ယူကေနိုင်ငံ နယူးပို့ဆေးရုံအတွက် ပဌမဆုံး ပရိုတွန်ရောင်ခြည်စက်ရောက်ရှိလာတဲ့သတင်း ကနေ့ထွက်ပါတယ်။ ကင်ဆာကုသပေးဖို့ဖြစ်ပါတယ်။ ပရိုတွန်ရောင်ခြည်ဟာ စွမ်းအာမြင့်အင်နာဂျီထုတ်ပေးတယ်။ သုံးနေဆဲ ဓါတ်ရောင်ခြည်ထက် သာတယ်။ ရူသာဖို့ဒ်ကင်ဆာဌာနကနေ တနှစ်မှာ လူနာ ၅ဝဝ ကို ကုသပေးနိုင်မယ်လို့ဆိုပါတယ်။
ပစ်မှတ်အတိကျဆီကို ရောင်ခြည်လွှတ်ပေးနိုင်တယ်။ ခါးရိုးဆစ်ကင်ဆာကို ကုသရင် ဘေးကအာရုံကြောတွေကို ထိခိုက်မှုနည်းစေမယ်။ အရင်ကဆိုရင် ယူကေကလူနာတွေ ယူအက်စ်နဲ့ ဆွစ်ဇာလန်သွားကုသရတယ်။ ပေါင် တသိန်းတသောင်းခွဲကုန်ကျစေတယ်။
ပရိုတွန်ရောင်ခြည်စက်သုံးရင် ဓါတ်ရောင်ခြည်နည်းနည်းသာလိုမယ်။ တိကျတယ်။ ဘေးကိုထိခိုက်တာနည်းစေမယ်။ ကင်ဆာအမျိုးမျိုးအတွက်သုံးနိုင်တယ်။ ဦးနှောက်၊ အစာမျိုပြွန်၊ မျက်စိ၊ အစာလမ်း၊ ရင်သား၊ သားဖွားလမ်း၊ နှလုံး၊ အသည်း၊ အဆုပ်၊ လင်ဖိုးမား၊ ဆီးကျိတ်၊ ခါးရိုးမကြီးနဲ့ ကလေးကင်ဆာတွေ။
ဒေါက်တာတင့်ဆွေ
https://www.facebook.com/drtintswe
