မြန်မာနိုင်ငံ ရိုးရာလက်ဝှေ့အဖွဲ့ချုပ်ကကြီးမှူးပြီး H&S Group က စီစဉ်သော မြန်မာ့ရိုးရာ လက်ဝှေ့စိန်ခေါ်ပွဲကြီးကို ယနေ့ မွန်းလွဲ ၂ နာရီက ရန်ကုန်မြို့ မင်္ဂလာတောင်ညွန့်မြို့နယ် သိမ်ဖြူအားကစားခန်းမ၌ ကျင်းပရာ လက်ဝှေ့ဝါသနာရှင်များ ခန်းမပြည့်ကြည့်ရှု အားပေးခဲ့ကြသည်။ ရှေးဦးစွာ သုံးချီစိန်ခေါ်ပွဲတွင် မင်းနိုင်ထွန်း(စွမ်းကေကေ)နှင့် ခွန်ရှိုင်းထက် (အဖြူရောင်သွေးသစ်)တို့ ယှဉ်ပြိုင်ထိုးသတ်ကြရာ သရေပွဲဖြစ် ခဲ့သည်။ လေးချီစိန်ခေါ်ပွဲတွင် စောဖြိုးဝေ (အဖြူရောင်သွေးသစ်) နှင့် ရဲသွေးနီ (တောင်ကလေး)ပွဲတွင် ရဲသွေးနီက ဒုတိယအချီ ၂မိနစ် ၄၁ စက္ကန့်၌ စောဖြိုးဝေကို အလဲထိုး အနိုင်ရရှိသွားသည်။
တစ်ဖန် ငါးချီစိန်ခေါ်ပွဲများတွင် ထွန်းနိုင်ဦး (အဖြူရောင်သွေးသစ်) နှင့် မြင့်အောင်(မုဒုံသား)တို့ပွဲ၌ ထွန်းနိုင်ဦးက စတုတ္ထအချီ ၁၆ စက္ကန့် ၌ မြင့်အောင်ကို အလဲထိုးအနိုင် ရရှိသွားသည်။ ဖြူလေး(မုဒုံသား) နှင့် ရှမ်းလေး(ဝါဆို)တို့ပွဲတွင်လည်း ရှမ်းလေးက ဖြူလေးကို ဒုတိယ အချီတွင် အလဲထိုးအနိုင်ရရှိသည်။
စောသဲဦး(T&T)နှင့် မိုးဟိန်း (မိကသီ) တို့ပွဲတွင် ပဉ္စမအချီ ၂ မိနစ် ၅၉ စက္ကန့်၌ မိုးဟိန်းက အလဲထိုး အနိုင်ရရှိသွားသည်။ စောအယ်လေး (ထောမဲ့ပါ)နှင့် သားအသဲတစ်ပွင့် (စွမ်းကေကေ၊ မန္တလေး) တို့ပွဲတွင် စောအယ်လေး ညာခြေကန်ချက်ကြောင့် ဒုတိယအချီ ၁ မိနစ် ၅၂ စက္ကန့်တွင် သားအသဲ တစ်ပွင့်အနား တောင်းကာ အရှုံးပေးလိုက်ရပြီး စောအယ်လေး အလဲထိုး အနိုင်ရရှိ သွားသည်။ ထက်အောင်ဦး (တောင် ကလေး)နှင့် ကျားပေါက်(ရွှေသောင်းရင်း မြဝတီ)တို့ပွဲ၌ ဒုတိယအချီ နှင့် စတုတ္ထအချီတွင် ကျားပေါက်က ထက်အောင်ဦးကို အနီးကပ် ထိုးခဲ့သော်လည်း ထက်အောင်ဦး ညာဒူး တိုက်ချက်ကြောင့် စတုတ္ထအချီ၌ ကျားပေါက် အနားတောင်းခံရကာ ဆက်လက် မယှဉ်ပြိုင်နိုင်၍ ထက်အောင်ဦး အလဲထိုးအနိုင်ရရှိကာ ပရိသတ်အကြိုက် ပွဲကောင်း တစ်ပွဲ ဖြစ်သည်။
ဖိုးကေ (မန္တလေး)နှင့် စောရန် ပိုင်(မိကသီ၊ ဘားအံ)တို့ပွဲမှာလည်း အရှုံးအနိုင်မပေါ်ဘဲ ပူးတွဲသရေ ဖြစ်ခဲ့သည်။ ဒဂုံရွှေအောင်လံ လေးထပ်ကွမ်း စောငမန်း(ရွှေဖူး)နှင့် (၂၇)ကြိမ်မြောက် ဆီးဂိမ်းရွှေတံဆိပ်ဆုရှင် ထွန်းထွန်းမင်း(မုဒုံသား) တို့ပွဲ ပထမအချီ၌ ထွန်းထွန်းမင်း၏ ပြင်းထန်လှသော လက်သီး၊ ခေါင်း တိုက်ချက်ကြောင့် ၅၆ စက္ကန့်တွင် စောငမန်း အနားတောင်းခဲ့ရသည်။ ပထမအချီ၌ပင် စောငမန်းခေါင်း တိုက်ချက်ကြောင့် ထွန်းထွန်းမင်း မျက်ခုံးကွဲကာ ပထမအချီပြီးဆုံး ခဲ့သည်။ ဒုတိယအချီနှင့် တတိယ အချီတွင် ထွန်းထွန်းမင်း အသာစီး ထိုးခဲ့သော်လည်း စောငမန်း၏ လက်ဝှေ့သမ္ဘာကြောင့် တတိယအချီ ပြီးခဲ့ကာ စတုတ္ထအချီ ၁ မိနစ် ၁၅ စက္ကန့်၌ ထွန်းထွန်းမင်း၏ ဒူး၊ ခေါင်း တိုက်ချက်ကြောင့် စောငမန်း မယှဉ်ပြိုင်နိုင်၍ ထွန်းထွန်းမင်းက စောငမန်းကို အလဲထိုးအနိုင်ရရှိ သွားသည်။
(မြန်မာ့အလင်း)
Myanmaalinn
https://www.facebook.com/MYANMAALINNNEWS
