မီးနေသည်ရေးရာ အဖြာဖြာ


ကိုယ်ဝန်ဆောင်များ ကလေးမီးဖွားပြီးစကို ''မီးနေသည်'' လို့ခေါ်ဆိုလေ့ရှိပါတယ်။ အမျိုးသမီးတစ် ယောက်အတွက် ရင်သွေးရတနာမွေးဖွားခြင်းဟာ ဂုဏ်ယူကြည်နူးစရာအတိဖြစ်ပါတယ်။ တစ်ချိန်တည်းမှာဘဲ စိတ်ပိုင်းဆိုင်ရာရော ရုပ်ပိုင်းဆိုင်ရာပါ အာရုံခံစားမှုသက်တောင့်သက်သာ မရှိကြတာ ဓမ္မတာပါ။

#မွေးဖွားပြီးနောက် စိတ်ကျရောဂါ

သားဖွားပြီးတဲ့အခါမှာ ရုတ်တရက်ဆိုသလို ခန္ဓာကိုယ်တွင်းမှာ ဟိုမုန်းတွေကြီးကြီးမားမားပြောင်းလဲ သွားတာကြောင့် စိတ်မပျော်ရွှင်ခြင်း၊ စိတ်ပျက်အားငယ်ခြင်း၊ စိတ်ကသိကအောက်ဖြစ်ခြင်း၊ ပင်ပန်းနွမ်းနယ် ခြင်း၊ အိပ်မပျော်ခြင်း၊ အစာစားချင်စိတ်မရှိခြင်း (သို့မဟုတ်) အလွန်အကျွံစားသောက်လိုစိတ် ပြင်းပြခြင်း၊ အလိုလိုဒေါသထွက် သည်းခံချင်စိတ်မရှိခြင်း၊ နောင်တရငိုကြွေးခြင်းစတဲ့ စိတ်ကျရောဂါကို အနည်းနဲ့အများ ဆိုသလို ခံစားရလေ့ရှိပါတယ်။ မစိုးရိမ်ပါနှင့်။ ရက်အနည်းငယ်အတွင်းမှာပင် ထိုခံစားမှုတွေ ပျောက်ကွယ်သွား ပါလိမ့်မယ်။ (ခင်ပွန်းနဲ့မိသားစုဝင်များက ထိုကာလတိုလေးမှာ နားလည်ဖေးမခြင်းဖြင့် မိခင်နှင့်ကလေးကျန်းမာ ရေးအတွက် ကူညီပေးသင့်ပါတယ်)

မွေးဖွားပြီးနောက် #ရင်သားအခြေအနေ

မိခင်၏ကျန်းမာရေး အခြေအနေပေါ်မူတည်၍ မွေးဖွားပြီးပြီးချင်း (သို့မဟုတ်) မကြာမီအတွင်းမှာပင် မိခင်နို့အုံမှ နို့ဦးရည်များစတင်ထွက်လာပါပြီ။ ထိုနို့ဦးရည်မှာ ပရိုတင်းဓာတ်အများဆုံး ပါဝင်နေတာကြောင့် ရင်သွေးငယ်အတွက် ပဋိဇီဝဆေးသဖွယ်အစွမ်းထက်လှပါတယ်။ မွေးဖွားပြီးနောက် ၃-ရက်၎-ရက်လောက် အကြာမှာ နို့ထွက်အားနှုန်းကောင်းလာပြီဖြစ်ရာ ထိုအချိန်မှစပြီးနို့အုံယောင်ရမ်းလာပြီး၊ မာကျောလာခြင်းနှင့် အတူ မခံမရပ်နိုင်အောင် နာကျင်မှုတွေပါ ဆက်တိုက်ခံစားလာရပါတယ်။ ထိုဝေဒနာအတွက် သန့်စင်တဲ့ လက်ကိုင်ပ၀ါကို ရေနွေးနွေးမှာစိမ်ညှစ်၍ နို့အုံကိုအသာအယာဖိချေပေးခြင်း၊ ရင်သားတစ်စုံကို တစ်လှည့်စီ ကလေးငယ်အား ကြိမ်ဖန်များစွာနို့တိုက်ပေးခြင်း၊ နို့ရည်မလိုက်သူများအတွက် နို့ရည်စုပ်ခွက်(ကိရိယာ)ကို အသုံးပြု၍ နို့ရည်စုပ်ထုတ်ပေးခြင်းဖြင့် မီးနေသည်၏ နာကျင်မှုကိုပြေပျောက်စေနိုင်မှာဖြစ်ပါတယ်။ ရက်အနည်း ငယ်အတွင်းမှာပင် မိခင်ရောရင်သွေးငယ်ပါ နို့ချိုတိုက်ကျွေးမှုကျင့်သားရသွားပါလိမ့်မယ်။ မီးနေသည်ရဲ့ရင်သား ဟာ ကိုယ်ဝန်ဆောင်တုန်းကလို တင်းတင်းရင်းရင်းမရှိနိုင်တော့ပေမယ့် စိတ်မညစ်ပါနဲ့။ ကလေးနို့ပြတ်သွားတဲ့ အခါမှာ လေ့ကျင့်ခန်းလုပ်ခြင်းဖြင့် ရင်သားတွဲကျမှုကိုသက်သာစေကာ မူလရင်သားအသွင်နီးပါးပြန်လည်ရယူ နိုင်ပါတယ်။

မွေးဖွားပြီးနောက် #၀မ်းဗိုက်အခြအနေ

ကလေးမီးဖွားပြီးချိန်မှစပြီး ၀မ်းဗိုက်ပိုင်းနှင့် ၀မ်းဗိုက်အောက်ခြေပိုင်းတို့ဟာ ပျော့စိနေပြီး၊ အတွန့်ကြေ ကြောင်းများဖြင့် ရှုံ့တွနေတတ်ပါတယ်။ အဲဒီအတွက်လည်း စိတ်မပျက်ပါနဲ့။ ဗိုက်ချပ်၊ ဗိုက်စည်းတွေသုံးနိုင် သလို၊ Past-Natal Exercise (ခေါ်) မီးနေသည်များလုပ်ရမည့် လေ့ကျင့်ခန်းကတွဲကျနေတဲ့ ဗိုက်ကြွက် သားများကို ပြန်လည်တင်းမာသန်စွမ်းလာစေမှာပါ။ ချုပ်ရိုးအနာကျက်သွားတဲ့အခါမှာတော့ ဗိုက်ကြောပြတ်ခြင်း ကို ပြေပျောက်စေတဲ့ လိမ်းဆေးတွေလိမ်းပေးနိုင်ပါတယ်။

မွေးဖွားပြီးနောက် #သွေးဆင်းခြင်း

ဗိုက်မခွဲဘဲသဘာဝနည်းဖြင့် မွေးဖွားသူများဟာမွေးဖွားပြီးနောက် ရက်အနည်းငယ်ကြာတဲ့အထိ သွေး များများဆင်းလေ့ရှိပါတယ်။ ထို့အတွက် မစိုးထိတ်ပါနှင့်။ သားအိမ်ဟာ ၆-ပတ် (၄၅ ရက်ခန့်)တာ ကာလ အတွင်း ပုံမှန်အနေအထားသို့ ပြန်လည်ရောက်ရှိလာပါလိမ့်မယ်။ ပျမ်းမျှရက်သတ္တပတ် ၂-ပတ်မှ ၆-ပတ်အထိ သွေးဆင်းတတ်ပြီး၊ သွေးအရောင်လျော့လာတာနဲ့အမျှ သွေးဆင်းခြင်းပြီးဆုံးလာပါပြီ။ ထိုသို့ သွေးဆင်းခြင်း အတွက် မီးဖွားပြီးအမျိုးသမီးသုံးပစ္စည်း(ခေါ်) Maternity Pad ကိုသာသုံးပါ။ ရာသီသွေးထိန်း အတောင့်(ခေါ်) Tampons ကိုလုံးဝမသုံးပါနဲ့။

#မွေးလမ်းကြောင်းချုပ်ရိုး

ဗိုက်မခွဲဘဲသဘာဝနည်းဖြင့် မွေးဖွားသူများမှာ မွေးလမ်းကြောင်းချဲ့ပြီး ပြန်ချုပ်ရတာကြောင့် ချုပ်ရိုးကို ခြောက်သွေ့သန့်ရှင်းအောင် ထားပေးသင့်ပါတယ်။ ဆီးသွားချိန် ချုပ်ရိုးကတင်းပြီး နာလွန်းတဲ့အခါ ရေဇလုံ (သို့မဟုတ်) အင်တုံခွက်သန့်သန့်တစ်ခုထဲသို့ ရေခပ်နွေးနွေးထည့်ပြီး ချုပ်ရိုးနေရာကိုရေစိမ်ပြီး ဒီရေထဲကို ဆီးသွားပေးပါ။ သန့်စင်ခန်းသုံးပြီးတိုင်း၊ ရေချိုးပြီးတိုင်း ချုပ်ရိုးကို ခြောက်သွေ့အောင်ထားပေးပါ။ (အကယ်၍ ဗိုက်ခွဲမွေးထားသူများအနေဖြင့် ဗိုက်ချုပ်ရိုးကိုခြောက်သွေ့သန့်ရှင်းနေပါစေ)

သားဖွားပြီးနောက် #ရက်သတ္တပတ် ၆-ပတ်အကြာ

မီးနေသည်တိုင်းသားဖွားပြီးနောက် ရက်သတ္တပတ်၆-ပတ်အကြာမှာ သက်ဆိုင်ရာဆရာဝန်နှင့်မပျက် မကွက် ပြသဖို့လိုအပ်ပါတယ်။ ဆရာဝန်က သွေး၊ ဆီး၊ ရင်သား၊ ၀မ်းဗိုက်၊ ၀မ်းဗိုက်အောက်ပိုင်း အနေအထား များ၊ ချုပ်ရိုးအနာကျက်/မကျက်၊ သားအိမ်အရွယ်အစားနှင့် သားအိမ်အနေအထား ပုံမှန်အခြေအနေ ဖြစ်/မဖြစ် ကို စစ်ဆေးပေးမှာဖြစ်ပါတယ်။ မီးနေသည်၏ ရုပ်ပိုင်း-စိတ်ပိုင်းဆိုင်ရာတွေကို နှစ်သိမ့်ဆွေးနွေးနိုင်သလို၊ သားဆက်ခြားနည်းဆိုင်ရာ နည်းစံနစ်တို့ဖြင့် လိုအပ်သလို တားဆီးကာကွယ်မှုကို ခံယူထားဖို့လိုအပ်နေပါပြီ။

#မူလခန္ဓာကိုယ်အနေအထား ပြန်လည်ရရှိရန်
ပျမ်းမျှမီးနေသည် ၁၀-ဦးမှာ၉-ဦးက မွေးဖွားပြီးတဲ့တိုင်အောင် ကိုယ်အလေးချိန်မလျော့ ဗိုက်လည်း ဆက်၍ ဖောင်းစူနေသေးတာကြောင့် ၁-လခန့်ကြာသည့်တိုင် ကိုယ်ဝန်ဆောင်အင်္ကျီကို ဆက်လက်ဝတ်ဆင် ရလေ့ရှိပါတယ်။ အဲဒီအတွက်မစိုးရိမ်ပါနဲ့။ ရက်သတ္တပတ် ၆-ပတ်ကာလရောက်တဲ့အခါမှာ သားအိမ်ကပုံမှန် အနေအထား ပြန်ရောက်ရှိတာကြောင့် ဗိုက်စူဖောင်းမနေတော့သလို ကိုယ်အလေးချိန်ကလည်း မူလအနေ အထားနီးပါး ပြန်လည်ရောက်ရှိလာတော့မှာပါ။ မိခင်နို့ချိုတိုက်ကျွေးစဉ် ကာလဖြစ်တာကြောင့် ပိန်ချင်လို၍ အစာလျော့စား ရွေးချယ်စားခြင်းမျိုးတွေ မလုပ်သင့်ပါဘူး။ မိခင်နှင့်ကလေးအတွက် အာဟာရပြည့်ဝတဲ့ အစား များစားခြင်း၊ အန္တရာယ်ဖြစ်စေနိုင်မည့် အစာများရှောင်ခြင်း၊ျါေ ပါတဲ့အချိုရည်များ ရှောင်ခြင်းဖြင့် စားသောက် နည်းမှန်ကန်ပါစေ။ ရင်သွေးငယ်နို့မပြတ်ခင်မှာ ပုံမှန်လေ့ကျင့်ခန်း ပေါ့ပေါ့ပါးပါးလေးတွေလုပ်နိုင်သလို နို့ပြတ် ပြီးတဲ့အခါမှာတော့ လိုအပ်သလို ကိုယ်ကာယလေ့ကျင့်ခန်းလုပ်ခြင်းဖြင့် တစ်သားမွေးတစ်သွေးလှဆိုသလို ကျန်းမာနုပျိုစေမည်ဖြစ်ပါကြောင်း…..။

ပေါက်ပေါက်
Health Guide
https://www.facebook.com/mmhealthguide

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ