ဆရာမင်္ဂလာပါ။ သမီးအသက် ၂၅ နှစ်ကျော်ကျော်ပါ၊ အိမ်ထောင်မရှိပါ ။ သမီး ဘယ်ဖက်ရင်သားမှာ အကျိတ်ရှိပါတယ် ။ နဲနဲကြီးပါတယ် အကျိတ်အသေးလေးတွေလဲ ဘယ်ဖက်မှာ နှစ်လုံး ညာဖက်မှာ နှစ်လုံးရှိပါတယ် ။ ပြီးခဲ့တဲ့ ငါးနှစ်ကတည်းက ရှိတာပါ။ မနာပါဘူး။ ပြီးခဲ့တဲ့လေးနှစ်လောက်ကလည်း ဆရာဝန်နှင့်ပြဖူးပါတယ်။ ရိုးရိုးအဆီကျိတ်လို့ပဲ ပြောပါတယ်။ မခွဲဖို့ပြောပါတယ်။ ခွဲရင်လည်းပြန်ရှိတတ်လို့ပြောပါတယ်။ Evening oil Eposoft သုံးလသောက်ပေးပါတယ်။ သောက်ခဲ့ပေမဲ့ အကျိတ်ကဒီအတိုင်းပါပဲ။ ဒါမဲ့ခုတလောမှ ဘယ်ဖက်ရင်သားစဆက်ဆက်ကိုက်ပြီးနာလာပါတယ်။ အရမ်းကြီးတော့မနာပါဘူး။ တနေ့ကို တကြိမ်မှ သုံးကြိမ်လောက်။ နာရင်လဲ ၁၅ မိနစ်လောက်နာပါတယ်။ နာတာ တလလောက်ရှိတော့မယ်ဆရာ။ အရမ်းစိတ်ပူနေလို့ပါ။ ကင်ဆာများဖြစ်သွားမလားစိုးရိမ်နေပါတယ် ဆရာ။ ဘယ်လို လုပ်ရမလဲပြောပြပေးပါဦးဆရာ။
မေးတာတွေများတယ်။ နောက်ဆုံးလာတာထည့်တာပါ။ ကျွန်တော်တာဝန်ထမ်းခဲ့တဲ့ ဆေးရုံတွေက ခွဲစိတ်မှတ်တမ်း စာအုပ်ထဲမှာ အတိုကောက် FA လို့ထည့်သွင်းရတာတွေ မနည်းပါ။ အဖြစ်များကြတယ်။ ခွဲပေးရတာလည်းများတယ်။
မိန်းကလေးတိုင်း အမျိုးသမီးကြီးငယ်တိုင်း ကိုယ့်ရင်သားကိုယ် စမ်းသပ်ပြီး၊ သံသယရှိရင် ချက်ချင်း ဆရာဝန်ကို ပြသင့်တာ သိနေကြပါပြီ။ ကင်ဆာဆိုရင် ကြောက်စရာမှန်ပေမဲ့ စောစောသိလို့ စနစ်တကျ ကုသရင် အများကြီးကောင်းစေတဲ့ ကင်ဆာထဲမှာ ရင်သားကင်ဆာက ထိပ်ကနေတယ်။ ကင်ဆာမဟုတ်တဲ့ ရင်သားအကျိတ်တွေက ၈ဝ% ရှိတယ်။ အမျိုးအစားကတော့ များပါတယ် ။ ယေဘုယျပြောရရင် အကျိတ်နှုတ်ခမ်းသားက ချောမွေ့နေမယ်၊ ရွေ့လျှားလို့လဲ လွယ်တယ်။ နောက်ပြီး အကျိတ်ရယ်လို့ မဟုတ်ဘဲ ထိခိုက်မိလို့။ လစဉ်နဲ့ အသက်ကြောင့် ဟော်မုန်း အပြောင်းအလဲ ၊ ဆေးဝါးတွေကနေလည်း ရင်သားမှာ အရင်လိုမဟုတ်တာမျိုး ဖြစ်လာစေနိုင်ပါတယ်။ ကုန်ကုန်ပြောရရင် ရင်သား နှစ်ဘက်ဟာ တသက်လုံး ပြောင်းလဲနေတာပါ ။
ကင်ဆာမဟုတ်တဲ့ ရင်သားအကျိတ်တွေကတော့ -
(၁) Fibrocystic changes (ဖိုက်ဘရိုဆစ်စတစ်) အပြောင်းအလဲ။ ဟော်မုန်းပြောင်းလဲနေတာကနေ ဖြစ်စေတယ်။ နှစ်ဘက်လုံးမှာ ဖြစ်တာများတယ်။ ဥပမာ ရာသီမလာခင် တင်းပြီး နာချင်တာမျိုး။ တခါတလေ နို့သီးအဖျားကိုညှစ်ကြည့်ရင် အရည်လိုပါ ထွက်နိုင်သေးတယ်။ အကျိတ်လိုဖြစ်နေတာ အချောင်းလိုက်၊ အမြှောင်းလိုက်နေမယ်။ စမ်းကြည့်ရင် ခပ်မာမာ ရာဘာနဲ့တူတယ်။ အသက် ၄ဝ အောက်မှာသာအဖြစ်များတယ်။
(၂) Simple Cysts ရိုးရိုး (ဆစ်)။ အရည်ပြည့်နေတဲ့အိတ်လေးမျိုးဖြစ်တယ်။ တခုတည်းရော တခုမကပါဖြစ်နိုင်တယ်။ အရွယ်အစားလဲ အမျိုးမျိုးရှိနိုင်တယ်။ နာနိုင်တယ်။ နာတာကလည်း ရာသီခွင်နဲ့အမျှပြောင်းတယ်။
(၃) Fibroadenomas (ဖိုက်ဘရိုအဒီနိုးမား)။ အများဆုံးတွေ့ရတဲ့ အမျိုးအစားဖြစ်တယ်။ အစိုင်အခဲဖြစ်နေမယ်။ စမ်းကြည့်ရင် ရင်သားအတွင်းထဲမှာ ရွေ့တာသိပ်လွယ်ကူတယ်။ ဒါကြောင့် နို့ထဲကကြွက်လို့တင်စားခေါ်ကြတယ်။ ခွဲစိတ်ပေးရတာများတယ်။ အသက် ၂ဝ-၃ဝ အတွင်း အများဆုံးဖြစ်တယ်။
(၄) Intraductal papillomas နို့ပြွန်တွင်းက (ပက်ပလိုမား)။ သေးတယ်၊ အသေအချာကြည့်ရင် ကြွက်နို့လိုတူတယ်။ နို့သီးအနာတဝှိုက်မှာတွေ့ရတယ်။ အသက် ၄ဝ-၅ဝ တွေမှာပိုဖြစ်ပြီး နို့သီးအဖျားကနေ သွေးထွက်နိုင်တယ်။
(၅) Traumatic fat necrosis ထိခိုက်မိလို့ အဆီခဲတွေပျက်စီးခြင်းဖြစ်တယ်။ ခပ်ဝိုင်းဝိုင်း။ ခပ်တင်းမာမာ၊ တခုတည်းရှိပြီး၊ မနာဘူး။
(၆) Mastitis (Breast Infection) နို့နာ။ နို့ပိုးဝင်ခြင်းလည်းဖြစ်နိုင်တယ်။ အကျိတ်ဖြစ်မယ်၊ နာမယ်၊ အပေါ်ယံအရေပြား နီမြန်းနေမယ်။ အနာက အရေပြားနဲ့နီးမှသာ နီတာမြင်ရမယ်။ အပူချိန်စမ်းရင် ပိုပူနေမယ်။
(၇) Breast Pseudolumps အကျိတ်မဟုတ်တဲ့ အကျိတ်။ ရင်သားအတုထဲက (စီလီကွန်) တနေရာကထူပျစ်လာတာ၊ အဆီခဲတချို့သေတာ၊ အောက်ကနံရိုး။ Breast cancer ကင်ဆာ၊ Lipoma အဆီအကျိတ် နဲ့ Milk cyst (galactocele) နို့ရည်ခဲတွေလည်း ထည့်စဉ်းစားရမယ်။
ဘယ်လိုကုသမလဲ
ရောဂါနာမည်တွေ အင်္ဂလိပ်လိုပါရေးထားလို့ စိတ်မပူ၊ စိတ်မရှုတ်ပါနဲ့။ ၁၊ ၂၊ နဲ့ ၃ တွေ အများဆုံးဖြစ်တယ်။ နံပါတ် (၃) ကိုသာ ခွဲပေးရတာများပါတယ်။ နို့နာတယ်ဆိုတာလဲ တခြားနေရာတွေမှာဖြစ်တဲ့အနာလိုပါဘဲ။
(၁) Fibrocystic breast changes ဆိုတာ ကုစရာမလိုပါ။ နာတာရောင်တာအတွက် အနေရခက်ရင် အနာ-အကိုက် သက်သာဆေးသောက်နိုင်ပါတယ်။
(၂) Simple cysts ဆိုရင် ဆေးထိုးအပ်သုံးပြီး စုပ်ထုတ်နိုင်တယ်။ ကင်ဆာမဟုတ်တာသေခြာဘို့လုပ်တာလည်း ဒီလိုမျိုး လုပ်တာပါဘဲ။
(၃) Fibroadenomas နဲ့ Intraductal papillomas တွေကို ခွဲစိတ်ကုသရမယ်။ Lumpectomy အကျိတ်ခွဲထုတ်နည်းက သမားရိုးကျနည်းဖြစ်တယ်။ Laser ablation, Cryoablation တခြားနည်းတွေလဲ ခုခေတ်မှာ စမ်းသုံးပါတယ်။
(၄) Mastitis နို့နာကို အပူကပ်ရေးရမယ်။ ပိုးသေဆေး နဲ့ အနာသက်သာဆေးပေးပြီး ပြည်တည်ရင်တော့ ပြည်က်ို ခွဲစိတ်နည်းနဲ့ ထုတ်ရမယ်။
Dr. Tint Swe
https://www.facebook.com/drtintswe
