Trastuzumab ရင်သားကင်ဆာဆေး


ဆရာ သမီးကတော့ (HER 2) က 2+ ထွက်တယ်ဆရာ။ Herceptin သွင်းရမယ်လို့ ကင်ဆာဆရာဝန်ကပြောပါတယ်။ အခုလောလောဆယ်တော့ Herceptin က တခါသွင်းရင် ၂၂သိန်းကုန်ကျမယ်ဆိုလို့ မသွင်းနိုင်သေးဘူးလို့ ပြောထားတယ်ဆရာ။ အခု Texol ဆေးကို တပတ်တခါ သွင်းနေရပြီဆရာ။ Texol က ၁၂ ကြိမ်သွင်းရမယ် ဆရာ။ တကြိမ်ဘဲပြီးသေးတယ်ဆရာ။ Herceptin ဆေးရဲ့ ကောင်းကျိုး၊ ဆိုးကျိုးလေးလည်း ရေးပေးပါဦးဆရာ။

Trastuzumab (Herceptin) ဆေးကို ရင်သားကင်ဆာနဲ့ အစာအိမ်ကင်ဆာတွေကိုပေးတယ်။ Monoclonal antibodies အမျိုးအစားဆေး ဖြစ်တယ်။ ကင်ဆာမှာ HER2 ပရိုတင်းရှိနေတာကိုပေးတယ်။ ရင်သားကင်ဆာတွေထဲမှာ အဲလိုရှိတာ ၂ဝ-၃ဝ% ရှိတာ တွေ့ရတယ်။ သွေးပြန်ကြောထဲသွင်းပေးရတယ်။ တခါသွင်းရင် မိနစ် (၉ဝ) ကြာတယ်။ တပတ်တခါသွင်းတယ်။ (၃) ပါတ်တခါပေးတာလည်းရှိတယ်။ ခံနိုင်ရည်ရှိသူကို မြန်မြန်သွင်းလည်းရတယ်။ ဆေးက ကင်ဆာပြန်ဖြစ်မှာကို ကာကွယ်တာ ဖြစ်တယ်။ ရှိနေတာကိုပျောက်စေတာမဟုတ်ပါ။ ဆေးအလေးချိန်ကို လူနာကိုကြည့်ပြီးဆုံးဖြတ်တယ်။ တခြားဆေးနဲ့တွဲပေးတာလည်းရှိတယ်။ ဥပမာ paclitaxel နဲ့ docetaxel ဆေး။ ကိုယ်ဝန်ရှိနေစဉ် မပေးရပါ။ နှလုံးရောဂါရှိနေသူကိုလည်း မပေးပါ။

1) 4 mg/kg IV infusion over 90 minutes စပေးတာများတယ်။ နောက်မှာ 2 mg/kg IV infusion over 30 minutes တပတ်တခါပေးတယ်။ (၁၂) ပတ် (၁၈) ပတ်အထိပေးတတ်တယ်။ နောက်မှာ trastuzumab 6 mg/kg IV infusion over 30 to 90 minutes ကို (၃) ပတ်တခါပေးတတ်တယ်။ စုစုပေါင်း (၅၂) ပတ်။ သို့မဟုတ်

2) Initiate trastuzumab as a single agent within 3 weeks following completion of all chemotherapy.
8 mg/kg IV infusion over 90 minutes စပေးမယ်။ 6 mg/kg IV infusion over 30 to 90 minutes ကို (၃) ပတ်တခါပေးမယ်။ စုစုပေါင်း (၁၇) ခါ၊ (၅၂) ပတ်ကြာ။

ဆေးသွင်းနေစဉ်မှာ ခေါင်းမူးတာ၊ ပျို့တာ၊ ခေါင်းထဲပေါ့တာ၊ အားနည်းတာ၊ အသက်ရှူခက်တာ၊ ခေါင်းကိုက်တာ၊ ကိုယ်ပူတာ၊ ချမ်းတာ၊ ချောင်းခြောက်ဆိုးတာ၊ ဝမ်းပျက်၊ ကိုယ်အလေးချိန်ကျ၊ အိပ်မရ၊ တုပ်ကွေးမိသလိုဖြစ်တတ်တယ်။ ဆေးမတည့်သူဆိုရင် အင်ပြင်ထတာ၊ မျက်နှာဖူးရောင်တာတွေဖြစ်တတ်တယ်။

သမီးကိုတော့ (၃) ပတ်တခါ သွင်းရမယ်ဆရာ။ (၁၇) ကြိမ်သွင်းရမယ်ဆရာ။ ကျေးဇူး အများကြီးတင်ပါတယ်ဆရာ။

ကံကောင်းပါစေ။ ကျန်းမာချမ်းသာပါစေ။

ဒေါက်တာတင့်ဆွေ
https://www.facebook.com/drtintswe

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ