ရှေးနှစ်ပေါင်း ၆ဝ ကျော်က ထုတ်ဝေသော မြိုင်နံ့သာ ဆေးမြီးတိုကျမ်း စာအုပ်တွင် ဆေးမစားဘဲနှင့် ကျန်းမာစွာ အသက်ရှည်၍ နေလိုပါက အောက်ပါ အချက်များကို အတိအကျ လိုက်နာပါ ဟု ဖော်ပြထားသည်-
၁။ အသားစားရှောင်ပါ။
၂။ အသီးအရွက်များများစားပါ။
၃။ အိပ်ရေးဝအောင်အိပ်ပါ။
၎။ ကိုယ်လက် လှုပ်ရှားမှု နံနက်၊ ညနေတိုင်း ၁၅ မိနစ်ခန့် အမြဲပြုပါ။
၅။ ခုနစ်ရက် တစ်ခါ ထမင်းတစ်ထပ် လျှော့စားပါ။
၆။ လေကောင်း လေသန့်ရှူပါ။
၇။ အရက်သေစာ ရှောင်ပါ။
၈။ ကာမ မကြူးပါနှင့်။
၉။ နွားနို့ကျက်ကျက် နံနက်၊ ညတစ်ဖန်ခွက် မှန်မှန်သောက်ပါ။
၁ဝ။ အစားကို တစွတ်စွတ် မစားရ၊ အချိန်နှင့်စားပါ။
၁၁။ ထမင်းဖြစ်စေ၊ အစာတစ်ခုခု ဖြစ်စေ ဝအောင်မစားဘဲ လျှော့စား၍ ရေ၊ ရေနွေး ဝအောင်သောက်ပါ။
၁၂။ အစာစားပြီးလျှင် နာရီဝက်ခန့် နားပါ၊ ကိုယ်လက် ပင်ပန်းစွာ လှုပ်ရှားမှု ချက်ချင်း မလုပ်ပါနှင့်။
၁၃။ ဒေါသစိတ် မပွားစေပါနှင့်။
၁၄။ တစ်ပတ်တစ်ခါ ဝမ်းနုတ်ပါ။
ဤနည်းအတိုင်း အတိအကျ လိုက်နာပါက အသက် ရာကျော်ရှည် ကျန်းမာ ပျော်ရွှင်စွာ နေရ ပါလိမ့်မည်။ ထို့ကြောင့် အတိအကျ လိုက်နာ နိုင်အောင် ကြိုးစား၍ ပြုကျင့် ရသတည်း။ (မြိုင်နံ့သာ ဆေးမြီးတိုကျမ်း ၁၉၅၆ ခုနှစ်ထုတ်မှ) ဟူ၍ ဖြစ်သည်။
ဤဆေးကျမ်းပါ အချက်များသည် နှစ်၆ဝ ခန့်ကြာခဲ့ပြီ ဖြစ်သော်လည်း ယနေ့ ခေတ်ကာလနှင့် ကိုက်ညီနေဆဲ ဖြစ်သည်ကို တွေ့ရှိ ရသဖြင့် ပြန်လည် ဖော်ပြရခြင်း ဖြစ်သည်။
လူတို့သည် သတ္တဗေဒ ရှုထောင့်မှ ကြည့်လျှင် အမှန်တကယ် အသားစား သတ္တဝါမျိုး မဟုတ်ချေ။ မေးရိုးနှင့် အံသွားများ အနေအထားကို ကြည့်ခြင်းဖြင့် အသီးအရွက်၊ သစ်ဥသစ်ဖု စားသည့် အမျိုးအနွယ် ဖြစ်သည်။အသိဉာဏ် ဖွံ့ဖြိုးပြီး ကာလကြာရှည် လာသောအခါ မီးလောင်ကျွမ်းသည့် သားကောင်တို့၏ မွှေးပျံ့သော ရနံ့ကို နှစ်သက်၍ စားသုံးရာမှ အသားစားသည့် သတ္တဝါအဖြစ်သို့ ပြောင်းလဲ လာသည်။ ထို့နောက် တွင် သတ္တဝါများကို သတ်ဖြတ် စားသောက်ရာမှ လောဘ၊ ဒေါသ၊ မောဟ တရားများ ဖုံးလွှမ်းလာပြီး ၉၆ ပါးသော ရောဂါများ ဖြစ်ကာ အသက်တို လာကြသည်ဟု ဆိုသည်။
အသက်ရှည်ရှည် နေလိုလျှင် အသီးအရွက် များများစားပြီး အသားကို ရှောင်ကြဉ်ခြင်း (သို့မဟုတ်) တတ်နိုင်သမျှ လျှော့စားခြင်းဖြင့် ရောဂါကင်းဝေး အသက်လည်းရှည် ဆေးဝါး ကုသရခြင်း ဒုက္ခမှလည်း ရှောင်လွှဲနိုင်မည် ဖြစ်သည်။
အချို့လူများ အသက်ရှည်သည် ဆိုသော်လည်း အသက်နှင့် မမျှအောင် နေ့စဉ် ဆေးဝါးများ သုံးစွဲပြီး အသက်ဆက် နေရသည်ကို ယခုခေတ်တွင် ပို၍တွေ့မြင် နေရပေသည်။ ဆေးဝါး မှန်သမျှတွင် (မြန်မာ ဆေးရော အင်္ဂလိပ်ဆေးပါ) ဘေးထွက်ဆိုးကျိုး အနည်းနှင့် အများ ရှိစမြဲဖြစ်သည်။ အားဆေးပင်လျှင် ဆိုးကျိုး ရှိသည်။ ယုတ်စွအဆုံး ဝမ်းနုတ်ဆေးကို နေ့စဉ်မှီဝဲလျှင် အူအတွင်းရှိ အချွဲအမြှေးများ ပါးပြီး ရောဂါ ရောက်တတ်သည်ကို သတိပြု ဆင်ခြင်အပ်ပေသည်။ ဆေးဝါးမပါ သဘာဝ နည်းအတိုင်း ရေကောင်း ရေသန့်၊ လေကောင်း လေသန့်ဖြင့် အသက်ရှည် ခြင်းသာ အကောင်းဆုံး ဖြစ်သည်။
ကြည်မြင့်လွင် (မုဒြာ)
Yadanarpondaily
http://myawady-myawady.blogspot.com
