မိုးတွင်းမှာစားသင့်သော အစားအစာ


မြန်မာနိုင်ငံသည် နွေမိုးဆောင်းစသည့်ဥတု၃ပါးမျှတသည့်နိုင်ငံဖြစ်သည့်အလျောက် ရာသီဥတုတစ်ခုစီသည် ပျမ်းမျှလေးလခန့်ကြာမြင့်တတ်ပါသည်။ ယခုအချိန်သည် မိုးဦးရာသီဟု ခေါ်ရမည့်အချိန်ကာလဖြစ်ပါသည်။ တခါတရံ နေသာသည့်နေများရှိသလို၊ လေထန်သောနေ့များ၊ မိုးကြီးသည့်နေ့များလည်းရှိတတ်ပါသည်။ ပတ်ဝန်းကျင်စိုစွတ်ထိုင်းမှိုင်းလာသည်နှင့်အမျှ အက်တီးရီးယားပိုးမွှားလည်းပေါက်ဖွားမှုနှုန်းမြင့်လာပါသည်။ မိုးရာသီစသည်နှင့် ၀မ်းပျက်ဝမ်းလျှောရောဂါသည် ကလေး၊လူကြီး၊လူငယ်မရွေး ဒုက္ခပေးလာပါသည်။
အများအားဖြင့် ဖြစ်တတ်သော ၀မ်းလျှောဝမ်းပျက်ရောဂါ၊ အူရောင်ငန်းဖျားရောဂါ(Typhoid) နှင့် အူမကြီးယောခြင်း(colitis) ရောဂါတို့သည် မသန့်ရှင်းသောအစားအသောက်မှတဆင့် ကူးစက် ပြန့်ပွားခြင်းဖြစ်ပါသည်။ မသန့်ရှင်းသောအစားအစာဆိုသည်မှာ ယင်နားစာများအပြင်၊ မနက်စောစော ချက်ထားသည့် ထမင်းဟင်းများကို ညနေဖက်တွင် ပြန်နွေးစားခြင်းတို့လည်း ပါဝင်ပါသည်။

 ဥပမာ - မနက်စောစောချက်ထားသည့် ၀က်သားဟင်းကို သေချာအအေးမခံဘဲ ရေခဲသေတ္တာထဲ သိမ်းဆည်းမိခြင်း၊ ထိုဟင်းကိုပြန်နွေးကာစားသုံးခြင်းတို့ဖြစ်ပါသည်။ ထိုကဲ့သို့ အပူချိန်အပြောင်းအလဲသည် ဘက်တီးရီးယားပိုးတို့အကြိုက်ဖြစ်နေတတ်ပါသည်။ ပိုးကောင်ရေ ထောင်သောင်းသိန်းပေါင်းများစွာ အချိန်တိုအတွင်း ပွားလာပါသည်။ ထိုပိုးများပါဝင်နေသော အစားအစာများကို သတိမထားမိဘဲ စားသုံးမိ ခြင်းဖြင့် အစာအဆိပ်သင့်ခြင်း၊ ၀မ်းပျက်ခြင်းဝမ်းလျှောခြင်းတို့ ဖြစ်နိုင်ပါသည်။ ကလေးရောလူကြီးပါ အန္တာရယ်ရှိသည့်အတွက် အစားအသောက်ပြင်ဆင်ချက်ပြုတ်သည့် မိခင်များအနေဖြင့် အလွန်တရာ ဂရုစိုက်သင့်သည့်အချက်ဖြစ်ပါသည်။

ဤမိုးရာသီတွင်စားသုံးသင့်သောအစားအစာများကို အနည်းငယ်ဝေမျှလိုပါသည်။ ပထမဆုံး အနေနဲ့ရွေးချယ်ရမည်မှာ လတ်လတ်ဆတ်ဆတ်ချက်ပြုတ်ထားသော အစားအစာများဖြစ်ပါသည်။ မိမိတို့အိမ်တွင် ပူပူနွေးနွေးချက်ပြုတ်သည့် အစားအသောက်များသည် ဤရာသီတွင် အသင့်တော်ဆုံး ဖြစ်ပါသည်။ ထမင်း၊ဟင်းကို ပူပူနွေးနွေးစားသုံးသင့်ပါသည်။ ထမင်းအေး၊ ဟင်းအေးများကို ပြန်နွေးပြီး စားသုံးခြင်းက အန္တာရယ်ရှိနိုင်ပါသည်။ အခန့်မသင့်လျှင် ရောဂါပိုးမွှားများ ပါဝင်နေနိုင်သောကြောင့် ဖြစ်ပါသည်။ ထမင်းကြော်ကို ထပ်ခါထပ်ခါနွေးပြီးစားသုံးခြင်းကိုလည်း ရှောင်ကျဉ်သင့်ပါသည်။ Bacillus cereus ဆိုသည့် အစာအဆိပ်သင့်စေသည့်ပိုးသည် အေးနေသောထမင်းကြော်၊ ထပ်ခါ ထပ်ခါနွေးထားသည့် ထမင်းကြော်တို့တွင် ပေါက်ဖွားနေတတ်သောကြောင့် ဖြစ်သည်။

 အစာမကျေခြင်း၊ မူးဝေအော့အန်ခြင်း၊ ဗိုက်အောင့်ဗိုက်နာခြင်းတို့ကို ဖြစ်စေနိုင်ပါသည်။ ထို့ကြောင့် မနက်စာကို ထမင်းကြော်စားလေ့ရှိသည့်အိမ်များတွင် မနက်မှချက်သော ထမင်းပူပူကိုသာ ကြော်ြ့ပီးစားသုံးသင့်သည့်အပြင် ထပ်ပြီးမနွေးသင့်ပေ။ ဟင်းများကိုလည်းဖြစ်နိုင်လျှင် တစ်ခါ ချက်ပြီး သည်နှင့် ပူပူနွေးနွေးစားသုံးပါ။ သို့မဟုတ်ပါက သေချာအအေးခံပြီးမှ ရေခဲသေတ္တာထဲလုံခြုံစွာ အဖုံးအုပ်ပြီးသိမ်းပါ။ ရေခဲသေတ္တာထဲတွင်လည်း ပိုးမွှားများရှိနေနိုင်ပါသည်။ တစ်ပတ်တစ်ကြိမ်ခန့် ရေခဲသေတ္တာအတွင်းကို သန့်ရှင်းအောင်လုပ်သင့်ပါသည်။


နောက်ထပ်သင့်တော်သည့်အစားအစာများမှာ ခေါက်ဆွဲပြုတ်၊ ကြာဇံပြုတ်ပူပူနွေးနွေးတို့ဖြစ်ပါသည်။ ခေါက်ဆွဲသုပ်၊ ကြာဇံသုပ်၊ အသုတ်စုံ စသည့် လက်သုပ်စာများသည် ၀မ်းပျက်ဝမ်းလျှောရောဂါကို ဖြစ်ပွားစေသောအစားအစာများ ဖြစ်နေပါသည်။ အပြင်စာများသည် ယင်နားနေနိုင်သောကြောင့်ဖြစ်ပါသည်။ ဖြစ်နိုင်ပါက မိမိတို့၏ကလေးငယ်များကို အတတ်နိုင်ဆုံးအပြင်စာများ ရှောင်ကျဉ်ကြဖို့ သွန်သင်သင့်ပါသည်။ မိမိအိမ်တွင် သန့်သန့်ရှင်းရှင်းပြုလုပ်သော အစားအစာများသည်သာ အကောင်းဆုံး အာဟာရအရှိဆုံးဖြစ်ကြောင်း လူကြီးမိဘများက ပြောဆိုထားသင့်ပါသည်။ ကလေးများနှင့် သက်ကြီးရွယ်အိုများသည် ရောဂါအဖြစ်လွယ်ဆုံးသူများဖြစ်သောကြောင့် ပိုပြီးသတိထားရပါမည်။
အသီးများကိုရွေးချယ်မည်ဆိုပါက အမှည့်လွန်အသီးများကိုရှောင်ပါ။ ခွဲပြီးသားအသီးများ ဥပမာ - သရက်သီးစိပ်၊ ဖရဲသီးစိပ်များသည် ယင်နားစာများဖြစ်နေနိုင်ပါသည်။ ထိုယင်နားစာများစားမိပါက ၀မ်းကိုက်ခြင်း၊ ၀မ်းလျှောခြင်း စသဖြင့် ရောဂါများဖြစ်ပွားနိုင်ပါသည်။ အသီးများကို လတ်လတ်ဆတ်ဆတ်ရွေးဝယ်ပြီး မိမိတို့အိမ်တွင် သေချာဆေးကြောပြီးစားသုံးခြင်းက ဤမိုးရာသီတွင် အသင့်တော်ဆုံးဖြစ်ပါသည်။ အသီးများ၏အခွံတွင်လည်း ပိုးမွှားများကပ်နေနိုင်သောကြောင့် ရေသန့်သန့်ဖြင့် ၂ကြိမ် ၃ကြိမ်ဆေးကြောရန်လိုအပ်ပါသည်။ သို့မှာသာ ဘက်တီးရီးယားပိုးမွှားများ ကူးစက်ပျံ့ နှံ့ခြင်းကို ကာကွယ်နိုင်မည်ဖြစ်ပါသည်။
ထို့အပြင် အချိုရည်များ အအေးများအစား လက်ဖက်ရည်ပူပူ ကော်ဖီပူပူ စသဖြင့် သောက်ပါက ပိုအကျိုးရှိပါသည်။ Gas ပါသည့်အချိုရည်များသည် အခန့်မသင့်လျှင် ဗိုက်ပွခြင်း လေထိုးခြင်း လေအောင့်ခြင်းများ ဖြစ်နိုင်ပါသည်။ နွားနို့ကိုသောက်သုံးမည်ဆိုပါက အစိမ်းဆိုလျှင် သေချာစွာကျိုချက်ပြီး သောက်သုံးသင့်ပါသည်။ သို့မဟုတ် Pasteurized နွားနို့၊ UHT နွားနို့များကို ရက်စွဲသေချာကြည့်ပြီး ၀ယ်ယူသင့်ပါသည်။ နွားနို့သည် ဘက်တီးရီးယားပိုးမွှားများ ပေါက်ဖွားလွယ်သည့် အစားအစာဖြစ်သည့်အတွက် အထူးဂရုပြုရန်လိုပါသည်။
ကလေးများအနေဖြင့် ရေခဲချောင်၊ရေခဲခြစ်များ စားသုံးခြင်းကို သတိထားရှောင်ကျဉ်သင့်ပါသည်။ အဘယ်ကြောင့်ဆိုသော် မသန့်ရှင်းသောရေ၊ ရေခဲထဲတွင် Salmonella ခေါ် အူရောင်ငန်းဖျားရောဂါပိုးသည် ရှင်သန်ပေါက်ဖွားနေတတ်ပါသည်။ ထိုရောဂါပိုးကို အမှတ်မထင်စားသုံးမိပါက အူရောင်ငန်းဖျားရောဂါ ရရှိနိုင်ပါသည်။ အူရောင်ငန်းဖျား(ခေါ်)တိုက်ဖွိုက်၏ လက္ခဏာများမှာ ဖျားခြင်း(၄ ၅ ရက်ဆက်တိုက်ကိုယ်ပူမကျခြင်း)၊ ၀မ်းလျှောခြင်း၊ နုံးခြင်း၊ ဗိုက်ရစ်/ခြင်း၊ ကိုယ်လက်ကိုက်ခဲခြင်း စသည်တို့ဖြစ်ပါသည်။ မိုးတွင်းတွင် အဖြစ်များသည့်ရောဂါများထဲမှ တစ်ခုဖြစ်ပါသည်။
အဓိကအချက်မှာ မိုးတွင်းသည် စိုစွတ်ထိုင်းမှိုင်းသည့်ရာသီဖြစ်သည့်အလျောက် ဘက်တီးရီးယားများ၊ ဗိုင်းရပ်စ်ရောဂါပိုးများ အင်မတန်ပေါက်ဖွားလွယ်ပါသည်။ ထို့အပြင် မိမိတို့မှာလည်း နေပူလိုက်၊ မိုးရွာလျှင် မိုးမိလိုက်နှင့် ဖျားလွယ်၊နာလွယ်သည့်အချိန်ဖြစ်ပါသည်။ နေပူထဲကပြန်လာလျှင် ရေခဲရည်မသောက်ပါနှင့်။ ရိုးရိုးရေဖြစ်စေ၊ ဓာတ်ဆားရည်ဖြစ်စေ၊ အသီးဖျော်ရည်ဖြစ်စေ နည်းနည်းချင်းသောက်ပါ။ အလောတကြီးမသောက်ပါနှင့်။ ဖြည်းဖြည်းသောက်ပါ။ မိုးမိပြီးပြန်လာလျှင် တစ်ကိုယ်လုံးကို ခြောက်သွေ့အောင်သုတ်ပါ။ အ၀တ်အစားများလည်း လဲလိုက်ပါ။ မိုးရေတွင် ဖုန်များ၊ အညစ်အကြေးများ၊ ရောဂါပိုးများ ပါဝင်နေပါသည်။ စွတ်ပြုတ်ပူပူ၊ လက်ဖက်ရည်ပူပူ သောက်ပြီး ခန္ဓာကိုယ်ကို နွေးထွေးအောင် ပြုလုပ်ပေးပါ။ ရောဂါကာကွယ်ပေးသည့် အုပ်စုဝင်ဖြစ်သည့် အသီးအရွက်များကို လူကြီးလူငယ်မရွေး အနည်းဆုံး ၁ရက်လျှင် ၃ကြိမ်မှ၅ကြိမ်စားသုံးပေးပါ။ ကိုယ်ခံအားမြင့်နေခြင်းဖြင့် ရောဂါကာကွယ်နိုင်ပါသည်။

နောက်တစ်ချက်မှာ လက်ဆေးခြင်းဖြစ်ပါသည်။ အပြင်မှပြန်လာလျှင် သတိတရလက်ဆေးပါ။ ကလေးများကိုလည်း အလေ့အကျင့်လုပ်ပေးပါ။ ပြင်ပမှ ရောဂါပိုးများကို ဖယ်ရှားနိုင်သည့် အလွယ်ကူဆုံး နည်းလမ်း ဖြစ်ပါသည်။ အစာမစားခင် လက်ဆေးခြင်း၊ စားပြီးလက်ဆေးခြင်းနှင့် အိမ်သာမှအထွက် လက်ဆေးခြင်းတို့ကတော့ လူတိုင်းသိပြီးသားဖြစ်ပါသည်။ လက်ကို မှန်မှန် ကန် ကန်ဆေးခြင်းဖြင့် အအေးမိတုပ်ကွေးနှင့် ၀မ်းပျက်ဝမ်းလျှောရောဂါများကို ကာကွယ်နိုင်ပါသည်။ လွယ်ကူရိုးရှင်းသော နည်းလမ်းတစ်ခုဖြစ်ပါသည်။ ဤမျှဆိုလျှင် မိုးရာသီတွင် ဆောင်ရန် ရှောင်ရန် အစားအသောက်များကို အတော်အသင့် မျှဝေပြီးပြီဟု ယူဆမိပါသည်။ မှန်ကန်စွာ စားသုံးခြင့်ဖြင့် မိမိသာမက မိသားစုတစ်ခုလုံးပါ ရောဂါကင်းစင်ြ့ပီး ကျန်းမာပျော်ရွှင်နိုင်ပါသည်။ မိမိလေ့လာမိသမျှကို ဝေမျှလိုက်ပါသည်။

Dr.Jasmine
Health Guide
https://www.facebook.com/mmhealthguide

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ