ဆရာ ကျောက်ချဉ်ကို Eng လို ဘယ်လိုခေါ်ပါလဲ။ underarm မှာသုံးရင် side effect ရှိပါသလား။ ကျေးဇူးတင်ပါတယ် ဆရာ။
မေးတဲ့သူ အိုင်ဒီအရတော့ အမျိုးသမီးလို့သိတယ်။ အသက်-ရာသီ-အိမ်ထောင်ရေး-ဘာဖြစ်နေ မသိပါ။ အရင်က ကွန်မင့်ကနေမေးကြတယ်။ အဲတာတွေကတော့ ဗဂျိုင်းနားသုံးဆေးဆိုတာမှာပါ။
- ဆရာ ကျောချဉ် အနှစ်ခဲလား မသိဘူးနော်။
- တကယ်ပဲကျောက်ချဉ်နဲ့လုပ်ထားတာပါ 😉😉
- ဆရာအပြင်ဆေးဆိုင်တွေမှာဝယ်လိုရလားဆရာ။
အခုလိုပဲ ကြော်ငြာဆေး မေးသလားမမေးနဲ့။ ဘယ်မှာဝယ်ရမလဲ။ ဘယ်ဈေးလဲ။ ရေးရတာမောလှပြီ။ ဆရာဝန်တွေ ညွှန်တဲ့ဆေးကြတော့ အဲလိုမမေးကြဘူး။ ကြော်ငြာဆေးဆိုတာ ဆရာဝန်တွေကမညွှန်ပါ။ ဘေးထွက်ဆိုးကျိုးတွေ မသိနိုင်ပါ။ ထိရောက်မှု သုတေသနမရှိပါ။ FDA အဖွဲ့ကနေ အသိအမှတ်ပြုချက်လည်း မလိုကြပါ။ အာဟာရနှင့် ဖြည့်စွက် ဗီတာမင်လို့လုပ်ထားရင် ရောင်းလို့ရတယ်။ ကြော်ငြာမှာ ဗူးလှလှလေးတွေ၊ ပုံလှလှလေးတွေ၊ မော်ဒယ်ချောချောတွေကို မြင်တာနဲ့ ဆေးသောက်ပြီး လှမယ်ချောလို့မထင်ပါနဲ့။ မော်ဒယ်ကို ပိုက်ဆံပေးထားတယ်။ ဆေးဗူးခွံအတွက် ပိုက်ဆံပေးထားတယ်။ ဆေးဝယ်သူတွေ ဆီကနေယူပြီးပေးတာပါ။ ကောင်းကြောင်းရေးပေးရင် ကျွန်တော့်ကိုလည်း ပိုက်ဆံပေးမလားမသိပါ။
ကိုယ်နဲ့၊ ချိုင်းချွေးနံ့အကြောင်းရေးတော့ ကွန်မင့်ပေးသူ အတော်များများက ကျောက်ချဉ်ကိုပြောကြတယ်။ အမျိုးသမီးများ တကိုယ်ရေသန့်ရှင်းရေး ရေးတုန်းကလည်း ကျောက်ချဉ်ကို မေးလာကြတော့မယ်လို့ သိထားပြီးသားပါ။ ကျောက်ချဉ်ကို Alum (အလမ်) ခေါ်တယ်။ KAl(SO4)2·12H2O ဓါတုဗေဒမှာ အမျိုးမျိုးရှိတယ်။
၁။ Potassium Alum (ပိုတက်ဆီယမ် အလမ်) ကို အများဆုံးသုံးကြတယ်။ Aluminum potassium sulfate ဖြစ်တယ်။ စတိုးဆိုင်တွေမှာဝယ်လို့ရရင် ဒီအမျိုးအစားဖြစ်တယ်။ Baking powder မုန့်ဖုတ်ဆော်ဒါထဲမှာပါတယ်။ ရေသန့်ရာမှာလည်း သုံးတယ်။ သားရေလုပ်ငန်းမှာလည်းသုံးတယ်။ ဒဏ်ရာကနေ သွေးထွက်တာ သက်သာဘို့လည်း သုံးကြတယ်။ ကာကွယ်ဆေးတချို့ထဲမှာပါတယ်။ Deodorant ချွေးနံ့ပျောက်ဆေးတောင့်မှာ သုံးတယ်။ Crisp စားရာထဲလည်း ထည့်တယ်။ Flame retardant အဖြစ်လည်းသုံးတယ်။ Modeling clay ရွံ့ပန်းပုမှာသုံးတယ်။ Hair removal waxes ဆံပင်နုတ်ပျားဖယောင်းထဲမှာပါတယ်။ Skin whitener အရေပြားဖြူအောင်သုံးတယ်။ Toothpaste သွားတိုက်ဆေး တချို့မှာပါတယ်။
၂။ Soda Alum ဆိုဒါကျောက်ချဉ်
NaAl(SO4)2·12H2O က မုန့်ဖုတ်ဆော်ဒါဖြစ်တယ်။
၃။ Ammonium Alum အလူမီနီယမ်ကျောက်ချဉ်
NH4Al(SO4)2·12H2O အဝတ်အထည်တွေဆေးဆိုးရာမှာသုံးတယ်။ Potassium alum နဲ့ Soda alum တွေလိုပဲ သုံးနိုင်တယ်။ Porcelain cements စဥ့်လုပ်ငန်းနဲ့ Vegetable glues ကော်လုပ်ရာမှာသုံးတယ်။ Water purification ရေသန့်ဘို့နဲ့ Deodorants ချိုင်းချွေးပျောက်ဆေးမှာသုံးတယ်။
၎။ Chrome Alum ခရုမ်းကျောက်ချဉ်
KCr(SO4)2·12H2O ခရမ်းရင့်ရောင်ဖြစ်တယ်။ ဆေးဆိုးရမှာသုံးတယ်။
၅။ Selenate Alums ဆယ်လိနိတ်ကျောက်ချဉ်
Antiseptics ပိုးသေဆေးအဖြစ်သုံးတယ်။ ပိုးသေဆေးအစွမ်းရှိတာဆိုရင် အမျိုးသမီးများ တကိုယ်ရေသန့်ရှင်းရေးထဲမှာ ရေးထားသလို ဗဂျိုင်းနားမှာ ဗက်တီးရီးယားပိုးကူးစက်နေတာ မဟုတ်ရင် သုံးဘို့မသင့်ပါ။ ဗက်တီးရီးယား အကောင်းတွေကိုပါ သေစေပြီး ထပ်ဆင့် မှိုပိုးဝင်လာစေနိုင်တယ်။
၆။ Alum (aluminum sulfate) ကျောက်ချဉ်ကို ရေသန့်ရာမှာသုံးပါတယ်။ အသုံးနည်းပါတယ်။ နည်းစနစ်ကျဘို့လိုတယ်။
မှတ်ချက်။ ကျွန်တော်တင်ထားတဲ့ Medicated Stick မိန်းမကိုယ်ကျဉ်းဆေးကို ဒီဆေးဝါးဗေဒမှာထည့်ရေးမထားပါ။
• Alum ကျောက်ချဉ် http://doctortintswe.blogspot.com/2015/06/alum.html
• Aquatabs water purification tablets ရေသန့်ဆေးပြား http://doctortintswe.blogspot.com/2016/08/aquatabs-water-purification-tablets.html
• How to Purify Muddy Water ရွံ့ရေကို ဘယ်လိုသန့်စေမလဲ http://doctortintswe.blogspot.com/2017/05/how-to-purify-muddy-water.html
ဒေါက်တာတင့်ဆွေ
https://www.facebook.com/drtintswe/
