Balm ပရုပ်ဆီ


ဆရာ မြန်မာပြည်မှာက လူတန်းစားအမျိုးမျိုးက ပုရုပ်ဆီကို အလွယ်ပဲသုံးတတ်ကြပါတယ်။ ဥပမာ ပုရွက်ဆိတ်ကိုက်ရင် တစ်ချို့ကလည်း ပုရုပ်ဆီ လိမ်းခိုင်းတယ်၊ တစ်ချို့ကလည်း မလိမ်းသင့်ဘူးပြောတယ်။ လည်ပင်းနာရင် ပုရုပ်ဆီမြိုချရင် သက်သာတယ် ပြောကြတယ်၊ မလုပ်သင့်ဘူးလို့လည်း ပြောကြတယ်။ ကြားဘူးနားဝနဲ့ ပုရုပ်ဆီကို အလွယ်ပဲ သုံးနေကြတာ များပါတယ်။ အဲဒါလေးနဲ့ပက်သက်ပြီး ပုရုပ်ဆီရဲ့ ကောင်းကျိုး၊ ဆိုးကျိုး၊ ဆောင်ရန်၊ ရှောင်ရန် ဗဟုသုတ ရစေရန် အလို့ငှာ ပိုစ့်တစ်ပုဒ်လောက် ဆရာအချိန်ရရင် ရေးပေးစေလိုပါတယ်။

ကျွန်တော်တို့ အရင်ကတည်းက လူကြီးသူမတွေဆိုရင် ပရုပ်ဆီမရှိရင် နေမဖြစ်ဘူး ပြောရသလောက်ဘဲ။ ၉၆ ပါးထဲက အတော်များများမှာ သုံးကြတာ။ လူတိုင်းဟာ နာတာ၊ ကိုက်တာနဲ့ မကင်းကြဘူး မဟုတ်လား။ နောက်ပြီး ဗမာတွေက လက်တွေ့ကျချင်သူတွေလို့ ခပ်လွယ်လွယ် ပြောရမလားဘဲ။ နာရင် နာတဲ့နေရာကို တခုခုလုပ်ရမှ စိတ်ကျေနပ်တယ်။ လက်နဲ့ဖြစ်ဖြစ် နှိပ်လိုက်ရမှ။ ရမ်းကုလို့ဆိုသူများ ဇက်ကြောတက်ရင် ဇက်မှာ ဆေးထိုးပေးသတဲ့။ ဆရာဝန်ဖြစ်စက ဟာ့့ ငါသင်ခဲ့အထဲ ဒါမပါပါလားလို့ တွေးခဲ့မိဘူးတယ်။

ဒီသဘောနဲ့ နာတာ၊ ကိုက်တာကို နာတဲ့-ကိုက်တဲ့နေရာမှာ လိမ်းလို့ရတဲ့ ပရုပ်ဆီ ခေတ်စားလာစေတာလဲ အကြောင်းတခု ဖြစ်နိုင်မယ် ထင်တယ်။ ကျားပရုပ်ဆီတံဆိပ်နဲ့ ဗမာပြည်မှာ ခေတ်စား နေခဲ့တာကြာပါပြီ။ ရောင်းလည်း ကောင်းလွန်းလို့ ခပ်ဆင်ဆင် တံဆိပ်တွေပါ တိုးလားတယ်။ ခေါင်းမူး-ခေါင်းကိုက်၊ ခြင်ကိုက်၊ ပုရွက်ဆိတ်ကိုက်။ ချောင်းဆိုး၊ ဗိုက်အောင့်ရင် ဗိုက်ပေါ်လိမ်း၊ ရင်ပတ်နာရင် ရင်ပတ်မှာလိမ်း၊ အဆစ်နာ၊ ရူမက်တစ်နာ၊ လည်ပင်း-ဂုတ်ပိုးနာ၊ ကြွက်သားနာ၊ လူတိုင်းနဲ့ မကင်းတဲ့ ဝေဒနာတွေပါ။

ကျားပရုပ်ဆီ ပေါ်တာ နှစ် ၁ဝဝ ကျော်ပါပြီ။ ထီးသုံးနန်သုံး တရုပ်ရိုးရာနည်း Pinyin ကနေလာတာပါ။ တိုက်ဂါးပရုပ်ဆီကို Aw Chu Kin ကနေ ၁၈ဝ၇ ခုနှစ်က ရန်ကုန်မှာ ဆိုင်သေးလေးစထောင်တယ်လို့ မှတ်တမ်းတင်ထားပါတယ်။ သူ့သားနှစ်ယောက်ကနေမှ Tiger Balm ကို စင်္ကာပူယူလာခဲ့ပြီး Haw Par Healthcare ကုမ္ပဏီထောင်ခဲ့တာပါ။

ပရုပ်ဆီအနီ နဲ့ အဖြူမှာ ပါတာတွေ အတူတူလောက်ဘဲ၊ အနည်း-အများသာ ကွာတယ်။ လင်နမင် ဆိုတာလဲ ရှိသေးတယ်။ Camphor ပရုပ်ပါတယ်။ Menthol ပရုပ်အေးနဲ့ Clove Bud Oil လေးညှင်းဆီ များများပါတာက ပြင်းတယ်။ Cassia Oil သစ်ကြံပိုးအဆီကြောင့် ပရုပ်ဆီအနီက နီတယ်။ Cajuput Oil နဲ့ Mint Oil ပူဒီနာဆီက အဖြူမှာ များများပါတယ်။ နောက် ထုတ်တာတွေမှာ ယူကလစ်ဆီကို သုံးလာတယ်။

ကြီးကြီးငယ်ငယ် သုံးနိုင်တယ်။ လိမ်းရင် တနေ့ ၃-၄ ကြိမ်လို့ ဆေးညွှန်းက ဆိုတယ်။ ဆရာကမပြောရင် အပြင်ကနေ လိမ်း-ပွတ်သပ်ဘို့သာဖြစ်ပြီး ပါးစပ်ထဲ မထည့်ရ၊ ၂ နှစ်အောက်ကလေး မသုံးရလို့ သတိပေးထားတယ်။ လုပ်ကြတာပါဘဲ။ ရေနွေးထဲထည့် ရှူတာလည်း လုပ်တယ်။ Balm ဆိုတာ လိမ်းရတာကိုသာ ခေါ်တယ်။ Rub ဆိုရင် ပွတ်လိမ်းရတယ်။ စိတ်ကနေ သက်သာတယ် ထင်တာကိုက အကျိုးရှိနေတာမျိုး။

၂ဝ၁ဝ သြဂုတ် ၁ဝ ရက်နေ့ သတင်းအရ အမေရိကန် ဆေးဝါးနဲ့ အစားအသောက် အာဏာပိုင်အဖွဲ့ကနေ စင်္ကာပူက Haw Par Healthcare Ltd ရဲ့ Tiger Balm pain-relieving patch လုံလောက်တဲ့အဆင့်တွေ မပြည့်စုံသေးဘူးလို့ သတိပေးလိုက်ပါတယ်။

ခုထိတော့ ဘေးထွက်ဆိုးကျိုးကို တိတိပပစာနဲ့ပေနဲ့ ရီပို့တ်မရှိသေးပါ။ ဘယ်ဆေးမဆို ဆေးမတည့်ရင် ယားတာ၊ နီတာ၊ အပိန့်ထွက်တာ၊ သိပ်ဆိုးရင် ပါးစပ်-လည်ပင်း ရောင်ပြီး အသက်ရှူခက်တာအထိ ဖြစ်နိုင်တယ်။ အမှန်ကတော့ ယားလို့၊ အပိန့်ထွက်လို့ ပရုပ်ဆီ လိမ်းရတာပါ။ မတည့်ရင် ပိုဆိုးတတ်တယ်ပေါ့။ မတည့်ဘူးဆိုတာ သုံးတိုင်းဖြစ်တယ်ပြောတာ မဟုတ်ပါ။ လူတယောက်နဲ့ တယောက်က ဓါတ်ခံ မတူကြပါ။

Dr. တင့်ဆွေ
https://www.facebook.com/drtintswe/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ