အော့အန်ခြင်းသည် လူတိုင်း တစ်ကြိမ်မဟုတ် တစ်ကြိမ် ဖြစ်လေ့ ရှိတတ်သည်။ အော့အန်ခြင်း လွန်ကဲပါက အသက်အန္တရာယ် ရှိသည်အထိ ဖြစ်နိုင်သည်။
သွေးအန်ခြင်း အထိ ဆိုးဝါး လာစေသည်။ အော့အန်ခြင်းကို ထိန်းချုပ်သော ဦးနှောက် ဗဟိုဌာနကို အကြောင်းအရာ တစ်ခုခုက တိုက်ရိုက် သို့မဟုတ် သွယ်ဝိုက် လှုံ့ဆော် လိုက်သောအခါ ဗဟိုဌာနမှ စေစားချက် အရ အစာလမ်းကြောင်း တစ်လျှောက်ရှိ ကြွက်သားများ၊ ရင်အုပ်ပိုင်းနှင့် ဝမ်းဗိုက်ရှိ ကြွက်သားများ၊ ရင်အုပ်ပိုင်းနှင့် ဝမ်းဗိုက်ကြားရှိ ကန့်လန့်ကာ ကြွက်သား စတာတွေ ရုတ်တရက် ကျုံ့ခြင်း၊ ဆန့်ခြင်းဖြင့် အော့အန်ခြင်း ဖြစ်လာစေသည်။
အော့အန်ခြင်း အကြောင်းရင်း များပြားလှသည်။ အစာလမ်းကြောင်း တစ်လျှောက်တွင် အစာမျိုပြွန်မှ အစာဟောင်းအိမ် အဆုံးထိ အကြောင်းအရာ တစ်ခုခုကြောင့် တစ်နေရာရာတွင် ပိတ်ဆို့နေလျှင် အော့အန်သည်။ အစာလမ်းကြောင်း တစ်လျှောက် အစိတ်အပိုင်းများ ရောင်ခြင်း၊ ယင်းတို့ကို တစ်ခုခုက ထိတွေ့ လှုံ့ဆော်ခြင်း ဥပမာ-အထက်လှန် အောက်လျှော ရောဂါ၊ အစာအိမ်ရောင်ခြင်း၊ အူအတက် ရောင်ခြင်း၊ အစာအိမ် ရောဂါ အစာအဆိပ် သင့်ခြင်း၊ ကျောက်ကပ်လုပ်ငန်း ပျက်စီးခြင်း၊ အသည်းလုပ်ငန်း ချို့ယွင်းနေခြင်းမှာ အော့အန်သည်။
ဦးခေါင်းခွံအတွင်း အကြောင်း အမျိုးမျိုးကြောင့် ဖိအားများလာလျှင် ဥပမာ-ဦးနှောက် ရောင်ခြင်း၊ ဦးနှောက်တွင် ပြည်တည်ခြင်း၊ ဦးနှောက်တွင်း သွေးယိုခြင်း၊ ဦးနှောက် ကင်ဆာတို့သည် အော့အန်ခြင်းနှင့် ဆိုင်သော ဗဟိုဌာနကို ထိခိုက်ပြီး အော့အန်စေသည်။ ကိုယ်ဝန်ဆောင် မိခင် ကိုယ်ဝန်ရှိစတွင် အော့အန် တတ်သည်။ အချို့သူများတွင် ရောဂါကြောင့် မဟုတ်ဘဲ အလိုလို နေရင်း အကျင့်ဖြစ်နေ၍ လည်းကောင်း၊ စိတ်ကြောင့် လည်းကောင်း အော့အန်တတ်၏။ စိတ်အလိုမကျရောဂါ ရှိသူများတွင် အော့အန် တတ်သည်။ အချို့သော ဆေးဝါးများ၊ နှလုံးရောဂါ ပျောက်ဆေးနှင့် မော်ဖင်း စသည်တို့ မှီဝဲမှု လွန်ကဲလျှင်၊ အရက် အလွန်အကျွံ သောက်မိလျှင်သော် လည်းကောင်း အော့အန် တတ်သည်။
သာမန်ဖျားနာခြင်း အမျိုးမျိုးတွင် ခန္ဓာကိုယ် အပူချိန် မြင့်တက်လာခြင်းနှင့် အတူ မူးဝေကာ အော့အန်သည်။ တစ်ခါတစ်ရံ အကျင့်မရှိဘဲ ကားနှင့် ခရီးရှည် သွားလျှင်၊ လေယာဉ်ပျံ စီးလျှင်၊ အသက်ရှူ မဝလျှင် မူးဝေပြီး အော့အန်လေ့ ရှိသည်။ အချို့သော ကြက်ညှာချောင်းဆိုး ရောဂါဖြစ်စေသော ကလေးငယ်များတွင် ချောင်း တဟွတ်ဟွတ်နှင့် ဆက်တိုက် အကြိမ်များများ ဆိုးပြီး လွန်စွာ ပင်ပန်းကာ အော့အန်တတ်သည်။
အချို့သော အဆိပ်အတောက်များကို စားမိသောက်မိသော အခြေအနေမျိုးတွင် ယင်းတို့ အစာအိမ်မှ ပြန်ထွက်စေရန် အာခေါင်အတွင်း လက်ဖြင့် နှိုးဆွ၍သော် လည်းကောင်း၊ ဆားရည်ပြင်းပြင်း သောက်၍သော် လည်းကောင်း အော့အန်စေရန် တမင်ပြုလုပ်ပေးခြင်းမျိုး ရှိတတ်သည်။
အော့အန်ခြင်း အမျိုးမျိုး
အော့အန်ခြင်း အကြောင်းရင်း လိုက်၍ အော့အန်ရာတွင် ထွက်ပေါ်လာသည့် အရာ အမျိုးမျိုး၊ အရောင်၊ အနံ့ အမျိုးမျိုး ဖြစ်နိုင်သည်။ တစ်ခါတစ်ရံ သည်းခြေရည်နှင့် သွေးတို့ ပါဝင်တတ်သည်။ ပါဝင်သော အရာများကို လိုက်၍ အဖြူရောင်၊ အဝါရောင်၊ အစိမ်းရောင်၊ အညိုရောင်နှင့် အနီရောင် စသည်တို့ ဖြစ်သည်။ အစာအိမ် အူကျဉ်း နေရာတွင် ပိုမို ကျဉ်းနေခြင်းကြောင့် ဖြစ်သော အော့အန်ခြင်းမျိုးတွင် စားသော အစာများကို အရှိန်ပြင်းစွာနှင့် များများ အန်ထုတ်တတ်သည်။ အန်ဖတ်များမှာ ချဉ်၍ စူးရှသောနေရာ ရှိတတ်၏။ အခြား အူသိမ်နှင့် အူမကြီးနေရာ၌ ပိတ်ဆို့ခံရခြင်းမျိုးတွင် အန်ဖတ်မှာ သည်းခြေရည် ပါသဖြင့် အရောင် အနည်းငယ် စိမ်းပြီး ခါးတတ်သည်။ အဆိပ်သင့်ခြင်းနှင့် အစာလမ်းကြောင်း တစ်လျှောက် ပိတ်ဆို့ ခံရခြင်းများတွင် ရုတ်တရက် အရှိန်ပြင်းစွာ အော့အန်လေ့ ရှိသည်။
လေနာဟု အများ နားလည်ထားကြသည့် အစာအိမ်ရောဂါတွင် အစာစားပြီးသော အခါ ရင်ခေါင်း အောက်နား အလယ်တစ်ဝိုက် ဗိုက်နာခြင်းနှင့်အတူ အော့အန်တတ်သည်။ အစာ အဆိပ်သင့်ခြင်းတွင် မသန့်ရှင်းသော အစာတစ်ခုခု စားအပြီးတွင် ပြင်းထန်စွာ ဗိုက်နာခြင်းနှင့် အတူ ခဏခဏ အော့အန် တတ်သည်။ အဖြစ်များလှသည့် အထက်လှန် အောက်လျှော ရောဂါတွင်မူ မကြာခဏ အော့အန်ခြင်းနှင့် အတူ ဝမ်းအရည်များ ခဏခဏ သွားတတ်သည်။ ကိုယ်ဝန်ဆောင် မိခင် အားလုံး၏ တစ်ဝက်ခန့်သည် ကိုယ်ဝန် ရှိစမှာ အန်သည်။
သွေးအန်ခြင်း နောက်ကွယ်မှာ
သွေးအန်ခြင်းသည် အလွန် အရေးကြီးသည်။ အစာအိမ်ရောဂါ အနာမှ သွေးထွက်ခြင်း၊ အစာအိမ် ကင်ဆာ၊ အသည်းကျွမ်း ရောဂါတို့ကြောင့် အစာမျို၊ ရေမျိုပြွန် အတွင်းနံရံမှ သွေးထွက်ခြင်း၊ အစာလမ်းကြောင်း တစ်လျှောက် အခန့်မသင့် မတော်တဆ ဝင်ရောက်သွားသော ပစ္စည်းများကြောင့် ထိခိုက် ပွန်းပဲ့ခြင်း၊ ကျောက်ကပ် လုပ်ငန်းပျက်စီးခြင်း၊ အခြားသော အစာလမ်းကြောင်း တစ်လျှောက်ရှိ အသားပို အလုံး အကျိတ်များ၊ ကင်ဆာများ၊ သွေးကင်ဆာ၊ သွေးမတိတ်သည့် ရောဂါ စသည့် သွေးနှင့်ပတ်သက်သော ရောဂါများတွင် သွေးအန်တတ် လေသည်။
ကလေးသူငယ်များတွင် အဖြစ်များလှသည့် သွေးလွန်တုပ်ကွေး ရောဂါတွင်မူ သွေးအချို့ အရောင်ပြောင်း၍ ကော်ဖီရောင် ညိုညစ်ညစ် အန်ဖတ်များကို အော့အန် တတ်လေသည်။ ထို့ပြင် လူသုံးများသည့် အက်စပရင်၊ အယ်နယ်ဂျက်ဆင်၊ အက်စပရိုတို့တွင် ပါဝင်သော အက်စပရင်ဓာတ်တို့ များစွာ သောက်မိသော အခါတွင်လည်း နူးညံ့လှသော အစာအိမ်နံရံ သွေးကြောငယ်များ ပေါက်ပြဲပြီး သွေးအန် တတ်သည်။ သွေးအန်ခြင်းမှ ခန္ဓာကိုယ်တွင်း သွေးအားနည်းခြင်း၊ သွေးများ လျော့ပါး ဆုံးရှုံးခြင်းမှသည် သွေးလန့် မေ့မြောခြင်း ဖြစ်ကာ အသက် ဆုံးရှုံးနိုင်သည်။
အော့အန်လျှင်
အော့အန်ခြင်းသည် အချို့သော အခြေအနေမျိုးတွင် ခန္ဓာကိုယ် အတွက် မလိုအပ်သော အဆိပ် အတောက်များကို ပြန်လည် စွန့်ထုတ်ပစ်သော သဘာဝ၏ စေစားချက် နည်းတစ်နည်းပင် ဖြစ်သော်လည်း အများအားဖြင့် အော့အန်ခြင်းနှင့် အတူ ရေနှင့် ဓာတ်ဆားများ ပါဝင်သွားတတ်သဖြင့် အော့အန်ခြင်း အလွန်များလျှင် ခန္ဓာကိုယ်တွင်း ရေများ ခန်းခြောက်၍ ဓာတ်ဆားများ လျော့နည်းလာသည်။ အထက်လှန် အောက်လျှော ရောဂါတွင် ဝမ်း မကြာခဏ သွားခြင်းနှင့်အတူ ခဏခဏ အော့အန်သဖြင့် ခန္ဓာကိုယ်ရှိ ရေနှင့် ဓာတ်ဆားများ လျော့ပါးသွားကာ နောက်ဆုံးတွင် သွေးလန့် မေ့မြောခြင်းဖြစ်၍ အသက် ဆုံးရှုံး နိုင်ပေသည်။ ၎င်းပြင် မကြာခဏ အော့အန်ခြင်းကြောင့်လည်း ခန္ဓာကိုယ်ကို အလွန်အမင်း ပင်ပန်း စေတတ်၏။
အော့အန်ခြင်းမဖြစ်စေရန်
အော့အန်စေသော အကြောင်းရင်းများကို ကြိုတင် ကာကွယ် ဆင်ခြင်ရမည်။ ဥပမာ-အစာလမ်းကြောင်း၊ အစာ အဆိပ်သင့်ခြင်းနှင့် အထက်လှန် အောက်လျှောရောဂါ မဖြစ်စေရေး တစ်ကိုယ်ရေ သန့်ရှင်းရေး ဂရုစိုက် ရမည်။အစာမစားမီ အိမ်သာသွားပြီးနှင့် ညစ်ပေနေလျှင် လက်ကို ရေ၊ ဆပ်ပြာ တို့ဖြင့် အနည်းဆုံး စက္ကန့် ၂ဝ ကြာ ဆေးကြော သင့်သည်။ သန့်ရှင်း လတ်ဆတ်စွာ ပြင်ဆင် ရောင်းချသော အစာကိုသာ စားသောက် ရပါမည်။ ရေသန့် သို့မဟုတ် သောက်ရေမှာ ကျိုချက် သောက်သင့်ပါသည်။ ထို့ပြင် အစားအစာ ချက်ပြုတ် စားသောက်ရာ အသုံးအဆောင် ပစ္စည်းများလည်း အထူး သန့်ရှင်းရမည်။ အစားအသောက် ချက်ပြီး ထည့်ဖို့ ရေခဲသေတ္တာ၊ သားစိမ်းငါးစိမ်း ထည့်ရန် ရေခဲသေတ္တာ သီးခြား ထားရှိရမည်။ အော့အန် စေတတ်သော၊ အဆိပ်အတောက် ဖြစ်တတ်သော ဆေးများကို သတိဖြင့် ဆင်ခြင် သုံးစွဲ သင့်သည်။
အော့အန်နေလျှင် အော့အန်စေသော အကြောင်းရင်းကို ဆင်ခြင် စဉ်းစားပြီး လိုအပ်သလို စစ်ဆေး၍ ထိရောက်သော ဆေးကုသမှု ခံယူရပါမည်။ အော့အန်ခြင်း ရပ်စေသော ဆေးများ မှီဝဲရုံမျှမက အော့အန်ခြင်း ဖြင့် ခန္ဓာကိုယ်မှ ဆုံးရှုံးသွားသော ရေနှင့် ဓာတ်ဆားတို့ကို ပြန်လည် ဖြည့်တင်းရန် လိုအပ်သလို ဓာတ်ဆားရည် သောက်စေခြင်း၊ သွေးကြောမှ ဒရစ် ချို/ငန် ချိတ်ခြင်း စသည်တို့ ပြုလုပ် ခံယူရန် လိုအပ် လှပါသည်။ မိသားစု ဆရာဝန်နှင့် ပြသရပါမည်။ အော့အန်ခြင်း၏ နောက်ကွယ်တွင် အရင်းခံ အကြောင်းရင်း များသည် သာမန်ဖျားနာခြင်း၊ မူးဝေခြင်းမျိုးမှ အသက်အန္တရာယ် ပေးနိုင်သော ရောဂါကြီးများ အထိ ဖြစ်နိုင်လေရာ အော့အန်လာပြီ ဆိုလျှင် ပေါ့ဆ မနေသင့်ဘဲ မိသားစု ဆရာဝန်၏ ဂရုတစိုက် စဉ်းစား ဆင်ခြင်မှု ခံယူကာ စစ်ဆေး ကုသင့်ပါသည်။ လမ်းဘေး အစားအသောက် များတွင် သန့်ရှင်းမှုနှင့် တကွ FDA အဖွဲ့၏ လက်မှတ်ရ အစာ ပြုလုပ် ချက်ပြုတ်သူတို့ ရောင်းချခြင်း မဟုတ်သဖြင့် မစားမိဖို့ လိုအပ်လှ ပေသည်။ လမ်းဘေးဆိုင်များ ဖြစ်နိုင်လျှင် FDA က ကျန်းမာရေး စစ်ဆေးပေးခြင်း၊ ကျန်းမာရေးနှင့် ညီညွတ်သော အစာ ဖြစ်၊ မဖြစ် ရှောင်တခင် စစ်ဆေးပေးသွားဖို့ လိုအပ်လှ ပါသည်။ ။
ဒေါက်တာ လွင်သန့်
မြဝတီ
https://www.facebook.com/mwdwebportal/
