၁။ ဆရာရှင့် ကျမအသက်က ၂၈ နှစ်ပါ။ ကိုယ်ဝန်က ၄လကျော်ပါပြီရှင့်။ ပထမဆုံးကိုယ်ဝန်ပါ။ မေးခိုင်ကာကွယ်ဆေးကို ဆေးခန်းမှာသွားထိုးတော့ OG မရောက်သေးတာနဲ့ လက်ထောက်ဆရာဝန်လေးက ဆေးကို လက်မောင်းမှာမထိုးဘဲ တင်းပါးမှာထိုးလိုက်ပါတယ်ရှင့်။ အဲ့ဒါ မှန်ကန်ရဲ့လား။ အကျိုးအာနိသင်ရှိရဲ့လား။ အန္တရာယ်ကင်းရဲ့လားရှင့်။ ဆေးကို အအေးခန်းထဲ မထားဘဲ ထိုးပါက အကျိုးအာနိသင်ရှိရဲ့လားရှင့်။
၂။ ဆရာခင်ဗျာ ကာကွယ်ဆေးများကို မည်သည့်နေရာတွင် မည်ကဲ့သို့ထိုးရကြောင်း သိလိုပါသည်ဆရာ။ ဥပမာ အရေပြားထဲထိုးရတာတွေ အရေပြားအောက်ထိုးရတာတွေ နားမလည်လို့ပါဆရာ။ BHS ဝန်ထမ်းတွေအတွက် လမ်းပြပေးပါဦးဆရာ။ Chat Box မှမေးသည်မှာ လိုင်းမကောင်းသောကြောင့်ဖြစ်ပါတယ်ဆရာ။ ကျေးဇူးပါဆရာ။
အသားဆေးမှန်သမျှ ကြွက်သားထဲထိုးနိုင်။ လက်မောင်း၊ တင်ပါး၊ ပေါင်။ ဆေးထိုးတဲ့ ဆရာဝန် ဆရာမတွေက ကာကွယ်ဆေးထားနည်းအတိုင်း ဆောင်ရွက်ပါမယ်။ ကာကွယ်ဆေးတခုချင်းစီမှာ ဆေးထိုးနည်း၊ ဆေးတိုက်နည်းတွေ ရှိတယ်။ အတိအကျလိုက်နာမှသာ ကာကွယ်ဆေးက ထိရောက်တယ်။
၁။ Intramuscular (IM) injection ဆိုတာ ကြွက်သားထဲထိုးတာဖြစ်တယ်။
၂။ Subcutaneous (SC) injection ဆိုတာ အရေပြားအောက်မှာထိုးတာဖြစ်တယ်။
၃။ Intradermal (ID) injection ဆိုတာ အရေပြားထဲထိုးတာဖြစ်တယ်။
၎။ Intranasal spray နှာခေါင်းထဲပန်းနည်းက Intranasal flu vaccine တုပ်ကွေးကာကွယ်ဆေးအတွက်ဖြစ်တယ်။
၅။ Oral administration ပါးစပ်ကနေတိုက်ရတဲ့ ကာကွယ်ဆေး။
တီဘီကာကွယ်ဆေး BCG တမျိုးတည်းသာ Intradermal (ID) injection နည်းနဲ့ထိုးရတယ်။ အာရုံကြောနဲ့ သွေးကြောတွေကို မထိခိုက်စေအာင်လုပ်ရတာဖြစ်တယ်။ မွေးစကလေးရဲ့ သေးငယ်တဲ့ ဘယ်ဖက်လက်မောင်းမှာ (15 mm, 26 gauge) အရွယ်အစားသာရှိတဲ့အပ်လေးနဲ့ထိုးရတယ်။ တခြားကာကွယ်ဆေး ထိုးဆေးတွေကို SC ဖြစ်ဖြစ် IM ဖြစ်ဖြစ် (25 mm, 23 gauge) အရွယ်အစားအပ်နဲ့ထိုးရတယ်။
Oral administration ပါးစပ်ကနေတိုက်ရတဲ့ ကာကွယ်ဆေးကို တချို့နေရာမှာ အစက်ချနည်း ဒါမှမဟုတ် ဆေးထိုးပိုက်နဲ့ တိုက်ရတယ်။
၁။ Oral administration ပါးစပ်ကနေတိုက်ရတဲ့ ကာကွယ်ဆေးများ = OPV, Rotavirus
၂။ Intramuscular (IM) injection ကြွက်သားထဲထိုး ထိုးရတဲ့ကာကွယ်ဆေးများ = DTwP, DTaP, DT, Td, TT, Hepatitis B, IPV, HiB, PCV-7
၃။ Subcutaneous (SC) injection အရေပြားအောက်မှာ ထိုးရတဲ့ကာကွယ်ဆေးများ = Measles, Yellow Fever
၎။ Intradermal (ID) injection အရေပြားထဲ ထိုးရတဲ့ကာကွယ်ဆေး= BCG
BCG ကာကွယ်ဆေးကို 0.05 ml (0.05 mg of BCG vaccine powder) တိတိကျကျဖျော်ထားတာကို တနှစ်အောက် ကလေးတွေကို ထိုးမယ်။ တနှစ်ကျော်ကလေးကို 0.1 ml (0.1 mg of BCG vaccine powder) ထိုးတယ်။ အများဆုံးက ဘယ်ဖက်လက်မောင်းမှာထိုးတယ်။ အီသီယိုးပီးယားမှာ ညာဖက်လက်မောင်းမှာသာထိုးတယ်။ BCG ကိုလည်း ရေခဲသေတ္တာထဲမှာ အပူချိန် +2 C to +8 C မှာထားသိုရမယ်။ မဖျော်သေးတာကို ခဲထားလို့လည်းရတယ်။ ဖျော်ပြီးရင်တော့ မခဲရပါ။ နေရောင်နဲ့တွေ့ရင် အာနိသင်ပျက်မယ်။
Pentavalent vaccines မှာ ComBE Five, Pentavac PFS, Easyfive, Pentaxim (DTaP), shan-5 နဲ့ Quinvaxem (DTwP) အမျိုးအစားတွေရှိတယ်။
အားလုံးကို 0.5 ml ထိုးတယ်။ အများဆုံးက ဘယ်ဖက်ပေါင်အပြင်နေရာမှာ Intramuscular (IM) ထိုးတယ်။
ရေခဲသေတ္တာထဲမှာ အပူချိန် +2 C to +8 C မှာထားသိုရမယ်။ မခဲရပါ။
PCV10 ကာကွယ်ဆေးကို ရေခဲသေတ္တာထဲမှာ အပူချိန် +2 C to +8 C မှာထားသိုရမယ်။ မခဲရပါ။ Pentavalent vaccines နဲ့အတူ ထားနိုင်တယ်။ အထားခံဆေးထည့်မထားလို့ ရေခဲသေတာထဲကနေထုတ်ယူပြီး ၆ နာရီကြာရင် ဆေးကို ဆက်မသုံးပါနဲ့။ PCV10 (Synflorix) ကာကွယ်ဆေးကို pentavalent vaccine ထိုးစဉ်မှာအတူထိုးနိုင်တယ်။ 6, 10 နဲ့ 14 ပတ်အရွယ် ကလေးတွေကိုထိုးတယ်။ Intramuscular (IM) injection ဘာဖက်ပေါင်အပြင်နေရာမှာထိုးတယ်။ Pentavalent vaccine ကို ဘယ်ဖက်ပေါင်မှာထိုးတယ်။ PCV10 ကို 0.5 ml ထိုးတယ်။ Two-dose vials တလုံးကို ၂ ယောက်စာလာတယ်။ PCV10 vaccine ကို 6, 10 နဲ့ 14 ပတ်တွေမှာထိုးပေးတယ်။ အသက်၁ နှစ်မှာ ၃ ခါထပ်ထိုးပြီး ဖြစ်ရမယ်။ ကလေးဆေးစထိုးတာနောက်ကျခဲ့ရင်လည်း ဆေး ၃ လုံးအပြည့်ထိုးပါ။ တခါနဲ့တခါ ၄ ပတ်ခြားပါ။
Tetanus toxoid (TT) မေးခိုင်ကာကွယ်ဆေးကို 0.5 ml ထိုးတယ်။ ကိုယ်ဝန်ဆောင်တိုင်း မမွေးခင် ၂ ခါ ထိုးတယ်။ တခါနဲ့တခါ တလခြာထိုးတယ်။ နောက်တကြိမ် (၁ဝ) နှစ်နေမှသာလိုတော့မယ်။ လက်မောင်းဖြစ်ဖြစ် တင်ပါးဖြစ်ဖြစ် ထိုးနိုင်တယ်။ (IM) အသားဆေးဖြစ်တယ်။ ရေခဲသေတ္တာထဲမှာ အပူချိန် +2 C to +8 C မှာ ထားသိုရမယ်။ မခဲရပါ။
ဒေါက်တာတင့်ဆွေ
https://www.facebook.com/drtintswe/
