လူ့နှလုံးကဲ့သို့ အလုပ်လုပ်နိုင်သော ဆီလီကွန်နှလုံးတုကို သိပ္ပံပညာရှင်များဖန်တီး

လူ့နှလုံးနှင့် ပုံစံချင်းတူ၍ လူ့နှလုံးသား အစစ်ကဲ့သို့ပင် အလုပ်လုပ်နိုင်သော ဆီလီကွန်နှလုံးတုကို သုံးဖက်တိုင်း ပုံနှိပ်နည်းပညာဖြင့် ဆွစ်ဇာလန်သုတေသန သိပ္ပံပညာရှင်များက ဖန်တီးနိုင်ပြီ ဖြစ်ကြောင်း ပီတီအိုင် သတင်းဌာနက ယနေ့ရေးသား တင်ပြထားသည်။
.
လူ့နှလုံး အစစ်ကဲ့သို့ပင် နှလုံးတာဝန်များ ဆောင်ရွက်ပေးနိုင်မည့် ဆီလီကွန် နှလုံးတုဖြင့် နှလုံးရောဂါသည် သန်းပေါင်းများစွာ၏ အသက်ကို ကယ်တင် ပေးနိုင်မည် ဖြစ်ကြောင်း အီးတီအိတ်ခ်ျ ဇူးရစ်တက္ကသိုလ်မှ သိပ္ပံပညာ ရှင်များက ပြောကြားသည်။
.
ဆွစ်ဇာလန် သိပ္ပံပညာရှင်များ၏ ဆီလီကွန်နှလုံးတုသည် အလေးချိန် အားဖြင့် ၃၉ဝ ဂရမ်လေး၍ ထုထည်အားဖြင့် ၆၇၉ ကုဗစင်တီမီတာ ရှိကြောင်း ပီတီအိုင် သတင်းဌာန၏ အဆိုအရ သိရသည်။
.
အဆိုပါ ဆီလီကွန် နှလုံးတုသည် လူ့နှလုံးကဲ့သို့ပင် သွေးအဝင်အထွက် အခန်းနှစ်ခန်း ပါဝင်ပြီး ၎င်းအခန်းနှစ်ခန်းကို လူ့နှလုံးကဲ့သို့ Septum ခေါ် တစ်ရှူးနံရံဖြင့် မခြားထားဘဲ လေဟာနယ် အခန်းပိုတစ်ခုဖြင့် ခြားထားသည်။
.
လေဖိအားဖြင့် ကျုံ့နိုင် ဆန့်နိုင်သော ၎င်းအခန်းပိုသည် လူ့နှလုံး ကြွက်သားများနေရာတွင် အစားထိုးဝင်ရောက်၍ သွေးအဝင် အထွက်ခန်းများမှ အရည်များကို စုပ်ယူပေးနိုင်မည် ဖြစ်သည်။
.
အကယ်၍ ဆီလီကွန် နှလုံးတုနည်းပညာ အမှန်တကယ် အသုံးပြုခဲ့ပါက နှလုံးအစားထိုး ကုသရန် စောင့်ဆိုင်းနေသည့် လူနာများ အသက်ဆက်ရှင် နိုင်ရေးအတွက် ဆီလီကွန်နှလုံးတုဖြင့် ထိန်းပေးထားနိုင်မည် ဖြစ်သည်။
.
ကမ္ဘာတစ်ဝန်းလုံး၌ နှလုံးအစားထိုး ကုသမှုခံယူရန် လိုအပ်သော နှလုံးရောဂါသည် ၂၆သန်းမျှ ထိရှိသော်လည်း လူနာအချိုးအစားနှင့် နှလုံးအလှူရှင် ရရှိသော အချိုးအစား မျှတမှုမရှိကြောင်း ဆေးပညာရှင်များ အဆိုအရသိရ
သည်။

Pyi Chit Thar
The Myawady Daily
https://www.facebook.com/TheMyawadyDaily/