ယခု အချိန်အခါသည် ပူပြင်းသော ကဆုန်လသို့ ရောက်ရှိနေပြီ ဖြစ်သဖြင့် တိုင်းရင်းသား ပြည်သူအပေါင်း တို့သည် အပူဒဏ် ကာကွယ်နိုင်ရေး အတွက် ကျန်းမာရေး အသိ၊ ကျန်းမာရေး သတိတို့ဖြင့် အထူး သတိပြု နေထိုင်ကြရမည့် ကာလ ဖြစ်သည်။
ကမ္ဘာမြေပေါ်သို့ ခရမ်းလွန်ရောင်ခြည် ကျရောက်မှု သက်သာစေရန် ကာကွယ် ပေးသော အိုဇုန်းလွှာ ပါးလွှာမှုသည် လူသားနှင့် သတ္တဝါတို့ ရှင်သန် နေထိုင်မှုကို တိုက်ရိုက် ခြိမ်းခြောက်လျက် ရှိပြီး ဂေဟစနစ်ကို ဆိုးရွားစွာ ထိခိုက်လျက် ရှိသည်။ အပူဒဏ်ကြောင့် မလိုလားအပ်သော ဆိုးကျိုးများ မဖြစ်ပေါ်စေရန် ကြိုတင် ကာကွယ်မှုများ ပြုလုပ် ထားကြရမည် ဖြစ်သည်။ အပူဒဏ်ကြောင့် ခန္ဓာကိုယ် ချွေးထွက်လွန်ပြီး ရေနှင့် ဓာတ်ဆားများ ဆုံးရှုံးမှု များပြားနိုင်သည်။ အပူဒဏ်ကြောင့် ပင်ပန်း နွမ်းနယ်ခြင်း၊ ကိုယ်အပူချိန် တက်ခြင်းတို့ ဖြစ်စေနိုင်သည်။ အပူဒဏ်ကို ကာကွယ်ရန် ပြင်ပသို့ ထွက်သည့် အခါ အရိပ် လုံလောက်စွာ ရရှိနိုင်သည့် ထီး သို့မဟုတ် ဦးထုပ် ဆောင်း၍ ဝတ်စားဆင်ယင်မှု တွင်လည်း အပူ သက်သာစေမည့် အရောင်နှင့် ချည်ထည် အဝတ်များကိုသာ ဝတ်ဆင်ကြရန် ဖြစ်သည်။
ဆီးချိုရောဂါ၊ နှလုံးရောဂါ၊ သွေးတိုးရောဂါ အခံရှိသူများ၊ ကလေးသူငယ်များနှင့် သက်ကြီးရွယ်အိုများ အနေဖြင့် နေ့လယ် နေ့ခင်းတွင် အရိပ်ရ၍ လေဝင်လေထွက် ကောင်းသော နေရာမျိုး၌ နားနေကြရမည် ဖြစ်သည်။ နေပူထဲတွင် ပြင်းထန်သော ကိုယ်လက်လှုပ်ရှားမှု ပြုလုပ်ခြင်းကို ရှောင်ကြဉ်ကြရမည် ဖြစ်ပြီး နေပူထဲမှ ပြန်ရောက်လာသည့် အခါ ချက်ချင်း ရေချိုးခြင်းကိုလည်း ရှောင်ကြဉ်ကြရမည် ဖြစ်သည်။ ပူပြင်းသော အချိန်တွင် အရက် သောက်စားခြင်း၊ သွေးတိုးလွယ်စေသည့် အစားအသောက် စားခြင်းတို့ကို ရှောင်ကြဉ်ကြရမည် ဖြစ်သည်။ ၂ဝ၁၅ ခုနှစ် ဧပြီလ တတိယ ၁ဝ ရက်ပတ်အတွက် မိုးလေဝသနှင့် ဇလဗေဒ ခန့်မှန်းချက် အရ နေ့အပူချိန်များမှာ စစ်ကိုင်းတိုင်း ဒေသကြီး(အောက်ပိုင်း)၊ မန္တလေးတိုင်း ဒေသကြီး၊ မကွေးတိုင်း ဒေသကြီး၊ ပဲခူးတိုင်း ဒေသကြီး၊ ရန်ကုန်တိုင်း ဒေသကြီးနှင့် ဧရာဝတီတိုင်း ဒေသကြီး တို့တွင် ဧပြီလ၏ ပျမ်းမျှ အပူချိန်တို့ထက် အနည်းငယ် ပိုနိုင်ပြီး ကျန် တိုင်းဒေသကြီးနှင့် ပြည်နယ်တို့တွင် ဧပြီလ၏ ပျမ်းမျှ အပူချိန်ခန့်သာ ရှိနိုင်ကြောင်း တွေ့ရသည်။ ခရမ်းလွန်ရောင်ခြည် အညွှန်းကိန်း မြင့်မားစွာ ရှိနေသော ယခု အချိန်တွင် ခရမ်းလွန်ရောင်ခြည် အန္တရာယ် ပိုမို ကျရောက်နိုင်သည်။ ခရမ်းလွန်ရောင်ခြည် လတ်တလော ထိတွေ့မှုကြောင့် နေလောင်ခြင်း၊ အသားအရောင် ညိုလာခြင်းတို့ ဖြစ်ပြီး ထိတွေ့မှု ကာလ ကြာသောအခါ မျက်စိ တိမ်စွဲခြင်း၊ အရေပြားများ အိုမင်းရင့်ရော်ခြင်း၊ ခုခံအား ကျဆင်းခြင်း၊ အရေပြား ကင်ဆာ ဖြစ်ခြင်း စသည့် ရောဂါများ ဖြစ်ပွားနိုင်ကြောင်း ကျန်းမာရေး ဝန်ကြီးဌာနက သတိပေးချက်များ ထုတ်ပြန် ထားသည်။ သို့ဖြစ်၍ အပူဒဏ် ကာကွယ်ရေးနှင့် ခရမ်းလွန်ရောင်ခြည် အန္တရာယ်ကို အထူး သတိပြုကာ လူတိုင်း ကျန်းမာရေး အသိ၊ ကျန်းမာရေး သတိရှိစွာ နေထိုင် သွားလာ လှုပ်ရှားကြပါရန် မြဝတီက တိုက်တွန်း နှိုးဆော်လိုက်ရ ပါသည်။ ။
မြ၀တီ
https://www.facebook.com/mwdmedia
