အရက်ဆိုသည်မှာ
အရက်ဆိုသည်မှာ အယ်ကိုဟော ပါဝင်သော အရည်တစ်မျိုးဖြစ်ကြောင်း အရွယ်ရောက်သူအများစု သိရှိပါ သည်။
၎င်းအရက်တွင် ပါဝင်သော အယ်လ်ကိုဟောမှာ လူ့ခန္ဓာကိုယ်နှင့်ဦးနှောက်အာရုံကြော အဖွဲ့အစည်းကို ထိခိုက် စေသော အရာတစ် မျိုးဖြစ်သည်။ ထို့ပြင် သောက်သုံးသူ၏ စိတ်နှင့် ခံစားချက်ကို ပြောင်းလဲ စေနိုင်သည်။
အရက်၏ဆိုးကျိုးများ အရက်သောက်သုံးခြင်းသည် ကမ္ဘာပေါ်တွင် ရောဂါနှင့်မသန်စွမ်းမှုကိုဖြစ်ပေါ်စေ သော အရာများ၌ တတိယ အန္တရာယ် အရှိဆုံးဖြစ်သည်။ အရက်ကြောင့် ဖြစ်စေနိုင်သော ရောဂါပေါင်း အမျိုး ၆ဝ ကျော်ရှိသည်။
၎င်းအပြင် အခြားရောဂါအမျိုးပေါင်း ၂ဝဝကျော်တွင်လည်း အရက်သည် ပြဿနာ တစ်ခုအဖြစ် ပါဝင်နေပြန် သည်။ ကမ္ဘာတစ်ဝန်းသေဆုံးမှုအကြောင်းရင်းများ၏ ၄ရာခိုင်နှုန်းခန့်မှာ အရက်ကြောင့်ဖြစ်ပြီး ထိုပမာဏမှာ အိတ်အိုင်ဗွီ၊ အေအိုင်ဒီအက်၊ အကြမ်းဖက်မှုနှင့် တီဘီရောဂါတို့ကြောင့် သေဆုံးသောပမာဏထက် ပိုမိုများပြား သည်။ မိမိကိုယ်ကို သတ်သေခြင်းနှင့် အခြားသူများအား ရန်ပြုရခြင်းအကြောင်း ရင်းတွင်လည်း အရက် သည် ၇ဝ ရာခိုင် နှုန်းအထိ နေရာယူနေသည်။ အခြားမူးယစ် ဆေးဝါးများ သုံးစွဲမှုကြောင့်ဖြစ်သည်က ၃ဝ ရာခိုင်နှုန်းခန့် ရှိသည်။ ထို့ပြင် အကြမ်းဖက်မှု၊ ကလေးသူငယ်ညှဉ်းပန်းနှိပ်စက်မှုနှင့် လုပ်ငန်းခွင်ပျက်ကွက်မှုများသည်လည်း အရက်သောက်သုံးခြင်းနှင့် ပတ်သက်နေသော အကြောင်းအရာများပင်ဖြစ်သည်။
ရုပ်ပိုင်းဆိုင်ရာ ထိခိုက်မှုများ မတော်တဆမှု၊ ထိခိုက်ဒဏ်ရာရမှု၊ အကြမ်းဖက်မှုနှင့် ယာဉ်စည်းကမ်း ချိုး ဖောက်မှု၊ အန္တရာယ် မကင်းသော လိင်ဆက်ဆံမှု၊ မိမိကိုယ်ကို သတ်သေမှုများသည် အရက်နှင့် တိုက်ရိုက် ဆက်နွှယ်နေသော အကြောင်း အရာများဖြစ်သည်။ အစာအိမ်ရောဂါ၊ အသည်းရောဂါ၊ နှလုံးနှင့် ဆိုင်သော ရောဂါများနှင့် ပန်းသေခြင်းတို့ကို ဖြစ်စေနိုင်သော အကြောင်းရင်းမှာလည်း အရက်ပင်ဖြစ်သည်။
ဆေးလိပ်သောက်ခြင်းကဲ့သို့ပင် ကိုယ်ဝန်မဆောင်မီ အရက်သောက်သုံးခြင်းမှ လမစေ့ကလေး မွေးဖွားခြင်းနှင့် သန္ဓေ သားတွင် အရက်နှင့်ပတ်သက်သောပြဿနာများခံစားရခြင်းတို့ကိုဖြစ်စေနိုင်သည်။ ရံဖန် ရံခါအရက် တုများကြောင့် အဆိပ်သင့် သေဆုံးခြင်းများကိုလည်း ဖြစ်စေသည်။ အရက်ကြောင့် ဖြစ်နိုင်သည့် ရောဂါအချို့မှာ-
အသည်းရောင်ခြင်း၊ အသည်းခြောက်ခြင်း၊ အသည်းကင်ဆာဖြစ်ခြင်း၊ သွေးတိုးခြင်း၊ လေဖြတ်ခြင်း၊ နှလုံးကြီး ခြင်း၊ နှလုံးအားနည်းခြင်း၊ အာဟာရ ချို့တဲ့ခြင်း၊ အစာအိမ်ရောင်ခြင်း၊ အစာအိမ် အနာဖြစ်ခြင်း၊ အစာအိမ် သွေးကြော ပေါက်ခြင်း၊ ပန်ကရိယရောင်ခြင်း၊ ဦးနှောက်နှင့် အာရုံကြော အားနည်းခြင်း၊ ခံတွင်းနှင့် လည်ချောင်း ကင်ဆာဖြစ်ခြင်း၊ အရက်အဆိပ်တက်ခြင်း၊ ထိခိုက်ဒဏ်ရာရခြင်းများ ဖြစ်စေနိုင်သည်။
စိတ်ပိုင်းဆိုင်ရာထိခိုက်မှုများ အရက်စွဲလာပြီဆိုလျှင် စိတ်ပိုင်းဆိုင်ရာ နောက်ဆက်တွဲပြဿနာများ ပေါ်ပေါက် လာသည်။ ၅ဝ မှ ၆ဝ ရာခိုင်နှုန်းအထိသော အရက်စွဲလူနာများတွင် စိတ်ကျရောဂါ လက္ခဏာများကို တွေ့ရှိ ရသည်။ ထို့ကြောင့် မိမိကိုယ်ကို သတ်သေနှုန်းမှာလည်း အခြားအကြောင်းအရာများထက် အရက် စွဲသူများတွင် ပိုမို များပြား နေရခြင်းဖြစ်သည်။
၃ ရာခိုင်နှုန်းခန့်သော အရက်အလွန်အကျွံ သောက်သုံးသူများတွင် စိတ်ရောဂါလက္ခဏာများ ဖြစ်ပေါ်နိုင်သည်။ အခြားထင်ရှားသော စိတ်ပိုင်းဆိုင်ရာ လက္ခဏာတစ်ခုမှာ မိမိအိမ်ထောင်ဖက်အပေါ်တွင် သဝန်တိုခြင်း၊ (အိမ်ထောင်ဖက်မှ သစ္စာဖောက်နေသည်ဟု ပြင်းထန်စွဲမြဲစွာ ယုံကြည်ခြင်း)ပင်ဖြစ်သည်။
ထိုမှတစ်ဆင့် ဆိုးရွားသောအိမ်ထောင်ရေး၊ လူမှုဆက်ဆံရေး ပြဿနာများကို ဖြစ်စေနိုင်သည်။ ထို့ပြင် အရက်ကြောင့် အကြမ်းဖက်မှု (လိင်ပိုင်းဆိုင်ရာအကြမ်းဖက်မှု)များကိုဖြစ်စေနိုင်သည်။ အခြားသော စိတ်ပိုင်း ဆိုင်ရာ လက္ခဏာများမှာ လူမရှိဘဲ ခေါ်သံများ၊ ခြိမ်းခြောက်သံများ၊ စော်ကားမော်ကား သံများကြားခြင်း၊ ဝက်ရူးပြန် ရောဂါကဲ့သို့သော အတက်ရောဂါဖြစ်ခြင်းတို့ဖြစ်သည်။
လူမှုရေးဆိုင်ရာထိခိုက်မှုများ အရက်သောက်သူ အများဆုံးက အကြောင်းအရင်း တစ်ခု အဖြစ်ပြတတ်သော လူမှုဆက်ဆံရေး ကိုလည်း အရက်ကပင် ပြန်လည်ထိခိုက်စေသည်။ ပညာ သင်ကြားစဉ်ကာလ အရက်သောက်သုံးခြင်းကြောင့် ပညာရေးမအောင်မြင်မှုများ၊ ပညာရေးခရီး လမ်းဆုံးမရောက်ခြင်းများ ဖြစ်စေ နိုင်သည်။
မိသားစုတွင်းတွင်လည်း အရက်သောက်သုံး သူရှိနေခြင်းအားဖြင့် မကြာခဏစကားများ ရန်ဖြစ်ရခြင်း၊ မိသားစု တာဝန်များ လစ်ဟင်း ခြင်းနှင့် အိမ်တွင်းအကြမ်းဖက်ခြင်းများဖြစ်ပေါ်စေနိုင်သည်။ လူမှုပတ်ဝန်းကျင်တွင် လည်း အပေါင်းအသင်းများနှင့် ဝေးကွာခြင်း၊ လူမှုဘဝတာဝန်များပျက်ကွက်ခြင်း၊ ရန်ဖြစ်ခြင်း၊ စကားများခြင်း၊ ငွေကြေးပြဿနာများ ရှုပ်ထွေးခြင်းတို့ကိုလည်း ဖြစ်စေနိုင်သည်။
ဥပဒေကြောင်းအရလည်း စည်းကမ်းမလိုက် နာခြင်း၊ မူး၍မောင်းခြင်း၊ ခိုးမှုနှင့်ရာဇဝတ်မှုများကျူးလွန်ခြင်း၊ ၎င်းတို့မှ တစ်ဆင့် ဖမ်းဆီးခံရခြင်း၊ အမှုရင်ဆိုင်ရခြင်း၊ ထောင်ချခံရခြင်းများဖြစ်စေသည်။ အရက်သည် ကာယ ကံရှင် ကိုယ်တိုင်ကို သာမက ပတ်ဝန်း ကျင်ရှိလူများ အထူးသဖြင့် မိသားစုဝင်များ ကိုလည်း ထိခိုက်နစ်နာ စေသည်။
အရက်၏အကျိုးသက်ရောက်မှုများ ပြုလုပ်သူတစ်ဦးတစ်ယောက်ချင်းသာ ထိခိုက်သော အထက်ပါ စိတ်ပိုင်း၊ ရုပ်ပိုင်း ရောဂါများသာမက အရက်သည် အခြား သောဆိုးရွားသည့် အကျိုးသက်ရောက်မှုများ ကိုဖြစ်ပေါ်စေသည်။ နိုင်ငံတကာတွင်သာမက မြန်မာနိုင်ငံတွင်လည်း အရက်သောက်သုံးမှု ကြောင့်ဖြစ်သော နောက်ဆက်တွဲ ရောဂါများကို ကုသရခြင်းကြောင့် ကျန်းမာရေး စောင့်ရှောက်မှု ကုန်ကျစရိတ်များ ပိုမို ကုန်ကျလာသည်။ လူ့အဖွဲ့အစည်းအတွင်းတွင်လည်း ထုတ်လုပ်မှုစွမ်းရည်လျော့ကျခြင်းကြောင့် မိသားစုများ ဝန်ထုပ်ဝန်ပိုး ပို၍ဖြစ်စေသည်။
ဤပြဿနာကို ဘယ်လိုဖြေရှင်းမလဲ အရက်စွဲမှုပြဿနာကို ဖြေရှင်းရန်အတွက် ကမ္ဘာ့ကျန်းမာရေးအဖွဲ့က ချမှတ်ထားသော ရည်မှန်းချက်များအနက် နိုင်ငံတော်အဆင့် တွင် အရက်နှင့်ပတ်သက်သော ပေါ်လစီများ၊ မူးယစ်မောင်း နှင်မှုနှင့် ပတ်သက်သော ပေါ်လစီများရှိသည်။
တစ်ဦးတစ်ယောက်ချင်းအနေဖြင့်လည်း မိမိအရက်သမားဖြစ်၊ မဖြစ် ပြန်လည်သုံးသပ် ကြည့်ရန် လိုအပ်သည်။ အရက်စွဲနေပြီဟု သတ်မှတ်နိုင်သောအခြေအနေမှာ အရက်ကြောင့် စိတ်ပိုင်းဆိုင်ရာ သို့မဟုတ် ရုပ်ပိုင်း ဆိုင်ရာ ရောဂါတစ်ခုခု ခံစားနေရခြင်းနှင့် အရက်ကြောင့် စီးပွားရေး၊ လူမှုရေး၊ ပေါင်း သင်းဆက်ဆံရေး နယ်ပယ် တစ်ခုခုတွင် ထိခိုက် နေခြင်းဖြစ်သည်။
ကမ္ဘာ့ကျန်းမာရေးအဖွဲ့၏ သတ်မှတ်ချက်အရ အမျိုးသားများအတွက် အန္တရာယ်ရှိသော အရက်သောက်သုံးမှု ဆိုသည်မှာ မြန်မာ နိုင်ငံတွင် အများစုသောက်သုံးလေ့ရှိသော အယ်ကိုဟော ၄ဝ ရာခိုင်နှုန်းပတ်ဝန်းကျင် ပါဝင်သည့် ဝီစကီဆိုလျှင် တစ်ရက်လျှင် ၁၈ဝ မီလီလီတာနှင့် တစ်ပတ်လျှင် ၆၃ဝ မီလီလီတာ ကျော်လွန်ခြင်းကို ဆိုလိုသည်။
ဤသည်ကိုသိခြင်းအားဖြင့် မိမိအခြေအနေကို ပြန်လည် သုံးသပ်နိုင်သည်။
အရက်စွဲ ပြဿနာကို ဖြေရှင်းရန် အဓိက ရည်ရွယ်ချက် အနေဖြင့် အရက်ကို လုံးဝဖြတ်ရန်မှာ ပထမ ဦးစား ပေးဖြစ်သည်။ အရက်ကို စွဲပြီးသူများအနေဖြင့် အရက်ကို အန္တရာယ် မရှိသော ပမာဏ၌ ထိန်းသိမ်းသောက်နိုင်ရန်မှာ ဖြစ်နိုင်ခြေနည်းသောအခြေအနေဖြစ်သည်။ အရက်ဖြတ်သည့်အခါတွင်လည်း တတ်ကျွမ်းနားလည်သူများနှင့် ကုသ၍သာ ဖြတ်သင့်သည်။ အရက်ဖြတ်သည့်အခါ နောက်ဆက်တွဲ ပြဿနာများ ဖြစ်ပွား၍ အသက်ဆုံးရှုံးနိုင်သဖြင့် ၎င်းကိုကာကွယ် ရန်ဖြစ်သည်။
ဆရာဝန်ညွှန်ကြားချက် မပါဘဲ အရက်ဖြတ် ဆေးများကို သုံးစွဲ၍ မဖြတ်သင့်ပါ။ အိမ်ထောင် ဖက်များ အနေဖြင့်လည်း ခင်ပွန်းသည် မသိဘဲ အရက်ဖြတ်ဆေးများကို အစာနှင့်ရော၍ ကျွေးခြင်းများ မပြုလုပ်သင့်ပါ။ မသိဘဲ အရက် သောက်မိပါက အသက်အန္တရာယ်ရှိနိုင်သည်။
အတိုင်းအတာတစ်ခုအထိ အောင်မြင်နေသော အပြုအမူဆိုင်ရာကုထုံး၊ နှစ်သိမ့်ဆွေးနွေးခြင်း ကုထုံးများကို ခံယူ၍ လည်း ကုသနိုင်သည်။
မည်သို့ပင်ဆိုစေကာမူ အရက်စွဲခြင်းသည် ကာယကံရှင်အပေါ်တွင်သာ မူတည်သည်။ ကာယကံရှင်ကိုယ်တိုင် အရက်ဆိုး ကျိုးများကို နားလည်သဘောပေါက်၍ ပြုပြင် ရန်လိုအပ်သည်။ ထို့ကြောင့် တစ်ဦးတစ် ယောက်ချင်းကိုသာမက နိုင်ငံတစ်နိုင်ငံလုံး ၏ ကျန်းမာရေးအဆင့်အတန်း၊ လူမှုရေး အဆင့်အတန်းကို ထိခိုက်စေနိုင်သည့် အရက်စွဲပြဿနာကိုဖြေရှင်းရန် ဝိုင်းဝန်း ကြိုးပမ်းကြပါစို့ဟု တိုက်တွန်းတင်ပြအပ်ပါသည်။ ။
ဆောင်းပါးရှင် -သီတာဝင်းမြင့်
မြ၀တီ
https://www.facebook.com/mwdmedia/
