လူသားတို့နှင့်တကွ ဇီဝမျိုးစုံမျိုးကွဲတို့ ရှင်သန်ရပ်တည် နေထိုင် လျက်ရှိကြသော က္ဘာကြီး၏ ၇၀ ရာခိုင်နှုန်းကို ရေထုက ဖုံးလွှမ်းထားလျက်ရှိသည်။ သို့ရာတွင် ဤမျှ များပြားလှသော ရေထုကြီးထဲ၌ က္ဘာကြီးစိမ်းလန်း စိုပြည်ပြီး သာယာဝပြောခဲ့စဉ် တုန်းကပင်လျှင် လူတို့သောက်သုံးနိုင်သော ရေချိုမှာ ၃ ရာခိုင်နှုန်း ခန့်သာရှိနေခဲ့သည်။
ကမ္ဘာ့လူဦးရေသည် တစ်နေ့တခြားသိသာစွာ တိုးပွားလာ လျက်ရှိသော်လည်း က္ဘာပေါ်ရှိ သောက်သုံးရေ ပမာဏကမူ တိုးလည်းမတိုး လျော့လည်းလျော့မသွားပေ။ တိုးတက်လာ သော ကမ္ဘာ့လူဦးရေကြောင့် လွန်ခဲ့သော ရာစုနှစ်ဝက်ကာလ အတွင်း၌ သောက်သုံးရေသုံးစွဲမှုပမာဏမှာ သုံးဆအထိ မြင့် တက်ခဲ့သည်။ ကမ္ဘာ့သောက်သုံးရေပမာဏသည် တိုးလာခြင်း မရှိသည့်အတွက် လူတစ်ဦးချင်းစီအဖို့ ရနိုင်သော ရေပမာဏမှာ လျော့ကျလာနေပြီ ဖြစ်သည်။ ယင်းသို့ လူတစ်ဦးချင်းစီအတွက် ရနိုင်သော ရေပမာဏ လျော့ကျလာနေချိန်၌ တစ်ဖက်တွင်လည်း စက်မှုကုန်ထုတ်လုပ်ငန်းများနှင့် စိုက်ပျိုးမွေးမြူရေး လုပ်ငန်းများကြောင့် သန့်ရှင်း စင်ကြယ်သော ရေအရင်းအမြစ် များစွာတို့မှာ ဆိုးဆိုးရွားရွား ပျက်စီးလျက်ရှိနေသည်။
သံမဏိထုတ်လုပ်ရေးလုပ်ငန်း၊ အလူမီနီယံ ထုတ်လုပ်ရေး လုပ်ငန်းစသည်တို့မှ ထွက်ရှိလာသော အမိုးနီးယားဓာတ်ကြွင်းများ ပျော်ဝင်နေသည့် ရေဆိုးရေညစ်များသည် ရေနေ သတ္တဝါများကို အစုလိုက် အပြုံလိုက် သေကျေစေလျက် ရှိသလို လူတို့သောက်သုံးနိုင်သော ရေများကိုလည်း ပျက်စီးစေလျက်ရှိ သည်။ အလားတူပင် စိုက်ပျိုးရေးလုပ်ငန်းနှင့် မွေးမြူရေး လုပ်ငန်းများ၌ အသုံးပြုနေကြသည့် ဓာတုဗေဒပစ္စည်းများ ကြောင့်လည်း သန့်ရှင်းစင်ကြယ်သည့် မြေအောက်ရေများကို ကျယ်ကျယ်ပြန့်ပြန့် ပျက်စီးစေလျက်ရှိသည်။ ကမ္ဘာ့လူဦးရေ အများစုမှာ စိုက်ပျိုးရေးနှင့် မွေးမြူရေး လုပ်ငန်းများကို လုပ်ကိုင်လျက်ရှိနေကြသည့်အတွက် အထွက် နှုန်းကောင်းစေရန် ပိုးသတ်ဆေးများ၊ အသားတိုးဆေးများ၊ ဓာတုဗေဒနည်းဖြင့် စီရင်ထားသော မွေးမြူရေး အစားအစာ များကို နေ့စဉ်တန်ချိန်ပေါင်းများစွာ အသုံးပြုလျက်ရှိနေကြသည်။ ဖွံ့ ဖြိုးဆဲနိုင်ငံများတွင် ပိုးသတ် ဆေးအတွက် နှစ်စဉ် အမေရိကန်ဒေါ်လာ သန်းသုံးထောင်ခန့် သုံးစွဲလျက် ရှိနေကြ သောကြောင့် ဤမျှပမာဏများပြားလှသော ပိုးသတ်ဆေး တန်ချိန်ပေါင်းများစွာတို့သည် ကမ္ဘာ့မြေလွှာအတွင်းသို့ စိမ့်ဝင်ရောက်ရှိကာ မြေအောက်ရေများအတွင်း၌ပါ ပျော်ဝင်လျက်ရှိနေသည်။
ပိုးသတ်ဆေးဓာတ်ကြွင်းများ ပျော်ဝင်နေသောရေသည် ကျောက်ကပ်၏ ခံနိုင်ရည်စနစ်နှင့် ဗဟိုနာဗ့်ကြောတို့ကို ပြင်းထန်စွာ ထိခိုက်စေသည့်အပြင် ကင်ဆာရောဂါများလည်း ဖြစ်ပွားလာနိုင်ကြောင်း သုတေသနပြု တွေ့ရှိရသည်။ ထို့ကြောင့်ပင်လျှင် မြေအောက်ရေကို တူးဖော်ရယူသုံးစွဲကြရာ၌ ပိုးသတ် ဆေးပျော်ဝင်နေမှု ကင်းစင်သော ရေမျိုးကိုသာရယူ သုံးစွဲကြရန် အလွန်အရေးကြီးသည်။
ကမ္ဘာ့နိုင်ငံအသီးသီးတွင် ခေတ်မီနည်းစနစ်များသုံး၍ သောက်ရေသန့်များကို သန့်စင်ထုတ်လုပ် ရောင်းချလျက် ရှိနေကြသော်လည်း သောက်ရေသန့်အများစုတွင် ပိုးသတ်ဆေး ဓာတ်ကြွင်းများပျော်ဝင်လျက် ရှိနေသည်ကို သိပ္ပံသုတေသီ တို့က တွေ့ရှိခဲ့ကြသည်။ အထူးသဖြင့် ဖွံ့ ဖြိုးဆဲနိုင်ငံများ၌ ထုတ်လုပ်ရောင်းချလျက်ရှိနေသော သောက်ရေသန့်များတွင် ပိုးသတ်ဆေးဓာတ်ကြွင်းများ ပါဝင်နေသည်ကို ဖော်ထုတ်တွေ့ရ နေရသဖြင့် ကျန်းမာရေးအတွက် ရင်လေးစရာ ဖြစ်နေတော့သည်။
ဤတွင် က္ဘာပေါ်ရှိ လူသားအားလုံး သက်ရှည်ကျန်းမာ စွာ နေထိုင်သွားနိုင်ရေးအတွက် သန့်ရှင်းစင်ကြယ်သော သောက်ရေသုံးရေများရရှိရေးသည် အလွန်အရေးကြီး သော ကိစ္စတစ်ရပ် ဖြစ်လာတော့သည်။ စိတ်ချလက်ချ သောက်သုံး နိုင်သော သန့်ရှင်းစင်ကြယ်သည့်ရေဆိုသည်မှာ အရောင်အနံ့ အရသာမရှိခြင်း၊ ရောဂါဖြစ်စေသော ပိုးမွှားများကင်းစင်ခြင်း၊ အန္တရာယ်ရှိနိုင်သော ဓာတုပစ္စည်းများ ကင်းစင်ခြင်းစသည့် အချက်များနှင့် ကိုက်ညီပြည့်စုံရမည် ဖြစ်သည်။
ကမ္ဘာပေါ်ရှိ ဒေသနိုင်ငံများအနက် အချို့သော ဒေသများတွင် သန့်ရှင်းစင်ကြယ်သော ရေမျိုးကိုကြားဖူး ရုံမျှသာရှိပြီး လက်တွေ့အားဖြင့် မမြင်ဖူးမသောက်ဖူးကြပေ။ ကမ္ဘာ့လူဦးရေ ၏ ခုနစ်ပုံတစ်ပုံနီးပါးခန့်ဖြစ်သော လူဦးရေသန်း ၁၁၀၀ သည် သန့်ရှင်းစင်ကြယ်သောရေကို မသောက်ကြရရှာပေ။ ယင်းတို့ အနက် တစ်နှစ်လျှင် လူသန်းပေါင်း ၅၇၀ သည် မသန့်ရှင်းသော ရေကို သောက်သုံးမိခြင်းကြောင့် ဆက်နွှယ်ရရှိလာသော ရောဂါဝေဒနာများကို ခံစားနေကြရသည်။ အဆိုပါ ဝေဒနာ များကြောင့် ကမ္ဘာအရပ်ရပ်၌ သေဆုံးနေကြရသော လူဦးရေ သည် စစ်ပွဲများကြောင့် သေဆုံးရသော လူဦးရေထက် ပိုမို များပြားလျက်ရှိနေသည်။
ကမ္ဘာ့လူဦးရေ အဆမတန်တိုးပွားလာခြင်းနှင့် ရေကြည် ရေသန့် ရှားပါးလာခြင်းတို့သည် ရေသန့်ဘူး သောက်သုံးသော ခေတ်တစ်ခေတ်ကို ဖြစ်ထွန်းလာစေခဲ့သည်။ ၂၀ ရာစု၏ နှောင်းပိုင်းကာလ မတိုင်မီအချိန် အထိ ရေသန့်ဘူးသောက် သုံးသည့်ဓလေ့မှာဖြစ်ထွန်းလာခြင်း မရှိသေးပေ။ ထိုစဉ်ကာလ များက ကမ္ဘာ့မြို့ ပြများ၌နေထိုင်ပြီးအသိပညာ ဗဟုသုတနှင့် ပြည့်စုံသူတို့က ရေကိုကျိုချက်ပြီးမှ သောက်သုံးကြသော်လည်း၊ မြို့ ပြနေသူအချို့နှင့် ကျေးလက်ဒေသများ၌ နေထိုင်သူတို့ကမူ ရေကိုသဘာဝအတိုင်းသာ သောက်သုံးခဲ့ကြသည်။
ထိုစဉ်ကာလများက Distilled Wate ဟု ခေါ်ဆို သော ပေါင်းခံရည်ကို စက်မှုလုပ်ငန်းအချို့နှင့် ရောဂါဝေဒနာ ခံစားနေကြရသူ အချို့အတွက် သီးသန့်ထုတ်လုပ်ပေးသည့် စက်ရုံများရှိခဲ့သော်လည်း၊ ရေသန့်ဘူးဟူ၍ ထုတ်လုပ် ရောင်းချခြင်း မရှိခဲ့သေးပေ။ နောက်ပိုင်းတွင် အမေရိကန ပည်ထောင်စုနှင့် ဥရောပနိုင်ငံအချို့တို့က သောက်သုံးရေ ဘေးအန္တရာယ်ကင်းရှင်းရေးကို ဦးစားပေးဆောင်ရွက်လာကြရာမှ ဓာတုဗေဒနည်းစဉ်ဖြင့် ရေသန့်များကို ထုတ်လုပ်သောက် သုံးခဲ့ကြသည်။ ထိုအချိန်မှစ၍ ရေသန့်ဘူး သောက်သုံးသော အလေ့ အထ ဖြစ်ပေါ်လာကာ ၂၀၀၂ ခုနှစ် အရောက်တွင် တစ်ကမ္ဘာ လုံး၏ ရေသန့်ဘူး သောက်သုံးသည့် ပမာဏမှာ လီတာပေါင်း ၄၅ ဘီလီယံအထိ ရှိလာခဲ့သည်။ ထိုမှတစ်ဖန် ၂၀၀၇ ခုနှစ် အရောက်တွင် ရေသန့်ဘူး သောက်သုံးသည့် ပမာဏမှာ ၈ ရာခိုင်နှုန်း ပိုမိုမြင့်တက်လာပြီး၊ လီတာပေါင်း ၄၉ ဘီလီယံ အထိ ရှိလာသည်။ ၂၀၀၉ ခုနှစ် အရောက်တွင်မူ ရေသန့်ဘူး သောက်သုံးသည့် ပမာဏ အဆမတန်မြင့်တက် လာပြီး ၄၅၀ ရာခိုင်နှုန်းတိုးမြင့်ကာ လီတာပေါင်း ၂၇၃ ဘီလီယံအထိပင်ရှိလာသည်။
ရေသန့်ခေတ်ဦးကာလများက ထုတ်လုပ်ပြီးသော ရေသန့်များကို ဖန်ပုလင်းများတွင် ထည့်သွင်း၍ ရောင်းချ ခဲ့ကြသည်။ သို့ရာတွင် ရေသန့်ဘူးရောင်းချရမှု တွင်ကျယ်လာ သည်နှင့်အမျှ စီးပွားရေးအရ တွက်ခြေပို ကိုက်သော ပလတ်စတစ်ပုလင်းနှင့် စက္ကူဘူးများဖြင့် ပြောင်းလဲထုတ်လုပ် လာခဲ့ကြသည်။ ၁၉၉၉ ခုနှစ် အရောက်တွင် NRDC ခေါ် အမေရိကန်ပြည်ထောင်စု သဘာဝသယံဇာတများ ကာကွယ် စောင့်ရှောက်မှု ကောင်စီ၏ စစ်ဆေးချက်အရ၊ ပြည်တွင်းထုတ် ရေသန့်အမျိုးအစား ၁၃၀ ကျော်အနက် သုံးပုံတစ်ပုံမှာ ရေမသန့်ခြင်းနှင့် ဘူးမသန့်ခြင်းများဖြစ်နေကြောင်း ဖော်ထုတ်တွေ့ရှိရသည်။
ရောဂါဖြစ်စေသော ပိုးမွှားများပါရှိနေခြင်း၊ အန္တရာယ်ရှိ ဓာတုပစ္စည်းများ ပါဝင်နေခြင်းစသည့် ရေမသန့်ခြင်း များကို တွေ့ရှိခဲ့ရသလိုရေသန့်ထည့်သွင်းသည့် ပလတ်စတစ်ဘူးများ အရည်အသွေး ညံ့ဖျင်းနိမ့်ကျမှုကြောင့် ထည့်သွင်းထားသော ရေ၏ သန့်ရှင်းစင်ကြယ်မှုကို ပျက်ပြားသွားစေသည့် ဘူးမသန့် ခြင်းများကိုလည်း တွေ့ရှိခဲ့ကြရသည်။
ရေသန့်ထည့်သွင်းသည့် ပလတ်စတစ်ဘူး ထုတ်လုပ်သော စက်ရုံများအနက် အနည်းစုတို့ကသာလျှင် ကော်စေ့အသစ် များကို သုံးစွဲထုတ်လုပ်ကြသော်လည်း အများစုတို့ကမူ ရေသန့် ဘူးခွံအဟောင်းများဖြင့် တစ်ကျော့ပြန် ထုတ်လုပ်ထားသည ကော်စေ့အဟောင်းများကိုသာ အသုံးပြုထုတ်လုပ် လျက်ရှိနေကြသည်။
ဖွံ့ ဖြိုးဆဲနိုင်ငံအချို့နှင့် ဖွံ့ ဖြိုးမှု နောက်ကျသော နိုင်ငံများ တွင် ပလတ်စတစ်ရေသန့်ဘူးခွံများကို တစ်ကျော့ပြန် ထုတ်လုပ် သည့် လုပ်ငန်းစဉ်များအပေါ် စိစစ်မှု အလွန်အားနည်းသည့် အတွက် အရည်အသွေးနိမ့်ကျသော ပလတ်စတစ်ဘူးခွံများသည် ရေသန့်၏ အရည်အသွေးကို ထိခိုက်ပျက်ပြယ်စေလျက်ရှိနေသည်။
ရေသန့်ထုတ်လုပ်သည့် စက်ရုံများမှသည်သောက်သုံး သူထံ မရောက်မီစပ်ကြား အဆင့်ဆင့်သော သိုလှောင်၊ သယ်ယူ၊ ဖြန့်ဖြူးသည့် လုပ်ငန်းစဉ်တစ်လျှောက်လုံး ၌လည်း နည်းမှန်လမ်းမှန် စနစ်တကျလုပ်ကိုင်ဆောင်ရွက်မှု မရှိကြခြင်းကြောင့် ရေသန့်သောက်သုံးသူများသည် အခကြေးငွေပေး ရသော ရေကိုသောက်သုံးရင်း ကျန်းမာရေးထိခိုက်မှုများဖြစ်ပွားလျက်ရှိနေ ကြသည်။
ထုတ်လုပ်ပြီးသော ရေသန့်များကို ပလတ်စတစ်ဘူးများ တွင် ထည့်သွင်းကာ တာရှည် သိုလှောင်ထားခြင်း၊ အမိုးအကာ မဲ့ မော်တော်ကားများပေါ်၌ နာရီနှင့်ချီ၍ တင်ဆောင် သယ်ယူ လာခြင်း၊ ရေသန့်ဘူးများကို နေပူထဲ၌နာရီကြာမြင့်စွာ ထားသို ခြင်း၊ ပလတ်စတစ် ရေသန့်ဘူးများကို ဓာတ်ငွေ့နှင့် ဓာတု ပစ္စည်းများရှိသည့် အခန်းထဲ၌ သိုလှောင်သိမ်းဆည်းထားခြင်း စသည်တို့သည် ပလတ်စတစ်တွင်ပါဝင်သော စတိုင်ရင်းနှင့် ဒိုင်အောက်ဇင် ဓာတုပစ္စည်းများကို ထွက်ပေါ်လာစေကာ ရေ ၌ရောနှောပျော်ဝင်သွားခြင်းဖြင့် သောက်ရေသန့်၏ အရည် အသွေးကို လုံးဝပျက်ပြားသွားစေသည်သာမက သောက်သုံးသူ များကိုပါ ချက်ချင်းလက်ငင်း၌ မသိသာ သော ကျန်းမာရေးထိခိုက်မှုများကို ဖြစ်ပေါ်စေသည်။
အချို့သော နိုင်ငံများတွင် ရေသန့်ထုတ်လုပ်သည့် စက်ရုံ များကို လူမနေသော ကျွန်းများပေါ်၌ တည်ဆောက်ထားကြကာ စက်ရုံထွက်ရေသန့်ဘူးများကို သင်္ဘောများဖြင့် သယ်ယူပို့ ဆောင်ပေးကြသည်။ ယင်းကဲ့သို့ သင်္ဘောဝမ်းဗိုက်အတွင်း နာရီပေါင်းများစွာကြာအောင် တင်ဆောင် သယ်ယူလာသော ပလတ်စတစ်ဘူး များအတွင်းရှိ ရေများသည်လည်း ရေသန့် စံချိန်စံညွှန်း ပျက်ပြယ်ပြီး သောက်သုံးသူများကို ဘေးဥပဒ် ဖြစ်စေနိုင်သည်။
သောက်သုံးမည့် ပလတ်စတစ်ရေသန့်ဘူးများကို ဓာတ်ဆီ၊ ရေနံဆီ၊ မက်သနောစသည့် ရေနံထွက်ပစ္စည်းများ ထည့်ထား သော ပုံး၊ ခွက်၊ ပုလင်း စသည်တို့နှင့် နီးကပ်စွာထားရှိပြီး သောက်သုံးခြင်းသည်လည်း ကျန်းမာရေး ကို ထိခိုက်စေမည့် အပြုအမူမျိုးဖြစ်သည်။ အလားတူပင် ရေသန့်ဘူး လဲလှယ်ရာ၌ ဘူးမသန့်ခြင်း၊ လက်မ သန့်ခြင်း၊ ခြင်တွယ်သည့် ခွက်နှင့်ကတော့ များ မသန့်ခြင်းစသည်တို့သည်လည်း ရေသန့်ဘူးသောက်သုံး ရင်း ရောဂါရစေနိုင်သော အကြောင်းရင်းများ ဖြစ်ကြသည်။ မသန့်သည့်ရေကို သောက်သုံးခြင်းဖြင့် ဝမ်းပျက် ဝမ်းလျှောရောဂါ ကဲ့သို့သော ဝေဒနာများကို ချက်ချင်းလက်ငင်း ခံစားရနိုင်သလိုကင်ဆာရောဂါနှင့် ကျောက် ကပ်ပျက် စီးခြင်း ကဲ့သို့သော နှစ်ပေါင်းအတန်ကြာမှ ဖြစ်ပွားလာမည့် ရောဂါ ဝေဒနာဆိုးကြီးများ ကိုလည်း ခံစားကြရနိုင်သည်ကို သတိပြုသင့်ကြသည်။
သို့ဖြစ်၍မသန့်ရှင်းသော ရေကအများစုဖြစ်နေသည့် ရေသန့်ဘူးခေတ်ကာလကြီးထဲတွင် တစ်ပိုင်တစ်နိုင် ရေသန့်စက် များကို အသုံးပြုခြင်း၊ သယ်ယူရွှေ့ပြောင်းရ လွယ်ကူသော တစ်ကိုယ်ရည်သုံး ရေသန့်စက်များကို အသုံးပြုခြင်း၊ ရှေးရိုး စဉ်လာနည်းလမ်းဖြစ်သည့် ရေကိုကျိုချက်ပြီးစစ်ယူ သောက်သုံး ခြင်းတို့သည် သောက်ရေ ကြောင့် ဖြစ်ရသည့် ရောဂါဘယများမှကြိုတင်ကာကွယ်နိုင်သော နည်းလမ်းကောင်းများပင်ဖြစ်ပေသည်။
သိပ္ပံစာရေးဆရာကိုကိုအောင်
MOI Webportal Myanmar
https://www.facebook.com/MOIWebportalMyanmar/
