ဇနီးဖြစ်သူနှင့် စကားများရာမှ နေအိမ်အား မီးရှို့ပြီး မီးငြှိမ်းသူများအား ရန်ပြုသူကို ဖမ်းဆီးထား

နေပြည်တော်၊ နိုဝင်ဘာ ၂၆

၂၅-၁၁-၂၀၁၃ ရက်နေ့ ၁၇၃၀ အချိန် မကွေးတိုင်းဒေသကြီး၊ မြိုင်မြို့နယ်၊ မုံညှင်းကျေးရွာတွင် မီးလောင်မှုဖြစ်ပွားကြောင်းသတင်းအရ မြိုင်မြို့မရဲစခန်းမှတပ်ဖွဲ့ဝင်များသွားရောက် စစ်ဆေးခဲ့သည်။

စစ်ဆေးချက်အရ ၎င်းကျေးရွာနေ အောင်ဆင့်(၅၀)နှစ်သည် ဇနီးဖြစ်သူနှင့်စကားများ ရန်ဖြစ်ရာမှ နေအိမ်မြောက်ဘက်ခြမ်းတွင် အဖီချဆောက်လုပ်ထားသည့် ၃ x ၃ ပင် မြေစိုက်၊ ၀ါးကပ်မိုး၊ ထရံကာမီးဖိုဆောင်အား ဂက်စ်မီးခြစ်ဖြင့်မီးရှို့ခဲ့ကြောင်း၊ ကျေးရွာသူ/သားများမှဝိုင်းဝန်းငြှိမ်းသတ်စဉ် အောင်ဆင့်မှ ရွာသားများအား ကျောက်ခဲ၊ ဓါး၊ လေးဂွတို့ဖြင့်ပစ်ခတ်သဖြင့် ကိုထွန်းလွင်(၅၀)နှစ်ပါ (၂)ဦးတွင် ယာလက်မပြတ်ရှဒဏ်ရာများရရှိခဲ့သဖြင့် ပခုက္ကူမြို့နယ်ပြည်သူ့ဆေးရုံသို့လည်းကောင်း၊ ကိုအောင်နိုင်(၃၀)နှစ်ပါ(၆)ဦးတွင် ရင်ဘတ်အောင့်ဒဏ်ရာများအသီးသီးရရှိခဲ့သောကြောင့် မြိုင်မြို့နယ် ပြည်သူ့ဆေးရုံသို့လည်းကောင်းပို့ဆောင်ခဲ့ပြီး ၁၇၅၀ အချိန်တွင်မီးငြိမ်းသွားခဲ့သည်။

မီးလောင်မှုကြောင့် အောင်ဆင့်၏နေအိမ်(၁)လုံးမီးလောင်ကျွမ်းခဲ့ပြီး တန်ဘိုးငွေကျပ်(၁၅၀၀၀ိ/-)ဆုံးရှုံးခဲ့ကြောင်းနှင့် လူ/ တိရစ္ဆာန်သေဆုံးမှုမရှိကြောင်း၊ အောင်ဆင့်မှာ ကျေးရွာသူ/သားများ၏ပြန်လည်ခုခံမှုကြောင့် ဦးခေါင်းထိပ်၊ မေးစေ့ပေါက်ပြဲဒဏ်ရာ(၁)ချက်၊ မျက်နှာ၊ ၀ဲယာလက်နှင့်ခြေတို့တွင် မီးလောင်ဒဏ်ရာများရရှိခဲ့သောကြောင့် မြိုင်မြို့နယ်ဆေးရုံသို့ပို့ဆောင်ကာ မြိုင်မြို့မရဲစခန်း(ပ)၁၀၃/၂၀၁၃၊ ပြစ်မှုပုဒ်မ ၄၃၆/၃၂၆/၃၃၆ ဖြင့် အမှုဖွင့်အရေးယူထားကြောင်း သတင်းရရှိသည်။

ရဲဇာနည်

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ