''ဆေးလိပ် သောက်ခြင်းသည် ကျန်းမာရေးကို ဆိုးရွားစွာ ထိခိုက်စေနိုင်သည်''ဆိုသည့် သတိပေးစကားကို ကြားဖူးမြင်ဖူး ကြပါလိမ့်မည်။ စီးကရက်ဘူးများ အပေါ်တွင်လည်း ရိုက်နှိပ်ထားလေ့ရှိသည်။ ဆေးလိပ်သောက်ခြင်းသည် ကျန်းမာရေးကို မည်မျှလောက်အထိ ထိခိုက်စေနိုင်သနည်း ဆိုသည်ကို ဆန်းစစ်ကြည့်ကြပါစို့။
ကမ္ဘာပေါ်တွင် ဆေးလိပ်သောက်ခြင်းကြောင့် ကျန်းမာရေး ထိခိုက်ကာ ၈ စက္ကန့်လျှင် လူတစ်ဦးနှုန်း သေဆုံးနေကြရသည်။ မြန်မာနိုင်ငံတွင်လည်း၂ဝ၁၄ ခုနှစ်တွင် ပြုလုပ်ခဲ့သော လေ့လာဆန်းစစ်မှု တစ်ခုအရ အမျိုးသားများ၏ ၄၃ ဒသမ ၈ ရာခိုင်နှုန်းနှင့် အမျိုးသမီးများ၏ ၈ ဒသမ ၄ ရာခိုင်နှုန်းမှာ ဆေးလိပ်သောက်သူများ ဖြစ်ကြကြောင်း တွေ့ရှိရသည်။ ဆေးလိပ်သောက်သူ အများစုမှာ ဆေးလိပ်သောက်ခြင်းသည် မိမိတို့၏ ကျန်းမာရေးကို ထိခိုက်စေနိုင်ကြောင်း သိရှိကြသော်လည်း မဖြတ်နိုင်ကြသည်ကို တွေ့ရှိရသည်။
ဆေးလိပ်ကို အဘယ်ကြောင့် သောက်ကြသနည်း
ဆေးလိပ်သောက်ရသည့် အကြောင်းပြချက်များမှာ အမြောက်အမြားပင်။ ဆေးလိပ်သောက်လျှင် စိတ်ကိုပျော်ရွှင်စေသည်။ လူကိုနိုးကြား တက်ကြွစေကာ အိပ်ချင်စိတ်ကို ပယ်ရှားစေသည်။ လုပ်ငန်းဆောင်တာများကို ပိုမိုလုပ်ကိုင် ဆောင်ရွက်နိုင်သည်။ စိတ်ဖိစီးမှုကို လျော့ကျစေသည်။ ဆာလောင်မှုကို ဟန့်တားပေးသောကြောင့် ကိုယ်ခန္ဓာ အလေးချိန် ထိန်းလိုသူများအတွက် အသုံးဝင်သည်။ အထက်ပါ အာနိသင် တစ်ခုခုကို ရယူလိုသောကြောင့် ဆေးလိပ် သောက်သည်ဟု ဆေးလိပ်စွဲသူများက အကြောင်းပြကြသည်။ စိတ် ဓာတ်ကျဆင်းနေသူများနှင့် စိတ်ကျ ဝေဒနာ ခံစားနေရသူများမှာ ဆေးလိပ်ပိုမို သောက်ကြသည်။ ဆေးလိပ်သောက်ရန် ဖန်တီးပေးသော ပတ်ဝန်းကျင် အခြေအ နေများကြောင့်လည်း ဆေးလိပ်သောက်ဖြစ်ကြသည်။ အထူးသဖြင့် အရာရာကို စူးစမ်းလိုစိတ် ပြင်းထန်သော ဆယ်ကျော်သက်အရွယ်တွင် ဆေးလိပ်သောက်မိကြပြီး စွဲလမ်းသွားတတ်ကြသည်။
ဆေးလိပ် အဘယ်ကြောင့် စွဲကြသနည်း
ဆေးလိပ်စွဲလမ်း သွားစေသည့် အဓိကလက်သည်မှာ ဆေးလိပ်တွင် ပါဝင်သော နီကိုတင်း ဓာတ်ပင်ဖြစ်သည်။ ဆေး လိပ်ငွေ့ကို ရှူရှိုက်လိုက်သည့်အခိုက် ၎င်းတွင်ပါဝင်သော နီကိုတင်း ဓာတ်သည် အဆုတ်သွေးကြောများမှ တစ်ဆင့် ခန္ဓာကိုယ်အတွင်းသို့ ဝင်ရောက်သွားပြီး ဦးနှောက်သို့လည်း ရောက်ရှိသွားသည်။ ထိုအခါစိတ်ချမ်းမြေ့ ကျေနပ်မှုဟူ သော ခံစားချက်ကို ရရှိခံစားလာရသည်။ ထိုခံစားချက်မှာ ဆေးလိပ် တစ်ဖွာရှိုက်ပြီး ၁ဝ စက္ကန့်မှ ၁၅ စက္ကန့်အကြာတွင် စတင်ဖြစ်ပေါ်လာသည်။ ဆေးလိပ်သောက်ပြီး ၁ဝ မိနစ်မှ ၁၅ မိနစ် အကြာတွင် နီကိုတင်းဓာတ် စတင်ပြယ်လာပြီး နာရီအနည်းငယ် ကြာသောအခါ လုံးဝအာနိသင် ပျောက်ကွယ်သွားသည်။ နီကိုတင်းဓာတ်ကို ပြန်လည်ဖြည့်တင်းရန် ဆေး လိပ်နောက်ထပ်တစ်လိပ် ထပ်သောက်ရတော့သည်။ ဤသို့ဖြင့် ဆေးလိပ် စွဲသွားကြပါသည်။
ဆေးလိပ်စွဲလမ်းနေမှုကို ပြသောလက္ခဏာများ
ဆေးလိပ်စွဲနေသူမှာ ဆေးလိပ်မသောက်ရပါက ကတုန်ကယင် ဖြစ်လာခြင်း၊ စိတ်လှုပ်ရှားလာခြင်း၊ စိတ်တိုဒေါသ ထွက်လွယ်လာခြင်း၊ စိတ်ဖိစီးလာခြင်း၊ အာရုံစူးစိုက်နိုင်မှု လျော့နည်းကျဆင်းလာခြင်း၊ စိတ်ဓာတ် ကျဆင်းလာခြင်း၊ ဗိုက်ဆာလာခြင်းများ ကြုံတွေ့ခံစားလာရသည်။
ဆေးလိပ်သောက်ခြင်းကြောင့် ဖြစ်ပွားနိုင်သော ရောဂါများ
ဆေးလိပ်သောက်ခြင်းကြောင့် အသက်ရှူလမ်းကြောင်းဆိုင်ရာ ရောဂါများ၊ နှလုံးနှင့် သွေးကြောဆိုင်ရာ ရောဂါများ၊ ခံတွင်းဆိုင်ရာ ရောဂါများ၊ အစာအိမ်နှင့် အူလမ်းကြောင်းဆိုင်ရာ ရောဂါများ၊ ကင်ဆာရောဂါ အမျိုးမျိုး၊ မျိုးပွားမှု အင်္ဂါဆိုင်ရာ ရောဂါများနှင့် အခြားရောဂါများ ဖြစ်ပွားစေနိုင်သည်။
အသက်ရှူ လမ်းကြောင်း ဆိုင်ရာ ရောဂါများမှာ နာတာရှည် အဆုတ်ရောင်ရောဂါ ဖြစ်ပွားခြင်း၊ အဆုတ်ပွ နမိုးနီးယား ရောဂါဖြစ်ပွားရန် လွယ်ကူခြင်း၊ အဆုတ်တီဘီရောဂါ ကူးစက်ရန် လွယ်ကူခြင်း၊ အဆုတ်ကင်ဆာ ရောဂါ ဖြစ်ပွားစေ ခြင်းတို့ဖြစ်သည်။ နှလုံးနှင့် သွေးကြောဆိုင်ရာ ရောဂါများမှာ နှလုံးသွေးကြောကျဉ်းရောဂါ၊ ရုတ်တရက် နှလုံးသွေး ကြောပိတ်၍ နှလုံးကြွက်သားပုပ်ခြင်း၊ ရုတ်တရက် နှလုံးရပ်သေဆုံးခြင်း၊ ဦးနှောက်သွေးကြောပိတ်၍ လေဖြတ်ခြင်း၊ သွေးမလျှောက်၍ ခြေလက်များ ပုပ်ခြင်းတို့ ဖြစ်သည်။
ခံတွင်းနှင့် ဆိုင်သော ရောဂါများမှာ ခံတွင်းကင်ဆာရောဂါ၊ သွားဖုံးရောင်ခြင်း၊ ခံတွင်းတွင် မှက္ခရုစွဲခြင်း၊ သွားများဝါ ခြင်း၊ ရေစီးကမ်းပြိုလိုက်ခြင်းတို့ဖြစ်သည်။ ကင်ဆာရောဂါ အမျိုးမျိုးမှာ အသံအိုးကင်ဆာ၊ လည်ချောင်းကင်ဆာ၊ အစာမျိုပြွန်ကင်ဆာ၊ အစာအိမ်ကင်ဆာ၊ မုန့်ချိုအိတ်ကင်ဆာ၊ ကျောက်ကပ်ကင်ဆာ၊ ဆီးအိမ်ကင်ဆာ၊ သွေးကင်ဆာ၊ သား အိမ်ခေါင်း ကင်ဆာတို့ဖြစ်သည်။
အစာအိမ် လမ်းကြောင်းဆိုင်ရာ ရောဂါများမှာ အစာအိမ်နာ လေအောင့်ရောဂါ၊ အစာအိမ် အနာပေါက်ခြင်းတို့ဖြစ်သည်။ အမျိုးသမီးဆိုင်ရာ ရောဂါများမှာ သန္ဓေသားပျက်ကျခြင်း၊ ရက်လမစေ့သော သန္ဓေသားမွေးဖွားခြင်း၊ ပေါင်မပြည့်သောသန္ဓေသား မွေးဖွားခြင်း၊ မီးမဖွားမီသွေးသွန်ခြင်း၊ သန္ဓေသား အသေမွေးဖွားခြင်း သို့မဟုတ် မွေးဖွားစဉ် သန္ဓေသား သေဆုံးခြင်း၊ သန္ဓေသား မရနိုင်ခြင်းတို့ဖြစ်သည်။ ဆေးလိပ်သောက်ခြင်းကြောင့် အရွယ်မတိုင်မီ အိုမင်းရင့် ရော်ခြင်းလည်း ဖြစ်နိုင်သည်။
ဆေးလိပ်ဖြတ်ခြင်း၏ အကျိုးကျေးဇူးများ
အထက်တွင် ဖော်ပြခဲ့သည့်အတိုင်း ကျန်းမာရေးအတွက် ဆိုးကျိုးကို ဖြစ်စေတတ်သော ဆေးလိပ်သောက်ခြင်းအလေ့ အထကို စွန့်လွှတ်လိုက်ပါက ကောင်းကျိုး အထွေထွေကို ရရှိစေနိုင်သည်။ ၎င်းတို့မှာ အောက်ပါအတိုင်းဖြစ်ပါသည်-
(က) ငွေကုန်ကြေးကျ သက်သာစေသည်။
(ခ) အဆုတ်သန့်စင် သွားပြီး အသက်ရှူရ ချောင်သွားကာ သက်လုံကောင်းစေသည်။
(ဂ) ကိုယ်ခံအား ကောင်းမွန်လာပြီး အအေးမိ နှာစေးခြင်း၊ အဆုတ်နှင့် အသက်ရှူ လမ်းကြောင်းဆိုင်ရာ ရောဂါ များဖြစ်ပွားခြင်းမှ အကာအကွယ်ပေးနိုင်သည်။
(ဃ) အသားအရေကို စိုပြည်စေကာ အရွယ်ကို နုပျိုစေသည်။
(င) ခံတွင်းလိုက်လာကာ အစားအသောက်ပျက်ခြင်းကို လျော့ပါးစေသည်။
(စ) အသက်ရှည် ကျန်းမာစေသည်။ ဆယ်ကျော်သက် အရွယ်ကတည်းက ဆေးလိပ်စတင် သောက်လာသူ တစ်ဦး သည် အသက် ၃ဝ အရွယ်တွင် ဆေးလိပ်ဖြတ်လိုက်ပါက ဆေးလိပ်ဆက်သောက်နေသူနှင့် နှိုင်းယှဉ်လျှင် သက်တမ်း ၁ဝ နှစ် ပိုရှည်သွားမည်ဖြစ်သည်။ အသက် ၆ဝ အရွယ်တွင် ဆေးလိပ်ဖြတ်ပါမူ သက်တမ်း သုံးနှစ်ပိုရှည် မည်ဖြစ် သည်။ တစ်နည်းဆိုရသော် မည်သည့်အရွယ် ရောက်သည်ဖြစ်စေ ဆေးလိပ်ဖြတ်လိုက်ခြင်းအားဖြင့် အကျိုးယုတ်သွား သည်ဟူ၍ မရှိနိုင်ပေ။
(ဆ) ဆေးလိပ်ဖြတ်ခြင်းဖြင့် အိမ်ထောင်ရေး သုခကို ပိုမိုခံစား ရနိုင်ဖွယ်ရှိသည်။
(ဇ) ဆေးလိပ်သောက်ခြင်းကြောင့် မိမိ၏ကိုယ်ခန္ဓာမှ အနံ့ဆိုးများ ထွက်နေမှုမှ ကင်းဝေးသွားမည်။
(ဈ) ဆေးလိပ်ဖြတ်ခြင်းဖြင့် မိမိကိုယ်တိုင်တွင် သာမက မိမိပတ်ဝန်းကျင်ရှိ မိသားစု၊ ဆွေမျိုးမိတ်သင်္ဂဟ အပေါင်းတို့ပါ ဆေးလိပ်ငွေ့ကို ရှူရှိုက်နေရသည့်ဒုက္ခမှ ကင်းဝေးကာ ရောဂါဘယများ ဖြစ်ပွားနိုင်မှု အခွင့်အလမ်းများ နည်းပါးသွား မည်ဖြစ်သည်။
(ည) နီကိုတင်းကို စွဲလမ်းမိသောကြောင့် ဆေးလိပ်မသောက်ရလျှင် ကြုံတွေ့ရနိုင်သည့် စိတ်လှုပ်ရှားခြင်း၊ ဂနာမငြိမ် ဖြစ်ခြင်းနှင့် စိတ်ဖိစီးမှု ဖြစ်ခြင်းတို့ကို ဖယ်ရှားလိုက်နိုင်သည်။
ဆေးလိပ်ဖြတ်ရန် နည်းလမ်းများ
ဆေးလိပ်ဖြတ်လိုသူကို အောက်ပါအတိုင်း အကြံဥာဏ်ကောင်းများကို မျှဝေပေးလိုသည်။
(က) ဆေးလိပ်ဖြတ်မည့်ရက်ကို ကြိုတင်သတ်မှတ်ကာ မိမိ၏ မိတ်ဆွေအပေါင်း အသင်းများကို အသိပေးကြေညာ ထားသင့်သည်။ သို့မှသာ ၎င်းတို့ရှေ့တွင် ဆေးလိပ်ပြန်လည် သောက်ဖို့ မျက်နှာပူကာ စိုးရွံ့စိတ် ဝင်မိမည်ဖြစ်သည်။
(ခ) မိမိတွင် ဆေးလိပ်ဖြတ်ရသည့် အကြောင်းအရင်း ခိုင်ခိုင်မာမာ ရှိထားရန် လိုအပ်ပြီး ထိုအကြောင်းပြချက်ကြောင့် ဆေးလိပ် ပြတ်ကိုပြတ်ရမည် ဟူသော ခိုင်မာသည့် သန္နိဋ္ဌာန် ချထားရန် လိုအပ်သည်။
(ဂ) ဆေးလိပ် သောက်ချင်စိတ် ပေါ်လာပါက အာရုံပြောင်းနိုင်အောင် ကြိုးစားရမည်။
ဥပမာ- ကစားခုန်စား အားကစား ပြုလုပ်ပေးခြင်း၊ သီချင်းဆိုခြင်း၊ စာဖတ်ခြင်း၊ သီချင်းနားထောင်ခြင်း၊ တရားမှတ်ခြင်း စသည်ဖြင့် မိမိတို့ဝါသနာပါရာကို အစားထိုး လုပ်ဆောင် ကြည့်သင့်သည်။
(ဃ) မိမိအိမ်တွင် ဆေးလိပ်၊ ဆေးလိပ်ပြာခွက်၊ မီးခြစ်စသည်တို့ကို ဖယ်ရှားထားရန် လိုအပ်သည်။ ၎င်းတို့ကို အလွယ်တကူ ရရှိနိုင်သည့် နေရာတွင်ထားရှိပါက စိတ်မထိန်းနိုင်ေ တာ့သောအခါ ဆေးလိပ်ပြန်သောက်ရန် လမ်းစဖွင့်ထား သကဲ့သို့ ဖြစ်နေတတ်သည်။
(င) ဆေးလိပ် သောက်ချင်စိတ်ကို ဖြစ်စေသော အရာများကို ရှောင်ကြဉ်ရန် လိုအပ်သည်။ ကော်ဖီ၊ လက်ဖက်ရည်၊ အရက်များ သောက်ရင်း ဆေးလိပ် သောက်တတ်ပါက ၎င်းတို့ ကိုပါ ခေတ္တခဏ ဖြတ်ထားသင့်သည်။ ထမင်းစား သောက်ပြီး ဆေးလိပ်သောက်တတ်ပါက ထမင်းစားပြီး အချိုတည်းခြင်း၊ သောက်ရေတဝ သောက်ခြင်း၊ သွားတိုက်ပ လုတ်ကျင်ြး ခင်း စသည်တို့ဖြင့် အစားထိုး လုပ်ဆောင်သင့်သည်။
(စ) ဆေးလိပ်သောက်သော မိတ်ဆွေ၊ အသိုက်အဝန်းများကို ရှောင်ကြဉ်သင့်သည်။ ထိုကဲ့သို့ ရှောင်ကြဉ်နိုင်ခြင်းမရှိ ပါက ဆေးလိပ်ဖြတ်ထားသောကြောင့် မိမိရှေ့တွင် ဆေးလိပ် မသောက်ကြပါရန် မေတ္တာရပ်ခံ ပန်ကြားထားသင့်သည်။
အချုပ်အားဖြင့် ဆိုရသော် ကျန်းမာရေးကို ထိခိုက်စေနိုင်သော ဆေးလိပ်ကို ဖြတ်သင့်သည်။ ဆေးလိပ်ဖြတ်ပြီး သွားသည့်နောက်တွင် နီကိုတင်းကို တာရှည်စွဲလမ်းမှု မရှိတတ်ပေ။ စွဲလမ်းခြင်း ဝေဒနာ ခံစားရပါကလည်း ရက်သတ္တပတ် အနည်းငယ်သာ အလွန်ဆုံး ကြာမြင့်တတ်သည်။ ဆေးလိပ်ဖြတ်ရန် အခက်အခဲရှိပါက ကျွမ်းကျင်သော ဆေးဘက်ဆိုင်ရာ ပုဂ္ဂိုလ်များထံမှ အကြံဥာဏ်များ ရယူသင့်ပါကြောင်း တိုက်တွန်းရေးသား လိုက်ရပေသည်။ ။
ဒေါက်တာ မင်းစိုးဦး
မြ၀တီ
https://www.facebook.com/mwdmedia
