တစ်ခါက ဆရာကန်တော့ပွဲတစ်ခုတွင် လေဖြတ်ထားသော ကြောင့် ညာဘက်တစ်ခြမ်း လက်၊ ခြေမသန်၊ တုတ်ကောက် တစ်ခု၏ အောက်ခြေတွင် အဖုလေးဖုတပ်ထားသော အထိန်း နှင့်မလဲအောင်ကိုင်ထားရသည့်အပြင် နံဘေးမှ အကူအတွဲ တစ်ယောက်ပါမှ လျှောက်လမ်းနိုင်သည့် ဆရာကြီးတစ်ဦးနှင့် တွေ့ရသည်။
ထိုဆရာကြီးသည် တစ်ခုသောအချိန် လွန်ခဲ့သော ဆယ်စု နှစ်နှစ်ခုကျော်က ဤကျောင်းကြီး၏ လျှမ်းလျှမ်းတောက် ဂုဏ် သတင်းဆောင်ခဲ့သည့် တိုင်းတစ်ခုလုံးတွင် အောင်ချက် အကောင်းဆုံးကျောင်းကြီးဖြစ်အောင် ထူးချွန်စွာတာဝန် ထမ်းဆောင်ခဲ့သည့် ဆရာကြီးတစ်ဦးဖြစ်ပါသည်။
ဆရာကြီးသည် ဤကျောင်းတော်ကြီးကို ဆယ်နှစ် ဆယ်မိုးအုပ်ချုပ်ခဲ့သည်။ ဦးစီးပဲ့ကိုင်ခဲ့သည်။ တစ်ချိန်က အထက်တန်းပြဆရာအဖြစ်နှင့် တစ်ကြိမ်၊ ကျောင်းအုပ် ဆရာကြီးအဖြစ်နှင့် တစ်ကြိမ်၊ နှစ်ကြိမ်တိုင် ဤကျောင်းကြီးတွင် တာဝန်ထမ်းခဲ့ပြီး အလွန်ထက်မြက်သွက်လက်သော တက်ကြွ သော ဆရာကြီးဖြစ်ခဲ့သည်။
ယခုခေတ် လက်အုပ်ချီကန်တော့ကြသော တပည့်ဟောင်း များနှင့် လက်တွဲဖော်၊ လုပ်ဖော်ကိုင်ဖက် ဆရာဟောင်းများ ကိုကြည့်ပြီး ဆရာကြီး၏ပါးပြင်ပေါ်သို့ စီးကျလာသော မျက်ရည် များသည် ယခင်ဘဝဟောင်းကို ပြန်လည် တမ်းတသတိရသည့် သက်သေများပင်ဖြစ်တော့သည်။
ဆရာကြီး၏ ဘဝတစ်လျှောက်လုံးတွင် စည်းကမ်းရှိသော ပုဂ္ဂိုလ်၊ စံပြပုဂ္ဂိုလ်တစ်ဦးဖြစ်သည်နှင့်အညီ အရက်၊ ဆေးလိပ်၊ အပျော်အပါး၊ အသောက်အစား ကင်းခဲ့သည်။ အဘယ့်ကြောင့် လေဖြတ်ဝေဒနာခံစားရပါ သနည်းဟု တပည့်ဟောင်းတစ်ဦး အနေဖြင့် တွေးတောနေမိသည်။
လေဖြတ်သူ၊ ဦးနှောက်သွေးကြောပေါက်သူ၊ သွေးခဲပိတ် သူတို့၏ နောက်ကွယ်မှ အဓိကလက်သည်မှာ (များသော အားဖြင့်) သွေးတိုးရောဂါပင်ဖြစ်သည်။ တစ်ခါတစ်ရံ သတိမမူ မိခင် အလစ်အငိုက် ဝင်ရောက်တိုက်ခိုက်သော သွေးတိုးရောဂါ ကြောင့် ရုတ်တရက် လဲကျပြီး လေဖြတ်ကာ အသက်သေလျှင် သေ၊ မသေလျှင် ဒုက္ခိတဘဝရောက်ကြရလေသည်။
ဆရာကြီးသည် ဧရာဝတီတိုင်းဒေသကြီးသားဖြစ်သဖြင့် ငါးပိ၊ အငန် ကြိုက်သည်။ ဖြစ်မည့်နေ့က တမာရွက်ပြုတ် တို့စရာနှင့် ငါးပိ ရည်စားပြီးနောက် နှစ်နာရီခန့်အကြာတွင် ခေါင်းမူးသဖြင့် ခေတ္တအိပ်သည်။ အိပ်ရာမှ ပြန်အထတွင် ခုတင် ဘေးလဲကျနေသည်ကို အိမ်သားများမရှိသဖြင့် မသိလိုက်ကြ။ တစ်နာရီခန့်အကြာမှ သိကြပြီး နီးစပ်ရာဆရာဝန်ခေါ်ကြသည်။ သွေးပေါင် အလွန်တက်နေသဖြင့် ဆရာဝန်၏ ညွှန်ကြားချက် အရ ဆေးရုံတင်လိုက်ကြသည်။
ဆေးရုံမှ ဦးခေါင်းဓာတ်မှန်ရိုက် စစ်ဆေးပြီး တွေ့ရှိချက် အရ ဆရာကြီးသည် သွေးဆောင့်တိုးသည့် ဒဏ်ကြောင့် ဦးနှောက်ဘယ်ဘက်အခြမ်းတွင် သွေးကြောတစ်ချောင်းပေါက် သွားသည်။ အရေးပေါ် ဦးခေါင်းကို ခွဲစိတ်ကုသရန်လိုသည် ဆိုသဖြင့် သားသမီးများ တိုင်ပင်ပြီး ခွဲစိတ်ကုသလိုက်သဖြင့် အသက် ပြန်ရှင်လာခြင်းဖြစ်သည်။ သို့သော် ညာဘက်ကိုယ် တစ်ခြမ်းမှာမသန်စွမ်းတော့ပါ။ လျှာတစ်ခြမ်းမှာလည်း ရွဲ့စောင်း သွားသဖြင့် စကားမပီတော့ပါ။ ဖြစ်စကဆိုလျှင် စကားလုံးဝ မပြောနိုင်။ တစ်ဖက်မှ တိုင်းရင်းဆေး ဝါးများဖြင့် လျှာပွတ်ခြင်း၊ လိမ်းဆေးများလိမ်းခြင်းဖြင့် တစ်နှစ်ခန့်ကြာမှ စကားကို မပီသသော်လည်း ပြောနိုင်လာသည်။ လိုချင်သည့်အရာကို ထုတ်ပြောနိုင်လာ သည်ဟုဆိုသည်။
မိမိကိုယ်မိမိ ကျန်းမာနေသည်၊ စားကောင်း အိပ်ပျော် ဖြစ်နေသည်ဆိုတိုင်း အစားအသောက် အနေ အထိုင်ကို ထင်သလိုစားသောက်ခြင်း၊ အအေးပတ်ခံခြင်းများ မပြုသင့်ပေ။ အသက်အရွယ်ကြောင့် သွေးကြောများ မာဆတ်နေသဖြင့် သွေးဆောင့်တိုးလျှင် ပိုက်လုံးအဟောင်းများကဲ့သို့ ခံနိုင်ရည် မရှိဘဲ ပေါက်သွားနိုင်သည်ကို သတိပြုသင့်ပေသည်။
ဒေါသာဓာတု မလာ မူလာ၊ သဒါ ဒေဟပ္ပဝတ္တနေ၊
ရောဂါနံပါတုဘာဝေစ၊ တေသံ လက္ခဏံမုစ္စတေ။
ရောဂါဆိုသည်မှာ ခန္ဓာကိုယ်တွင်းရှိ သက်စောင့် ဓာတ်များဖြစ်ကြသော လေသည်းခြေ၊ သလိပ်ဟူသော ဒေါသ သုံးပါးနှင့် ဓာတ်ခုနစ်ပါး၊ မလ ၁၂ ပါးတို့ မညီမညွတ်ဖောက်ပြန် သည့်အပြင် ကံ၊ စိတ်၊ ဥတု၊ အာဟာရဟူသော အကြောင်း တရားလေးပါးကြောင့်လည်းဖြစ်နိုင်ပေသည်။ ဒေသနာနယ ဆေးပညာခေါ် ဗုဒ္ဓအဘိဓမ္မာအခြေခံသည့် ဆေးပညာတွင် ကံသည် အဓိကဖြစ်ပြီး အတိတ်ကံကြောင့်(သို့မဟုတ်) လက်ရှိ ဘဝပစ္စုပ္ပန်ကံကြောင့်လည်း ရုတ်တရက်လေဖြတ်နိုင်ပေသည်။
ရာသီဥတုဖောက်ပြန်ပြီး အပူအအေး မညီညွတ်၊ မမျှတမှု များကြောင့် လေဖြတ်သူများစွာရှိသည်။ ထိုသို့လေဖြတ်သူ များတွင် အချို့မှာ နှလုံး၊ သွေးတိုး၊ ဆီးချိုစသော ရောဂါ အကြောင်းခံရှိခြင်းကြောင့် လေဖြတ်သူများဖြစ်သော်လည်း အချို့လူများမှာ မည်သည့်ရောဂါအကြောင်းရင်းခံမျှမရှိဘဲ ရုတ်တရက် လေဖြတ်သွားသူများလည်းရှိကြောင်း တွေ့ရသည်။ လူများသာမက ဘုန်းကြီး၊ ရဟန်းများလည်း လေဖြတ်သည်ကို တွေ့ရသည်။
အခြား စာရေးသူ၏မိတ်ဆွေအမျိုးသမီးတစ်ဦးသည် လွန်ခဲ့သောရက်ပိုင်းအတွင်းက ပြင်ဦးလွင်၊ အနီးစခန်းရှိ သူကိုးကွယ်သောဘုန်းကြီးကျောင်းမှ ဆရာတော်နှင့် နေ့ဆွမ်း စားပြီးချိန်တွင် ဖုန်းပြောသည်။ အလှူအတန်းကိစ္စနှင့် သာကြောင်းမာကြောင်းများ လျှောက်ထားပြောဆိုသည်။ ထိုနေ့ မွန်းလွဲ နှစ်နာရီ ခန့်တွင် ထိုဆရာတော်ကြီး လေဖြတ်ပြီး လဲကျသွားကြောင်းဖုန်းလာသဖြင့် ထိတ်လန့် အံ့သြသွားသည် ။ 'နေ့လယ်ကပဲ တပည့်တော်နှင့်ဖုန်းပြောသေးတာပဲ . . . အကောင်းကြီးပဲ . . . ဘယ်လိုဖြစ်ရတာလဲဘုရား . . .'ဟု ဆက်သွယ်လာသောဦးပဉင်းကို မေးမြန်းလျှောက်ထားသော အခါ . . . မန္တလေးမှ ဖုန်းလာ ၍ပြောပြီးနောက် မကြာမီပင် ဖုန်းပြောသော စကားပြောခွက်ဘေးလွတ်ကျပြီး ပါးစပ်မှ စကားမပြောနိုင်ဘဲ ပါးရွဲ့စောင်းကာ သွားရည်များထွက်ကျလာ ကြောင်း၊ မခေါ်နိုင်သဖြင့် အပြင်ဘက်မှ ကိုရင်များက တစ်နာရီ ခန့်ကြာမှတွေ့ပြီး သိရှိကြခြင်းဖြစ်ကြောင်း ပြောပြသည်။
ထိုဆရာတော်ကြီးကို ဒါယကာ၊ ဒါယိကာမများက မန္တလေးသို့ ပင့်ခေါ်ပြီး ဆေးရုံကြီးတစ်ရုံတွင် အထူးကုဖြင့် ကုသသည်။ CT Head ခေါ် ဦးနှောက် ဓာတ်မှန်ရိုက်ပြီးသော အခါ ဦးနှောက်ဘယ်ဘက်ခြမ်းအတွင်း သွေးခဲပိတ်ဆို့သွား သဖြင့် ဆန့်ကျင်ဘက် ညာခြမ်းလေဖြတ်ကာလျှာပါရွဲ့စောင်းသွားသဖြင့် စကား မပြောနိုင်ဘဲ လေဖြတ်သွားခြင်းဖြစ်ကြောင်း သိရသည်။ လေဖြတ်သူများတွင် ဘယ်ခြမ်းနှင့်ညာခြမ်းသန်ရာ ဖြစ်သည့် လက်ယာဘက် (ညာဘက်) အခြမ်းလေဖြတ်လျှင် ပို၍ ဆိုးသည်။ စကားပြောဆိုသည့်အင်္ဂါ(လျှာ) ပါ ရွဲ့စောင်းသွား သဖြင့် စကားမပြောနိုင်ဖြစ်ရသည်။ ဦးနှောက်မှသိသော်လည်း မပြောနိုင်သောဝေဒနာကို ခံစားရသဖြင့် အချို့လူနာများမှာ မျက်ရည်များကျလာကြောင်း တွေ့ရသည်။
ဤဆရာတော်ကြီး လေဖြတ်ရခြင်းအကြောင်း ရင်းခံမှာ သွေးတိုး၊ ဆီးချို၊ နှလုံးရောဂါများရှိ၍မဟုတ်ပေ။ လွန်ခဲ့သော သုံးရက်က ဆွမ်းစားပင့်၍ ပြင်ဦးလွင်မှ မ္တလေးသို့ဆင်းလာ သည်။ မ္တလေးတွင် နေအလွန် ပူပြင်းချိန်နှင့် ကြုံရသည် ။ စီးလာသောကားတွင် အဲယားကွန်းပါသဖြင့် တော်သေးသည်။ သို့သော် ကားအတွင်းမှဆင်းလိုက်သည်နှင့်အပူလုံးက ရိုက် သည်။ မ္တလေးသို့ရောက်ခိုက် မိမိဆရာတော်ရှိရာ ငယ်စဉ်က စာသင်ခဲ့သည့် ကျောင်းတိုက်သို့ ကြွလိုက်သေးသည်။ ခြေကျင် ကြွသည့်အချိန်တွင် မန္တလေး၏ အပူဒဏ်ကို အတော်ပင်ခံရ သည်။ အပူတစ်လှည့် အအေးတစ်လှည့် ပြဿနာကြောင့် ပြင်ဦးလွင် အနီးစခန်းကျောင်းသို့ ပြန်ရောက်ပြီးနောက် နှစ်ရက်လုံးခေါင်းကိုက်နေသည်။ တတိယမြောက်နေ့တွင် မကိုက်တော့ဘဲ နောက်စေ့ထဲမှအုံနေသည်။ ပုံမှန်ဖြစ်အောင် ရေချိုးပြီး နေ့ဆွမ်းဘုဉ်းပေးသည်။ ထို့နောက် မ္တလေးမှ ဒါယိကာမဆီက ဖုန်းလာသောအခါတွင်လည်း စိတ်ပူမည်စိုး၍ ထွေထွေထူးထူးပြောပုံ မရသော်လည်း အတူနေသူဦးပဉင်းကို နောက်စေ့မှထိုးနေကြောင်းပြောသည်ဟု ဆိုသည်။ ထို့နောက် တွင်တော့ လေဖြတ်သွားသည်။
လေဖြတ်ခြင်း၏အကြောင်းရင်းတရားခံမှာ ရောဂါမဟုတ် ဘဲ အပူအအေးဖြစ်တတ်သည်။ အေးသော အရပ်မှ ပူသော အရပ်သို့သွားခြင်း၊ ပူသောနေရာမှအေးသောနေရာသို့သွား ခြင်း၊ ပူလွန်းခြင်းနှင့်အေး လွန်းခြင်း နှစ်ခုကြားတွင် အချိန်တို အတွင်းအပြောင်းအလဲလုပ်ခြင်းများကြောင့် ဦးနှောက်အတွင်း ရှိ သွေးကြောများမခံနိုင်ဘဲ ရောင်ခြင်း၊ သွေးခဲပိတ်ခြင်း၊ သွေး ကြောပေါက်ခြင်းများဖြစ်နိုင်ပေသည်။ ခေါင်းကိုက်ခြင်း ရက်ကြာလျှင်၊ ထူးခြားစွာကိုက်လျှင်၊ နောက်စေ့မှကိုက်လျှင်၊ ခေါင်းတစ်ခြမ်းကိုက်လျှင် ကြိုတင်သတိရှိသင့်ပေသည်။
တစ်ခါက နေအလွန်ပူသောနေ့တစ်နေ့တွင် ကလေး အထူးကုဆေးခန်းတွင် မိမိကလေးကို လာပြသူ တစ်ဦးသည် တိုကင်အလှည့်မကျသေးသဖြင့် ကားစက်နှိုးထားပြီး အဲယား ကွန်းဖွင့်ထားသည်။ ကားထဲမှ ကလေးကိုကြည့်လိုက်၊ အပြင် ထွက်ပြီး ဆရာဝန်ကခေါ်မည့်အလှည့်ကျ/မကျ ကြည့်လိုက် ပြုလုပ်ရင်း ကားနံဘေးတွင် ရုတ်တရက်လဲကျကာတက်သွား သဖြင့် ဆေးရုံပို့လိုက်ကြရသည်။ ကားထဲမှ သူ့ ကလေး မှာ ဆေးခန်းမပြလိုက်ရမီ လူကြီးကံHeat Stroke ခေါ် အပူရှပ် ပြီးလေဖြတ်သွားခြင်းဖြစ်သည်။ အပူအအေးကြောင့် ရုတ် တရက်သွေးကြောပေါက်ခြင်းသည် ဦးနှောက်အတွင်း သွေးယို စီးမှုဖြစ်တတ် သဖြင့် ချက်ချင်းအသက်ဆုံးရှုံးစေနိုင်သည်။
နံနက်စောစော အိမ်ရှေ့ထွက်ပြီးဆွမ်းလောင်းသူ အသက် ၇ဝ ကျော်အမျိုးသမီးကြီးတစ်ဦးသည် ဆွမ်းခံကိုယ်တော်များကို ဆွမ်းလောင်းရင်း ရုတ်တရက်လဲကျကာ လေဖြတ်သွားသည်ဟု ကြားသိရဖူးသည်။ သူသည် နံနက်သုံးနာရီခန့်မှ အိပ်ရာထပြီး ဆွမ်းနှင့်ဆွမ်းဟင်းချက်သည့်ကိစ္စကို ဆောင်ရွက်ရာမှ အအေး ပတ်ပြီးလေဖြတ်ရခြင်းဖြစ်သည်။ အနောက်တိုင်းသုတေသီ များ၏အဆိုအရ သွေးတိုးပြီးလေဖြတ်ခြင်းအတော်များများ သည် နံနက်အိပ်ရာထချိန်နှင့်လမ်းလျှောက်ပြီး အပြန်တွင် အအေးမိခဲ့၍ဖြစ်လေ့ရှိသည်ဟုဆိုသည်။ ဆွမ်းလောင်းရင်း လေဖြတ်လဲကျသွားသူ အမေကြီးမှာ ဆေးရုံ ရောက်ပြီးနောက် အသက်ဆုံးရှုံးသွားပါသည်။ ကောင်းရာ သုဂတိရောက်မည် ထင်ပါသည်။ သံဃာတော်များမှာ ထိုအမေကြီးအတွက် အတော်ပင်စိတ်မကောင်းဖြစ်ကြသည်ဟု သိရသည်။
ဝမ်းနည်းခြင်း၊ ဝမ်းသာခြင်းတို့ကြောင့်လည်း ရုတ်တရက် လေဖြတ်နိုင်သည်။ ယခုရက်ပိုင်းအတွင်းမှာပင် မလေးရှား နိုင်ငံ၌ သွားရောက် အလုပ်လုပ်နေကြသူများ အသက်အန္တရာယ် တိုက်ခိုက်ခံရမှုများရှိလာသဖြင့် အစိုးရက အလုပ်သမားများ သွားရောက်ခြင်းကို ချက်ချင်းရပ်စဲခဲ့ပြီး ရောက်ရှိနေပြီးသူများကို ပြန်ခေါ်သည်။ အချို့မှာ ဒဏ်ရာများ ဆေးကုသ ခံယူဆဲတန်းလန်း၊ ပတ်တီးများစည်းလျက်နှင့်ပြန်လာကြသည်ကို တွေ့ရသည် ။ ထိုသူများအထဲတွင် ရန်ကုန်တိုင်း မှော်ဘီမြို့မှ မိခင်တစ်ဦးသည် လေဆိပ်တွင် သားပြန် အလာကို သွားကြိုပြီး အသက်မသေ ပြန်လာသည့်သားကို ပွေ့ဖက်ငိုယိုရင်း အပြန်လမ်းကားပေါ် မှာပင် ရုတ်တရက်သတိလစ်ပြီး မလှုပ်ရှားနိုင်တော့။ ရန်ကုန် ဘက်သို့ ကားပြန်လှည့်ပြီး ဆေးရုံကြီးရောက် သောအခါ အသက်မပါတော့။ ဦးနှောက်သွေးကြောပိတ်ဆို့ပြီး လေဖြတ်ရာ မှ အသက်ဆုံးသွားရခြင်း ဖြစ်ပေသည်။
ယခုရေးသားတင်ပြခဲ့သည့် ရဟန်းနှင့်လူများကိုလေ့လာ ကြည့်လျှင် အသက်ကြီး သူများဖြစ်ကြောင်းတွေ့ ရပါမည် ။ အသက်အရွယ်ကြောင့် ရာသီဥတုဒဏ်၊ အအေးပတ်သည့်ဒဏ်၊ စိတ်ထိခိုက် လှုပ်ရှားသည့် ဒဏ်တို့ကို မခံနိုင်၊ ရုတ်တရက် နှလုံးမှ လေပင့်၍ ဦးခေါင်းဦးနှောက်အတွင်းသို့ သွေးတိုးဖိအားဆောင့် တက်သွားခြင်းဒဏ်ကို ခံနိုင်သည့်အရွယ်မဟုတ်တော့သဖြင့် ရုတ်တရက် လေသင်တုန်းဖြတ်ကာ အသက်ပါသွားရခြင်းဖြစ် သည်။
အသက်ကြီးသူများတွင်ဖြစ်သဖြင့် အသက်ငယ်သူများတွင် လေသင်တုန်းမဖြတ်နိုင်ဘူးလားဟု မယူဆပါနှင့် ။ လွန်ခဲ့သည့် နှစ်က ဆယ်တန်းအောင်စာရင်းထွက်သောအခါ တိုးဝှေ့ ကြည့် ရင်း မိမိအောင်ပါလျက်နှင့် အကြည့် မှား၍ မအောင်ဘူးထင်ကာ သတိလစ်လဲကျသွားရာမှ အသက်ဆုံးရှုံးသွားသူ အသက် ၁၆ နှစ်အရွယ် သမီးငယ်တစ်ဦးအကြောင်း စစ်ကိုင်းတိုင်းရှိ မြို့ငယ် တစ်မြို့၌ ဖြစ်ခဲ့ကြောင်း ဂျာနယ် တစ်စောင်တွင် ဖတ်လိုက် ရပါ သည်။
လေဖြတ်ခြင်းသည် ကံ၊ စိတ်၊ ဥတု၊ အာဟာရဟူသောဗုဒ္ဓ ဟောကြားသည့် သမုဋ္ဌာန်လေးပါးကြောင့်ဖြစ် သည် မှန်သော် လည်း မိမိပြုသောကံအမှားကြောင့် မဆင်ခြင်မိသောအပြု အမူကြောင့် စိတ်သောကကို မထိန်းချုပ်နိုင်သောကြောင့်လည်း ရုတ်တရက် မမျှော်လင့်ဘဲ ဖြစ်နိုင်ချေရှိသည်ကို သတိပြုနိုင်ကြ စေရန် ရေးသားတင်ပြလိုက်ရပါသည်။
ကြည်လွင်မြင့်(မုဒြာ)
MOI Webportal Myanmar
https://www.facebook.com/pg/MOIWebportalMyanmar
