ဆီးချိုရောဂါသည် ဇီဝကမ္မ ဖြစ်စဉ်ချို့ယွင်း၍ ဖြစ်ပေါ်လာသော သွေးတွင်းအချိုဓာတ် များပြားသည့် ရောဂါတစ်ခုဖြစ်သည်။ မုန့်ချိုအိတ်မှ အင်ဆူလင်ဟော်မုန်း ထုတ်လုပ်မှု ချို့ယွင်း၍ဖြစ်စေ၊ အာနိသင်နည်းပါး၍ ဖြစ်စေ ခန္ဓာကိုယ်တွင်း သွေးချိုဓာတ်ကို ထိန်းချုပ်ရာတွင် ချို့ယွင်းမှုဖြစ်ကာ သွေးတွင်း အချိုဓာတ်များ လွန်ကဲစွာ များပြားနေခြင်းကြောင့် ဆီး ချိုရောဂါဖြစ်စေသည်။
ဆီးချိုသွေးချိုရောဂါသည် မျိုးရိုးဗီဇနှင့် လူ့ဘဝနေထိုင်မှု ပုံစံဆိုင်ရာအကြောင်း အချက်များနှင့် ဆက်နွှယ်သည်။ အထူးသဖြင့် လူနေထိုင်မှုဆိုင်ရာ အကြောင်း အချက်များကြောင့် ပို၍ဖြစ်စေသည်။ ထို့ပြင် ဆီးချိုရောဂါသည် ဆွေမျိုး အရင်းအချာများတွင် ဆီးချိုသွေးချိုရောဂါ မျိုးရိုးရှိသူများ၊ ကိုယ်အလေးချိန် ရှိသင့်သည် ထက် ပိုနေ၍ အဝလွန်ကဲသူ များ၊ ခန္ဓာကိုယ်လှုပ်ရှားမှု နည်းလွန်းသူများ၊ သွေးတိုးရောဂါရှိသူများ၊ သွေးတွင်း အဆီဓာတ်များသူများ၊ အသက် ၄ဝ ကျော်လာ သူများတွင်လည်း ဖြစ်စေနိုင်သည်။
ဆီးချိုရောဂါသည် ရေငတ်ခြင်း၊ ဆီးမကြာခဏသွားခြင်း၊ ဆီးသွားများခြင်း၊ ကိုယ်အလေးချိန်ကျ၍ ပိန်သွားခြင်း၊ ကိုယ်လက်များယားယံခြင်း၊ အမျိုးသမီးများတွင် အင်္ဂါစပ်များ ယားယံခြင်းနှင့် အဖြူဆင်းခြင်း၊ အနာများ မကြာခဏ ပေါက် ခြင်း၊ အနာကျက်နှေးခြင်းစသည့် လက္ခဏာများအပြင် ဆီးသွားထားသည့်နေရာတွင် ပုရွက်ဆိတ်အုံနေတတ်ပြီး ခြေလက်များ ဖောရောင်တတ်ခြင်း စသည့်ရောဂါလက္ခဏာများပါ တွေ့ရတတ်သည်။
ဆီးချိုသွေးချို ဝေဒနာရှင်များ ကြုံတွေ့နေရသည့် သွေးချိုဓာတ် အတက်အကျ ပြဿနာ
ဆီးချိုသွေးချို ဝေဒနာရှင်များသည် သွေးချိုဓာတ်ကို ပုံမှန်နှင့် အနီးစပ် ဆုံးဖြစ်အောင် ထိန်းထားရန် လိုအပ်သည်။ သွေးချိုဓာတ် နည်းလွန်းခြင်း၊ များ လွန်ခြင်းသည် အသက်အန္တရာယ်များနိုင်သည်။ အင်ဆူလင်ဆေးထိုးပြီး သို့မဟုတ် သွေးချိုထိန်းဆေးသောက်ပြီး အစာ ကို မှန်မှန်ပြန်မစားခြင်း၊ အစာစားချိန် နောက်ကျခြင်း၊ အစာလျှော့စားခြင်း၊ အစားအစာတွင် ကဆီဓာတ်ပါဝင်မှုနည်း ခြင်း၊ အကြောင်းအမျိုးမျိုးကြောင့် ဆေးပမာဏ ပိုထိုးမိခြင်း သို့မဟုတ် ပိုသောက်မိခြင်း၊ လုပ်နေကျ လှုပ်ရှားမှုထက် ပိုပြီးလှုပ်ရှားမိခြင်း၊ လေ့ကျင့်ခန်း ပိုလုပ်မိခြင်း တို့ကြောင့် သွေးချိုဓာတ်ကျဆင်းလွန်းခြင်း ဖြစ်စေနိုင်သည်။
ဆီးချိုဝေဒနာရှင် တစ်ဦးအနေဖြင့် ခေါင်းမူးခြင်း၊ မျက်လုံးပြာခြင်း၊ ကတုန်ကယင်ဖြစ်ခြင်း ခံစားရသည့်အခါ၊ ရေငတ် ခြင်း၊ ဆီးခဏခဏသွားခြင်း၊ ဗိုက်ခဏခဏ ဆာခြင်းခံစားရသည့်အခါ၊ ဆေးပုံမှန်သောက်သော်လည်း ဝေဒနာမသက် သာသည့်အခါ၊ အစားအသောက်၊ လေ့ကျင့်ခန်း ပြောင်းလဲလိုက်သည့်အခါနှင့် အခြားေ ရာဂါဝေဒနာများ ခံစားရသည့် အခါစသည့် အခြေအနေများ ဖြစ်ပေါ်လာပါက တတ်ကျွမ်းနားလည်သော ဆရာဝန်များနှင့် ပြသရန်လိုအပ်သည်။
ဆီးချိုရောဂါ၏ နောက်ဆက်တွဲရောဂါများ
ဆီးချိုသွေးချိုရောဂါ၏ နောက်ဆက်တွဲ အကျိုးဆက်များအနေဖြင့် အမြင်လွှာများ ထိခိုက်ပျက်စီးခြင်း၊ မျက်စိကွယ် ခြင်း၊ အာရုံကြောများ ထိခိုက်ပျက်စီးကာ ထုံ ကျဉ်ခြင်း၊ ကျောက်ကပ်များ ထိခိုက်ပျက်စီးခြင်း၊ နှလုံးနှင့်သွေးကြောများ ထိခိုက်ပျက်စီးခြင်း၊ ရောဂါပိုးမွှားများ မကြာခဏ ဝင်ရောက်ခြင်း၊ အနာကျက်ရန် ခဲ ယဉ်းခြင်း၊ ခြေထောက်ပုပ်ခြင်း၊ ကိုယ်ဝန်ဆောင်ချိန်တွင် မိခင်နှင့်ကလေးတို့၏ ကျန်းမာရေးနှင့် အသက်အန္တရာယ်ကို ထိခိုက်နိုင်သည်။
ဆီးချိုသွေးချိုရောဂါကြောင့် ဖြစ်ပေါ်လာနိုင်သော နောက်ဆက်တွဲ ဆင့်ပွားရောဂါများကို ကာကွယ်တားဆီးထားနိုင်မှ သာ လူစဉ်မမီဖြစ်ခြင်း၊ အသက်စော၍ သေဆုံးရခြင်းတို့ကို ကာကွယ်တားဆီးနိုင်မည်ဖြစ်သည်။ ဆီးချိုရောဂါ၏ နောက်ဆက်တွဲ ဆင့်ပွားရောဂါများကို စောစီးစွာရှာဖွေ ဖော်ထုတ်နိုင်ရန် မိမိသွေးချို ဓာတ်ကို ပုံမှန်စစ်ဆေးပြီး မှတ်တမ်းပြုစု ထိန်းသိမ်းထားရှိခြင်း၊ မျက်စိအမြင်လွှာ ထိခိုက်မှု ရှိ၊မရှိကို မျက်စိအထူးကုဆရာဝန်နှင့် တစ်နှစ်လျှင် တစ် ကြိမ်အနည်း ဆုံး စမ်းသပ်စစ်ဆေးမှု ခံယူခြင်း၊ ကျောက်ကပ်ထိခိုက်မှုကို စောစီးစွာရှာဖွေ ဖော်ထုတ်နိုင်ရန် ဆီးတွင်း အသားဓာတ် ပါဝင်မှုကို ခြောက်လတစ်ကြိမ် စစ်ဆေြး ခင်း၊ ခြေထောက်နှင့် ခြေဖဝါးများ ထိခိုက်ဒဏ်ရာရမှု ရှိ၊မရှိ နေ့စဉ် ကြည့်ရှုစစ်ဆေးခြင်း၊ သွေးပေါင် ချိန်ကို မကြာခဏ တိုင်းတာစစ်ဆေးခြင်း၊ နှလုံးကို ပုံမှန်စမ်း သပ်စစ်ဆေးခြင်း၊ သွေးတွင်း အဆီဓာတ်များကို ခြောက်လတစ်ကြိမ် ပုံမှန်စစ်ဆေးခြင်းအပြင် သွေးချိုဓာတ်ထိန်းသိမ်းမှု ကောင်း၊ မကောင်းကို သိရှိရန် သွေးအ တွင်း Hb A1 C ပါဝင်မှုကို သုံးလတစ်ကြိမ် သို့မဟုတ် အနည်းဆုံး ခြောက်လတစ်ကြိမ် စမ်းသပ်စစ်ဆေးခြင်းစသည့် ကျန်းမာရေးစစ်ဆေးမှုများ ပြုလုပ်ရမည်။
ဆီးချို သွေးချို ရောဂါနှင့် ကုသမှု
ဆီးချိုသွေးချိုရောဂါကို အမြစ်ပြတ်အောင် ကုသ၍မရပါ။ ဆီးချိုသွေးချိုရောဂါကြောင့် အချိန်မတန်မီစော၍ သေဆုံးနိုင်သည်။ အသက်ရှင်နေစဉ်မှာလည်း ခန္ဓာကိုယ်အင်္ဂါများ ထိခိုက်ပျက်စီး၍ လူစဉ်မမီဘဲ ဖြစ်နိုင်သည်။ ဆီးချိုသွေးချို ရောဂါသည် ဆေးကုသမှုစရိတ် အကြီးဆုံးသော ရောဂါတစ်ခုလည်းဖြစ်သည်။ ဆရာဝန်နှင့်ပြသ၍ ဆီးနှင့်သွေး မှန်မှန် စစ်ဆေးရန် လိုအပ်သည်။ ဆေးကုသမှုခံယူပြီး စနစ်တကျ နေထိုင်စားသောက်လိုက်ပါက သက်တမ်းစေ့နေထိုင်နိုင် သည်။ ဆီးချိုရောဂါ ကုသရာတွင် အစာအာဟာရဖြင့် ထိန်းသိမ်းခြင်း၊ ဆေးဝါးဖြင့် ကုသခြင်း (အင်ဆူလင်ဟော်မုန်း ဆေးထိုးခြင်း၊ သွေးတွင်းသကြားဓာတ် ကျဆင်းစေသော သောက်ဆေးသောက်ခြင်း)၊ ကိုယ်လက်လှုပ်ရှား လေ့ကျင့် ခန်း ပုံမှန်ပြုလုပ်ခြင်းနှင့် အရက်နှင့် ဆေးလိပ်ဖြတ်ခြင်းတို့ဖြင့် ကုသနိုင်သည်။ ဆီးချိုသွေးချိုရောဂါ ကုသရာတွင် မ နက်အိပ်ရာထ အစာမစားမီ သွေးဖောက်စစ်ဆေးသော သွေးတွင်းအချိုဓာတ်သည် 90-130 mg/dl၊ သင့်လျော်သော အချိန် သွေးဖောက်စစ်ဆေးသော သွေးတွင်းအချိုဓာတ်နှင့် အစာစားပြီး နှစ်နာရီအတွင်း သွေးဖောက်စစ်ဆေးသော သွေးတွင်းအချိုဓာတ်သည် 180 mg/dl တို့ထက်မ များစေရပါ။ သွေးပေါင်ချိန်သည်လည်း 130/80 mmHg အတွင်း သာရှိအောင် ကုသမှုပေးထားရန် လိုအပ်သည်။ ယင်းရည်မှန်းချက်အတိုင်း သွေးတွင်း အချိုဓာတ်၊ သွေးပေါင်ချိန်တို့ကို ထိန်းသိမ်းထားနိုင်ခဲ့လျှင် ဆီးချိုသွေးချိုရောဂါရှိလင့်ကစား ကြောက်မက်ဖွယ် ဆင့်ပွားရောဂါများ ဖြစ်ပေါ်လာမှုကို တားဆီးနိုင် မည်ဖြစ်သည်။
ဆီးချို သွေးချို ရောဂါနှင့် ဆေးမြီးတို
ဆီးချိုသွေးချို ရောဂါရှိသူများသည် မိမိနေထိုင်ရာ အရပ်ဒေသမှ ကျန်းမာရေးဝန်ထမ်း တစ်ဦးဦးဖြင့် ပြသပြီး စစ်ဆေး ကုသမှု ခံယူသင့်သည်။ မိမိဘာသာ ဆေးဝါးများဝယ်ပြီး မသုံးစွဲကြရန် လိုအပ်သည်။
ဆေးမြီးတိုများသည် အသည်းနှင့် ကျောက်ကပ်အပေါ် ထိခိုက်မှုရှိ၊ မရှိဟူ၍ စမ်းသပ်စစ်ဆေးထားချက်များလည်း မရှိပါ။ ဆေးမြီးတိုများကို ကောင်း သည်ထင်၍ ဈေးသက်သာသောကြောင့် လက်တည့်စမ်းသုံးစွဲပါက သွေးချိုဓာတ်ထိန်းသိမ်းမှု မကောင်းသည့်အပြင် နောက်ဆက်တွဲရောဂါများကို မကာကွယ်နိုင်၍ ကုသမှုကုန်ကျစရိတ် ပိုမိုကြီးမားပြီး မိမိအသက်ခန္ဓာပါ ပျက်စီးဆုံးရှုံး ရမည်ဖြစ်သည်။ ထို့ကြောင့် ဆီးချိုသွေးချိုရှိသူများသည် ကောင်းနိုးရာရာထင်သော ဆေးမြီးတိုများကို လက်တည့်စမ်း မသုံးစွဲသင့်ပါ။
ဆီးချိုသွေးချိုဆိုင်ရာ မှားယွင်းစွာ ယူဆ၊ ပြုမူ၊ ကျင့်သုံးမှု အလေ့အထများ
ဆီးချိုသွေးချို ဝေဒနာရှင်အများစုသည် တတ်သိနားလည်သော ဆေးပညာရှင်များ၊ ဆီးချိုသွေးချို ပညာရှင်များ၏ အ ကြံပြုချက်များကို လက်ခံခြင်းမရှိဘဲ အစာအာဟာရများကို မိမိထင်မြင် ယူဆချက်များဖြင့် စားသုံးနေထိုင်ခြင်း၊ သိပ္ပံ နည်းကျ လေ့လာစမ်းသပ်မှုအပေါ် အခြေခံ၍ အကြုံပြုချက်များကို မလိုက်နာဘဲ ဆီးချိုသွေးချို ဝေဒနာရှင်အချင်းချင်း ထံမှဖြစ်စေ၊ ရပ်ကွက်ထဲမှ လူများ၏ ထင်မြင်ယူဆ အကြံပေးချက်များကိုဖြစ်စေ လွဲမှားစွာ လက်ခံလိုက်နာနေကြခြင်း၊ အစားအစာနှင့် ဆေးဝါးများကို အချိန်ကိုက် စားသုံးခြင်းမရှိသည့်အပြင် စားသုံးသည့် အစားအစာများတွင် အဓိကအ ကျဆုံး ကဆီဓာတ် လုံလောက်စွာ ပါဝင်ခြင်းမရှိဘဲ အရည်နှင့် အသားဓာတ် သက်သက်သာ ပါဝင်နေခြင်း၊ အစား အစာ စားသုံးချိန်ကို တစ်သမတ်တည်းမရှိဘဲ စားချင်သလို စားသုံးနေခြင်း၊ စားသုံးရန် မသင့်လျော်သော အစားအစာ များကို တစ်ခါတလေပါ၊ နည်းနည်းလေးစားတာပါ စသည်ဖြင့်ဆင်ခြေပေးကာ စားသုံးတတ်ကြခြင်းသည် ဆီးချိုရောဂါ ကို မသက်သာသည့်အပြင် နောက်ဆက်တွဲ ဆင့်ပွားရောဂါများကိုပါ ဖြစ်စေနိုင်သည်။
ဆီးချိုရောဂါဖြစ်လျှင် ဆောင်ရန်
ဆီးချိုသွေးချို ဝေဒနာရှင်များအတွက် သီးသန့် အစားအစာဟူ၍ မရှိပါ။ မိသားစုအတွက် ပြင်ဆင်ချက်ပြုတ်ထားသော အစားအစာများကို ချိုလွန်း၊ ငန်လွန်း၊ အဆီများလွန်းသော အစားအစာမှလွဲ၍ မိသားစုနှင့်အတူ စားသုံးနိုင်သည်။ ဆီးချိုသွေးချိုရောဂါကို ကာကွယ်ထိန်းသိမ်းနိုင်ရန် အစားအစာများကို ဆေးဝါးအနေနှင့်သာယူဆပြီး ဆေးကိုအချိန်မှန် မှီဝဲသကဲ့သို့ နေ့စဉ်စားသုံးသော အစားအစာများ၏ ပမာဏကို အဖြစ်နိုင်ဆုံး တူအောင်နှင့် အချိန်မှန်စားသုံးရန် လည်း လိုအပ်သည်။
ဆီးချိုသွေးချို ဝေဒနာရှင်တစ်ဦးသည် ကာဗိုဟိုက်ဒြိတ်နှင့် ကယ်လိုရီပါဝင်မှုနည်းသော ကြက်ဟင်းခါးသီး၊ ကြောင်လျှာ သီး၊ ခရမ်းချဉ်သီး၊ ချဉ်ပေါင်၊ တမာရွက်၊ ခွေးတောက်ရွက်၊ ရဲယိုရွက် စသောဟင်းသီးဟင်းရွက်များကို များများ စား သုံးရမည်။ အသင့်စားသုံးနိုင်သော ချိုသောမုန့်၊ သရေစာများ စားမည့်အစား အရည်ရွှမ်းပြီး အချဉ်ဓာတ်များသော ကျွဲ ကောသီး၊ ရှောက်သီး၊ သံပရာသီး၊ လိမ္မော်သီး၊ နာနတ်သီး၊ ကမ္ဗလာသီး၊ အချိုဓာတ်နည်းသော သစ်တော်သီး၊ စပျစ် သီး၊ ပန်းသီး၊ သင်္ဘောသီးများကို ပြောင်းလဲစားသုံးရန် လိုအပ်သကဲ့သို့ အမျှင်ဓာတ်များသော ဟင်းသီးဟင်းရွက်နှင့် သစ်သီးဝလံများကို များများနှင့် စုံလင်အောင် စားသုံးရန်လည်း အရေးကြီးသည်။
ကိုယ်ခန္ဓာ အဝမလွန်အောင် ထိန်းသိမ်းပြီး အဝလွန်လျှင် လက်ရှိကိုယ်အလေးချိန်၏ ၅ ရာခိုင်နှုန်းမှ ၇ ရာခိုင်နှုန်းလျှော့ ချနိုင်အောင် ကြိုးစားရမည်။ နေ့စဉ်ကိုယ်လက်လှုပ်ရှားမှု မှန်မှန်ပြုလုပ်ရမည့်အပြင် အထိုင်များခြင်း၊ လှုပ်ရှားမှုနည်း ခြင်းကိုလည်း ရှောင်ကြဉ်၍ မဝေးသောခရီးကို လမ်းလျှောက်သွားခြင်းဖြင့် လှုပ်ရှားမှုရှိသော ဘဝကိုဖန်တီးရမည်။ အိမ် ရှင်မများအနေဖြင့် အိမ်အလုပ်ကို တက်ကြွစွာ လုပ်ကိုင်ခြင်းဖြင့်လည်း လှုပ်ရှားမှုများ ပြုလုပ်နိုင်သည်။ အရေးကြီး သည်မှာ နားနေချိန်တွင် ပုံမှန်လေ့ကျင့်ခန်းပြုလုပ်ပြီး တစ်နေ့လျှင် မိနစ် ၃ဝ၊ တစ်ပတ်လျှင် ငါးရက် စုစုပေါင်း မိနစ် ၁၅ဝ ထက်မနည်း ပုံမှန်လေ့ကျင့်ခန်း ပြုလုပ်ရမည်။
ဘဝကို ပျော်ရွှင် ကျန်းမာအောင် လေ့ကျင့်နေထိုင်ပြီး စိတ်ဖိစီးမှုကို လျော့နိုင်သမျှ လျော့အောင် ကြိုးစားနေထိုင်ပြီး အိပ်ချိန်နားချိန်ကိုလည်း လုံလောက်အောင် ယူရမည်။ အရာရာကို အပြုသဘောနှင့် အကောင်းမြင်နိုင်အောင် ကြိုးစား၍ အချိန်ကိုစနစ်တကျ အသုံးချရမည်။ သို့မှသာ စိတ်ချမ်းသာ ကိုယ်ကျန်းမာ လာနိုင်မည်။
ဆီးချိုရောဂါဖြစ်လျှင် ရှောင်ရန်
ဆီးချိုသွေးချိုဝေဒနာရှင်များသည် ဒိုင်းယက်ဆိုသော အစားအစာများမှာ အဝလွန်ကဲသူများ ဆက်၍မဝစေ ရန် စွမ်းအင်ကယ် လိုရီဓာတ်မများ အောင်စီမံထားခြင်းသာဖြစ်ပြီး ဆီးချိုသွေးချို ဝေဒနာရှင် အားလုံးအတွက် အထူးသင့်လျော်စွာ စားသုံးနိုင်သည်ဟု လွဲမှားစွာ ယူဆ၍ စားသုံးခြင်းမှရှောင်ရမည်။ ထို့ပြင် သွေးတွင်းသကြားဓာတ် ရုတ်တရက် မြင့်တက်စေတတ်သော အချိုရည်အမျိုးမျိုး၊ အချိုဓာတ်များသော သကြား၊ သကြားလုံး၊ ယိုမျိုးစုံနှင့် အချိုမှုန့် တို့ကိုလည်း ရှောင်ကြဉ်ရမည်။ ကဆီဓာတ်များသော အစားအစာများဖြစ်သည့် အာလူး၊ ကန်စွန်းဥ၊ အာဒါလွတ်၊ ပဲမြစ်၊ ထန်းမြစ်၊ ပိန်းဥ၊ ပြောင်းဖူး၊ ကောက်ညှင်း၊ ဆန်၊ ဂျုံ၊ ကောက်ညှင်းနှင့်ပြုလုပ်ထားသော မုန့်အမျိုးမျိုးတို့ကိုလည်း ရှောင် ကြဉ်ရမည်။ စားသုံးဆီအမျိုးမျိုးကို အလွန်အကျွံ စားသုံးခြင်းမှ ရှောင်ကြဉ်ပြီး ဆီစားသုံးမှုကို လျှော့ချရမည်။ အရက်၊ ဆေးလိပ်၊ ကွမ်းစသည်တို့ စားသုံးခြင်းများသည် ဆီးချိုသွေးချိုရောဂါကို ပိုဆိုးစေသည့် အတွက် ရှောင်ကြဉ်ရန်လိုအပ် ပါကြောင်း တိုက်တွန်း ရေးသားအပ်ပါသည်။ ။
ဇာနည်အောင်
https://www.facebook.com/mwdmedia/
