပန်ဦးနှောက်ရောင်ကာကွယ်ဆေး ဘေးကင်းစွာထိုးနှံပေးခဲ့ပါပြီ။
______________________________

ဂျပန်ဦးနှောက်ရောင်ကာကွယ်ဆေးနဲ့ ပတ်သက်တဲ့ မကြာခဏမေးလေ့ရှိသော မေးခွန်းများနှင့် အဖြေများ
______________________________

(၁) ကျန်းမာရေးဝန်ကြီးဌာနက ထိုးပေးတဲ့ဆေးနဲ့အပြင်ဆေးခန်းမှာ ဝယ်ထိုးတဲ့ဆေးကတူတူပဲလား။ ကွာခြားမှု ရှိပါသလား။ ဆေးနာမည် ဘယ်လိုခေါ်ပါသလဲ။
ကျန်းမာရေးနှင့်အားကစားဝန်ကြီးဌာနက ထိုးနှံပေးမယ့်ဆေးက CD-JEV (SA 14-14-2) ဖြစ်ပါတယ်။ ကမ္ဘာ့ ကျန်းမာရေးအဖွဲ့ (WHO) ရဲ့ အရည်အသွေး အသိအမှတ်ပြု ကာကွယ်ဆေးဖြစ်ပါတယ်။ တရုတ်ပြည်သူ့သမ္မတနိုင်ငံရှိ Chengdu Institute of Biological Products Co., ltd မှ ထုတ်လုပ်ပြီး လွန်ခဲ့တဲ့နှစ်ပေါင်း(၂၀) ကျော်ကတည်း ကစပြီး အသုံးပြုထိုးနှံခဲ့ပါတယ်။ ထိုင်း၊ နီပေါ၊ သီရိလင်္ကာ၊ အိန္ဒိယ၊ မြောက်ကိုရီးယား၊ တောင်ကိုရီးယား၊ လာအို၊ ကမ္ဘောဒီးယား၊ မလေးရှားနဲ့ ဗီယက်နမ်နိုင်ငံတွေမှာ လက်ရှိ သုံးစွဲလျက်ရှိပါတယ်။ လူသန်း (၄၀၀) ကျော်ထိုးနှံပြီးပါပြီ။ အလွန်ဘေးကင်းပါတယ်။ အပြင်ဆေးခန်းမှာ ၀ယ်ထိုးလို့ရနိုင်တဲ့ ဆေးတွေကတော့ IMO-JEV နဲ့ CD-JEV (SA 14-14-2) ဆိုပြီး (၂)မျိုးရှိပါတယ်။
__________________________________

(၂) ဂျပန်ဦးနှောက်ရောင် ကာကွယ်ဆေးက ထိုးပြီးဘယ်လောက်ထိ effect/အာနိသင် ရှိနေမှာလဲ။ ဘယ်နှစ်ကြိမ် ထိုးပေးရမှာလဲ။ ဘယ်နှစ်နှစ်လောက်အထိ ကာကွယ်ပေးနိုင်လဲ။
ကျန်းမာရေးနှင့် အားကစားဝန်ကြီးဌာနက ထိုးနှံပေးလျက်ရှိတဲ့ ဂျပန်ဦးနှောက်ရောင် ကာကွယ်ဆေး
CD-JEV (SA 14-14-2) ဟာ ကမ္ဘာ့ကျန်းမာရေးအဖွဲ့ (WHO) ရဲ့ လက်ရှိအချိန်အထိ လေ့လာတွေရှိချက်များအရ တစ်ကြိမ်ထိုးထားရင် တစ်သက်တာနီးပါး ကာကွယ်ပေးနိုင်ပါတယ်။
__________________________________

(၃) ဂျပန်ဦးနှောက်ရောင် ကာကွယ်ဆေးကို ယခင်က ထိုးဖူးခဲ့ရင် ထပ်ထိုးပေးဖို့ လိုသေးလား။
ဂျပန်ဦးနှောက်ရောင် ကာကွယ်ဆေး ထိုးဘူးသည်ဖြစ်စေ၊ မထိုးဘူးသည်ဖြစ်စေထပ်မံထိုးနှံနိုင်ပါတယ်။ ယခင်က ထိုးထားတဲ့ဆေးနဲ့ အနည်းဆုံးတစ်လခြားပြီးမှ ထိုးရပါတယ်။
__________________________________

(၄) ငါးမျိုးစပ်ကာကွယ်ဆေးမှာ ဂျပန်ဦးနှောက်ရောင်ကာကွယ်ဆေးပါ၊ မပါသိလိုပါတယ်။ ငါးမျိုးစပ်ကာကွယ်ဆေးမှာ ဦးနှောက်အမြှေးရောင်ကာကွယ်ဆေးလည်းပါနေတော့ ဂျပန်ဦးနှောက်ရောင်ကာကွယ်ဆေးကို ထပ်ထိုးဖို့လိုသေးလား။
ငါးမျိုးစပ်ကာကွယ်ဆေးမှာ ဂျပန်ဦးနှောက်ရောင်ကာကွယ်ဆေး မပါပါဘူး။ ငါးမျိုးစပ်ကာကွယ်ဆေးမှာ ဆုံဆို့နာရောဂါ၊ ကြက်ညှာချောင်းဆိုးရောဂါ၊ မေးခိုင်ရောဂါ၊ အသည်းရောင်အသားဝါ(ဘီ) ရောဂါ၊ ပြင်းထန်အဆုတ်ရောင်နဲ့ ဦးနှောက် အမြှေးရောင်ရောဂါကို ကာကွယ်နိုင်တဲ့ဆေးတွေပဲပါဝင်ပါတယ်။ ဦးနှောက်အမြှေးရောင်ရောဂါနဲ့ ဦးနှောက်ရောင်ရောဂါ မတူပါဘူး။ ဒါကြောင့် ငါးမျိုးစပ်ကာကွယ်ဆေးအပြင် ဂျပန်ဦးနှောက်ရောင်ကာကွယ်ဆေးပါထိုးနှံရန် လိုအပ်ပါတယ်။
__________________________________

(၅) သမီးက ဂျပန်ဦးနှောက်ရောင် ကာကွယ်ဆေးထိုးပေးမယ့် ဒီဇင်ဘာလမှာ အသည်းရောင် “ဘီ” ပိုးကာကွယ်ဆေး သုံးကြိမ်မြောက်ထိုးမှာပါ။ အဲဒီလမှာပဲ ဂျပန်ဦးနှောက်ရောင်ကာကွယ်ဆေးကို ထိုးလို့ရပါသလားသိ ချင်ပါတယ်။
ဂျပန်ဦးနှောက်ရောင် ကာကွယ်ဆေးကို အသည်းရောင် “ဘီ” ပိုး ကာကွယ်ဆေးထိုးတဲ့လမှာ ထိုးလို့ရပါတယ်။
__________________________________

(၆) ကျွန်မကလေးကအခု ဒီဇင်ဘာလမှာ ၁နှစ်ခွဲပြည့်မှာ ဖြစ်တဲ့အတွက် ၀က်သက်-ဂျိုက်သိုးကာကွယ်ဆေးတွေထိုး ရမှာဖြစ်ပါတယ်။ လာမယ့် ဒီဇင်ဘာမှာ ဂျပန်ဦးနှောက်ရောင် ကာကွယ်ဆေးကိုထိုးပေးလို့ရမလား။
ဂျပန်ဦးနှောက်ရောင် ကာကွယ်ဆေးနဲ့ ၀က်သက်-ဂျိုက်သိုး ကာကွယ်ဆေး(၂)မျိုးလုံးကို တစ်ချိန်တည်းမှာ ထိုးနှံနိုင်ပေမယ့် တစ်ချိန်တည်းမှာ မထိုးနိုင်ပါက (၁) မျိုးနှင့် (၁) မျိုးကို အနည်းဆုံး (၄)ပတ်ခြားပြီး ထိုးပေးရပါမယ်။ ဒါကြောင့် ၂၀၁၇ ခုနှစ်၊ ဒီဇင်ဘာလနှင့် (၂၀၁၈) ခုနှစ်၊ ဇန်န၀ါရီလ ပုံမှန်ကာကွယ်ဆေးအစီအစဉ်မှာ ၀က်သက်-ဂျိုက်သိုး ကာကွယ်ဆေးထိုးနှံခြင်းကို ရပ်ထားမှာဖြစ်ပြီး (၂၀၁၈) ခုနှစ် ဖေဖော်ဝါရီလ ပုံမှန်ကာကွယ်ဆေးထိုးအစီအစဉ်မှသာ အသက်(၉)လ နှင့် (၁၈) လပြည့်ပြီး ကလေးငယ်များကို ဆက်လက်ထိုးပေးသွားမှာ ဖြစ်ပါတယ်။
ဒါကြောင့် အခုဒီဇင်ဘာလမှာ ဂျပန်ဦးနှောက်ရောင် ကာကွယ်ဆေးကို ဦးစားပေးထိုးနှံသွားမှာဖြစ်ပါတယ်။
__________________________________

(၇) ကလေးတွေမှာ ဘယ်လိုရောဂါတွေရှိနေရင် ဆေးမထိုးသင့်ပါသလဲ။
အောက်မှာဖော်ပြထားတဲ့ရောဂါ (ဒါမှမဟုတ်) အခြေအနေတစ်မျိုးမျိုးရှိတဲ့ ကလေးငယ်တွေကလွဲပြီး မည်သည့် ကလေးငယ်မဆို ကာကွယ်ဆေးထိုးနှံနိုင်ပါတယ်။

ဂျပန်ဦးနှောက်ရောင် ကာကွယ်ဆေး လုံးဝမထိုးရမယ့်သူများ
(က) ယခုအသုံးပြုမယ့် ဂျပန်ဦးနှောက်ရောင်ရောဂါကာကွယ်ဆေး (SA 14-14-2, Live JEV) ကို ယခင်အကြိမ်ထိုးနှံ ခဲ့စဉ်က ပြင်းထန်တဲ့ နောက်ဆက်တွဲပြဿနာ (ဒါမှမဟုတ်) ပြင်းထန်တဲ့ဓာတ်မတည့်ခြင်းတွေဖြစ်ပွားခဲ့ပါက မထိုးနှံပေး ရပါ။ ကာကွယ်ဆေးမှာ ပါဝင်သောပစ္စည်းတစ်မျိုးမျိုး (ဥပမာ-Gelatin, Gentamycin, Sucrose, Human Serum Albumin and Carbamide) နှင့် ပြင်းထန်သော ဓာတ်မတည့်ခြင်း ဖြစ်ဘူးသူများကို မထိုးပေးရပါ။
(ခ) မွေးရာပါ (သို့မဟုတ်) ရောဂါကြောင့်သော်လည်းကောင်း (သို့မဟုတ်) ဆေးဝါးကြောင့်သော်လည်းကောင်း ခုခံအား စနစ်ကျဆင်းခြင်း (သို့မဟုတ်) AIDS ရောဂါလက္ခဏာများရှိခြင်း
(ဂ) ကုသမှုခံယူပြီး ဆေးသောက်နေသော်လည်း အတက်ရောဂါ မကြာခဏဖြစ်နေသူများ
(ဃ) နာတာရှည်ရောဂါကို လတ်တလော ပြင်းပြင်းထန်ထန် ခံစားနေရသူများ
(င) ကိုယ်ဝန်ဆောင်များ

ရက်ရွှေ့ဆိုင်းပြီး ထိုးပေးရမယ့်သူများ
(က) လတ်တလော အပူကြီးပြီး ဖျားနေခြင်း
(ခ) လတ်တလော ကူးစက်ရောဂါဖြစ်ပွားနေခြင်း
(ဂ) တီဘီရောဂါ ဖြစ်ပွားနေပြီး ဆေးကုသမှု မခံရသေးခြင်း(ဒါမှမဟုတ်) တီဘီဆေးစသောက်နေတာ နှစ်လမပြည့် သေးခြင်း
(ဃ) နားအလယ်ခန်း ရောင်ရမ်းနေခြင်း
(င) Prednisolone, Hydrocortisone စတဲ့ Steroids ဆေးများကို ပမာဏများစွာ သောက်သုံး/ထိုးနှံနေရခြင်း

ဂျပန်ဦးနှောက်ရောင် ကာကွယ်ဆေးမထိုးမီ ဆရာဝန်နှင့် တိုင်ပင်ဆွေးနွေးသင့်သော ကလေးငယ်များ
ဆေး/ပစ္စည်းတစ်ခုခုနဲ့ ဓာတ်မတည့်ခြင်း ရှိတဲ့ကလေးတွေ၊ တခြားရောဂါအခံတွေ ရှိတဲ့ကလေးတွေ၊ ဆေးဝါးတွေလတ်တလောမှာသောက်သုံးနေရတဲ့ ကလေးတွေဆိုရင်တော့ လက်ရှိပြသနေတဲ့ဆရာဝန်နဲ့ ကြိုတင်တိုင်ပင်ပြီးမှ ထိုးနှံနိုင်ပါတယ်။
__________________________________

(၈) ဂျပန်ဦးနှောက်ရောင် ကာကွယ်ဆေးထိုးပြီးနောက်ဘယ်လို တုန့်ပြန်မှုတွေ ခံစားရတတ်ပါသလဲ။
ဖျားတာ၊ ပျို့အန်မူးဝေတာ၊ ကာကွယ်ဆေးထိုးတဲ့နေရာ ရောင်တာ၊ နီရဲတာ၊ နာတာစတဲ့ မပြင်းထန်တဲ့ လက္ခဏာ တွေနိုင်ပါတယ် ။(၁) ရက် (၂) ရက်လောက်အတွင်းမှာ အလိုအလျောက် ပျောက်ကင်းသွား လေ့ရှိပါတယ်။ ကာကွယ်ဆေးနဲ့မထည့်လို့တုန့်ပြန်တဲ့ ပြင်းထန်လက္ခဏာမျိုးကိုတော့ကို ထိုးနှံပေးတဲ့ လူတစ်သန်းမှာ တစ်ယောက်အောက်သာ တွေ့ရတတ်ပါတယ်။
__________________________________

(၉) ဆေးမထိုးခင်နဲ့ ဆေးထိုးပြီးဆောင်ရန်၊ ရှောင်ရန်လေးတွေ ပြောပြပေးပါ။
ရက်ရွှေ့ဆိုင်းရမယ့်ကလေးများကို ရက်ရွေ့ဆိုင်းပြီးမှ ထိုးနှံရပါမယ်။ ကာကွယ်ဆေးထိုးပြီးပါက ဆေးထိုးစုရပ်မှာ နာရီဝက်ခန့်စောင့်ဆိုင်းပြီး ကလေးအခြေအနေကို စောင့်ကြည့်ဖို့လိုပါတယ်။ ကလေးမှာ ပုံမှန်မဟုတ်တဲ့ ဘာလက္ခဏာပဲ တွေ့တွေ့ ဆေးထိုးပေးတဲ့ ဆရာမကို ချက်ချင်းအကြောင်းကြားပါ။
ကလေးတွေကို အစာတစ်ခုခုအရင်ကျွေးထားပြီးမှ ကာကွယ် ဆေးထိုးစုရပ်ကိုစေလွှတ် (သို့မဟုတ်) ခေါ်ဆောင် လာသင့်ပါတယ်။ ကာကွယ်ဆေးထိုးပြီးတဲ့ ကလေးကိုတော့ ဂတ်စ်မပါတဲ့ အချိုရည် ဒါမှမဟုတ် ရေတိုက်ကျွေးနိုင်ပါတယ်။ ရပ်ရွာ လူထုနဲ့ ကျောင်းဆရာ၊ ဆရာမတွေ အနေနဲ့ကတော့ ကလေးတွေကို နေပူကျဲကျဲအောက်မှာ အကြာကြီးတန်းစီ စောင့်ဆိုင်းနေရတာမျိုး မဖြစ်အောင်လို့ ကူညီပေးစေလိုပါတယ်။ နေပူအောက်မှာ အကြာကြီး ရပ်စောင့်ပြီးမှ ဆေးထိုးရတဲ့ ကလေးတွေမှာ မူးဝေတာ ပိုဖြစ်နိုင်ပါတယ်။
__________________________________

(၁၀) ဘယ်အသက်အရွယ်တွေကို ကာကွယ်ဆေး ထိုးပေးသွားမှာလဲ။
အသက် (၉) လမှ အသက် (၁၅) နှစ်အတွင်း ကလေးငယ်တွေအားလုံးကို ဂျပန်ဦးနှောက်ရောင် ကာကွယ်ဆေး ထိုးနှံပေးသွားမှာဖြစ်ပါတယ်။(၂၀၁၇)ခုနှစ်၊ နိုဝင်ဘာလနဲ့ ဒီဇင်ဘာလအတွင်း ထိုးနှံပေးသွားမှာပါ။ (၂၀၁၈) ခုနှစ်၊ ဇန်နဝါရီလကစပြီး အသက် (၉) လ ပြည့်တဲ့ကလေးတိုင်းကို လစဉ်ပုံမှန်ထိုးပေးမှာဖြစ်ပါတယ်။
__________________________________

(၁၁) ဂျပန်ဦးနှောက်ရောင် ကာကွယ်ဆေးကို ကလေးရဲ့ ခန္ဓာကိုယ် ဘယ်နေရာမှာ ထိုးပေးမှာပါလဲ။
ကလေးရဲ့ ညာဖက်လက်မောင်းမှာ ထိုးနှံပေးသွားပါမယ်။
__________________________________

(၁၂) အစုလိုက် ကာကွယ်ဆေးထိုးအစီအစဉ်ကို ဘယ်နေရာတွေမှာ၊ ဘယ်အချိန် ပြုလုပ်သွားမှာလဲ။ေ
ကျာင်းအခြေပြု ကာကွယ်ဆေးထိုးအစီအစဉ်ကို အစိုးရ၊ ပုဂ္ဂလိကနဲ့ ဘုန်းတော်ကြီးသင်စာသင်ကျောင်းများမှာ ပြုလုပ်သွားမှာဖြစ်ပြီးအသက် (၅)နှစ်မှ (၁၅) နှစ်အောက် ကျောင်းသူ၊ကျောင်းသားတွေကို ကာကွယ်ဆေးထိုးနှံ ပေးသွားမှာဖြစ်ပါတယ်။ လူထုအခြေပြု ကာကွယ်ဆေးထိုးအစီအစဉ်ကို တော့ သက်ဆိုင်ရာ ရပ်ကွက်/ကျေးရွာမှာရှိတဲ့ ကာကွယ်ဆေးထိုး စုရပ်တွေမှာ ထိုးနှံပေးသွားမှာပါ။ အသက် (၉) လ ကနေ အသက် (၅) နှစ်အောက် ကလေးတွေ၊ ကျောင်းပြင်ပကလေးတွေနဲ့ ကျောင်းအခြေပြုအစီအစဉ်မှာ မထိုးလိုက်ရတဲ့ ကျောင်းသူ၊ကျောင်းသားတွေကို လူထု အခြေပြုအစီအစဉ်မှာ ထိုးနှံပေးသွားမှာပါ။
__________________________________

(၁၃) ဘယ်နေ့၊ ဘယ်အချိန်တွေမှာ ထိုးပေးမှာလဲ။
အသက် (၅) နှစ်မှ (၁၅) နှစ်အောက် ကျောင်းသူ၊ကျောင်းသားတွေကို ၂၀၁၇ ခုနှစ် နိုဝင်ဘာလ(၁၅) ရက်ကနေ (၂၃) ရက်နေ့အထိ ထိုးနှံပေးသွားမှာပါ။ အသက် (၉)လ ကနေ အသက် (၅) နှစ်အောက် ကလေးတွေ၊ ကျောင်းပြင်ပ ကလေးတွေနဲ့ ကျောင်းအခြေပြုအစီအစဉ်မှာ မထိုးလိုက်ရတဲ့ ကျောင်းသူ/ကျောင်းသားတွေကို ၂၀၁၇ ခုနှစ် ဒီဇင်ဘာလ(၁၁) ရက်နေ့ ကနေ (၂၀) ရက်နေ့အတွင်းမှာ ထိုးနှံပေးသွားပါမယ်။ နေ့စဉ်မနက် (၈) နာရီကညေနေ
(၄) နာရီအတွင်း ထိုးနှံပေးသွားမှာဖြစ်ပါတယ်။
__________________________________

(၁၄) တောရွာတွေမှာရော ထိုးပေးမှာလား။ တစ်နိုင်ငံလုံးက ကလေးတွေကို ထိုးပေးမှာလား။
လှည်းနေ လှေအောင်း မြင်းဇောင်းမကျန် တစ်နိုင်ငံလုံး အတိုင်းအတာနဲ့ ဂျပန်ဦးနှောက် ရောင်ကာကွယ်ဆေး ထိုးနှံပေးသွားပါမယ်။
__________________________________

(၁၅) ရပ်ကွက်ထဲ စာရင်းလာကောက်တုန်းက နာမည်မပေးလိုက်ရလို့ ဘယ်လိုလုပ်ရမလဲ။
နီးစပ်ရာ ကျန်းမာရေးဌာန၊ အုပ်ချုပ်ရေးရုံးတွေမှာ မေးပါ။ နာမည်စာရင်းပေးပါ။ ဆေးမထိုးခင် (၃) ရက်က (၅) ရက်အလိုမှာ ဖိတ်ကြားလွှာမရရင် စောစောကနေရာတွေမှာ သွားယူပါ။ ဆေးထိုးတဲ့နေ့တွေမှာ နီးစပ်ရာ စုရပ်မှာသွား ထိုးပါ။ ဖိတ်စာမရရင် (သို့မဟုတ်) နာမည်စာရင်း မပေးမိရင် ကျန်းမာရေးဝန်ထမ်းကို ပြောပြပြီး ဆေးထိုးမှုခံယူနိုင်ပါတယ်။
__________________________________

(၁၆) ကာကွယ်ဆေးထိုးအစီအစဉ်အကြောင်း ဘယ်မှာစုံစမ်းလို့ရနိုင်ပါသလဲ။
နီးစပ်ရာ ရပ်ကွက် (သို့မဟုတ်) ကျေးလက်ကျန်းမာရေးဌာန၊ မြို့နယ်ကျန်းမာရေးဌာန၊ ဒေသန္တကျန်းမာရေးဌာန နဲ့ အုပ်ချုပ်ရေးရုံးတွေမှာ မေးမြန်းစုံစမ်းနိုင်ပါတယ်။ ကာကွယ်ဆေးထိုးနှံရန် ဖိတ်ကြားတဲ့အခါမှာ မိဘ/အုပ်ထိန်းသူများ ကို ကျောင်းများမှ တဆင့်သော်လည်းကောင်း၊ နေအိမ်များသို့သော်လည်းကောင်းပေးပို့ ဖိတ်ကြားပေးသွားမှာဖြစ်ပါတယ်။
__________________________________

(၁၇) ခရီးသွားရင်ရော ရောက်တဲ့မြို့မှာ ထိုးလို့ရသလား။
ရပါတယ်။ ဖိတ်စာရပြီးသားဖြစ်ရင် ဖိတ်စာယူသွားပါ။ ဖိတ်စာမရသေးလည်း ထိုးလို့ရပါတယ်။

JEcampaignMyanmar
Health Guide
https://www.facebook.com/mmhealthguide/