၁။ မင်္ဂလာပါဆရာ ကလေးနို့မဝလို့ပါဆရာ။ နို့တော့ထွက်တယ်။ ပြီးတော့ကလေးမွေးစတော့ နို့သီးခေါင်းကွဲတယ်။ အခုကလေးမွေးလို့ ၂၃ ရက်ရှိပြီဆရာ။ နို့သီးကနာတယ်ဆရာရယ်။ ပြီးတော့ပြတ်ထွက်သွားတော့မယ်ထင်ရတယ်ဆရာ။ အဲဒါ ဘယ်လိုလုပ် မလဲဆေးတွေလိမ်းတယ် ဆရာ၃/၄ရက်ဆက်တိုက်ရင် နောက်ထပ်မတိုက်နိုင်တော့ဘူးနာတယ်နို့သီးခေါင်းက နုတယ်လို့ ပြောကြတယ်ဆရာ။ အကြံပေးပါ။ ဘလော့မှာဖတ်မရပါဆရာ။
၂။ ဆရာရှင့် ကျွန်မကအသက် ၂၇ ပါ။ သမီးမွေးထားတာ ၁၂ ရက်ရပါပြီ။ အခုနို့သီးခေါင်းတဖက်ကကွဲနေတာကလေးနို့စို့တိုင်း အရမ်းနာလို့ပါဆရာ။ အဲဒါ မနာအောင်ကုသဖို့နည်းလမ်း ရှိလားဆရာ။ ဖြေပေးပါဦးနော်ဆရာ။
နို့မှာ Crack အက်နေတာနဲ့ Fissure ကွဲကြောင်းဖြစ်နေတာ မတူပါ။ Fissure ဆိုတာ Nipple နို့သီးထိပ်ရဲ့ အခြေနေရာမှာ ဖြစ်တယ်။ နာတယ်။ သွေးထွက်နိုင်တယ်။ ကလေးမှာ Thrush မှက္ခရုရှိနေရင် ဒီနေရာကတဆင့် ကူးလာနိုင်တယ်။
Fissure ကွဲကြောင်း
ဖြစ်နေတဲ့ဘက်ကို နို့မတိုက်သေးဘဲ ၂-၃ ရက်ထားသင့်တယ်။ Crack အက်နေတာဆိုရင် ဆက်တိုက်နေလို့ရတယ်။ ကလေးနို့တိုက်ပြီးတိုင်း နို့ကို ရိုးရိုးနေနဲ့ ဆေးကြောပေးပါ။ ပြီးရင် ခြောက်သွေ့စေပါ။ စိုထိုင်းပူနွေးတာကို ဖန်းဂတ်စ် ခေါ် မှိုပိုးဝင်နိုင်တယ်။ ကလေးမှာ နို့ပွေးဖြစ်လာစေနိုင်တယ်။ နို့သီထိပ်ဖျားကို စိုမနေပါစေနဲ့။ ဆပ်ပြာမသုံးပါနဲ့။ အတွင်းခံ (ဘရာ) သန့်တာ မကြာမကြာလဲပေးပါ။ နို့သီးထိပ်လေးတွေ နေ့တိုင်း လေသလပ်စေပါ။ Cream (ခရင်)၊ Oil ဆီ လိမ်းနိုင်ပါတယ်။ ကိုယ်ဝန်ဆောင်ကတည်းက လုပ်နိုင်ပါတယ်။ မုံညင်းဆီမသုံးပါနဲ့။
Cracked or Sore Nipple နို့သီးထိပ်ကွဲပြီး အနာဖြစ်ခြင်း
နို့နာနေပေမဲ့ ကလေးကိုနို့ဆက်တိုက်ပါ။ သိပ်မနာတဲ့ဘက်ကနေ စတိုက်ပါ။ နို့တင်းနေရင် ညှစ်ပြစ်ပါ။ Aareola နို့အရောင်ရင့်အဝိုင်းကိုပါ ကလေးပါးစပ်ထဲဝင်ပါစေ။ နို့တိုက်မိခင်ဟာ ကလေးနို့တိုက်နေတုံးမှာ ကိုယ့်အနေအထား မကြာမကြာ ပြောင်းပေးပါ။ ဒါမှ ကလေးက နို့သီးဖျားကိုက်တာ သက်သာမယ်။ နို့သီးဖျားကို ကလေးကမဆွဲနိုင်အောင် အနေအထား ရွေးပါ။ နို့ကွဲနေတာထဲမှာ ကပ်နေတဲ့ ခြောက်နေတဲ့ နို့အဖတ်တွေကို ရှင်းဘို့ မကြိုးစားပါနဲ့။ နို့ကွဲတဲ့နေရာက သွေးနဲနဲထွက်နေတာက ကလေးပါးစပ်ထဲရောက်ပေမဲ့ စိုးရိမ်စရာမရှိပါ။ လိုအပ်ရင် Antiseptic cream ပိုးသေဆေး (ခရင်မ်) လိမ်းနိုင်တယ်။ နာတာသက်သာအောင် Betadine, Paracetamol ဆေး တခုခုသောက်နိုင်တယ်။
ကလေးမရှိသူ နို့ကွဲနေရင် အနာလိမ်းဆေးတခုခု ဥပမာ Betadine, Cipladine, Burnol cream လိမ်းနိုင်တယ်။ နို့သန့်ရှင်းရေးပိုလုပ်ပါ။ ရေ + ဆပ်ပြာနဲ့ရပါတယ်။ ချွေးထွက်နည်းပါစေ။ အတွင်းခံသိပ်မကျပ်စေနဲ့။ အဆင်ပြေတဲ့အချိန်မှာ လေသလပ်ထားပါ။ နာတာ + ရောင်တာအတွက် ပါရာစီတမော၊ တခါသောက် ၁ ပြား၊ တနေ့ ၂-၃ ကြိမ်သောက်ပါ။ မရသေးရင် ပိုးသေဆေးလိုမယ်။ ဥပမာ Ampicillin 500mg တခါသောက် ၁ တောင့်၊ တနေ့ ၂-၃ ကြိမ်၊ ၅ ရက် သောက်ပါ။
ဒေါက်တာတင့်ဆွေ
https://www.facebook.com/drtintswe/
