တီဘီရောဂါကင်းစင်ဖို့ အားလုံးပူးပေါင်း ဆောင်ရွက်စို့
မြန်မာနိုင်ငံတွင် လူဦးရေတစ်သိန်းလျှင် တီဘီလူနာအသစ် ၃၇ဝ ဦး ဖြစ်ပွားလျက်ရှိပြီး တီဘီလူနာအသစ်မှ ၅ ရာခိုင် နှုန်းနှင့် ပြန်လည်ဖြစ်ပွားတတ်သော တီဘီလူနာများထဲမှ ၂၇ ရာခိုင်နှုန်း ဆေးယဉ်ပါးတီဘီ ဖြစ်ပွားနေကြောင်း တွေ့ရှိ ရသည်။ မြန်မာနိုင်ငံသည် ကမ္ဘာ့တီဘီ အဖြစ်အများဆုံး ၂၂ နိုင်ငံတွင် ပါဝင် လျက်ရှိသည်။ ထို့ပြင် တီဘီရောဂါသည် မြန်မာနိုင်ငံ၏ ဦးစားပေးဖြေရှင်းရမည့် ပြည်သူ့ကျန်းမာရေး ပြဿနာတစ်ခု အနေဖြင့်လည်း ရပ်တည်နေဆဲဖြစ်သည်။ တီဘီရောဂါသည် ကမ္ဘာပေါ်တွင် မဖွံ့ဖြိုးသေးသော နိုင်ငံများ၏ ပင်တိုင်ရောဂါတစ်ခုဖြစ်သည်။
ဖြစ်ရသော အကြောင်းရင်းများ
တစ်ကိုယ်ရေသန့်ရှင်းမှု၊ ပတ်ဝန်းကျင် သန့်ရှင်းမှု၊ အာဟာရ ဖွံ့ဖြိုးရေးနှင့် လူမှုရေး စည်းကမ်းအားလုံး ပါဝင်သည်။ အသက်ရှူလမ်းကြောင်းမှ လည်းကောင်း၊ အစာလမ်းကြောင်းမှ လည်းကောင်း ဝင်ရောက်နိုင် သည်။ သလိပ်တွင် တီဘီ ရောဂါပိုးရှိသော အဆုတ်တီဘီရောဂါ ဝေဒနာရှင်များ ချောင်းဆိုးခြင်း၊ နှာချေခြင်း၊ ကျယ်လောင်စွာ သီချင်းဆိုခြင်း၊ စကားပြောခြင်း၊ ရယ်မောခြင်းဖြင့် တီဘီပိုးပါသော သလိပ်အမှုန် အမွှားလေးများသည် လေထဲတွင် ရှူရှိုက်မိသော သူများ၏ အဆုတ်အတွင်းသို့ အသက်ရှူလမ်းကြောင်းမှ တစ်ဆင့် ဝင်ရောက်ပြီး ရောဂါကူးစက်နိုင်သည်။ တီဘီရောဂါ အမျိုးအစားများတွင် အဆုတ်တီဘီသည် အများဆုံးတွေ့ရပြီး ပြည်သူလူထုအတွင်း ရောဂါကူးစက်မှု အများဆုံးပေးသည့်ရောဂါဖြစ်သည်။
တီဘီရောဂါ ကူးစက် နိုင်စွမ်းအား
သလိပ်ပိုးတွေ့ တီဘီလူနာတစ်ဦးသည် ဆေးကုသမှုမခံယူပါက အခြားသူ ၁ဝ ဦးမှ ၁၅ ဦးသို့ တစ်နှစ်အတွင်း ကူးစက်နိုင်စွမ်း ရှိသည်။ တီဘီရောဂါသည်များ၏ ၅ဝ ရာခိုင်နှုန်းခန့်မှာ ကူးစက်မှု ကိုပေးနိုင်သော သလိပ်ပိုးတွေ့ အဆုတ် တီဘီလူနာများဖြစ်သည်။ ဤနည်းဖြင့် တီဘီရောဂါသည် ဆက်လက် ပြန့်ပွား လျက်ရှိသည်။ သလိပ်ပိုးတွေ့ တီဘီ လူနာများသည် ဆေးကုသမှုခံယူပါက နှစ်ပတ်မှ လေးပတ်အတွင်း အခြားသူများသို့ ကူးစက်နိုင်စွမ်း များစွာလျော့နည်းသွား မည်ဖြစ်သည်။
တီဘီရောဂါ လက္ခဏာများ
အဓိကအားဖြင့် ရင်ခေါင်းပိုင်းဆိုင်ရာတွင် သလိပ်ထွက်ခြင်း၊ သလိပ်အတွင်း သွေးပါခြင်း၊ ချောင်းဆိုး သွေးပါခြင်း၊ အသက်ရှူမဝခြင်း၊ ကျော၊ ရင် အောင့်ခြင်း တို့ဖြစ်တတ်သည်။ ယေဘုယျအားဖြင့် သိသာသောတီဘီ ရောဂါလက္ခဏာများမှာ တဖြည်းဖြည်း ပိန်ချုံးလာခြင်း၊ ကိုယ်ပူချိန် တငွေ့ငွေ့တက်ခြင်း၊ ညဘက်ချွေး ထွက်ခြင်း၊ မလှုပ်ချင်၊ မကိုင် ချင်ဖြစ်ခြင်းဖြစ်ပြီး အလွယ်တကူ မောပန်းလွယ်ခြင်း တို့ဖြစ်ပါသည်။ အဆုတ်အပြင် တီဘီရောဂါများအတွက်မူ ဖြစ်ပွားသော ကိုယ် အင်္ဂါအစိတ်အပိုင်း အပေါ်မူတည်၍ အခြားသော လက္ခဏာများ ဖြစ်တတ်သည်။
ကိုယ်အင်္ဂါ အစိတ်အပိုင်းများတွင် ရောဂါဖြစ်ခြင်း
သလိပ်ပိုးတွေ့ အဆုတ်တီဘီ သလိပ်မှန်ပြားပေါ်တွင် တီဘီပိုးကို အဏုကြည့် မှန်ဘီလူးဖြင့် ရှာဖွေရာ၌ အနည်းဆုံး နှစ်ကြိမ် ရှာဖွေတွေ့ရှိခြင်း သို့မဟုတ် သလိပ်တွင် တစ်ကြိမ်သာ တီဘီပိုးရှာဖွေတွေ့ရှိပြီး ရင်ခေါင်းဓာတ်မှန်ရိုက်ရာတွင် Acute TB ဟု ယူဆနိုင်သော အရိပ်အယောင်များတွေ့ခြင်း သို့မဟုတ် Culture Positive ဖြစ်သည့်လူနာ။
သလိပ်ပိုးမတွေ့ အဆုတ်တီဘီရောဂါ သလိပ်တွင် သုံးကြိမ်ဆက်တိုက် တီဘီပိုးရှာမတွေ့ဘဲ ပဋိဇီဝဆေး များဖြင့် ကုသရာ၌လည်း ရောဂါလက္ခဏာများ မသက် သာသည့်အပြင် ရင်ခေါင်း ဓာတ်မှန်ရိုက်ရာတွင် Acute TB ဟုယူဆနိုင် သော အရိပ်များရှိပြီး ဆေးဝါးကုသမှုပေးမည့် ဆရာဝန်က တီဘီရောဂါအဖြစ် ကုသ ရမည်ဟု ဆုံးဖြတ်ခံရသည့် လူနာ တို့ ဖြစ်ပါသည်။
အဆုတ်ပြင်ပ တီဘီရောဂါ
ကလေးများသည် တီဘီပိုးရှိသည့် လူကြီး တီဘီဝေဒနာရှင်များထံမှ ရောဂါကူးစက်ခံရခြင်း ဖြစ်သည်။
၁။ ကနဦး တီဘီရောဂါ အသက်ရှူလမ်းကြောင်းမှတစ်ဆင့် အဆုတ်အတွင်းသို့ ပထမဦးဆုံးအကြိမ် ကူးစက် ရောက်ရှိ သွားသောအခါ တီဘီပိုးရောက်ရှိသည့် အဆုတ်အစိတ်အပိုင်းတွင် ရောဂါဖြစ်ခြင်းနှင့် ၎င်းနှင့်ဆက်နွှယ်လျက်ရှိသော လင့်အကြိတ်များ ကြီးထွားရောင်ရမ်းမှုကို စုပေါင်း၍ ကနဦးတီဘီဟု ခေါ်ဝေါ်သည်။
၂။ လူးစေ့တီဘီရောဂါ တီဘီရောဂါပိုးများသည် သွေးကြောမှတစ်ဆင့် ကိုယ်တွင်း အင်္ဂါအစိတ်အပိုင်း အနှံ့အပြား ပြန့် ပွားရောက်ရှိ၍ ရောဂါဖြစ်ပွားပြီး လူနာ အများစု၏ ရင်ခေါင်းဓာတ်မှန်တွင် လူးစေ့များပြန့်ကျဲ နေသကဲ့သို့ တွေ့ရှိရသော ကြောင့် လူးစေ့တီဘီရောဂါဟု ခေါ်သည်။
၃။ ကလေးတီဘီ ရောဂါလက္ခဏာများ ကလေးတီဘီရောဂါတွင် ရောဂါလက္ခဏာများ ပီပီပြင်ပြင် မရှိတတ်ချေ။ ဖျားနာ ခြင်း၊ အစားအသောက်ပျက်ခြင်း၊ မအီမ သာဖြစ်ခြင်း၊ ကိုယ်အလေးချိန်ကျခြင်းနှင့် မောပန်းလွယ်ခြင်းတို့ဖြစ်သည်။
တီဘီရောဂါသည်များ ဆောင်ရန်နှင့် ရှောင်ရန်များ
တီဘီရောဂါကို အမြစ်ပြတ် ပျောက်ကင်းအောင် ကုသလို့ရသည်။ လူနာသစ်ဆိုရင် ခြောက်လ ကြာကုသရမှာဖြစ်ပြီး လူနာဟောင်း ပြန်ဖြစ်လူနာဆိုလျှင် ရှစ်လကြာကုသရမှာဖြစ်သည်။ ပြန်ဖြစ်လူနာများကို ဆေးယဉ်ပါးတီဘီ ဟုတ်၊ မဟုတ် ခွဲခြားရန် သလိပ်ကို နောက်ဆုံးပေါ် သလိပ်စစ်နည်း စက်ဖြင့် စစ်ဆေးရ သည်။ တီဘီရောဂါ ပျောက်ကင်းတယ် ဆိုတာက သလိပ်တီဘီပိုးတွေ့ လူနာ တစ်ဦးသည် ဆေးကုသမှုပြီးဆုံးချိန်မှာ တစ်ကြိမ်၊ ဆေးကုသမှု မပြီးဆုံးမီတစ် ကြိမ် နှစ်ကြိမ်လုံး သလိပ်ပိုး မတွေ့တော့လျှင် ရောဂါပျောက်ကင်းပြီဟု သတ်မှတ်ပါသည်။ ထိုသို့ ရောဂါပျောက်ကင်း စေရန်အတွက် လူနာများအနေဖြင့် သတ်မှတ် ထားသော အရည်အသွေးပြည့်ဆေးများကို စွဲမြဲမှန်ကန်စွာ ဆရာဝန် ညွှန်ကြားချက်အတိုင်း သောက်ဖို့ အလွန်အရေးကြီးသည်။
လူနာများကို ဆေးမှန်သောက်အောင် တစ်ရက်ပျက်လျှင် အစကပြန်သောက်ရမယ်လို့ ပြောထားပေမယ့် တစ်ရက်ပျက်သွားရင် ပျက်တဲ့ရက်ကို အစားပြန်ဖြည့်ပြီးသောက် လို့ရသည်။ ဒါပေမဲ့ ပျက်တဲ့ရက်က ခဏခဏဖြစ်နေရင်တော့ ဆေး ယဉ်ပါးတဲ့ပြဿနာ ဖြစ်နိုင်ပါသည်။ ထို့ကြောင့် ဖြစ်နိုင်လျှင်ဆေးကို တစ်ရက် မှမပျက်ဘဲ ပြည့်မီအောင် သောက်ဖို့ လိုပါသည်။
တီဘီရောဂါဟာ သာမန်လူနာတွေလိုပဲ အလုပ်လုပ်လို့ရသည်။ အသက်အပိုင်းအခြားအားဖြင့် ၁၅ နှစ်မှ ၅၄ နှစ်ကြား လူတွေ အများဆုံးဖြစ်တတ်သည်။ ၇၅ ရာခိုင်နှုန်းသော လူနာတွေဟာ ဒီအသက်အရွယ်ရှိတဲ့ လူနာတွေပါပဲ။ ဝန်ထမ်း ဖြစ်ပါက အလုပ်သွားရင်း ဆေးကုသမှုခံယူနိုင်သည်။ သလိပ်ပိုးတွေ့တဲ့ ကာလ မှာတော့ ခွင့်ယူပြီး နားသင့်သည်။ စနစ် တကျ ဆေးကုသမှု ခံယူပါက နှစ်ပတ်လောက်ကြာလျှင် ရောဂါ ကူးစက်မှုစွမ်းအား လျော့ကျသွားနိုင်သည့်အတွက် ကူး စက်မှုအန္တရာယ် နည်းသွားနိုင်သည်။ ဆေးကုသမှု စနစ်တကျ မခံယူလို့ဘဲဖြစ်ဖြစ် ဆေးကုသမှု လုံးဝမခံယူလို့ဘဲ ဖြစ်ဖြစ် ထိုသူများချောင်းဆိုး၊ နှာချေလျှင် တီဘီ ပိုးပါသော အမှုန်လေးတွေက လေထဲကိုပျံ့နှံ့ပြီး ဘေးပတ်ဝန်းကျင်က လုပ်ဖော်ကိုင်ဖက်များအား ကူးစက်စေနိုင်သည်ကိုမူ အထူးသတိပြုရမည်ဖြစ်သည်။
တီဘီဆေးကုသမှု ခံယူနေသော လူနာတွေအနေဖြင့် ဆေးသောက်နေတဲ့ အချိန်မှာ လိုက်နာရမည့် အချက်တွေက တော့ ဆေးလိပ်၊ အရက်နှင့် ကွမ်းစားခြင်းကို ရှောင်ကြဉ်ရပါမည်။ သင့်တင့်လျောက်ပတ်သော အာဟာရဖြစ်စေသည့် အစားအစာ စားပေးရပါမည်။
အာဟာရပြည့်ဖို့လည်း လိုအပ်ပါသည်။ ပုံမှန်လမ်းလျှောက်ခြင်းနှင့် ကိုယ်လက်လှုပ်ရှားမှုများ လုပ်ပေးရပါမည်။ လူနာ ကြီးလို ထိုင်းထိုင်း မှိုင်းမှိုင်းနေစရာမလိုပါ။ အဓိကညွှန်ကြားထားသော ဆေးများကိုသာ မှန်မှန်သောက် ပေးရပါမည်။ လူနာ၏ အသုံးအဆောင်ပစ္စည်းများ ခြင်ထောင်၊ ခေါင်းအုံး စတဲ့အရာများကို နေပူ လှန်းပေးရပါမည်။ ထမင်းစားပန်း ကန်နှင့် ဇွန်း၊ သောက်ရေခွက်တို့ကို သီးသန့်ထားပေးရပါမည်။
ထို့ပြင် တီဘီလူနာ၏ ဘေးပတ်ဝန်းကျင်တွင် တံမြက်စည်းလှည်းသည့်အခါ ဖုန်မထအောင် သတိထား၍လှည်းပေးပါ။ တီဘီရောဂါသည်ထားသောအိမ် သို့မ ဟုတ် အခန်းတို့တွင် အလင်းရောင် ကောင်းကောင်းရစေရမည်။ လေဝင်လေ ထွက်ကောင်းရမည်။ သလိပ်ပိုးရှိတဲ့အချိန်မှာတော့ မိသားစုနှင့်အတူ မအိပ်ဖို့ လိုအပ်ပါကြောင်း တီဘီ ရောဂါအ ကြောင်းတစေ့တစောင်း တင်ပြလိုက်ပါသည်။ ။
ဖြိုးမောင်မောင်
မြ၀တီ
https://www.facebook.com/mwdmedia/
