Q. Megan Fox နဲ့ ပတ်သက်ပြီး ပက်ထရစ်ရှာဘယ်လိုနားလည်ထားလဲ
A. Megan Fox ဆိုတာက ညှို့အားပြင်းပြီး တစ်ကမ္ဘာလုံးက ကြိုက်ကြတဲ့ sexy ကျတဲ့မိန်းမတစ် ယောက်လို့မြင်တယ်။
A. ပက်ထရစ်ရှာကို မြန်မာနိုင်ငံက Megan Fox မင်းသမီးလို့ တင်စားတဲ့အပေါ်ဘယ်လိုခံစားရလဲ
အဲဒီလိုမျိုးတော့ မကြိုက်ဘူး။ သမီးကြိုက်တာက Megan Fox ကို လုပ်တာထက်စာရင် ယိုးဒယားက ကွန်ဖူးဆိုတဲ့မင်းသမီးလိုမျိုးကိုကြိုက်တာ။ ဒါပေမဲ့ သမီးဓာတ်ပုံရိုက်တဲ့ အခါ Megan Fox နဲ့တူသွားတယ်လို့ ပြောကြတယ်။ ကိုယ်ကသူ့ကို အရင်တုန်းက အရမ်းကြီးလည်းမကြိုက်ဘူး။ ဘာဖြစ်လို့လဲဆိုတော့ သူက အဲဒီဇာတ်ကားထဲမှာ သူပါဝင်တာက ပေါတောတောမို့လို့ သမီးရဲ့မောင် လေးက Transformer ဇာတ်ကား ကို ဆယ်ခါပြန်ကြည့်လွန်းလို့၊ သမီးကမုန်းသွားတာ။ ကိုယ်က ကြိုက်တာက မင်းသမီးတစ်ယောက် တူသွားတာက အခြားတစ်ယောက်ဖြစ်နေတာပေါ့။
Q. ဓာတ်ပုံရိုက်တဲ့အခါ Sexy ကျအောင်ဆိုပြီးတော့ ဘယ်လိုပြင် ဆင်ရိုက်ကူးဖြစ်လဲ
A. Sexy ရိုက်တဲ့အခါကျရင် စိတ်ထဲမှာ ကိုယ့်ကိုယ်ကိုယ် မိုက်တယ်လို့စိတ်သွင်းထားတယ်။ မျက်လုံး နှုတ်ခမ်းတွေကို အားထည့်ပြီး ဓာတ်ပုံရိုက်ရတယ်။ Cute ကျတော့လည်း လွတ်လွတ်လပ်လပ် ကလေးဆန် ဆန်လေး ရိုက်ရတာပေါ့။
Q. အနုပညာလောကထဲမှာ မော်ဒယ်တစ်ယောက်အနေနဲ့ ရပ်တည်မလား။ သရုပ်ဆောင်တစ် ယောက်ဖြစ်ချင်တာပါလား။
A. သမီးကတော့ သရုပ်ဆောင် အနေနဲ့ဆက်လက်ပြီး အနုပညာ လောကထဲမှာသွားချင်တာပါ။ အခုလည်း ရုပ်ရှင်ဇာတ်ကားကြီးရိုက်ဖို့ ကမ်းလှမ်းထားတာရိုက်ဖို့ အစီအစဉ်ရှိတယ်။ အဲဒီဇာတ်ကားကြီးထဲမှာ သမီးက ခပ်မိုက်မိုက်ဟော့ရှော့ ကောင်မလေးပုံစံပေါ့။ မင်းသမီးကြီး တစ်ယောက်နဲ့အပြိုင် သရုပ်ဆောင်ရမှာပါ။
Q. အဲဒီလို ၀ါရင့်သရုပ်ဆောင်တွေနဲ့ တွဲဖက်သရုပ်ဆောင်ရတော့ မယ်ဆိုတော့ ဘာတွေပြင်ဆင်ထားလဲ
A. ညတိုင်းလိုလို သမီးအားတိုင်း မြန်မာဇာတ်ကားတွေကြည့်ဖြစ်တယ်။
ကိုယ့်ရဲ့ရှေ့က စီနီယာတွေရဲ့ သရုပ် ဆောင်မှုတွေကို ကြည့်ပြီးလေ့လာ ဖြစ်တယ်။ အခုဇာတ်ကားကြီးမှာလည်း ကိုယ့်ထက်စီနီယာကျတဲ့ သရုပ်ဆောင်ကြီးတွေနဲ့ သရုပ်ဆောင်ရမှာဆိုတော့ သမီးဖက်က ကြိုးစားရမှာပေါ့။
Q. ကိုယ့်ရဲ့သရုပ်ဆောင်မှုနဲ့ ပတ်သက်လို့ဘယ်သူတွေက ဝေဖန်ပေးပါလဲ
A. ပရိသတ်တွေက ထောက်ပြ ဝေဖန်ပေးပါတယ်။ တစ်ခါတလေကျရင် လှတဲ့အခါရှိသလို၊ မလှတဲ့ အခါမျိုးတွေမှာဝေဖန်ပေးကြပါတယ်။
Q. သရုပ်ဆောင်တစ်ယောက်ဖြစ် ဖို့အတွက် ဘယ်လိုလေ့ကျင့်ယူဖြစ်လဲ
A. သမီးကအပြင်မှာ တကယ့် ရိုက်ကွင်းမဟုတ်ဘဲနဲ့ ဟန်မဆောင်တတ်ဘူး။ ဒါပေမဲ့ မှန်ရှေ့မှာ တစ် ယောက်တည်းရှိနေတဲ့အချိန်မျိုးဆိုရင် သရုပ်ဆောင်ကြည့်တယ်။ လူတွေ ကြည့်နေပြီဆိုရင်တော့ မလုပ်ရဲဘူး။ တကယ့်ရိုက်ကွင်းမှာ ရိုက်ပြီဆိုမှ လုပ်ရဲတာ။
Q. လျှောက်လှမ်းလာတဲ့အနုပညာ ခရီးလမ်းတောက်လျှောက်မှာ ဘယ်လိုအခက်အခဲတွေနဲ့ တွေ့ကြုံ ဖြတ်သန်းခဲ့ရပါပြီလဲ
A. အခက်အခဲကတော့ ထွေထွေ ထူးထူးမရှိပါဘူး။ အဓိကကတော့ အတိုက်အခိုက်ပါပဲ။ အတိုက်အခိုက် များတာပေါ့။ တော်တော် အတိုက်အခိုက်များတဲ့အထဲမှာပါတယ်။ ဘာဖြစ်လို့လဲမသိဘူး။ ဒါကလည်း သမီး ရဲ့ကံပဲပေါ့။ ကိုယ့်ဘာသာကိုယ်လုပ် နေတာအဆင်ပြေတယ်။ ဘေးနား က အတိုက်အခိုက်တွေကို ကြုံရတယ်။ ကျန်တာတော့မရှိပါဘူး။
Q. ကိစ္စတစ်ခုကို ရင်ထဲမှာသို ၀ှက်တတ်သူလား။ ဒါမှမဟုတ် ခံစားချက်အတိုင်း ပြောဆိုပြုမူတတ်သူလား
A. တစ်ခါတလေကျရင်တော့ ကိုယ့်စိတ်ထဲမှာရှိရင် ရှိတဲ့အတိုင်းကို ပြောပစ်လိုက်တယ်။ ကိုယ့်ရင်ထဲမှာ ရှိတဲ့အတိုင်းကို ရင်ဖွင့်တာများတယ်။ ကိစ္စတစ်ခုဖြစ်တိုင်း အမေနဲ့ပဲတိုင် ပင်တာများတယ်။ ကြာလာတော့ လည်း ပျောက်သွားတာပါပဲ။
Q. ဟန်ဆောင်တာရော ကြိုက်နှစ်သက်လား
A. မကြိုက်ဘူး။ စိတ်ထဲမှာရှိရင် ရှိတဲ့အတိုင်း လူတိုင်းကိုဖွင့်ပြော တတ်တယ်။ အမေက သမီးကိုတော် တော်လေးသင်ပေးပါတယ်။ သမီးက လူတိုင်းကို ပွင့်ပွင့်လင်းလင်းနဲ့ပြောဆို ဆက်ဆံတတ်တာ။ သမီးဖြစ်သမျှ ခံစားသမျှကိုရင်ဖွင့်တာ များတယ်။
Q. အဲဒီလိုရင်ထဲမှာရှိရင် ရှိတဲ့အတိုင်းကိုဖွင့်ပြောတတ်တဲ့အခါမျိုးမှာ ဘယ်လိုမျိုးအမှားတွေကို ဘ၀မှာ ကြုံတွေ့ခဲ့ရလဲ
A. အခုနောက်ပိုင်းတော့ ကိုယ့်ရင်ထဲမှာရှိတဲ့အတိုင်း ဘယ်အရာမှမ ပြောတော့ဘူးလို့ဆုံးဖြတ်လိုက်တယ်။ ပြောနေလည်း ပြဿနာက ပိုကြီး လာရုံပဲရှိတယ်လေ။ ကိုယ်ပြောလေ ဆိုးလေဖြစ်လာမှာလေ။ သမီးရဲ့ပရိ သတ်တွေကလည်း ကိုယ့်ရင်ထဲကရှိ တဲ့အတိုင်းမပြောဖို့ဝေဖန်ပေးကြပါတယ်။
Q. သရုပ်ဆောင်တစ်ယောက် အတွက် ဟန်ဆောင်မှုက လိုအပ်တယ်လို့ခံယူလား
A. ဟန်ဆောင်နိုင်ရင်တော့ကောင်း ပါတယ်။ ပြဿနာမရှိတော့ဘူးပေါ့။ ကိုယ့်ရင်ထဲမှာရှိတဲ့အရာကို နေရာ တကာထုတ်ဖော်မပြတော့ဘဲနဲ့ နေတာပိုကောင်းတာပေါ့။
Q.ပက်ထရစ်ရှာအနေနဲ့အနုပညာ လောကထဲမှာ နေထိုင်ဖို့အတွက် ဆောင်ရန်ရှောင်ရန် အချက်တွေက ဘယ်အရာတွေလို့ထင်လဲ
A. ရှောင်ရန်က ပြဿနာမဖြစ် အောင်လို့နေရမယ်။ အဓိကကတော့ စကားကိုထွက်တိုင်းမပြော တာကောင်းတာပေါ့။ ဆောင်ရန်က တော့ အပေါင်းအသင်းဆက်ဆံရေး ကောင်းရမှာပေါ့။ ကိုယ်နေရာလေး တစ်ခုရလာတဲ့အခါမှာကိုယ့်ကိုယ် ကိုယ်အထင်မကြီးဖို့နေရမှာပေါ့။
Q. ပက်ထရစ်ရှာရဲ့ ငယ်စဉ်ဘ၀ ကရုပ်နဲ့ ကြီးလာတဲ့အခါပြောင်းလဲ သွားတယ်လို့ပြောကြတယ်နော်
A. တော်တော်လေးပြောင်းလဲ သွားတယ်လို့ထင်တယ်။ ငယ်ငယ် တုန်းကတော့ ကလေးဆိုတော့ မိတ် ကပ်တွေဘာတွေ မလိမ်းဘဲနဲ့ မျက်နှာဖောင်းဖောင်းဝိုင်းဝိုင်းလေးပေါ့။ အခုကြီးလာတော့ သမီးမျက်နှာက ချွန်လာပြီးသွယ်လာတယ်။ နှာခေါင်းတွေဘာတွေဆိုရင်လည်း ကလေး ဘ၀နဲ့လူကြီးဘ၀တုန်းက မတူဘူးလေ။ ငယ်ငယ်တုန်းက နှာခေါင်းက ပြားတယ်။ ကြီးလာတော့ နှာတံ လေးပေါ်လာတယ်။ နှုတ်ခမ်းကတော့ ငယ်ငယ်တုန်းကအတိုင်း ထော်လန်နေတာပဲ။ ကြီးလာတော့ ဓာတ်ပုံရိုက်တဲ့အခါ မိတ်ကပ်တွေ ပြင်ရတဲ့အတွက် ပြောင်းလဲသွားတာပါ။ အဲဒီလိုပြောင်းလဲသွားတာ ကို မျက်နှာမှာခွဲစိတ်ပြုပြင်ထားတယ် လို့ ပြောခံရဖူးတယ်။ အဲဒီလောက် ထိလဲ သတ္တိမရှိပါဘူး။ ပြောင်းလဲ မပြောင်းလဲထားပါဘူး။
Q. ပက်ထရစ်ရှာဆိုပြီး ဘာကြောင့်ဖြစ်လာတယ်လို့ထင်လဲ။ ရှေ့ဆက်ပြီး အနုပညာခရီးလမ်းကို ဆက်လျှောက်သွားမယ်လို့ခံ ယူပါသလား
A. ပရိသတ်တွေရဲ့အားပေးမှုကြောင့်ပါ။ ရှေ့ဆက်ပြီးလည်း အနုပညာခရီးလမ်းကိုဆက်လျှောက်သွားမှာပါ။
Q. ဒီလောကထဲကို စတင်ဝင် ရောက်ဖို့အတွက် အဓိကလက် ကမ်းခေါ်ခဲ့တဲ့သူကရော
A. သမီးရဲ့ဆရာကိုရဲထွဋ်ခေါင်က ကူညီခဲ့တာပါ။
ကလောင် - ထွန်းမြင့်ဇော် (8 DAYS JOURNAL)
8 DAYS A WEEK ENTERTAINMENT
