အမျိုးသား ခေါင်းဆောင်ကြီး ဗိုလ်ချုပ်အောင်ဆန်း ဦးဆောင်သည့် ဝန်ကြီး များသည် မြန်မာပြည်၏ လမ်းပန်း သယ်ယူ ပို့ဆောင်ရေး ကိစ္စများ နှင့် ယာယီ အစိုးရ ဖွဲ့ စည်းရေး ဆွေးနွေးပွဲ ကို ၁၉၄၇ ခုနှစ်၊ ဇူလိုင်လ ၁၉ ရက်နေ့က အတွင်းဝန် များရုံး၌ ပြုလုပ် ကျင်းပခဲ့ သည်။ ဆွေးနွေးကြစဉ် နံနက် ၁ဝ နာရီ၊ မိနစ် ၃ဝ ၌ မသမာ သူတို့ ဝင်ရောက် ပစ်ခတ်သဖြင့် ဗိုလ်ချုပ် အောင် ဆန်းနှင့် ဝန်ကြီး အချို့ ကွယ်လွန်ခဲ့ ရသည်။
ဗိုလ်ချုပ် အောင်ဆန်းနှင့် အာဇာနည် ခေါင်းဆောင် များ၏ ရုပ်အလောင်း များ အားလုံး ကို ၁၉၄၇ ခုနှစ်၊ ဇူလိုင်လ ၂ဝ ရက်နေ့၊ ညနေ ၃ နာရီ ၄၅ မိနစ်တွင် ဆေးရုံနှင့် နေအိမ်များ မှတစ်ဆင့် ရန်ကုန်ရှိ ဂျူဗလီ ခန်းမ သို့ ပို့ဆောင် ထားရှိခဲ့သည်။
အာဇာနည် ခေါင်းဆောင်ကြီး များ၏ ရုပ်အလောင်း များအား ဆေးရုံနှင့် နေအိမ်တို့မှ ဂျူဗလီ ခန်းမ သို့ သယ်ယူပုံ၊ ဂျူဗလီ ခန်းမတွင် ထားရှိပုံနှင့် ပြည်သူများ၊ အသင်း အဖွဲ့ များနှင့် သံတမန်များက လာ ရောက် ဂါရဝပြုကြပုံ၊ အာဇာနည် ခေါင်းဆောင်ကြီး များ၏ ရုပ် အလောင်းများအား ဓလေ့ ထုံးစံအရ သင်္ဂြိုဟ်ရန် သယ်ယူ ပို့ဆောင်ကြ ပုံတို့ကို မြန်မာနိုင်ငံ ရုပ်ရှင်နှင့် ပြဇာတ် အစည်းအရုံးကြီးက မှတ် တမ်းတင် ရုပ်ရှင် ရိုက်ကူးပြီး ယခင်က ဗြိတိသျှ ဘားမား ရုပ်ရှင်နှင့် အေဝမ်း ဖလင်တို့မှ ရိုက်ကူးသည့် ဗိုလ်ချုပ် အောင်ဆန်း၏ နိုင်ငံရေးလှုပ်ရှားမှု မှတ်တမ်းတင် သတင်းကားများနှင့် ဘွိုင်းကော့တာ ရုပ်ရှင်ကား တို့မှ ကောင်းနိုးရာရာ ပြကွက်များဖြင့် ဆက်စပ်တည်းဖြတ် ကာ “ဗိုလ်ချုပ် အောင်ဆန်း၏ လွတ်လပ်ရေး လမ်းစဉ် မော်ကွန်းတင် သတင်းကား” အဖြစ် ရိုက်ကူး ထုတ်လုပ်ခဲ့သည်။ ထို့နောက် သြဂုတ်လ ၂၄ ရက်နေ့ မှ စတင်၍ ရန်ကုန် မြို့လယ် သွင်ရုံ၊ လမ်းမတော် ကာဌေးရုံ၊ ကန်တော်ကြီး ရန်ကုန်ရုံနှင့် ကြည့်မြင်တိုင် ရွှေတိုင်သီရိ ရုံတို့တွင် တစ်ပြိုင်တည်း ရုံတင်ပြသခဲ့သည်။
ဗိုလ် ချုပ် အောင်ဆန်း ၏ လွတ်လပ်ရေးလမ်း စဉ် မော်ကွန်းတင် သတင်းကားမှာ ကားပိုင်း ၇ ပိုင်း၊ ပေ ၇ဝဝဝ ခန့်သာ ရှိ၍ နေ့စဉ် ၅ ပွဲပြသခဲ့သည်။
မြန်မာနိုင်ငံ တူရိယာ ပညာရှင် များအဖွဲ့ချုပ်က ဂီတပညာရှင်များ အား ပြသရာ ရုပ်ရှင်ရုံ တိုင်းတွင် တီးခတ် သီဆိုရန် စီစဉ်ပေးခဲ့သည်။ သွင်ရုံတွင် စန္ဒရား စက်ဆန်း ကိုမြ မောင်အဖွဲ့နှင့် အဆိုတော် ဥသြ ဘသောင်၊ ဟင်္သာကြည်၊ မနုတို့က လည်းကောင်း၊ ကာဌေးရုံတွင် စန္ဒရား ကိုသောင်း (ဆိုင်းဆရာ ဗိုလ်ကေသောင်း) အဖွဲ့နှင့် အဆိုတော် သထုံဘသိန်း၊ စိန်ပါတီ တို့က လည်းကောင်း၊ ရန်ကုန်ရုံတွင် စန္ဒရား အေဝမ်း ခင်မောင်အဖွဲ့နှင့် အဆိုတော် ပြည်ဘရှင်၊ ရွှေမြိုင်ကြည် တို့ ကလည်းကောင်း ၊ ရွှေတိုင်သီရိ ရုံတွင် စန္ဒရား စစ်ကိုင်း လှရွှေအဖွဲ့နှင့် အဆိုတော် ကိုသန်းတင်၊ လွတ်လပ်ရေး အောင်သန်းတင် တို့ကလည်းကောင်း တီးခတ် သီဆိုခဲ့ကြသည်။
ဇာတ်ဝင် နောက်ခံတေးများကို ရန်နိုင်စိန် (လူထု တိုက်ပွဲ)၊ သဟာယ ဆရာတင် (မမေ့ နိုင်၊ ကမ္ဘာ့စံပြနှင့် လွမ်းမပြေတဲ့ စနေ)၊ စိန်ဝေလျှံ (တစ်ဗိုလ်ကျ တစ် ဗိုလ်တက်)၊ တက္ကသိုလ်စိုး (ပြည်သူ့ မျက်ရည်)၊ ကက်နက်စိန် (အထွဋ် အမြတ်သွေး ငိုချင်း) နှင့် ရွှေပြည်အေး (ပြည်သူ့ရင်သွေး) တို့က ရေးစပ် သီကုံး ပေးကြသည်။ ဇာတ်ဝင်တေး များကို သီချင်းစာရွက် ရိုက်နှိပ်ရောင်းချပြီး ရောင်းရငွေ အားလုံးနှင့် ဂီတအနု ပညာရှင် များ၏ လုပ်အားခများ အားလုံး စုပေါင်း၍ အာဇာနည် ဗိမာန် ဆောက်လုပ်ရေး ရန်ပုံငွေသို့ ထည့် ဝင်ခဲ့ကြသည်။ မြန်မာနိုင်ငံ ရုပ်ရှင်နှင့် ပြဇာတ် အစည်း အရုံးမှ ရုံတင်ပြသ ရရှိ ငွေကျပ်ငါးသောင်း တိတိအား အာဇာ နည်ဗိမာန်ဆောက်လုပ်ရေး ရန်ပုံငွေ သို့ လှူဒါန်းခဲ့ရာ အာဇာနည် ဗိမာန်အတွက် အသင်း အဖွဲ့အားလုံး၏ လှူဒါန်းမှုများတွင် အများဆုံး အဖြစ် မှတ်တမ်းဝင်ခဲ့ပါသည်။
ဗိုလ်ချုပ်အောင်ဆန်း၏ လွတ်လပ်ရေး လမ်းစဉ် မော်ကွန်းတင် သတင်းကားကို ပြည်သူ တို့က တစ်ခဲနက် ဂါရဝပြု အားပေးခဲ့ကြ သဖြင့် ဝင်ငွေ အထူးကောင်းခဲ့သည်။ ထို ရုပ်ရှင်ကား၏ ဝင်ငွေဖြင့် မြန်မာ့ ရုပ်ရှင် အနုပညာရှင်များက လွတ်လပ်ရေး ကြိုးပမ်းမှုတွင် အသက်ပေး သွားကြသော အာဇာနည်ကြီးများ အား အလေးထား ဂါရဝပြုပုံ မှာ မြင့်မြတ် လှပါသည်။ ထို့ပြင် မြန်မာ နိုင်ငံ ရုပ်ရှင်နှင့် ပြဇာတ်အစည်း အရုံးက ဦးဆောင်၍ မြန်မာရုပ်ရှင် အနုပညာရှင် များသည် ဂျူဗလီခန်းမ ရှိ အာဇာ နည်ခေါင်းဆောင်ကြီးများ ၏ ရုပ်အလောင်း များကို စုဝေး ဂါရဝပြုစဉ်က အောက်ပါ အဓိဋ္ဌာန် စာတမ်းကို ဖတ်ကြားခဲ့ကြပါသည်။
“မြန်မာ့ လွတ်လပ်ရေးကို အသက်ပေး၍ သွေးနှင့် ရင်းနှီးသွား ကြသော ဗိုလ်ချုပ် အောင်ဆန်းအမှူး ရှိသည့် အာဇာနည် ခေါင်းဆောင်ကြီး များခင်ဗျား.. ဤနေ့၊ ဤရက်၊ ဤ အချိန်တွင် ကျွန်တော်များ မြန်မာ နိုင်ငံ ရုပ်ရှင်နှင့် ပြဇာတ် အစည်းအရုံး ကြီးမှ ဦးဆောင်၍ ရုပ်ရှင်ပြဇာတ် နယ်တစ်ခွင်ရှိ လူအပေါင်း တို့က ခေါင်းဆောင်ကြီး များထံ တညီ တညွတ်တည်း လာရောက်၍ လေးစားစွာ ဦးညွတ် အရိုအသေ ပြုကြပါကုန်၏။
ခေါင်းဆောင်ကြီး များ ချမှတ် ပေးအပ်သွားခဲ့သည့် လမ်းစဉ် အတိုင်း မဆုတ် မဆိုင်း၊ မသွေမဖည် တစ်ညီတစ်ညွတ်တည်း ချီတက် လိုက်နာကြမည် သာမက ပြည်သူလူထု အားလည်း ရုပ်ရှင် ပြဇာတ် လောက မှတစ် ဆင့် လွတ်လပ်ရေး တံခါးပွင့် သည် အထိ တတ်အားသမျှ လမ်းညွှန်ပြ၊ အင်အား တက်ကြွ၊ ဇာတိမာန် တက်ကြွစေခြင်းဖြင့် ရုပ်ရှင် ပြဇာတ် ပညာကို အမြဲမပြတ် အသုံးပြု မည်ဖြစ်ကြောင်း နှင့် ခေါင်းဆောင် ကြီးများ၏ ညွှန်ကြားချက် အတိုင်း ချမှတ်ပေးခဲ့သော လွတ်လပ်ရေး လမ်းစဉ်ကို မြားဦးတည် ရည်မှန်း၍ အဖ မြန်မာ နိုင်ငံတော် ကြီး နှင့် တကွ မြန်မာ တိုင်းရင်းသူ၊ တိုင်းရင်းသား အားလုံး လွတ်လပ်သည် အထိ မရှောင်မတိမ်း၊ မယိမ်းမယိုင် ကျောက်စာတိုင် ကဲ့သို့ မားမားမတ် မတ် တောင့် တင်းစွာ ရပ်လျက် ကျိုးနွံရိုသေစွာ လိုက်နာဆောင် ရွက် မည်ဖြစ်ပါကြောင်းကို ခေါင်း ဆောင် ကြီးများ ရှေ့မှောက်တွင် လာရောက် ၍ သစ္စာ အဓိဋ္ဌာန် ပြုကြပါသည်” ဟူ၏။
ကျဆုံး သွားသော ခေါင်းဆောင်ကြီး များ၏ ရုပ်အလောင်းများကို ၁၉၄၇ ခုနှစ်၊ ဇူလိုင်လ ၂ဝရက်နေ့ တွင် ရန်ကုန်မြို့၊ ဂျူဗလီ ခန်းမသို့ ပြောင်းရွှေ့ သယ်ယူ ဂါရဝပြုခဲ့ သည်။ ဦးရာဇတ်နှင့် ရဲဘော် ကိုထွေးတို့၏ ရုပ်အလောင်း များအား မဟာမေဒင် ဘာသာ ဓလေ့ထုံးစံ အရ ဇူလိုင်လ ၂ဝရက်၊ ညနေ၄နာရီ၊မိနစ် ၃ဝ အချိန်တွင် တာမွေ၊ ကင်းဘဲလမ်း မဟာမေ ဒင် သင်္ချိုင်း၌ မြှုပ်နှံ သင်္ဂြိုဟ် ခဲ့သည်။ သြဂုတ်လ ၃ဝ ရက်၊ ၁၉၄၇ ခုနှစ် တွင် ဂျူဗလီဟော၌ အာဇာနည် ဗိမာန် တည်ဆောက်ရေး အဖွဲ့ အမှု ဆောင် အစည်းအဝေး ကျင်းပခဲ့ သည်။
အနုပညာရှင် များကလည်း အာဇာနည် ဗိမာန် ဆောက်လုပ်ရေး ရန်ပုံ ငွေအတွက် အစွမ်းကုန် ပါဝင်ကာ အနုပညာကို ချစ်မြတ်နိုးသော ဗိုလ်ချုပ်အောင်ဆန်းနှင့် တကွ အာဇာနည် ကြီးများအား ဂါရဝပြုခဲ့ကြသည်။ ၁၉၄၈ ခုနှစ်၊ ဧပြီလ ၁၁ ရက်နေ့တွင် ဗိုလ်ချုပ် အောင်ဆန်းနှင့် တကွ ကျဆုံးသွားကြသော ဝန်ကြီးများ၏ နိုင်ငံတော် ဈာပန အခမ်း အနားကို ကျင်းပပြီး ရွှေတိဂုံ စေတီမြောက် ဘက်မုခ်ရှိ အာဇာနည် ဗိမာန်၌ သင်္ဂြိုဟ်ခဲ့ကြသည်။ အနုပညာ ကိုချစ်သော ဗိုလ်ချုပ်အောင်ဆန်းနှင့် ဗိုလ်ချုပ်အောင်ဆန်းကို လေးစား ချစ်ခင်သော အနုပညာရှင်များ၏ အပြန်အလှန် ကျေးဇူးပြုပုံများ ကားတွေး မိတိုင်း ကြည်နူး မိပါတော့သည်။
ဧပရယ်မိုးဆက် - Popular Journal
စာကိုး- ကေးမြူး ရေး (မြန်မာ့လွတ်လပ်ရေး ကြိုးပမ်းမှု နှင့် ရုပ်ရှင်အနုပညာရှင်များ)
