မိုးရာသီတွင် စားစရာ အသီးအနှံများ အလွန်ပေါသည်။ သစ်သီး(အသီး) ကြိုက်သူများအတွက် မိုးဦးကျစက သရက် သီးလှိုင်လှိုင်ပေါ်ခဲ့သည်။ သရက်သီးအမျိုးမျိုး ကြိုက်ရာစားခဲ့ကြရသည်။ ယခုမိုးနှောင်းချိန်တွင် သရက်သီးရှားသွား သော်လည်း လိမ္မော်သီးများ ပေါ်လာပြီဖြစ်သည်။ စပျစ်သီး၊ ပန်းသီး၊ မာလကာသီး၊ ကြက်မောက်သီး၊ နဂါးမောက်သီး၊ သလဲသီး၊ မင်းကွတ်သီး၊ ဂွေးသီး၊ ဒူးရင်းသီးစသည်တို့မှာလည်း အမြဲမပြတ်ရနိုင်သော အသီးများဖြစ်သည်။
သစ်သီးကို ထမင်းစားပြီး နောက်ပိုင်းမှ သုံးဆောင်ကြသည်က များသည်။ အထူးသဖြင့် ငှက်ပျောသီးနှင့် သင်္ဘောသီး မှည့်ကို ထမင်းစားပြီး အချိုပွဲတွင် ထည့်သွင်း စားလေ့ရှိကြသည်။ ထိုအသီးများမှာ ရာသီမရွေးတစ်နှစ်ပတ်လုံး ရနိုင် သော သစ်သီးမျိုးတွင် ပါဝင်သဖြင့် လူကြီး၊ လူငယ်မရွေး စားသုံးကြသည်။ ဝမ်းပျော့၊ ဝမ်းမှန်စေသော ဓာတ်စာအဖြစ် လည်းစားကြသည်။
ငှက်ပျောသီးတွင် အစိမ်းရောင် သီးမွှေးငှက်ပျောသီးကို ဟိုတယ်ကြီးများရှိ စားပွဲသောက်ပွဲများနှင့် ဘူဖေးခေါ် မိမိ ကြိုက်ရာလိုက်ထည့်ယူစားရသည့် စားသောက်ပွဲများတွင် စားသောက်လေ့ရှိပြီး ဖီးကြမ်း ငှက်ပျောသီး အဝါရောင်မှာ အိမ်တွင် မိသားစုထမင်းဝိုင်းများနှင့် အဆာခံအဖြစ်စားရန် လမ်းဘေးကွမ်းယာဆိုင်များတွင် ချိတ်ဆွဲရောင်းချသည်ကို တွေ့ရသည်။ လူအများသတိမထားကြသည်မှာ အစိမ်းေ ရာင်ရှိသော သစ်သီးနှင့် အဝါရောင်ရှိသော သစ်သီးနှစ်မျိုးလုံး မိမိတွင် နာတာရှည် ရောဂါတစ်ခုခုရှိလျှင် တည့်၊ မတည့်ရွေးချယ်တတ်ဖို့ လိုအပ်သည်ကို အမှုမဲ့အမှတ်မဲ့ဖြစ်နေတတ် သည်။
သီးမွှေးနှင့် ဖီးကြမ်းငှက်ပျောသီးနှစ်မျိုးလုံးပင် အာဟာရဖြစ်သည်မှန်သော်လည်း အစိမ်းရောင်သစ်သီးတွင် အာပေါ ဓာတ်အားများပြီး၊ အခွံပါးပြီး ကျစ်လျစ်သောကြောင့် ဝါယောဓာတ်၊ အာကာသဓာတ် အားနည်းသည်။ လေချုပ်စေ သောသတ္တိရှိသည်။ ဝမ်းချုပ်တတ်သူနှင့် ချွဲကျပ်သူများနှင့် မသင့်ပေ။ တစ်နည်းအားဖြင့် လိပ်ခေါင်းရောဂါရှိသူ၊ ပန်းနာရင်ကျပ်ရောဂါရှိသူများနှင့် အစိမ်းရောင်သီးမွှေး ငှက်ပျောသီးမတည့်ပေ။
အထက်တွင်ဖော်ပြခဲ့သော အာပေါဓာတ်အားများသည်ဆိုခြင်းကို ရှင်းပြလိုပါသည်။ အာပေါဓာတ်ဟုဆိုလျှင် အရည်များကိုသာ ရည်ညွှန်းသည်ဟု ထင်မြင်ကြပေလိမ့်မည်။ ထိုကဲ့သို့မဟုတ်ပါ။ ဖွဲ့စည်း အာပေါနှင့် ယိုစီးအာပေါဟူ၍ နှစ် မျိုးရှိသည်။ ဖွဲ့စည်းအာပေါသည် စေးကပ်ပြီးထွက်ပေါက်ကိုပိတ်စေသည့် သဘောကို မြင်အောင်ရှုပါ။ မြင်သာအောင် ဥပမာပြရလျှင် ထမင်းချက်သည်ကိုကြည့်ပါ။ ဆန်ချည်းသက်သက်ရှိစဉ်က မစေးမကပ်ပါ။ ယိုစီးအာပေါဓာတ်ဟူသော ရေကို ဆန်နှင့်ရောပြီး မီးဖြင့်အပူပေးချက်လိုက်သောအခါ မူလကရေသည် ယိုစီးအာပေါမှ ဖွဲ့စည်းအာပေါ(အာပေါ အာဗန္ဓန) အဖြစ်သို့ပြောင်းလဲသွားပြီး ဆန်မှာလည်း စေးကပ်သော ထမင်းအဖြစ်သို့ ပြောင်းလဲသွားပေသည်။
ဆီးချိုသွေးချို ရောဂါရှိသူများသည် ဆန်မှုန့်နှင့်ပြုလုပ်သော မုန့်များစားလျှင် ဆီးချိုအလွန်မတက်ပေ။ အာပေါ အာဗန္ဓန ဖြစ်သောထမင်း၊ ဆန်စေးကိုစားသောအခါ မတည့်သဖြင့် ဆီးချိုတက်လာတတ်သည်။ ထို့အတူပထဝီဓာတ်ဟုခေါ် သောအသားဓာတ်သည် သူ့ချည်းသက်သက်ကင်စားလျှင် အကြောမပိတ်စေသော်လည်း ရေနှင့်ချက်ပြုတ်ပြီး နူးညံ့ချွဲ ပျစ်သော အသားဟင်းဖြစ်သွားသောအခါ အာပေါအာ ဗန္ဓနလက္ခဏာဝင်လာပြီး များများစားမိလျှင် အကြောတက် သော၊ အကြောပိတ်သော ရောဂါများကို ရစေနိုင်သည်။ အသီးအနှံများကို အစိမ်းအတိုင်း ချိုးဖဲ့ကြည့်လျှင် ဆတ်ခနဲ ကျိုးသွားနိုင်သော်လည်း ရေနှင့်ပြုတ်ပြီး အာပေါဓာတ်ဝင်လာသောအခါ ချိုး၍ဆတ်ခနဲမကျိုးနိုင်တော့ပေ။ တစ်နည်း အားဖြင့် အာကာသဓာတ် ပျက်သွားခြင်းကြောင့် စေးကပ်သွားခြင်းဖြစ်သည်။
အာပေါဓာတ်နှင့် အာကာသဓာတ်တို့သည် ရန်သူဖြစ်သည်ဟု ရှေးက ဓာတ်စာဆရာကြီးများက ဆိုသည်။ ရေ(အာ ပေါ)တွင် အပေါက်အခေါင်းမရှိသည်ကို ဥပမာအဖြစ် မြင်ကြည့်နိုင်သည်။ ရှေးကဓာတ် စာဆရာကြီးများသည် ဓာတ်စာ ပေးရာတွင် ဂိုဏ်းများဖွဲ့၍ ပေးလေ့ရှိသည်။ ဓာတ်ကြီးလေးပါး (ပထဝီ၊ အာပေါ၊ တေဇော၊ ဝါယော)၊ ဓာတ်ကြီးငါးပါး (ပထဝီ၊ အာပေါ၊ တေဇော၊ ဝါယော၊ အာကာသ)ဟူ၍ အယူအဆကွဲများရှိသည်။ ပထဝီနှင့် အာပေါကိုအတူတွဲ၍ မိတ်ဖက် တစ်ဂိုဏ်းတည်းထားပြီး တေဇောနှင့် ဝါယောကိုလည်း အတူတွဲ၍ တစ်ဂိုဏ်းထားသည်။ အာကာသကိုမူ သီး သန့်တစ်ဂိုဏ်းထားသည်။
ဓာတ်ကြီးလေးပါးတို့ မပူးမကပ်၊ မပိတ်မဆို့စေရန် အာကာသဓာတ်က စောင့်ရှောက်ပေးသည်ဟု ဆိုကြသည်။ အာ ကာသဓာတ်သည် မျက်စိဖြင့်မမြင်ရ။ အတွေးအခေါ်ဖြင့်သာမြင်နိုင်သော ဓာတ်ကြီးဖြစ် သည်။ လူတို့၏ကျန်းမာရေး တွင်ချွေးမထွက်သောသူသည် အာကာသပိတ်သူဖြစ်၍ ဆီးလည်းနည်းသည်။ ချွေးထွက်သောသူသည် အာကာသပွင့် ၍ ဆီးရွှင်၊ ဝမ်းမှန်ကျန်းမာသူဖြစ်သည်ဟု ဆိုသည်။
အဝါရောင်ရှိသော ဖီးကြမ်းငှက်ပျောသီးတွင်လည်း အခွံပွပြီးထူသဖြင့် ဝါယောအာကာသဓာတ် ရှိသောကြောင့် ဝမ်းကို ပျော့စေနိုင်သော အာနိသင်ရှိသော်လည်း ပထဝီဓာတ်နှင့် နေရောင်နှင့်မှည့်လျှင် တေဇောဓာတ်ပါရရှိသဖြင့် အချိုလွန် ကဲသည်။ ယခုခေတ်တွင် အချိုးအစားများသဖြင့် နှလုံးသွေးကြောကျဉ်းရောဂါနှင့် ဆီးချိုသွေးချိုရောဂါရှိသူ အလွန်များ သည်။ အချို့မှာ စစ်ဆေးမကြည့်သဖြင့် မိမိတွင် နှလုံးသွေးကြောကျဉ်းနှင့် ဆီးချိုဝင်နေမှန်း မသိပေ။ ထိုသူများသည် အဝါရောင်ရှိသောအသီးနှင့် မတည့်ပေ။ သာမန်တစ်နေ့ တစ်လုံးစားရုံဖြင့် ဘေးမဖြစ်နိုင်သော်လည်း အစားများလျှင် ဆီးချိုသွေးချို တက်လာနိုင်သည်။
ဆီးချိုသွေးချို ရောဂါမျိုးရိုးရှိသူများ၊ အသက် ၅ဝကျော်၍ အဝလွန်ကာ နှလုံးသွေးကြောရောဂါ၊ ဆီးချိုရောဂါဝင်ရန် လမ်းစရှိသူများအနေဖြင့် အဝါရောင်သစ်သီးများ ဥပမာ-လိမ္မော်သီး၊ ကမ္ဗလာသီး၊ သင်္ဘောသီးမှည့်၊ ဖီးကြမ်းငှက်ပျော သီးမှည့်၊ ပျားလိမ္မော်သီး၊ သလဲသီးစသော အသီးအနှံများကို သတိထားစားသုံးသင့်သည်။ ယခုခေတ်တွင် သစ်သီးများ ကို ပိုးသတ်ဆေးဖျန်းထားခြင်း၊ မှည့်ဆေးများဖြင့် အဝါရောင်လှလှကလေးများ ဖန်တီးထားခြင်းများကြောင့် ရေစင်စင် ဆေးပြီးစားသုံးပါရန် သတိပေးတင်ပြလိုပါသည်။ ။
ကြည်လွင်မြင့်(မုဒြာ)
https://www.facebook.com/mwdwebportal/
