ခရမ်းလွန်ရောင်ခြည်ကြောင့် ဖြစ်ပေါ်နိုင်သော ကျန်းမာရေးထိခိုက်မှုများ


ခရမ်းလွန်ရောင်ခြည်ပမာဏ အနည်းငယ်နှင့် ထိတွေ့ခြင်းမှာ လူများအတွက် အကျိုးကျေးဇူးရှိပြီး ဗီတာမင်ဒီထုတ်လုပ်ရာတွင် အရေးပါ သည့် ရောင်ခြည်ဖြစ်သည်။ ထို့ပြင် ခရမ်းလွန်ရောင်ခြည်ကို ဗီတာ မင်ဒီချို့တဲ့၍ဖြစ်သည့် ကလေးအရိုးပျော့ရောဂါ၊ psoriasis ဟုခေါ် သည့် အရေပြားရောဂါ၊ နှင်းခူနှင့် အသားဝါရောဂါတို့အပါအဝင် ရောဂါများစွာကို ကုသရာတွင် အသုံးပြုသည်။

သို့သော် ခရမ်းလွန်ရောင်ခြည်တွင် ကောင်းကျိုးများရှိသကဲ့သို့ ဆိုးကျိုးများလည်းရှိသည်။ နေရောင်ခြည်တွင် ပါဝင်သော ခရမ်းလွန်ရောင်ခြည်နှင့် အချိန်ကြာမြင့်စွာ ထိတွေ့ခြင်းကြောင့် အရေပြား၊ မျက်စိနှင့် ကိုယ်ခံအားစနစ်တို့တွင် ပြင်းထန်သော ကျန်းမာရေးထိ ခိုက်မှုများကို အချိန်ကြာမြင့်စွာ ခံစားရနိုင်သည်။
ခရမ်းလွန်ရောင်ခြည်နှင့် ထိတွေ့မှုလွန်ကဲသောကြောင့် ဖြစ် ပေါ်မှုအများဆုံး လက္ခဏာတစ်ခုသည် နေလောင်ခြင်းဖြစ်သည်။ အချိန်ကြာလာသည်နှင့်အမျှ ခရမ်းလွန်ရောင်ခြည်က အရေပြားပေါ်ရှိ ဆဲလ်များ၌ သေဆုံးစေသော ပြောင်းလဲမှုများ ဖြစ်ပေါ်စေ သည်။ တစ်သျှူးအမျှင်များ၊ သွေးကြောများတွင် ဆဲလ်သေဆုံးမှုများ ဖြစ်ပေါ်စေသောကြောင့် အရွယ်မတိုင်မီ အရေပြားအိုမင်းရင့် ရော်ခြင်းဖြစ်ပေါ်စေသည်။
နောက်ထပ် ရေရှည်ထိခိုက်နိုင်မှုတစ်ခုမှာ မျက်စိရောင်ရမ်းခြင်း ဖြစ်သည်။ ခရမ်းလွန်ရောင်ခြည်နှင့် လွန်ကဲစွာ ထိတွေ့မှုကြောင့် အဖြစ်အများဆုံးရောဂါမှာ အရေပြားကင်ဆာနှင့် မျက်စိတိမ်စွဲခြင်း တို့ဖြစ်သည်။

နှစ်စဉ် မပြင်းထန်သော အရေပြားကင်ဆာဖြစ်ပွားမှု လူနှစ်သန်းနှင့် သုံးသန်းကြားရှိသော်လည်း အသက်သေဆုံးမှုမှာ ကြုံတောင့်ကြုံ ခဲကိစ္စဖြစ်ကာ ခွဲစိတ်ကုသမှုဖြင့် ကင်ဆာဖြစ်နေသော အရေပြားများကို ဖယ်ရှားနိုင်သည်။

ကမ္ဘာတစ်ဝန်း တစ်နှစ်လျှင် ပြင်းထန်သော အရေပြားကင်ဆာ ဖြစ်ပွားသူ ၁၃၀,၀၀၀ ခန့်ရှိသဖြင့် အသားဖြူသူများကြား အသက် သေဆုံးမှုနှုန်း ပိုများလာရသည်။ အရေပြားကင်ဆာကြောင့် နှစ်စဉ် သေဆုံးမှု ၆၆,၀၀၀ ခန့်ရှိကြောင်း သိရသည်။ ကမ္ဘာတစ်ဝန်း လူပေါင်း၁၂ သန်းမှ ၁၅ သန်းခန့်သည် မျက်စိတိမ်စွဲခြင်းကြောင့် နှစ်စဉ် မျက် စိကွယ်နေရပြီး ယင်းမှာ နေရောင်ခြည် ထိတွေ့မှုနှင့် ၂၀ ရာခိုင်နှုန်းသက်ဆိုင်ကြောင်း ကမ္ဘာ့ကျန်းမာရေးအဖွဲ့(WHO)က ခန့်မှန်းထား သည်။
ဖွံ့ဖြိုးဆဲနိုင်ငံများစွာသည် အီကွေတာနှင့် နီးကပ်စွာ တည်ရှိ သောကြောင့် ယင်းနိုင်ငံများတွင် မြင့်မားသည့် ခရမ်းလွန်ရောင်ခြည် နှင့် လူအများထိတွေ့နေရသည်။ နေရောင်ခြည်နှင့် လွန်ကဲစွာ ထိတွေ့မှုနှင့်ပတ်သက်၍ အသားဖြူသူများသာ စိုးရိမ်စရာလိုသည်ဆို ခြင်းမှာ လူပြောများသော လွဲမှားသည့် ယူဆချက်တစ်ခုဖြစ်သည်။

အသားမည်းသူများသည် ခရမ်းလွန်ရောင်ခြည်ဒဏ်ကို ပိုခံနိုင် ရည်ရှိပြီး အသားမည်းသူများအကြား အရေပြားကင်ဆာဖြစ်ပွားမှု ပိုနည်းသည်။
သို့သော်လည်း အသားမည်းသူများ အရေပြားကင်ဆာဖြစ်နိုင် ပြီး နောက်ကျပြီးမှ စစ်ဆေးတွေ့ရှိလေ့ရှိကာ အလွန်အန္တရာယ်များ သည့် အခြေအနေရောက်မှသာ စစ်ဆေးတွေ့ရှိလေ့ရှိသည်။
ခရမ်းလွန်ရောင်ခြည်ကိုကာကွယ်ရန် အရေပြားကို အများဆုံး ဖုံးအုပ်နိုင်သော အဝတ်အစားများဝတ်ဆင်ကာ ဦးထုပ်ဆောင်းခြင်း နှင့် မျက်စိများကို ကာကွယ်ရန် မျက်မှန်တပ်ခြင်းတို့ ပြုလုပ်ပြီး အရိပ်ရသည့် နေရာတွင် နေထိုင်ပါ။ ထို့ပြင် နေပူခံလိမ်းဆေး လိမ်းပေးနိုင် သည်။

Myawady Health
https://www.facebook.com/pg/myawadyhealth

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ