အသက်ကို ဥာဏ်စောင့်သည်၊ ဥစ္စာကို ကံစောင့်သည်ဟု အဆိုရှိသည်။ ကျန်းမာရေးကိုရော ဘယ်အရာကစောင့် ရှောက်ပါသလဲ။
ယနေ့ လက်ရှိကာလ ကမ္ဘာ့အခြေအနေ အရပ်ရပ်နှင့် ခြုံငုံသုံးသပ်ကြည့်ရင်တော့ ကျန်းမာရေးကို ငွေကစောင့်ရှောက်သည်ဟု ဆိုရပါလိမ့်မည်။ လူတစ်ယောက်၏ ကျန်းမာရေး အခြေအနေသည် ထိုသက်ဆိုင်ရာပုဂ္ဂိုလ်၏ ဝင်ငွေအပေါ် မှာ မူတည်နေသည် ဆိုခြင်းကို မှန်၊ မမှန် အနောက်နိုင်ငံများမှာ သုတေသနစစ်တမ်းတွေ ပြုလုပ်ထားကြသည်။
လွန်ခဲ့သည့်နှစ်ပေါင်း ၄ဝ ခန့်က ဗြိတိသျှ နိုင်ငံဝန်ထမ်းများဖြင့် သုတေသနစစ်တမ်းတစ်ခု ပြုလုပ်ခဲ့ဖူးသည်။ ထိုစစ်တမ်းအရ လစာကောင်းသည့် ဝန်ထမ်းသည် စိတ်ပိုင်း၊ ရုပ်ပိုင်း ဆိုင်ရာ ကျန်းမာရေး ပိုကောင်းပြီး အသက်လည်း ပိုရှည်တာကို တွေ့ခဲ့ကြရသည်။ ၂ဝ၁၆ ခုနှစ်ထဲမှာ အမေရိကန် ပြည်ထောင်စုအတွင်း အခွန်ထမ်းဝန်ထမ်းများအပေါ် စစ်တမ်းကောက်ယူခဲ့ရာ လစာပိုကောင်းသည့် နိုင်ငံသားများက အသက်ပိုရှည်နေတာကို တွေ့ခဲ့ကြရသည်။
အကြမ်းဖျင်း သုံးသပ်ရမည် ဆိုရင်တော့ ဝင်ငွေကောင်းလျှင် ဆေးကုသမှု ပိုပြီးခံယူရသည်။ ဒီတော့ အသက်လည်း ပိုရှည်လာကြသည်ဟု မှတ်ယူချင်စရာဖြစ်သည်။ တကယ်တမ်း သုတေသနများမှာတော့ ဝင်ငွေကောင်းသူတွေ အသက်ပိုရှည်ကြခြင်းမှာ ပိုပြီးဆေးစစ်ဆေးခံယူမှု၊ ဆေးကုသမှုများကြောင့် အဓိကမဟုတ်ဘဲ အခြားသောအကြောင်း အချက် များကြောင့် ဖြစ်ကြောင်း သိလာကြရသည်။
ကျန်းမာရေး စောင့်ရှောက်ခံရမှု နည်းပါးလွန်းလျှင် ရောဂါထူတတ်သလို ကျန်းမာရေး စောင့်ရှောက်ခံယူမှု သိပ်များ သွားလျှင်လည်း မလိုလားအပ်သည့် ပြဿနာတွေ ဖြစ်စေနိုင်ေ ကြာင်း ဆရာဝန်များက အကြိမ်ကြိမ် ထောက်ပြခဲ့ကြသည်။ ဝင်ငွေကောင်းလာသည့်အခါ ရောဂါရှာဖွေကုသမှုတွေကို မလိုအပ်ဘဲ လုပ်မိလာတတ်ကြသည်။ Overutilization ဟု သုံးနှုန်းကြပါသည်။အမေရိကန် သမ္မတဟောင်း အိုဘားမား သမ္မတ ဖြစ်ခါနီးမှာ အူမကြီးကင်ဆာအတွက် မှန်ပြောင်းဖြင့် အူမကြီး ကင်ဆာကို ကြိုတင်စစ်ဆေးခဲ့ဖူးသည်။ ပုံမှန်အားဖြင့် အမေရိကန် ပြည်ထောင်စုမှာ အသက် ၅ဝ ကျော်မှ အူမကြီး ကင်ဆာကို မှန်ပြောင်းဖြင့် ရှာဖွေလေ့ရှိကြသော်လည်း သမ္မတဖြစ်လာချိန်မှာ အသက် ၅ဝ မပြည့်သေးသည့် အိုဘားမားအတွက် အထူးသီးသန့် စစ်ဆေးပေးခဲ့ကြခြင်း ဖြစ်ပါသည်။
ရောဂါရှာဖွေရေး နည်းလမ်းတွေ အဆင့်မြင့်မားလာသည့်အခါ ငွေကြေးတတ်နိုင်သူများက ကိုယ့်အိတ်ထဲမှ ငွေကို ထုတ်၍ စိုက်ထုတ် အကုန်အကျခံလာကြပါသည်။ မျှော်မှန်းချက်၊ မျှော်လင့်ချက်ဆိုတာမျိုးက ငွေကြေးဥစ္စာ ကြွယ်ဝ လာလေလေ ပိုပိုများလာလေဖြစ်ရာ ကျန်းမာရေးကိစ္စရပ်များမှာလည်း ထိုနည်းသာလျှင်ဖြစ်သည်။ ကျန်းမာရေး စောင့်ရှောက်မှု စနစ်ကို ဈေးကွက်စီးပွားရေးအသွင် ပုံဖော်လာကြသည့် သည်ဘက်ခေတ်များမှာ ဝင်ငွေကောင်းသူတွေကို ဆေးစစ်ကုသခံဖို့ packages များဖြင့် ဆွဲဆောင်ကြေညာလာကြသည်လည်း ရှိသည်။
မလိုအပ်ဘဲ ရောဂါရှာဖွေစစ်ဆေးမှု၊ ကုသမှုများကို အထူးသဖြင့် ကင်ဆာရောဂါ ကြိုတင်ရှာဖွေရေး လုပ်ငန်းများနှင့် ဆက်စပ်ပြီး တွေ့မြင်ရတတ်ပါသည်။ လူတစ်ဦးမှာ အမှန်တကယ် ဖြစ်ပွားနေခြင်း မဟုတ်ဘဲ ရောဂါလက္ခဏာ တစ်စုံတစ်ရာ ပြသခြင်းမရှိဘဲရောဂါဟု အမည်သတ်မှတ်လိုက်ခြင်းကို Overdiagnosis ဟုခေါ်ကြသည်။ အမှန်တကယ် ရှိမနေသည့် ရောဂါတစ်ခုကို အရှိမှတ်ပြီး ကုသမည်၊ ဒါမှမဟုတ် ကုစရာမလိုအပ်သေးသည့်၊ တစ်ချိန်မှာ ဖြစ်လာ နိုင်ဖွယ် ရှိကောင်းရှိနိုင်သည့် ရောဂါတစ်ခုကို ကြိုပြီးကုသခြင်းကို Overtreatment ဟုခေါ်သည်။
Overdiagnosis ဖြစ်ရခြင်း၏ နောက်ခံအကြောင်းရင်းတွေရှိသည်။ ရောဂါလက္ခဏာ တစ်ခုတည်းအတွက် ဆရာဝန် ဖြင့်အကြိမ်ကြိမ်ပြသခြင်း၊ ပုံရိပ်ဖော်ရောဂါ ရှာဖွေရေး ကိရိယာများဖြင့် အကြိမ်ကြိမ် စမ်းသပ်ခြင်း၊ အလွန်သေးငယ်သည့် အဖုအကျိတ်လေးများကို မြင်နိုင်သည့် ပုံရိပ်ဖော် စက်ကြီးများသုံး၍ ရောဂါရှာဖွေခြင်းနှင့် ဓာတ်ခွဲခန်းသွေး စစ်ချက် အဖြေများကို စိုးစဉ်းမျှ အတိမ်းအစောင်းမခံဘဲ တိကျလွန်းစေခြင်းများက OverdiaGnosis ဖြစ်စေနိုင်သည့် အကြောင်းရင်းများ ဖြစ်ပါသည်။ အချို့အဖု အကျိတ်များက ကြီးထွားနှုန်း အလွန်နှေးပြီး ကင်ဆာဖြစ်လာနိုင်ဖွယ်ရာ မရှိသည့် အခြေအနေမျိုးမှာ လူနာအနေဖြင့် ကင်ဆာကို အကြောက်လွန်ပြီး စိတ်ဝေဒနာ ခံစားနေရတာမျိုးလည်း ဖြစ်နိုင်သည်။
အမေရိကန် ပြည်ထောင်စုမှာ အဖြစ်များလာသည့် ကင်ဆာလေးမျိုးရှိသည်။ ရင်သားကင်ဆာ၊ ဆီးကျိတ်ကင်ဆာ၊ သိုင်းရွိုက်လည်ပင်းကျိတ် ကင်ဆာနှင့် မှဲ့ကင်ဆာများဖြစ်သည်။ အမေရိကန် ပြည်ထောင်စု အတွင်းက ပြည်နယ် တိုင်းလိုလိုမှာ ဖြစ်ပွားနှုန်း တက်လာသည့် ကင်ဆာတွေပါ။ ထူးခြားချက်က ဖြစ်ပွားနှုန်း များလာသော်လည်း သေဆုံးမှုနှုန်း တက်မလာသည်ကို တွေ့ကြရခြင်းဖြစ်သည်။ ထိုအချက်ကို ထောက်ရှုခြင်းဖြင့် Overdiagnosis တွေများနေပြီဟု သံသယဖြစ်ဖွယ်ရှိပါသည်။
၁၉၇၅ ခုနှစ်ကတည်းက ပြုလုပ်လာခဲ့သည့် သုတေသနများအရ ဝင်ငွေများသည့် အမေရိကန် မြို့လေးတွေက ဝင်ငွေ နည်းမြို့လေးတွေထက် ကင်ဆာလေးမျိုး ဖြစ်ပွားနှုန်း တက်လာတာကို တွေ့ကြရသည်။ အကြောင်းရင်းကတော့ ငွေကြေးတတ်နိုင်သည့် အမေရိကန်များက ရောဂါကြိုတင် ရှာဖွေစမ်းသပ်မှုတွေကို ပိုပြီးလုပ်ခဲ့ကြလို့ပါ။ ဥပမာ-ရင်သား ကင်ဆာအတွက် ချမ်းသာသည့် အမေရိကန် အမျိုးသမီးတွေက ရင်သားဓာတ်မှန် ရိုက်ခြင်းများအပြင် သံလိုက်စက် ကွင်းဓာတ်မှန် (MRI) ရိုက်ခြင်း၊ လက်ဖြင့်ပင် စမ်းသပ် လို့မရနိုင်သေးသည့် ရင်သားအကျိတ်များအတွက် အပ်ဖြင့် အသားစယူခြင်းများဖြင့် ရင်သားကင်ဆာတွေကို ပိုပြီးစောစောတွေ့အောင် ရှာဖွေနိုင်ခဲ့ကြပါသည်။ နာမည်ကျော်မင်း သမီးဂျိုလီပင်လျှင် တစ်ချိန်မှာ ဖြစ်လာနိုင်ဖွယ်ရှိသည့် ရင်သားကင်ဆာရောဂါအတွက် မည်သည့် ကင်ဆာလက္ခဏာမှ မရှိခင်မှာ ရင်သားကို ဖြတ်ထုတ်ပစ်ခြင်းကို ဥပမာပြရပါမည်။
ကင်ဆာရောဂါများ တွေ့ရှိမှုက ချမ်းသာသည့် အမေရိကန်များမှာ တိုးတက်များပြား လာခဲ့သည် ဆိုပေမယ့် ထိုကင် ဆာလေးမျိုးကြောင့် သေဆုံးမှုမှာတော့ ချမ်းသာသူနှင့် ဆင်းရဲ သူများအကြား ကွာဟမှု မရှိတာကို တွေ့ရှိရသည်။သို့ပေမယ့် ရင်သားနှင့် ဆီးကျိတ်ကင်ဆာများ၏ သေဆုံးမှုနှုန်းကတော့ အမေရိကန် ပြည်ထောင်စု တစ်ဝန်းလုံး အနေအထားနှင့် ကျဆင်းလာခဲ့တာကို တွေ့ရသည်။ နှိုင်းယှဉ် တွက်ချက်မှုများအရ ချမ်းသာသည့် အမေရိကန်များ အတွက် ကင်ဆာလူနာ တစ်ဦးအသက်ရှင်ဖို့ ကင်ဆာမရှိသည့် လူဆယ်ဦးမှာ Overdiagnosis ဖြစ်ပြီး ဆေးကုသ ခံနေကြရသည်ဟု သိရပါသည်။
မလိုအပ်ဘဲ ရောဂါရှာဖွေပြီး ရောဂါအမည် တပ်လိုက်ခြင်းများက လူနာများအတွက် စိတ်ပိုင်းဆိုင်ရာ ပူပန်ဖိစီးမှုတွေကို ဖြစ်ပေါ်စေသည်။ ထိုဖြစ်စဉ်များကို ကာကွယ်ရန်အတွက် ဆရာဝန်များဘက်က မလိုအပ်သည့် ရောဂါရှာဖွေရေး နည်းလမ်းများကို လျှော့ချရမည်၊ မလိုအပ်သည့် ဆေးများကို ညွှန်ကြားခြင်းမှ ရှောင်ကြဉ်ရမည်။ မလိုအပ်ဘဲ အထူးကု ဆရာ ဝန်များထံ စေလွှတ်ပြသခြင်းများကိုလည်း ရှောင်ကြဉ်ဖို့လိုပါသည်။ ဆေးရုံပေါ်မှာ မလိုအပ်ဘဲ အချိန်ကြာမြင့်စွာ တက်ရောက် ကုသစေခြင်းကိုလည်း လျှော့ချရမည်။ ဒါတွေက ဆရာဝန်များဘက်မှ လိုက်နာဆောင်ရွက်သင့်သည့် အချက်များပါ။
အမှန်တော့ နိုင်ငံအားလုံး၏ ကျန်းမာရေး ရည်မှန်းချက်က နိုင်ငံသားတိုင်း စရိတ်စက အနည်းဆုံးဖြင့် လိုအပ်သည့် ကျန်းမာရေး စောင့်ရှောက်မှုများကို အပြည့်အဝရရှိနိုင်ဖို့ ဖြစ်သည်။ သို့ပေမယ့် မြန်မာနိုင်ငံ အပါအဝင် ဖွံ့ဖြိုးဆဲနိုင်ငံ အတော်များများမှာ လူနာများဘက်မှ စိုက်ထုတ်ကျခံရသည့် ကျန်းမာရေးစရိတ်ကိုသာ အားကိုးနေရဆဲ ဖြစ်ပါသည်။ ထိုသို့သော အခြေအနေမျိုးမှာ မလိုအပ်ဘဲ အပိုကုန်ကျခြင်းများ မဖြစ်စေရအောင် လူနာ၊ ဆရာဝန်၊ ကျန်းမာရေးဝန် ထမ်းများ အားလုံးက ဝိုင်းဝန်းထိန်းသိမ်းကြရန် ဖြစ်ပါကြောင်း။ ။
ဒေါက်တာလွှမ်းမိုးဟန်
မြ၀တီ
https://www.facebook.com/mwdmedia
