No more Loudspeaker ဆူညံသံနဲ့ နားထိခိုက်မှု


ဆရာ အသံကြိမ်နှုန်းတိုင်းတာခြင်းကို ဘယ်လိုခေါ်ပါသလဲ။ လူတစ်ယောက်ရဲ့နားက အသံဘယ်လောက်ထိ ခံနိုင်ပါသလဲ။ မြန်မာပြည်မှာ မနက်စောစော တရားခွေဖွင့်တဲ့ လော်စပီကာ။ နေ့လည်နေ့ခင်း ထီရောင်းတဲ့သူတွေ၊ ဆေးကြော်ငြာသူတွေ၊ ရုပ်ရှင်ပိုစတာ လိုက်ကြော်ညာတဲ့သူတွေ စုံလို့ပေါ့ဆရာ။ အားလုံးက လော်စပီကာ သုံးကြတယ်။ နေပူတဲ့အချိန် ပိုခံစားရခက်တယ် ဆရာရေ။ ဆရာ ရောက်ခဲ့ဘူးတဲ့ နိုင်ငံတွေမှာ ကြားခဲ့ဖူးလား ခင်ဗျာ။ ဒီမှာတော့ ဆူညံလို့။ အေးဆေးစွာနေတတ်တဲ့ ကျွန်တော် ၃၅ နှစ်ကျော်လာမှ စိတ်တိုတတ်လာပြီ။

အသံဆူညံမှုကို decibels (dB) နဲ့တိုင်းတယ်။ ပုံမှန်စကားပြောသံက 60 dB လောက်ရှိတယ်။ မြက်ရိတ်စက်သံက 90 dB လောက်ရှိတယ်။ ရော့ခ်တေးဂီတသံက 120 dB လောက်ရှိတယ်။ 85 dB အထက်ဆိုရင် နားအကြားကို အနည်းနဲ့အများ ထိခိုက်စေတယ်။ အသံအနိမ့်အမြင့်သာမကာ အဲတာကို ဘယ်တော့ခဏခဏကြားသလည်း ဘယ်လောက်ကြာကြာ ကြားသလည်းရှိသေးတယ်။

• ဆူညံမနေတဲ့ တေးဂီတ၊ စကားတိုးတိုးပြောတာ = 30 dB
• အိမ်တွင်းသာမန်ဆူညံသံ = 40 dB
• နောက်ခံတေးဂီတသံ = 60 dB
• ရုံးတွင်း၊ မိုင် ၆ဝ နှုန်းသွားနေတဲ့ကားတွင်းးဆူညံသံ = 70 dB
• လေဟာနယ်စုပ်စက်သံ = 75 dB
• လမ်းပေါ်ကားအများကြီးသွားနေသံ၊ စားသောက်ဆိုင်ထဲကဆူညံသံ = 80-89 dB
• မြေအောက်လမ်းမှာ စကားအော်ပြောသံ = 90-95 dB
• မော်တော်ဆိုင်ကယ်သံ = 96-100 dB
• ကျောင်းကပွဲအသံ = 101-105 dB
• စက်တပ်လွှသံ = 106-115 dB
• ကားပြိုင်ပွဲသံ = 130 dB
• ရော့ခ်ခ်တေးဂီတပွဲ၊ အသံကျယ်ဆင်ဖိုနီတီးဝိုင်း = 120-129 dB
• သေနတ်သံ၊ သတိပေးဥသြသံ (ပေ ၁ဝဝ မှ) = 140 dB
• သံမဏိစက်ရုံအသံ = 110 dB
• Boeing 737 or DC-9 လေယာဉ်မဆင်းမီ = 97 dB
• သတင်းစာပုံနှိပ်တိုက် = 97 dB
• ခရီးသယ်တင်ကား (65 mph at 25 ft) = 77 dB
• စာကြည့်တိုက် = 44 dB
• တိတ်ဆိတ်နေတဲ့တောအရပ် = 30 dB
• အသက်ရှူသံ = 10 dB
• ၂၅ မီတာအကွာက ဂျက်လေယာဉ်တက်တဲ့အသံမှာ 150 dB ရှိလို့ နားစည်ကွဲစေနိုင်တယ်။

မေးခွန်းမှာ ကျွန်တော့်အတွေ့အကြုံထည့်မေးတယ်။ နယူးဒေလီမှာနေခဲ့ရစဉ်က မင်္ဂလာဆောင်မှာ အသံချဲ့စက်နဲ့သီချင်း ဖွင့်ကြ-ဆိုကြတာ တနှစ်မှာ ၂ လလောက်သာနားတယ်။ လူအများစုဝေးနိုင်တဲ့ ကွင်းကျယ်နေရာကလည်း အိမ်နဲ့ ပေ ၄-၅ဝ လောက်သာဝေးတယ်။ အဆိုးဆုံးကတော့ မင်္ဂလာဆောင်တိုင်း၊ ဒေဝါလီတိုင်း၊ ဘာသာရေးပွဲတိုင်း၊ ခရစ်ကက်ပွဲမှာ အမှတ်ရတိုင်း ဖေါက်ကြတဲ့ ဗျောက်သံတွေ။ နားမခံနိုင်ခဲ့ပါ။

ယူအက်စ်အေမှာတော့ အဲတာတွေမရှိပါ။ အင်ဒီယာနာပလစ်ကဘုန်းကြီးကျောင်းမှာ ဘာသာရေးပွဲမှာ သီချင်း ဖွင့်ချင်ရင် ဘေးအိမ်ကိုအရင်သွားပြီး မေတ္တာရပ်ခံရတယ်။ အဲ့့ ရဲကား၊ မီးသတ်ကားနဲ့ လူနာတင်ယာဉ်သံကတော့ ပေ ၄-၅ဝဝ အဝေးလမ်းမပေါ်ကနေလာတာ တနေ့မှာ ဆယ်ခါမကကြားနေရတယ်။

မြန်မာပြည်မှာ လော်စပီကာ မယဉ်ကျေးမှုကို ပြင်သင့်ကြပါပြီ။ ကျွန်တော် ကျောင်းသားဘဝက အရပ်ထဲမှာ ဓါတ်စက်နဲ့ ဇာတ်တွေခဏခဏဖွင့်တော့ ဘယ်အချိန်မှာ မင်းသား မင်းသမီးတွေ ငိုချင်းရှည်ချမလည်းက သိထားလို့ စက်ဘီးစီးပြီး တော်ရာထွက်ရာပြေးရပါတယ်။ မကြာသေးခင်က မြန်မာပြည်ကနေအလည်ပြန်လာသူကိုမေးတော့ ဓါတ်စက်သံတွေ အရင်ကလောက်မဆိုးတော့ဘူးတဲ့။ ကောင်းတယ်။ သေနတ်သံတွေ ပျောက်ပါစေ။ လောက်စပီကာသံတွေ တိုးပါစေ။

ဒေါက်တာတင့်ဆွေ
https://www.facebook.com/drtintswe/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ