ကျွန်တော်။ ။ ကဲ ဒါဆို တားဆေးကဒ်နဲ့ သုံးလခံထိုးဆေး
အကြောင်းတော့သိသင့်သလောက်သိပြီထင်တယ်။ သူတို့ကတော့ကာလတိုတားနည်းပေါ့။ အခု ကာလရှည်တားနည်းဖြစ်တဲ့ လက်မောင်းတွင်းထည့်ပစ္စည်း အကြောင်းပြောပြမယ်။
အမျိုးသမီး။ ။ ဟုတ်ကဲ့ ဆရာ ကြားတော့ကြားဖူးတယ်
ဒါပေမယ့် လက်မောင်းခွဲထည့်ရမှာကြောက်လို့ဆရာ။
ကျွန်တော်။ ။ ဟုတ်ပါပြီ ကျွန်တော်အကြောင်းစုံ ပြည့်ပြည့်စုံစုံ ပြောပြပါ့မယ်။ သူ့မှာက ၅ နှစ်ခံ (Jadelle)၊ ၄ နှစ်ခံ (Sino-implant)၊ နဲ့ ၃ နှစ်ခံ (Implanon) ဆိုပြီးအမျိုးမျိုးရှိတယ်ဗျ။ အဲ့ဒီတော့ ကလေးလုံးဝ
မလိုချင်တော့ဘူး ဒါမှမဟုတ် အနည်းဆုံး သုံးနှစ်လောက်
တားချင်တဲ့သူတွေအတွက် အဆင်ပြေတာပေါ့။
အမျိုးသမီး။ ။ အဲ့လိုမျိုးထည့်ရမှာကြောက်လို့ တားဆေး
ကဒ်တို့ ထိုးဆေးတို့ကို နှစ်ရှည်ကြီးသုံးရင်ရောမရဘူးလား
ဆရာ။
ကျွန်တော်။ ။ ရတော့ရတာပေါ့။ ဒါပေမယ့် ဟော်မုန်း
ဓာတ်ပါတဲ့ဆေးတွေဖြစ်တဲ့ အတွက်ရေရှည်စွဲသုံးရင် ဆေး
ရဲ့ဘေးထွက်ဆိုးကျိုးတွေ ပိုခံစားရတာပေါ့။
အမျိုးသမီး။ ။ သူ့မှာရော ဘာတွေပါလို့ အဲ့လောက်အ
ကြာကြီးခံတာလဲ ဆရာ။
ကျွန်တော်။ ။ သူက ပလက်စတစ်ပိုက်ပျော့ လေးဘဲဗျ။
သူ့ထဲမှာ သုံးလခံထိုးဆေးနဲ့အာနိသင်တူတဲ့ ပရိုဂျက်စတင်
(Progestin) ပါတယ်။ သူကကျတော့ အရေပြားအောက်
ထဲကနေ ဟော်မုန်းဓာတ်ကို တစိမ့်စိမ့်ထွက်စေတဲ့အတွက်
ပိုကြာကြာခံတာပါ။
အမျိုးသမီး။ ။ သုံးလခံထိုးဆေးနဲ့အာနိသင်တူတယ်ဆို
တော့ သူလည်းဝမှာဘဲလားဆရာ။
ကျွန်တော်။ ။ သုံးလခံဆေးလိုဘဲ ရာသီမမှန်တတ်တာ၊
ဝတာတော့တူပါတယ်။ သုးံလခံဆေးလောက်တော့မဝဘူးဗျ။
ဘာဖြစ်လို့လဲဆိုတော့ ၅ နှစ်ခံပစ္စည်းမှာတောင် သုံးလခံထိုး
ဆေးတစ်လုံးစာ ဆေးပမာဏဘဲပါလို့ဗျ။ သုံးလခံထိုးဆေးဆို
ရင် တစ်နှစ်ကို လေးလုံး၊ ငါးနှစ်ဆို အလုံးနှစ်ဆယ်ထိုးရမှာ
လေ။ ဒီပစ္စည်းကျတော့ ၅ နှစ်လုံးမှတစ်လုံးစာတည်းဆိုတော့
ဝရင်တောင် တစ်လုံးစာပေါ့ဗျာ။ ရာသီမမှန်တာကတော့
သုံးလခံထိုးဆေးလိုဘဲ လုံးဝမပေါ်တာ နည်းနည်း နည်းနည်း
ရက်ရှည်ဆင်းတာ၊ အများကြီး ဆင်းတာဖြစ်တတ်ပါတယ်။
အမျိုးသမီး။ ။ ၅ နှစ်ခံဆိုတော့ ၅နှစ်လုံးထည့်ထား
ရမှာလားဆရာ။
ကျွန်တော်။ ။ အဲ့လိုတော့မဟုတ်ပါဘူး။ ကလေးလိုချင်
တဲ့အခါပြန်ထုတ်ပေါ့။ ပြီးတော့ သူက ကလေးပြန်လိုချင်ရင် သုံးလခံဆေးလောက် မစောင့်ရဘူးဗျ။
အမျိုးသမီး။ ။ ဆရာ ဘယ်လိုထည့်တာလဲ ဓားနဲ့ခွဲထည့်
တာလား ပြောပြပါဦး။
ကျွန်တော်။ ။ လက်မောင်းအတွင်းဘက် အရေပြား
အောက်ထဲကိုထည့်တာပါ။ အရင်ဆုံး ထုံဆေးထိုးပါတယ်။
ပြီးတော့ ဓားဒဏ်ရာလေးက စပါးစေ့တစ်စေ့စာလောက်ဘဲ
ရှိတာပါ။ အကြီးကြီး မခွဲပါဘူး။ ပြီးတော့မှ ထိုးသွင်းတဲ့
ကိရိယာလေးနဲ့ အရေပြားအောက်ကို ရှပ်ပြီးထိုးထည့်လိုက်
တာ။ ဒဏ်ရာကသေးတော့ ပြန်ချုပ်စရာလည်းမလိုပါဘူး။
အနာကပ်ပလာစတာ လေးကပ်လိုက်ရုံပါဘဲ။ ပြီးတော့
သွေးထွက်မှာစိုးလို့ ပတ်တီးပတ်ပေးပါတယ်။ ပတ်တီးက
သုံးရက်လောက်ဆို ဖြည်လို့ရပြီ။ ပလာစတာကတော့ ၅ ရက်ပြည့်တော့မှခွာလိုက်ပါ။
အမျိုးသမီး။ ။ တခြားရှောင်ရန် ဆောင်ရန်တွေရှိသေး
လားဆရာ။
ကျွန်တော်။ ။ အဓိက က ရေမစိုရဘူး။ ရေစိုရင်အနာ
ကပွပြီး အနာမကျက်မှာစိုးလို့ပါ။ ရေချိုးရင်လက်မြှောက်ပြီး
ချိုးပေါ့။ နောက်တစ်ခု အရမ်းလေးတာတွေမ မ ရပါဘူး။
ပြန်ချုပ်ထားတာမဟုတ်တော့ အရမ်းလေးတာမရင် အရေ
ပြားတင်းပြီး အနာဟသွားရင် အနာကျက်နှေးမှာစိုးလို့ပါ။
ပုံမှန် ထမင်းချက်၊ အဝတ်လျှော်၊ အိမ်မှု့ကိစ္စတွေ လုပ်လို့
ရပါတယ်။
အမျိုးသမီး။ ။ သူကရွေ့သွားတာ ပျောက်သွားတာမျိုး
ရှိတယ်ဆိုတာ ဟုတ်လားဆရာ။
ကျွန်တော်။ ။ မဟုတ်ပါဘူးဗျာ။ အရေးပြားအောက်ထဲ
အပေါယံရှပ်ပြီးထည့်ထားတာ စမ်းကြည့်လို့ရပါတယ်။ ရွေ့
လည်းမရွေ့ပါဘူး။ပျောက်လည်း မပျောက်ပါဘူး။ ဒါပေမယ့်
ပြန်ထုတ်တဲ့အခါတော့ ထည့်တုန်းကထက် နည်းနည်းအချိန်
ယူရတယ်။ ဘာလို့ဆို ပြန်ထုတ်ရင်လည်း ဓားဒဏ်ရာက
ထည့်တုန်းကလောက်လိုဘဲ သေးသေးလေးပေးပြီး ဘဲထုတ်
တာမို့လို့ပါ။
အမျိုးသမီး။ ။ ဆရာပြောပြတော့လည်း သိပ်ကြောက်
စရာမကောင်းတော့ပါလားနော်။ အစကတော့ခွဲထည့်ရမှာ
ဆိုပြီးကြောက်နေတာ။ကျေးဇူးတင်ပါတယ် ဆရာ။
ဒေါက်တာမျိုးကိုကို
Health Guide
https://www.facebook.com/mmhealthguide/
