Uric acid ယူရစ်အက်စစ်



၁။ ဆရာရှင့် လူနာက ကျမအမျိုးသားပါ။ အသက်က ၃၈ နှစ်။ Uric acid လည်းများပါတယ်။ အခုတလော ခေါင်းမူးလို့ pressure တိုင်းတိုင်း သွေးပေါင်အနည်းငယ်ကျပါတယ်။ Uric acid လည်းမများအောင် Pressure ကျတာလည်း အဆင်ပြေအောင် ဟင်းသီးဟင်းရွက် အသားငါး ဘာတွေစားသင့်လည်းဆိုတာ ကျေးဇူးပြု၍ လမ်းညွှန်ပေးပါအုန်းရှင့်။

၂။ ဆရာခင်ဗျား ကျွန်တော်က အသက် ၄၁ ကျားပါ။ မနက်ပိုင်းအိပ်ရာကထတဲ့အချိန် ဖနောင့်ကနာပါတယ်။ နေ့လယ်ဆိုရင် ပျောက်သွားပါတယ်။ အခုတော့ တနေကုန်နာနေလို့သွေးစစ်ကြည့်တာ uric acid များနေတယ်လို့သိရပါတယ်။ ဆေးသောက်ရင်ပျောက်နိုင်ပါသလား။ ဆောင်ရန်ရှောင်ရန်များ သိလိုပါတယ်ခင်ဗျ။ ဖတ်ရမယ့် ဆရာ့ဆောင်းပါးများရှိရင် link ပေးပါဦးခင်ဗျ။

ဓါတုဗေဒကျောင်းသားတွေကတော့ Uric acid ယူရစ်အက်စစ်ဆိုတာ C5H4N4O3 လို့ ရေးကြမယ်။ ဆေးကျောင်းသားတွေကတော့ သွေးထဲမှာ (ယူရစ်အက်စစ်) များနေရင် Gout ဂေါက်ဆိုတဲ့ အဆစ်နာရောဂါဖြစ်မယ်လို့ သင်ကြရတယ်။
ဆရာဝန်တွေက သွေးထဲမှာ ယူရစ်အက်စစ်များနေတာကို Hyperuricemia လို့ ခေါ်တယ်။ ဘာလို့ ဒီဓါတ်များနေသလဲ။ မျိုးနဲ့ရိုးနဲ့ဆိုသလို များတတ်တယ်။ စားတဲ့အစာပေါ်မှာ မူတည်တယ်။ တိတိကျကျပြောရရင် အစားထဲမှာ Purine နဲ့ Fructose များရင် ယူရစ်အက်စစ်များစေတယ်။
ဒီဓါတ်ကို ကျောက်ကပ်ကနေစွန့်ထုတ်တော့ ကျောက်ကပ်မကောင်းရင် သွေးထဲမှာများနေမယ်။ အစာမစားဘဲနေတာ၊ ကိုယ်အလေးချိန် အမြန်ချတာလုပ်ရင် ယာယီများနေမယ်။ ယောက်ျားတွေမှာ အသက်ကြီးလာရင် သံဓါတ်များလာပြီး ကြေးနီဓါတ်နည်းလာတယ်။ ဒါကနေဆက်ပြီးများစေတယ်။ ဒါကြောင့် သွေးလှူပါ၊ တနေ့မှာ Cu 2 mg သောက်ပါ။
ဂေါက်ရောဂါကိုဖြစ်စေတာ ယူရစ်အက်စစ်များနေလို့ပါ။ အဆစ်တွေနဲ့ သွေးကြောမျှဉ်လေးတွေ အနီးအနားမှာ ယူရစ်အက်စစ်ပုံဆောင်ခဲတွေ လာစုနေတယ်။ ဒါကိုအပ်နဲ့တူတဲ့ Crystals လို့ ပြောကြတယ်။ သကြားနဲ့ ချိုအောင် လုပ်ထားတဲ့ အရည်ကိုတနေ့ ၂ ခွက်နဲ့ ၂ ခွက်မကသောက်နေသူတွေဟာဂေါက်ရောဂါ ၈၅% ပိုဖြစ်စေနိုင်တယ်။ ဂေါက်ရောဂါအပြင် နှလုံးသွေးကြောရောဂါ၊ ဆီးချိုရောဂါ၊ Metabolic syndrome ရောဂါတွေနဲ့လဲ ဆက်စပ်နိုင်တယ်။ Uric acid stone ကျောက် ဖြစ်စေတတ်တယ်။

ယူရစ်အက်စစ်နည်းနေတာ ဘာ့ကြောင့်လဲ

အစာထဲမှာ သွပ်ဓါတ်နည်းရင်၊ အမျိုးသမီးတွေမှာ ကိုယ်ဝန်တား-စားဆေးသောက်နေရင် နည်းနိုင်တယ်။ သံဓါတ်နည်း သွေးအားနည်းရောဂါ ရှိနေရင်လဲနည်းတယ်။ ဒီဓါတ်နည်းနေသူတွေနဲ့ Multiple sclerosis ရောဂါ ဆက်စပ်နေတယ်။ အရက် အကြာကြီးသောက်သူ။ နာတာရှည် ကျောက်ကပ် ရောဂါရှိသူ၊ ခဲဆိပ်သင့်သူတွေမှာဆီးထဲမယ် (ယူရစ်-အက်စစ်) နည်းနေတာတွေ့ရမယ်။
ဒီဓါတ်များနေတယ်ဆိုတာအမျိုးမျိုး ဖြစ်နေနိုင်တယ်။ ဂေါက်ရောဂါရှိသူ၊ ကင်ဆာနောက်ပိုင်းရောက်နေသူ၊ ရိုးတွင်းခြင်ဆီနဲ့ သွေးဖြူဥရောဂါ ရှိနေသူ၊ အစားထဲမှာဒီဓါတ်များနေသူ၊ Rhabdomyolysis, Lesch-Nyhan syndrome, Fanconi syndrome ရောဂါ ရှိနေသူတွေမှာများနေမယ်။
ဆီးထဲမှာ ဒီဓါတ်ကိုစစ်ရင် ၂၄ နာရီခံထားတဲ့ဆီးယူရတယ်။ ဆီးမခံခင် အရက်မသောက်ရ။ Allopurinol, Ibuprofen, Aspirin, Thiazide diuretics, vitamin C, Probenecid ဆေးတွေ သောက်မထားရ။ သွေးမစစ်ခင် ၄ နာရီအတွင်း အစာမစားရ။ Ascorbic acid, Aspirin, Caffeine, Cisplatin, Diazoxide, Diuretics, Epinephrine, Ethambutol, Levodopa, Methyldopa, Nicotinic acid, Phenothiazinesနဲ့ Theophylline ဆေးတွေ မသောက်ရ။ Allopurinol, Azathioprine, Clofibrate, Corticosteroids, Estrogen, Glucose, Guaifenesin, Mannitol, Probenecidနဲ့ Warfarin ဆေးတွေကနေလည်း သက်ရောက်စေနိုင်တယ်။
Acidosis, Alcoholism, Diabetes, Gout, Hypoparathyroidism, Lead poisoning, Leukemia, Nephrolithiasis, Polycythemia vera, Renal failure, Toxemia of pregnancy, Purine-rich diet, Excessive exercise နဲ့ Chemotherapy-related side effects တွေကြောင့် သွေးထဲမှာများနေတာတွေ့ရမယ်။ Fanconi syndrome, Wilson's disease, Syndrome of inappropriate antidiuretic hormone (SIADH) secretion နဲ့ Low purine diet တွေကြောင့် သွေးထဲမှာနည်းနေတာတွေ့ရမယ်။
• 250 to 750 milligrams per 24 hours ဆိုတာပုံမှန် ဆီးအဖြေဖြစ်တယ်။
• 3.0 နဲ့ 7.0 mg/dLအတွင်းရှိရင် ပုံမှန် သွေးအဖြေဖြစ်တယ်။
• သွေးထဲမှာ 6 mg/dLသာရှိပေမဲ့ Gout ရောဂါရသူနဲ့ 9.6 mg/dL အထိရှိပေမဲ့ ရောဂါမရှိတာတွေ့ရတယ်။
• ဓါတ်ခွဲခန်းတွေ တခုနဲ့တခုကွဲလွဲတာလေးတွေရှိတာ သတိပြုပါ။
သွေးစစ်ရင် ယူရစ်အက်စစ်
• လူကြီး (ကျား) = 3.4-7.0 milligrams per deciliter (mg/dL) - 202-416 micromoles per liter (mcmol/L)
• လူကြီး (မ) = 2.4-6.0 mg/dL - 143-357 mcmol/L
• ကလေး = 2.0-5.5 mg/dL - 119-327 mcmol/L
အစားလည်းဆေး ဆေးလည်းအစာ
အသား၊ ငါး၊ အသဲ၊ ဥ၊ ပင်လယ်စာ၊ နှလုံး၊ ဝက်ပေါင်ခြောက်၊ အရက်၊ ဘီယာ၊ ဝိုင်၊ ပေါင်မုံ့၊ ကော်ဖီ၊ လက်ဘက်ရည်၊ အစေ့အဆံ၊ ပြောင်း-ပြောင်းဖူး၊ စပျစ်သီးခြောက်၊ ဘယ်ရီသီး၊ ချဉ်တဲ့ (ခရင်မ်)၊ ဒိန်ချဉ် (ရောဂတ်)၊ (ဘတ်တား-မစ်လ်ခ်)၊ တွေကအက်စစ်ဓါတ် များစေတယ်။ ခရင်ဘယ်ရီဖျော်ရည်၊ ချယ်ရီဖျော်ရည်၊ ပန်းသီးဖျော်ရည် သောက်ပါ။ ရေများများသောက်ပါ။ လိမ္မော်၊ သံပုရာ၊ ရှောက်၊ ကမ္ဗလာသီး၊ ငှက်ပျောသီး၊ ကညွတ်၊ မုံလာပွင့်၊ မှို၊ ဟင်းနုနွယ်၊ ချဉ်တဲ့အသီးတွေကို အသင့်အတင့် စားနိုင်တယ်။
၁။ အကန့်အသတ်နဲ့သာစားရမဲ့အစာတွေ (Purines များအစားအစာတွေ) = ကလီဆာတွေ (အမြစ်အသည်း၊ ကျောက်ကပ်၊ ဦးနှောက်)၊ အမဲသား၊ ဝက်သား၊ ဆိတ်သား၊ ဝက်ပေါင်ခြောက်၊ ပင်လယ်ငါးတချို့ (ဆာဒင်းငါး၊ မက်ကာရဲလ်ငါး)၊ ဟင်းအနှစ်များတဲ့ဟင်း၊ ဘီယာ၊ အရက်၊ အုတ်မီးလ်၊ ဂျုံဖြူ၊
၂။ စိတ်ချလက်ချစားနိုင်တဲ့ အစားအစာတွေ = အစိမ်းရောင်ဟင်းသီးဟင်းရွက်များ၊ ခရမ်းချဉ်သီး၊ အသီးများ၊ ဖြူဆွတ်နေအောင်လုပ်မထားတာမဟုတ်တဲ့ ဆန်မှုံ့၊ ဂျုံမှုံ့လုပ်အစားအစာတွေ၊ ထောပတ်၊ ဒိန်၊ ကြက်ဥ၊ ချောကလိတ်၊ ကိုကိုး၊ ကော်ဖီ၊ လဖက်ရည်၊ ကာဗွန်ပါသောက်စရာ၊ အစေ့အဆံတွေ။
၃။ ဂေါက်ကို သက်သာစေနိုင်တဲ့အစားအစာတွေ = အဆီနည်းနဲ့ အဆီပါနွားနို့၊ အဆီနည်းရောဂတ်။
Gout (1) ဂေါက်-ရောဂါ (၁) http://doctortintswe.blogspot.com/2014/10/gout-1.html
Gout (2) ဂေါက်-ရောဂါ (၂) http://doctortintswe.blogspot.com/2014/10/gout-2.html

Dr. တင့်ဆွေ
https://www.facebook.com/drtintswe/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ