ဗီတာမင် သို့မဟုတ် သင့်ရဲ့ထာဝရမိတ်ဆွေ

ကမ္ဘာ့လူသားတို့သည် ၁၈ ရာစု မတိုင်မီ အချိန် အထိ မိမိတို့စားသုံးသော အစားအစာများက မိမိအတွက် မည်ရွေ့မည်မျှ အကျိုးသက်ရောက်မှု ဖြစ်စေသည်ကို မသိရှိခဲ့ကြပေ။ အစားအစာ တစ်မျိုးမျိုးကြောင့် ကျန်းမာရေးချို့ယွင်းမှု ဖြစ်ရသည့်အခါများ၌လည်း အစားအသောက် ကြောင့် ရောဂါဖြစ်ရသည်ဟု မတွေးမိကြသလို တစ်ခါတစ်ရံ၌ စားသင့်သောအစားအစာကို မစားမိသောကြောင့် ရောဂါထွေပြားနေရ သည် ဟုလည်း မစဉ်းစားမိခဲ့ကြပေ။

ရောဂါတစ်ခုဖြစ်လာသည့်အခါ ရိုးရာကုထုံး ဆေးဝါးများဖြင့်သာ ပျောက်ကင်းချမ်းသာရာ ရအောင် ကုသခဲ့ကြသည်။ ထိုစဉ်ကာလများက ဆေးဖက်ဝင်အပင်ဟု စွဲမြဲစွာယုံကြည်ထားကြ သော သစ်ပင်များ၏ အခေါက်၊ အပွေး၊ အတက်၊ အရွက်နှင့် အမြစ်စသည်တို့သည် ရောဂါပျောက် ကင်း ချမ်းသာအောင် ကုသရာတွင် တန်ဖိုးကြီးသောဆေးဝါးကုန်ကြမ်းများ ဖြစ်ခဲ့သည်။ ထို ဆေးဝါးကုန်ကြမ်းများဖြင့် ဖော်စပ်သော တိုင်း ရင်းဆေးများစွာတို့သည် လူ့အသက်ပေါင်း များစွာကို ကယ်တင်နိုင်ခဲ့သည်။
၁၈ ရာစု၏အလယ်ပိုင်းကာလသို့ ရောက်ရှိ လာသည့်အခါ ရောဂါများကို ကုသရာတွင် ဆေးဝါးသက်သက်ကိုသာ အားကိုးနေခြင်းထက် အစာအာဟာရဖြင့် ပေါင်းစပ်ကုသခြင်းက ပို၍ ထိရောက်မှုရှိသည်ကို စတင်ဖော်ထုတ် တွေ့ရှိ လာရသည်။ ထိုကာလသည်ကား လူ့အသက် ကို ကာကွယ်ပေးသည့်လက်နက်နှင့်တူသော ဗီတာမင်များကို စတင်ဖော်ထုတ်တွေ့ရှိနိုင်ရေးအတွက် ရောင်ခြည်သန်းလာသည့် အချိန်ကာလ တစ်ခုပင် ဖြစ်ခဲ့သည်။
၁၇၄ဝ ခုနှစ်က စကော့တလန်လူမျိုး ဂျိမ်းစ် လင်း (James Lind)သည် ဗြိတိသျှရေ တပ်မတော်၏ ဆေးမှူးအဖြစ် တာဝန်ထမ်း ဆောင်လျက်ရှိသည်။ ထိုစဉ်က ရေတပ်သား အများစုတို့သည် စကာဘီ(Scurvy)ဟုခေါ် သော ရောဂါဝေဒနာကို ခံစားနေကြရသည်။ ခန္ဓာကိုယ်ထဲကသွေးယိုစိမ့်ပြီး အားနည်းလာ သည့် ရောဂါဖြစ်သည့်အတွက် ရေတပ်သားများ သည် ဒဏ်ရာအသေးအမွှားရရုံမျှဖြင့် သွေး မတိတ်သည့်ဝေဒနာကို ခံစားနေကြရသည်။

ဒေါက်တာလင်းသည် ရေတပ်သားများခံစား နေရသော ရောဂါဝေဒနာကို ၄င်းတို့၏ စားသောက်မှုပုံစံနှင့် ချိန်ထိုးပြီး ကြိမ်ဖန်များစွာ စဉ်းစားသုံးသပ်ခဲ့သည်။ ရေတပ်သင်္ဘောသား များ၏ သဘာဝအရ လပေါင်းများစွာကြာအောင် ပင်လယ်ထဲသို့ သွားနေကြရသည့်အတွက် သင်္ဘောပေါ်၌ အသင့်ပါလာသည့် အစားအစာ များကိုသာ အကန့်အသတ်ဖြင့် စားသောက်နေ ကြရပြီး အဆိုပါ အစားအသောက်များမှလွဲ၍ ကျန်အစားအစာများကို စားသောက်ခွင့်မရကြ ပေ။ ထိုအခြေအနေသည် ရေတပ်သားများခံစား နေကြရသည့် စကာဘီရောဂါနှင့် ဆက်စပ်မှု ရှိနိုင်ကြောင်း ဒေါက်တာလင်းက ကောက်ချက်ချ ခဲ့သည်။
ထို့ကြောင့်ပင် ရောဂါဖြစ်နေသောရေတပ် သားများကို အုပ်စုနှစ်စုခွဲ၍ ပထမအုပ်စုကို သံပရာသီး၊ လိမ္မော်သီးစသော အသီးအနှံများကို စားသောက်စေပြီး ကျန်အုပ်စုတစ်စုကို မူလ အခြေအနေ အတိုင်းထားကာ ရက်အတန်ကြာ စမ်းသပ်ခဲ့သည်။ အသီးအနှံစားရသော ပထမ အုပ်စုသည် ခုနှစ်ရက်အတွင်းမှာပင် သွေးယိုစိမ့် သည့်ရောဂါသက်သာလာကြောင်း တွေ့ရှိရပြီး အသီးအနှံမစားရသော ဒုတိယအုပ်စုမှာ ရောဂါ အခြေအနေ ပိုဆိုးလာကြောင်း စမ်းသပ်တွေ့ရှိရ သည်။

ရှောက်၊ သံပရာ၊ လိမ္မော်အစရှိသော အချဉ် ဓာတ်ပါသည့်အသီးအနှံများသည် စကာဘီ ရောဂါမဖြစ်ပွားအောင် ကာကွယ်နိုင်ကြောင်းနှင့် ဖြစ်ပွားခဲ့လျှင်လည်း အဆိုပါအသီးအနှံများကို စားသုံးစေခြင်းဖြင့် ကုသနိုင်ကြောင်း ဒေါက်တာ လင်းက စတင်ဖော်ထုတ် တွေ့ရှိခဲ့သည်။ ဒေါက်တာလင်း၏ တွေ့ရှိချက်သည် ရောဂါ ဝေဒနာများကို ကုသရာ၌ စားဆေး၊ ထိုးဆေး များအပြင် ဓာတ်စာများဖြင့်လည်း ကုသ၍ရနိုင် ကြောင်း ဆေးပညာလောကကို မီးမောင်းထိုးပြ ပေးခဲ့သည်။ ထိုဓာတ်စာသည်ကား ယနေ့ခေတ် အခေါ်အားဖြင့် ဗီတာမင်ြ<ွကယ်ဝသော အစား အစာများပင်ဖြစ်သည်။
၁၉၁၂ ခုနှစ်တွင် ပိုလန်လူမျိုး သိပ္ပံပညာရှင် ကာစီမီယာဖန့်( Carsimir Funk)က စပါးကို အခွံချွတ်လိုက်သည့်အခါ ဆန်စေ့ပေါ်၌ကျန်ရစ် ခဲ့သော ဓာတ်ပစ္စည်းတစ်မျိုးသည် ရောဂါဝေဒနာ အချို့ကို ကုသနိုင်ကြောင်း သုတေသနပြု တွေ့ရှိ ခဲ့သည်။ ဒေါက်တာဖန့်အနေဖြင့် ဆန်စေ့ပေါ်၌ ကျန်ရစ်ခဲ့သော ဓာတ်ပစ္စည်းသည် လူ့ခန္ဓာကိုယ် အတွက် အလွန်လိုအပ်သော ဓာတုပစ္စည်းများ ထဲမှ တစ်ခုအပါအဝင်ဖြစ်ကြောင်း ကောင်းစွာ ယုံကြည် လက်ခံခဲ့သည်။

အဆိုပါဓာတုပစ္စည်းကို အမင်း(Amine)ဟု ခေါ်ဆိုပြီး လက်တင်ဘာသာစကားဖြစ်သော ဗီတာ(Vita)နှင့် ပေါင်းစပ်၍ ဗီတာမင်း(Vitamine)ဟု ခေါ်တွင်စေခဲ့သည်။ ဗီတာဆိုသော စကားလုံး၏ အဓိပ္ပာယ်မှာ အသက်ဖြစ်သည့် အတွက် ဗီတာမင်းဆိုသည်မှာ လူ့အသက် အတွက် အလွန်လိုအပ်သော ဓာတုပစ္စည်းဟု အဓိပ္ပာယ်ရသည်။
ဒေါက်တာကာစီမီယာဖန့်၏ နောက်ပိုင်း ဆေးသိပ္ပံပညာရှင်များက စဉ်ဆက်မပြတ် သုတေသနပြု ဖော်ထုတ်ချက်များအရ ဗီတာ မင်းတိုင်းသည် Amine ခေါ် ဓာတုပစ္စည်း မဟုတ်ကြောင်း တွေ့ရှိလာရသည့်အတွက် မူလ စကားလုံး ဗီတာမင်း(Vitamine)ထဲမှ (e)အက္ခရာကိုဖြုတ်ပြီး ဗီတာမင(Vitamin)ဟူ၍ ပြောင်းလဲခေါ်ဝေါ် အမည်တွင်စေခဲ့သည်။
ဤသည်မှာကား လူ့ဘဝတစ်လျှောက် အသက် ရှင်သန်ရပ်တည်နိုင်ရေးအတွက် ဗီတာမင်သည် အလွန်အရေးကြီးသည့်အခန်းကဏ္ဍမှ ပါဝင်နေ ကြောင်း ဆေးသိပ္ပံပညာရှင်တို့က ဖော်ထုတ် အသိပေးခဲ့ကြခြင်းဖြစ်သည်။ သာမန်အားဖြင့် လူတို့နေ့စဉ်စားသုံးနေသည့် အစားအသောက် များမှတစ်ဆင့် လူ့ခန္ဓာကိုယ်အတွက် ဗီတာမင် ကိုရရှိပြီး ယင်းသို့ ရရှိနေသည့်အတွက်ကြောင့် သာ ကျန်းကျန်းမာမာဖြင့် နေထိုင်နိုင်ကြခြင်းဖြစ် သည်။

လူ့ခန္ဓာကိုယ်အတွက်လိုအပ်သော ဗီတာမင် ဓာတ်ကို လုံလုံလောက်လောက် မဖြည့်ဆည်းနိုင် ပါက ဗီတာမင်ချို့တဲ့မှုကြောင့် ဆက်စပ်ဖြစ်ပေါ် လာသည့် ရောဂါဝေဒနာများကို ခံစားကြရသည်။ အကယ်၍ ဗီတာမင် အလုံအလောက်မရရှိမှု ကြောင့် ဆက်စပ်ဖြစ်ပေါ်လာမည့် ရောဂါဝေဒနာ တို့မှ ရှောင်ရှားနိုင်ရန်အတွက် ဗီတာမင်ပါဝင် သော ဆေးဝါးများကို ဖြည့်စွက်စားသုံးရန်လိုအပ် ကြောင်း ဆေးသိပ္ပံပညာရှင်တို့က ထောက်ပြခဲ့ ကြသည်။
သို့ရာတွင် ဗီတာမင်သည် လူ့ဘဝတစ်သက် တာ ကျန်းမာပျော်ရွှင်ရေးအတွက် မည်မျှ အရေးပါကြောင်းကို သိရှိကြသူမှာ အလွန်နည်း ပြီး လူအများစုအနေဖြင့် ဗီတာမင်၏အရေးပါမှု ကို မသိရှိကြပေ။ ဗီတာမင်၏အကြောင်းကိုလည်း စိတ်ဝင်စားမှုအလွန်နည်းကြသလို မိမိခန္ဓာကိုယ် အတွက် ထာဝရမိတ်ဆွေဖြစ်ရမည့် ဗီတာမင်နှင့် ရင်းနှီးကျွမ်းဝင်အောင် ပြုလုပ်ရမည်ကိုလည်း မသိရှိခဲ့ကြပေ။
ဆေးသိပ္ပံဆိုင်ရာ သုတေသနပညာရှင်များ သည် ရာစုနှစ်တစ်စုတာ ကာလအတွင်း ဗီတာမင် အမျိုးပေါင်း ၁၄ မျိုးကို ဖော်ထုတ်တွေ့ရှိခဲ့ကြ သည်။ ဗီတာမင်များထဲ၌ပင် အဆီတွင် ပျော်ဝင် သော ဗီတာမင်နှင့်ရေတွင်ပျော်ဝင်သော ဗီတာ မင်များဟူ၍ ထပ်မံခွဲခြားထားသည်။ အဆီ တွင်ပျော်ဝင်သော ဗီတာမင်များမှာ ဗီတာမင် A၊ ဗီတာမင် D၊ ဗီတာမင် E နှင့် ဗီတာမင်Kတို့ ဖြစ်ကြသည်။ ဗီတာမင် B1၊ ဗီတာမင် B2၊ ဗီတာမင် B3၊ ဗီတာမင်B5၊ ဗီတာမင်B6 ၊ ဗီတာမင် B12 နှင့် ဖောလစ်အက်စစ်တို့သည် ရေတွင်ပျော်ဝင်သော ဗီတာမင်အမျိုးအစားများ ဖြစ်ကြသည်။

ဗီတာမင်များသည် အမျိုးအမည်တစ်ခုချင်း အလိုက် လူ့ခန္ဓာကိုယ်အတွက် အကျိုးပြုပုံများ မတူညီကြသလို ယင်းဗီတာမင်များကို ရရှိနိုင် သော အစားအသောက်များမှာလည်း အမျိုးမျိုး အဖုံဖုံ ကွဲပြားခြားနားလျက်ရှိသည်။ သို့ရာတွင် လူ့ခန္ဓာကိုယ်အတွက်အကျိုးပြုပြီး သက်ရှည် ကျန်းမာ နေထိုင်သွားနိုင်ရန် အထူးလိုအပ်သည့် ဗီတာမင်အမျိုးမျိုးတို့ကို လူတို့နေ့စဉ် စားသုံး နေကြသော အစားအသောက်များထံမှပင် လွယ်လင့်တကူ ရရှိနိုင်ကြသည်။
ဗီတာမင် A သည် လူ့ခန္ဓာကိုယ်အတွင်းရှိ တစ်ရှူးများ ခြောက်မသွားအောင် အထောက် အကူပေးသည့်အပြင် မျက်စိအမြင်အားကောင်း စေရန်အတွက်လည်း များစွာ အထောက်အကူ ပြုသည်။ ဗီတာမင် Aကို ငါးကြီးဆီနှင့် ကြက်ဥ၊ ဘဲဥစသော ဥများ၏ အဝါရောင်အနှစ်တို့ကို စားသုံးခြင်းအားဖြင့်လည်းကောင်း၊ ကန်စွန်းဥ၊ မုန်လာဥနှင့် အဝါရောင် ဟင်းသီးဟင်းရွက်များ၊ အစိမ်းရောင်ဟင်းသီးဟင်းရွက်များကို စားသုံး ခြင်းအားဖြင့်လည်းကောင်း ရရှိနိုင်သည်။ ဗီတာ မင် A ချို့တဲ့မှု များပြားလာပါက အမြင်အာရုံ လျော့နည်းလာခြင်းမှ မျက်စိကွယ်သည်အထိ ဖြစ်နိုင်ကြောင်း ဆေးသိပ္ပံပညာရှင်များက သတိ ပေးထားကြသည်။

ဗီတာမငBသည် အုပ်စုတစ်စုဖြစ်ပြီးB1၊B2 စသောအုပ်စုဝင် ဗီတာမင်များ ပါဝင်နေ သည်။ ဗီတာမင်B1သည် နှလုံးနှင့် အာရုံကြော များ ချောမွေ့စွာ လှုပ်ရှားလည်ပတ်နိုင်အောင် ကောင်းစွာ အထောက်အကူပြုပေးသည်။ ဗီတာမင် B1 ချို့တဲ့ပါက ဘယ်ရီဘယ်ရီD(Beri
Beri)ခေါ် ဗီတာမင်ချို့တဲ့အားနည်းသည့်ရောဂါ ကို ခံစားရနိုင်သည်။ ဆန်လုံးညိုနှင့် ဂျုံစသည် တို့မှ ဗီတာမင် B1 ကို အဓိကရရှိနိုင်ပြီး ပဲ၊ ပဲသီး၊ အခွံမာသီး၊ အသားနှင့် ငါးစသည်တို့ကို စားသုံး ခြင်းဖြင့်လည်း ရရှိနိုင်သည်။
ဗီတာမင် B2သည် နှုတ်ခမ်းကွဲခြင်းနှင့် ကျီးကန်းပါးစပ်ဖြစ်ခြင်းတို့မှ ကာကွယ်ပေးနိုင် သော ဗီတာမင်တစ်မျိုးဖြစ်သည်။ ယင်းဗီတာမင် ကိုရရှိနိုင်သော အစားအစာများမှာ ပဲစင်းငုံ၊ မြေပဲ၊ ဥအနှစ်၊ တိရ္ဆာန်တို့၏ အသည်းနှင့်နှလုံး စသည်တို့ဖြစ်ကြသည်။ ဗီတာမင်B အုပ်စုဝင် တစ်မျိုးဖြစ်သော ဗီတာမင်B3 ကမူ အရေပြား ရောင်ရမ်းခြင်း၊ ဝမ်းလျှောခြင်းတို့မှ ကာကွယ် ပေးနိုင်ပြီး ယင်းဗီတာမင် B3 ကို အဓိကအားဖြင့် မြေပဲမှ ရရှိနိုင်သည်။
ဗီတာမင်B12သည် ခန္ဓာကိုယ်အတွင်းရှိ အာရုံကြောများ အားကောင်းစေရန်နှင့် သွေး အားကောင်းစေရန် အဓိက အထောက်အပံ့ပြု သည်။ နွားနို့၊ ကြက်ဥ၊ အသား၊ ငါးနှင့် အသည်း စသည်တို့ကို စားသုံးခြင်းအားဖြင့် ဗီတာမင် B12 ကို ရရှိနိုင်သလို ပဲပင်၊ ပဲသီး၊ ပဲညွန့်နှင့် အချဉ်ဓာတ်ပါသော ရှောက်၊ သံပရာစသည့် အသီးများမှလည်း ရရှိနိုင်သည်။

အခြား ဗီတာမင်တစ်မျိုးဖြစ်သည့် ဖောလစ် အက်စစ်f(Folic Acid)ကမူ ကလေးငယ်များ တွင်ဖြစ်ပွားတတ်သော ရောဂါဝေဒနာများကို ကာကွယ်ပေးနိုင်သည့်အာနိသင်နှင့် ပြည့်စုံ သည်။ သဘာဝအစားအစာများမှတစ်ဆင့် မဟုတ်ဘဲ တိုက်ရိုက်သောက်သုံးခြင်းဖြင့်သာ ရရှိနိုင်သော ဖောလစ်အက်စစ်သည် ကိုယ်ဝန် ဆောင်မိခင်လောင်းများအတွက် အကောင်းဆုံး သော ဗီတာမင်ဆေးဝါးတစ်မျိုးအဖြစ် တစ်က္ဘာ လုံးတွင် ကျယ်ပြန့်စွာ သုံးစွဲလျက်ရှိနေကြသည်။
ဗီတာမင် အမျိုးအစားများအနက် လူသိများ ထင်ရှားသော ဗီတာမင်တစ်မျိုးမှာ ဗီတာမင် C ပင်ဖြစ်သည်။ ခန္ဓာကိုယ်အတွင်း သွေးလှည့်ပတ် မှုကောင်းစေရန်အတွက်လည်းကောင်း၊ အနာ ဒဏ်ရာများကို အလွယ်တကူ ကျက်စေရန် အတွက်လည်းကောင်း၊ အရိုးနှင့်သွားများကို ခိုင်မာစေရန် အတွက် လည်းကောင်း၊ ကောင်းစွာ အထောက်အကူပြုပေးသည့် ဗီတာမင် C ကို အချဉ်ဓာတ်ပါသော အသီးများနှင့် ခရမ်းချဉ်သီး၊ ဂေါ်ဖီထုပ်စသည်တို့ကို စားသုံးခြင်းအားဖြင့် ရရှိ နိုင်သည်။
ဗီတာမင် Dသည် သွေးထဲ၌ ကယ်လ်စီယမ် ဓာတ် ကြွယ်ဝစေရန်အတွက် လည်းကောင်း၊ အာရုံကြောနှင့် ကြွက်သားကလပ်စည်းများ အားကောင်းစေရန်အတွက် လည်းကောင်း၊ ကလေးငယ်များအား အရိုးပျော့ရောဂါမှ ကာကွယ်ပေးရန်အတွက် လည်းကောင်း ထိရောက်စွာ အထောက်အကူပြုသည်။ ဗီတာ မင် D ကို ငါးကြီးဆီနှင့် ဥအမျိုးမျိုးတို့ကို စားသုံး ခြင်းအားဖြင့် လွယ်လင့်တကူရရှိနိုင်သည်။
လူ့ခန္ဓာကိုယ်၏ အိုမင်းရင့်ရော်ခြင်းကို ကောင်းစွာ အကာအကွယ်ပြုပေးနိုင်သော ဗီတာမင်တစ်မျိုးမှာ ဗီတာမင် E ဖြစ်သည်။ ဗီတာမင်E သည် ဟင်းသီးဟင်းရွက်ဆီ၊ ပဲပိစပ် ဆီ၊ နေကြာစေ့နှင့် ပြောင်းဖူး စသည်တို့တွင် သဘာဝအလျောက်ပါဝင်နေပြီး ယင်းအစား အစာများကို ပုံမှန်စားသုံးသွားခြင်းအားဖြင့် အချိန်မတိုင်မီ အိုမင်းရင့်ရော်ခြင်းမှ ကာကွယ် နိုင်ကြသည်။

အစိမ်းရောင်ရှိသော ဟင်းသီးဟင်းရွက်များ၊ နို့ထွက်ပစ္စည်းများ၊ ဂေါ်ဖီထုပ်၊ ကိုက်လန်၊ ဟင်းနု နယ် စသည်တို့တွင် ပါဝင်သော ဗီတာမင် K ကမူ ခန္ဓာကိုယ်သွေးခဲမှု နှေးကွေးခြင်းမှ ထိရောက်စွာ ကာကွယ်ပေးနိုင်သည်။ အဆိုပါ အစားအသောက် များအပြင် ဝက်သားနှင့် ဝက်အသည်း စသည် တို့ကို စားသောက်ခြင်းအားဖြင့်လည်း ဗီတာမင်Kကို ရရှိနိုင်သည်။
ဂျပန်သိပ္ပံပညာရှင်များသည် ၂ဝဝ၃ ခုနှစ် အတွင်းက ဗီတာမင်B အုပ်စုဝင် အမျိုးအစား တစ်ခုဖြစ်သော ပီပီကျူ(ppq )ကို ဖော်ထုတ် တွေ့ရှိခဲ့ကြသည်။ ကြွက်များနှင့်စမ်းသပ်ချက်အရ လူသားတို့အတွက် အရေးကြီးသော ဗီတာမင် တစ်မျိုးဖြစ်ကြောင်း သိရှိခဲ့ကြရသည့် ပီပီကျူ သည် မျက်မှောက်ကာလတွင် နောက်ဆုံးဖော် ထုတ်တွေ့ရှိခဲ့သော ဗီတာမင် အမျိုးအစား သစ်ပင်ဖြစ်သည်။ ပဲပိစပ်၊ တရုတ်နံနံ၊ လက်ဖက်၊ ငရုတ်ကောင်းနှင့် ကီဝီသီးတို့ကို စားသုံးခြင်း အားဖြင့် ပီပီကျူကိုရရှိနိုင်ကြောင်း ဂျပန်သုတေ သီတို့က ထုတ်ပြန်ခဲ့ကြသည်။

အချို့သောသူတို့သည် မိမိတို့ကြိုက်နှစ်သက် သည့်အစားအသောက် မဟုတ်စေကာမူ မိမိ ခန္ဓာကိုယ် ကျန်းမာရေးအတွက် ညီညွတ်မျှတ အောင် စားသုံးလေ့ရှိကြသော်လည်း အများစု တို့ကမူ မိမိတို့နှစ်သက်သော အစားအသောက် များကို ခုံမင်တပ်မက်စွာစားသုံးပြီး မိမိတို့ မနှစ် သက်သော အစားအစာများကို လုံးဝရှောင်ကြဉ် လေ့ရှိကြသည်။ ထိုသို့ ရှောင်ကြဉ်ထားကြသော အစားအစာများထဲတွင် ထိုသူများအတွက် အကျိုးပြုနိုင်သည့် ဗီတာမင်များစွာ ပါဝင်နေ တတ်သည့်အားလျော်စွာ မိမိခန္ဓာကိုယ်အတွက် အသုံးဝင်သော ဓာတုပစ္စည်းကို လက်မခံလိုကြ ခြင်း၏ သို့တည်းမဟုတ် လက်ခံရကောင်းမှန်း မသိကြခြင်း၏ နောက်ဆက်တွဲ အကျိုးဆက် အဖြစ် ရောဂါဘယများ ထွေပြားလာလေ့ရှိကြ သည်။

မိခင်၏ဝမ်းတိုက်ထဲတွင် ပဋိသန္ဓေနေရချိန်မှ စ၍ လူ့ဘဝတစ်လျှောက်လုံးတွင် ဗီတာမင်ကို အမြဲမပြတ် လိုအပ်သည်မှာ မှန်သော်လည်း တစ်ခါတစ်ရံ၌ လူ့ခန္ဓာကိုယ်ထဲတွင် ဗီတာမင် ဓာတ်များ လိုအပ်သည်ထက် ပိုမိုနေမည်ဆိုပါက မူ အ္တရာယ်ရှိနိုင်သည်ကိုလည်း သတိချပ်ရန် လိုအပ်သည်။
ဗီတာမင် A သည် ခန္ဓာကိုယ်အတွင်း၌ လိုအပ်သည်ထက် ပိုမိုများပြားစွာရှိနေမည် ဆိုပါက (မျက်လုံးမဝါဘဲ)အသားဝါခြင်း၊ ဗီတာ မင်B3 ဓာတ် လွန်ကဲနေမည်ဆိုပါက ဆီးချိုဖြစ် ခြင်းနှင့် ယူရစ်အက်စစ်များခြင်း၊ ဗီတာမင် C နှင့် ဗီတာမင် D ပိုလျှံနေပါကလည်း ကျောက် ကပ်တွင် ကျောက်တည်ခြင်းစသော ရောဂါ ဝေဒနာများ ဖြစ်ပွားလာနိုင်ကြောင်း ဆေးသိပ္ပံ ပညာရှင်များက သတိပေးထားကြသည်။

သို့ဖြစ်၍ မိမိတို့ ပုံမှန်စားသုံးနေကြသော အစားအစာများမှတစ်ဆင့် ဗီတာမင်လက်ခံရရှိမှု နည်းပါးသောကြောင့် ခံစားနေရသော ရောဂါ ဝေဒနာများအတွက် ဗီတာမင်ဓာတ်ပါဝင်သော ဆေးဝါးများကို ဖြည့်စွက်စားသုံးရန်လိုအပ်ပါက ခန္ဓာကိုယ်အတွင်း ဗီတာမင်များ လွန်ကဲစွာ ပိုလျှံ နေခြင်း မဖြစ်ရလေအောင် သက်ဆိုင်ရာဆရာဝန် ၏ ညွှန်ကြားချက်ဖြင့်သာ သောက်သုံးကြရန် အရေးကြီးသည်။
လူသားနှင့် ဗီတာမင်သည် ခွဲခြားထား၍ မရ ကောင်းသောအရာများ ဖြစ်ကြသည့်အားလျော် စွာ ... လူတို့၏ဘဝ ရှင်သန်ရပ်တည်မှု ကာလ တစ်လျှောက်လုံးတွင် ကျန်းမာပျော်ရွှင်စွာ နေထိုင်သွားနိုင်ရေးအတွက် ဗီတာမင်ကို အမြဲ မပြတ် ရယူဖြည့်ဆည်းသွားကြရန် အထူးပင် လိုအပ်မည်ဖြစ်ပေသည်။ ။

သိပ္ပံစာရေးဆရာကိုကိုအောင်
Myanmaalinn
https://www.facebook.com/pg/MYANMAALINNNEWS