အိမ်ထောင်သည်ပါဆရာ ။ သမီးက ခု ၃၅ နှစ်ရှိပါပြီ။ အသက် ၂၂ နှစ်တုန်းက မျိုးဥပြွန်မှာ သွေးလုံးတွေ့လို့ ထုတ်ထားပြီးဖြတ်ထားပါတယ် ။ ၃၄ နှစ်ကျတော့ သွေးလုံး ထပ်တွေ့တယ်။ Operation အသေးပေါ့ ထပ်လုပ်တယ် ။ ဗိုက်တော့ မခွဲရဘူး။ နောက် Ultrasound ထပ်ရိုက်ကြည့်တော့ clear တဲ့။ မနေ့က ဗိုက်တွေ အရမ်းအောင့်နေလို့ဆေးရုံ ထပ်ပြန်ပြတော့ ရေအိပ်တွေ့တယ်တဲ့။ သားအိမ်ထဲ ပိုးဝင်တာလည်းတွေ့တယ် ။ ကလေးလည်းမရမဲ့အတူတူ ဒုက္ခအမြဲပေးနေတော့ သားအိမ်ပါ ထုတ်ချင်နေပါတယ်ဆရာ။ ဘယ်လိုလုပ်ရမလဲဆိုတာ လမ်းညွန်ပါဦးနော်။ ကျေးဇူးတင်ပါတယ်ရှင့်။
အာလ်ထွာဆောင်း အဖြေစာကြောင်း (ပုံမဟုတ်) သိပါသလား။
Ultrasound က ခဏနေရိုက်ပို့ပေးမယ်ဆရာ။ ဒါကဆေးစာအုပ်ကဟာပါဆရာ။
အမျိုးသမီးတင်ပါးဆုံတွင်းရောင်ခြင်း Pelvic inflammatory disease (PID) ဆိုတာ မျိုးပွါးနိုင်တဲ့အရွယ် အမျိုးသမီးတွေမှာ အများဆုံးဖြစ်တဲ့ လိင်ကတဆင့်ကူးစက်ရောဂါတခုဖြစ်တယ်။ ပေါ့သေးသေးကနေ ဆိုးဆိုးဝါးဝါးအထိရှိတယ်။ (ဂနိုရီးယား) နဲ့ (ကလာမိုင်ဒီယား) ပိုး ၂ မျိုးကနေ အများဆုံးကူးစက်စေတယ်။ ၃ဝ-၄ဝ% က ပိုးတမျိုးမကကြောင့်ဖြစ်တယ်။ ဗက်တီးရီးယားတွေဟာ မွေးလမ်းအဝနဲ့ အောက်ပိုင်းကနေ အထက်ကို တက်တယ် ။ သာမန်ဆိုရင် ဘာပိုးမှရှိမနေတဲ့ သားအိမ်အတွင်းနဲ့ အနီးတဝှိုက် ကိုရောက်လာနိုင်တယ် ။ ကူးစက်ရောဂါတခုခု ရှိနေသူတွေ၊ လိင်ဆက်ဆံဘက် အဖေါ်များသူတွေ၊ အပျိုဘော်ဝင်စအရွယ်တွေ ၊ မူးယစ်ဆေးသုံးသူတွေ၊ IUCD ကိုယ်ဝန်တားပစ္စည်းထည့်ထားသူတွေနဲ့ Douching ဗဂျိုင်းနားကို ခဏခဏဆေးရည်နဲ့ ဆေးကြောတတ်သူတွေမှာ ပိုအဖြစ်များတယ် ။ ကိုယ်ဝန်ဆောင်ရင် အဖြစ်နည်းလာတာတွေ့ရပေမဲ့ ကိုယ်ဝန် ပထမ ၃ လအတွင်းမှာလာဖြစ်ရင် အထဲကကလေးကို ထိခိုက်နိုင်တယ်။
တင်ပါးဆုံတွင်းရောင်ရမ်းခြင်း ဖြစ်စေတဲ့ပိုးတွေ
- လိင်ကတဆင့်ကူးစက်တဲ့ ဂနိုးရီးယားနဲ့ ကလာမိုင်ဒီးယားတွေကနေအများဆုံးဖြစ်စေတယ်။ ဗဂျိုင်းနားထဲမှ ရှိနေပြီး ဖြစ်တဲ့ပိုးတွေကနေလည်း အထက်တက်ပြီး ရောင်ရမ်းစေနိုင်တယ်။
- လေကြိုက်ပိုးတွေ = Non-hemolytic streptococcus, E. coli, Group-B streptococcus & staphylococcus ပိုးတွေ၊
- လေမကြိုက်ပိုးတွေ = Bacteroides species- fragilis & bivius, Peptostrepococcus & peptococcus ပိုးတွေ၊
- တခြားပိုးတွေ = Mycoplasma hominis Gardnerella vaginalis Actinomyces Ureaplasma Mycobacterium tuberculosis ပိုးတွေ။
ဘယ်နည်းနဲ့ပိုးတွေရောက်လာသလည်း
အောက်ဖက်ကနေ အထက်တက်လာနည်းနဲ့သားအိမ်အဝကနေ သားအိမ်၊ သားအိမ်ပြွန်၊ မျိုးဥအိမ် စတာတွေဆီ ရောက်တယ်။ အတူနေလို့ထွက်တဲ့သုက်ရည်နဲ့ ရာသီသွေးအထက်ဆန်တာကနေလည်း အောက်ကနေ အထက် တက်လာနိုင်သေးတယ်။
ရောဂါလက္ခဏာများ
- ဗိုက် ဘယ်-ညာ အောက်ပိုင်းနာခြင်း၊ ဂိုနိုးရီးယားဆိုရင် ပိုးဝင်ပြီးနောက် ၃ ရက်အကြာမှာဖြစ်၊ ကလာမိုင်ဒီးယားဆိုရင် ၅-၇ ရက်အကြာမှာဖြစ်။
- ကိုယ်ပူဖျား (> 38.3˚C/101F)၊ အားယုတ်၊ ခေါင်းကိုက်၊ မွေးလမ်းကတခုခုဆင်း၊ ရာသီဆင်းမမှန်ဖြစ်၊ အဆင်းများ၊ ဆီးအောင့်၊ ပျို့-အန်၊ အတူနေရင်နာခြင်း။ နှလုံးခုန်မြန်၊ ရေဓါတ်နည်း၊ လျှာအဖြူဖတ်ဖြစ်။ ဗိုက်ကိုဖိရင်နာ၊ အသည်းနေရာဖိရင်လည်းနာ။
- မွေးလမ်းကြောင်းစမ်းသပ်ရင် အဖြူစတာဆင်းနေတာတွေ့။ ဆီးလမ်းအဝရောင်နေတာတွေ့။ ဘာသိုလင်ပြွန်ဝကနေ ဖိလိုက်ရင် ပြည်ထွက်လာတာတွေ့။ သားအိမ်ဝကိုဖိရင်နာ။ ဘေးအနားလည်းဖိရင်နာ။ အူအတက်ရောင်ခြင်းနဲ့ခွဲခြားရမယ်။
နောက်ဆက်တွဲဖြစ်ခြင်းများ
အမြန်ဖြစ်ခြင်း
- Pelvic peritonitis တင်ပါးဆုံတွင်း အတွင်းဖုံလွှာရောင်ခြင်း၊
- Septicemia သွေးထဲပိုးရောက်ခြင်း၊
- Arthritis အဆစ်ရောင်ခြင်း၊
- Myocarditis နှလုံးရောင်ခြင်း။
နောက်ပိုင်းဖြစ်ခြင်းများ
- အတူနေရင်မနာသင့်ပဲနာခြင်း၊
- သားသမီးမရဖြစ်ခြင်း၊ သားအိမ်ပြွန်ပိတ်လို့ (၁) ကြိမ်ဖြစ်သူ = ၁၂%၊ (၂) ကြိမ်ဖြစ်သူ = ၂၅%၊ (၃) ကြိမ်ဖြစ်သူ = ၅ဝ%။
- သားအိမ်ပြင်ပသန္ခေတည်ခြင်း တခြားအမျိုးသမီးတွေထက် ၆-၁ဝ% ဖြစ်နိုင်ခြေပိုများတယ်။
- အတွင်းအင်္ဂါတွေတွယ်ကပ်ခြင်း။
- နာတာရှည် တင်ပါးဆုံတွင်းရောင်ရမ်းခြင်း၊ ပြည်တည်စေတဲ့ပိုးတွေနဲ့ တီဘီပိုးကနေဖြစ်စေနိုင်တယ်။
- နာတာရှည် တင်းပါဆုံမှာနာနေခြင်းနဲ့ လူကနေမကောင်းဖြစ်နေခြင်း။
အထဲမှာဘာတွေဖြစ်မလည်း
- Acute salpingitis သားအိမ်ပြွန်တွေရောင်ခြင်း။ ရောင်-နီ-အရည်ထွက်-အနာဖြစ်။
- Pelvic pus အတွင်းပိုင်းပြည်တည်ခြင်း။
- Tubovarian abcess သားအိမ်ပြွန် + မျိုးဥအိမ် ပြည်တည်နာဖြစ်ခြင်း။
- Retort shaped ထိခိုက်နေရာတွေ သွေးမဝဖြစ်၊ ပုံပန်းပြောင်းလဲ။
- Peritonitis, paralytic ileus, subdiaphragmatic and perinephric abcess အထက်ဆက်တက်ပြီး ဗိုက်အတွင်းဖုံးလွှာ ရောင်ခြင်း၊ ဗိုက်ထဲပြည်တည်ခြင်း။
ဘယ်လိုကုသမလည်း
နာတာသက်သက်အတွက် Ibuprofen တခါသောက် ၁ ပြား၊ တနေ့ ၂-၃ ခါ၊ အစာနဲနီးနီး သောက်နိုင်တယ်။ ဆေးကြောင့် အစာအိမ်နာဖြစ်တာကာကွယ်ဘို့ လေနာဆေးတွေနဲ့တွဲသောက်သင့်တယ်။ Cimetidine (Tagamet, Parenteral) 300 mg တနေ့ ၂ ကြိမ်၊ 400 mg အိပ်ယာဝင်။ Ranitidine 150 mg အိပ်ယာဝင်။ Omeprazole 40 mg တနေ့ ၁ ကြိမ် အစာမစားမီ၊ ၄-၈ ပါတ်။ Pantoprazole 40 mg တနေ့ ၁ ကြိမ် ၄-၈ ပါတ်။ PID ကိုကုသရတာမှာ ဆေးကိုညှာလို့မရပါ။ ပိုးအများကိုနိုင်တာပေးရမယ်။ ရေရှည်အတွက်လည်းကြည့်ရတယ်။
အပြင်လူနာနည်း (၁)
Ceftriaxone 250 mg IM တလုံးတည်းထိုး + Doxycycline 100 mg တနေ့ ၂ ကြိမ်၊ ၁၄ ရက်။ Metronidazole 500 mg တနေ့ ၂ ကြိမ်၊ ၁၄ ရက်ကို ပေးသင့်သူကိုပေးမယ်။
အပြင်လူနာနည်း (၂)
Cefoxitin 2 g IM တလုံးထဲထိုး + Probenecid 1 g စားဆေးတွဲပေး + Doxycycline 100 mg တနေ့ ၂ ကြိမ်၊ ၁၄ ရက်။
Metronidazole 500 mg တနေ့ ၂ ကြိမ်၊ ၁၄ ရက်ကို ပေးသင့်သူကိုပေးမယ်။
အပြင်လူနာနည်း (၃)
Cefotaxime ထိုးဆေး (သို့) Cefotaxime 0.5 g IM တကြိမ်ထိုး + Doxycycline 100 mg တနေ့ ၂ ကြိမ်၊ ၁၄ ရက်။
Metronidazole 500 mg တနေ့ ၂ ကြိမ်၊ ၁၄ ရက်ကို ပေးသင့်သူကိုပေးမယ်။
စားဆေးပေးတာ ၇၂ နာရီအတွင်း တိုးတက်လာရမယ်။ မရရင် ဆေးရုံတင်ကုသရမယ်။ လိုရင် ဗှိုက်ထဲကိရိယာထည့် စစ်ဆေးတာ လုပ်ရမယ်။ လိင်အတူနေဖက်ကိုလည်း စစ်ဆေးပြီး ဆေးကုရမယ်။ ကိုယ်ဝန်ရှိနေသူဆိုရင် ကလေး စောမွေးတတ်တယ်။ ဆေးထိုးကုသပေးရမယ်။
ဆေးရုံတက်လူနာပေးနည်း (၁)
Cefotetan 2 g IV ၁၂ နာရီတခါ။ (သို့) Cefoxitin 2 g IV ၆ နာရီတခါ + Doxycycline 100 mg ၁၂ နာရီတခါ။ ထိုးဆေးကို ၂၄ နာရီပေးပြီးနောက် စားဆေးဆက်ရတယ်။ Doxycycline 100 mg တနေ့ ၂ ကြိမ် ၁၄ ရက်။ ပြည်တည်နေရင် Clindamycin (သို့) Metronidazole + Doxycycline ပေးရမယ်။
ဆေးရုံတက်လူနာပေးနည်း (၂)
Clindamycin 900 mg IV ၈ နာရီတခါ။ + Gentamicin IV or IM (2 mg/kg) စပေးပြီး၊ (1.5 mg/kg) ၈ နာရီ တကြိမ်။ (သို့) (3–5 mg/kg) တကြိမ်တည်းပေး။ ထိုးဆေးကို ၂၄ နာရီပေးပြီးနောက် စားဆေးဆက်ရတယ်။ Doxycycline 100 mg တနေ့ ၂ ကြိမ် ၁၄ ရက်။ (သို့) Clindamycin 450 mg တနေ့ ၄ ကြိမ်၊ ၁၄ ရက်။ ပြည်တည်နေရင် Clindamycin ဆက်ပေးရမယ်။
ဆေးရုံတက်လူနာပေးနည်း (၃)
Ampicillin/Sulbactam 3 g IV ၆ နာရီတခါ + Doxycycline 100 mg ၁၂ နာရီတခါ။
ဒေါက်တာတင့်ဆွေ
https://www.facebook.com/drtintswe
