နာမည်ကျော် ရုပ်သံဇာတ်လမ်းတွဲ Glee ရဲ့ အဓိကသရုပ်ဆောင်တစ်ဦးဖြစ်သူ ကိုရီမွန်တိရ်ှဟာ အရက်နဲ့ မူးယစ်ဆေး အလွန်အကျွံ သုံးစွဲမိတဲ့အတွက် သေဆုံးခဲ့ခြင်း ဖြစ်ကြောင်း စစ်ဆေးတွေ့ရှိရတယ်လို့ ကနေဒါအာဏာပိုင်များက ပြောကြားကြောင်း Reuters သတင်းဌာနမှာ ဖော်ပြထားပါတယ်။
ပြီးခဲ့တဲ့စနေနေ့က ကနေဒါနိုင်ငံ ဗန်ကူးဗားမြို့ရှိ ဟိုတယ်ခန်းတစ်ခု အတွင်းမှာ သေဆုံးခဲ့တဲ့ ကနေဒါလူမျိုး သရုပ်ဆောင် မွန်တိရ်ှရဲ့အလောင်းကို ခွဲစိတ်စစ်ဆေးမှု ရလဒ်များအရ သူဟာအရက်နဲ့ ဘိန်းဖြူပါဝင်တဲ့ အဆိပ်သင့်ရောနှော မူးယစ်ဆေးကို အန္တရာယ် ဖြစ်စေနိုင်တဲ့ပမာဏအထိ မတော်တဆ သုံးစွဲမိခဲ့တဲ့အတွက် သေဆုံးခဲ့ခြင်းဖြစ်ပြီး ရည်ရွယ်ချက်ရှိရှိ လုပ်ဆောင်မှုတစ်ခုကြောင့် သေဆုံးခြင်း မဟုတ်ကြောင်း စစ်ဆေးတွေ့ရှိရတယ်လို့ သေမှုသေခင်း စုံစမ်းစစ်ဆေးရေးဌာနက ပြောကြားခဲ့တာ ဖြစ်ပါတယ်။
“သေဆုံးအောင် တမင်ကြံစည်လုပ်ဆောင်တဲ့ အထောက်အထား ဘာတစ်ခုမှမတွေ့ရပါဘူး။ ဒါဟာ သိပ်ကိုကြေကွဲစရာကောင်းတဲ့ မတော်တဆမှုတစ်ခုပါ” လို့ သေမှုသေခင်း စုံစမ်းရေးဌာနရဲ့ ပြောခွင့်ရ ပုဂ္ဂိုလ် ဘာ့ဘ်မက်လင်တော့ခ်က ပြောကြားခဲ့ပါတယ်။
အသက် ၃၁ နှစ်သာ ရှိသေးတဲ့ ကိုရီမွန်တိရ်ှဟာ ပြီးခဲ့တဲ့စနေနေ့က ဗန်ကူးဗားမြို့ Fairmont Pacific Rim ဟိုတယ်ရှိ သူတည်းခိုနေတဲ့ အခန်းအတွင်းမှာ သေဆုံးခဲ့ခြင်း ဖြစ်ပြီး သေဆုံးချိန်တွင် ဟိုတယ်ခန်းထဲမှာ သူတစ်ဦးတည်းသာ ရှိနေခဲ့တယ်လို့ ယူဆရကြောင်း ကနေဒါ ရဲတပ်ဖွဲ့က ပြောကြားခဲ့ပါတယ်။
“အခန်းထဲမှာ မူးယစ်ဆေး အလွန်အကျွံ သုံးစွဲခဲ့ကြောင်း အထောက်အထား တွေ့ရပါတယ်” လို့ ဗန်ကူးဗားရဲဌာနရဲ့ ပြောရေးဆိုခွင့်ရပုဂ္ဂိုလ် ဘရိုင်ယန်မွန်တက်ဂ်က သတင်းစာရှင်းလင်းပွဲတစ်ခုမှာ ပြောကြားခဲ့ပါတယ်။
ကိုရီမွန်တိရ်ှဟာ Glee ဇာတ်လမ်းတွဲရဲ့ အဓိကသရုပ်ဆောင် တစ်ဦး ဖြစ်တာကြောင့် ၎င်းရုတ်တရက် သေဆုံးမှုဟာ ဇာတ်လမ်းတွဲတွေ ဆက်လက်ရိုက်ကူးဖို့အတွက် ကြီးမားတဲ့ ထိုးနှက်ချက် တစ်ခု ဖြစ်သွားခဲ့ပါတယ်။
The Voice Weekly
