MFF Ooredoo Cup ချန်ပီယံဆု ဧရာဝတီအသင်း နှစ်ကြိမ်ဆက်ယူ

ရန်ကုန် စက်တင်ဘာ ၂၁

ရှုံး/ ထွက် ဘောလုံးပြိုင်ပွဲ ဗိုလ်လုပွဲကို ယနေ့ညနေ ၄ နာရီက သုဝဏ္ဏကွင်း၌ကျင်းပရာ ဧရာဝတီအသင်းက နေပြည်တော်အသင်းကို နှစ်ဂိုး-ဂိုးမရှိဖြင့် အနိုင်ရရှိသွားသည်။

ရှုံး/ထွက် ပြိုင်ပွဲကို နောက်ဆုံးကျင်းပသည့် ၂ဝ၁၂ ပြိုင်ပွဲတွင် ဗိုလ် စွဲထားသည့် ဧရာဝတီအသင်းသည်ယခုပြိုင်ပွဲတွင်လည်း ထပ်မံဗိုလ်စွဲ ခဲ့သောကြောင့် ရှုံး/ထွက် ချန်ပီယံဆုကို နှစ်ကြိမ်ဆက် ရယူနိုင်ခဲ့သည်။ ရှုံး/ထွက် ချန်ပီယံဆုရရှိခဲ့သော ဧရာဝတီအသင်းမှာ မဲခေါင် တိုယိုတာ ဖလားကလပ်အသင်းပြိုင်ပွဲနှင့် ၂ဝ၁၅ AFC Cup ပြိုင်ပွဲတို့ကို ယှဉ်ပြိုင် ခွင့်ရရှိခဲ့ပြီဖြစ်သည်။

ဧရာဝတီအသင်းသည် ဒဏ်ရာမှ ပြန်ကောင်းလာသည့် တိုက်စစ်မှူး ဆာဆာကို ဒုတိယပိုင်းတွင် အသုံးပြုသည်မှလွဲ၍ လူစုံအသုံးပြုခဲ့ပြီး နေပြည်တော်အသင်းကို ခြေအသာဖြင့် ကစားနိုင်ခဲ့သည်။

နေပြည်တော်အသင်းသည်လည်း အမာခံကစားသမား အစုံအလင်ဖြင့် ယှဉ်ပြိုင်ခဲ့သော်လည်း ဧရာဝတီနောက်တန်းကို မကျော်နိုင်၍ နှစ်သိမ့်ဂိုးပင် မရဘဲ ပထမဆုံးဆုဖလားနှင့် လွဲချော်ခဲ့ရသည်။

ပွဲအစ ၁၃ မိနစ်မှာပင် နေလင်းထွန်းက ဂိုးစတင်သွင်းယူခဲ့၍ ဧရာဝတီ အသင်းက ပွဲကို ဦးဆောင်နိုင်ခဲ့သည်။ ဧရာဝတီအတွက် အနိုင်သေချာစေမည့် ဒုတိယအနိုင်ဂိုးကို ၇၉ မိနစ်တွင် ကိုနေးက သွင်းယူပေးခဲ့သည်။

ပွဲအပြီးတွင် ဆုချီးမြှင့်ပွဲကို ကျင်းပရာ ဒုတိယဆုရ နေပြည်တော် အသင်းအား တစ်ဦးချင်းဆုတံဆိပ်နှင့် ငွေကျပ်သိန်း ၁၅ဝ၊ ပထမ ဆုရ ဧရာဝတီအသင်းအား တစ်ဦးချင်းဆုတံဆိပ် ငွေကျပ်သိန်း ၃ဝဝ နှင့် ဆုဖလား တို့ကို မြန်မာနိုင်ငံဘောလုံးအဖွဲ့ချုပ်ဥက္ကဋ္ဌ ဦးဇော်ဇော်နှင့် တာဝန်ရှိသူများက ပေးအပ်ချီးမြှင့်သည်။

ဆက်လက်၍ အောက်တိုဘာလနောက်ဆုံးပတ်တွင် စတင်ကျင်းပမည့် မဲခေါင်တိုယိုတာဖလားပြိုင်ပွဲဝင်ခွင့်ရ ဧရာဝတီအသင်းကို တိုယိုတာကုမ္ပဏီမှ တရားဝင် ဖိတ်ကြားစာပေးအပ်သည်။

သတင်း-ညီမြတ်သော်တာ
Myanmaalinn
https://www.facebook.com/MYANMAALINNNEWS


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ