ဆေးလိပ်၊ ဆေးရွက်ကြီးအန္တရာယ် ကာကွယ်ရေး သွေးအေးမသွားကြဖို့လို


ထိုမှတစ်ဆင့် အစာအိမ်၊ ကျောက်ကပ်၊ ဆီးအိမ် စသည်ဖြင့် ကိုယ်အင်္ဂါအစိတ်အပိုင်းများသို့ ရောက်ရှိစုပုံနေကာဆက်လက်ဒုက္ခပေးပါတော့သည်။

ထိုထက်မက ဆေးလိပ်မီးခိုးတွင်ပါရှိသော ဓာတုပစ္စည်း၊ ဇီဝသတ္တိအပေါ်မူတည်၍ အသက်ရှူကျပ်စေ၊ လှုံ့ဆော်စေ၊ အမှေးပါးများအား ထိခိုက်စေသည်။ ကင်ဆာဖြစ်စေသော အင်ဇိုင်းတားဆီးပစ္စည်းနှင့် အာရုံကြောထိခိုက်စေသော ပစ္စည်း၊ မျိုးရိုးဗီဇကို ပြောင်းလဲစေသောပစ္စည်းဟူ၍ အမျိုးမျိုး ခွဲခြားနိုင်ပြန်သည်။ ခန္ဓာကိုယ်အတွင်းသို့ဆေးလိပ်ခိုးများ အဓိကဝင်ရောက်ရာနေရာသည် အသက်ရှူလမ်းကြောင်းဖြစ်ရာ ဆေးတံ၊ ဆေးပြင်းလိပ်မှ များစွာသောဓာတုပစ္စည်းများ တံတွေးတွင် ပျော်ဝင်၏။ ခံတွင်း အမှေးပါးများမှ စုပ်ယူခြင်းဖြင့်လည်းကောင်း၊ မျိုချခြင်းဖြင့်လည်းကောင်း၊ ခန္ဓာအင်္ဂါများသို့ ရောက်ရှိ၏။ အရက်သေစာများက ဆေးလိပ်မီးခိုးမှ ဓာတုပစ္စည်းများကို ခန္ဓာကိုယ်မှ စုပ်ယူနိုင်ရန် ကြားခံအရည်အဖြစ်လည်း အားပေး လုပ်ဆောင်ပေးသေးကြောင်း သိရသည်။

ဆေးလိပ်ကို ရှိုက်ဖွာလိုက်သည်နှင့် ၁ဝ စက္ကန့်အတွင်း လူ၏ဦးနှောက်အတွင်းသို့ နီကိုတင်းရောက်ရှိသွားကြောင်း တွေ့ရသည်။ နီကိုတင်း၏အာနိသင်သည် 'စွဲ'စေတတ်သော သဘောရှိသည် (addictive)။ ယင်းသို့ စွဲစေတတ်သောသဘောကြောင့် ဆေးလိပ်ကို အစပြု၍သောက်မိသူ၊ ငုံမိသူများ ဖြတ်မရဘဲ စွဲလမ်းသွားတတ်ကြခြင်းဖြစ်သည်။

ဆေးလိပ်၊ ဆေးရွက်ကြီးက ဖွင့်ပေးလိုက်သည့် မရဏတံခါးများ

ဆေးလိပ် ဆေးရွက်ကြီး သောက်သုံးရာမှ နှလုံးရောဂါ အမျိုးမျိုးကိုရစေသည်။ အခိုးအငွေ့တွင် နီကိုတင်း နှင့် ကာဘွန်မိုနော့ဆိုက် ဓာတ်များကြောင့် ဖြစ်သည်။ ယင်းဓာတ်များက အဆုတ်မှ သွေးကြော၊ ထိုမှ နှလုံးခုန်နှုန်းကို ကိုင်လှုပ်သဖြင့် နှလုံးခုန်မြန်စေသည်။ ပိုမိုအလုပ်လုပ်ရသည်။ ဆေးလိပ်ခိုးရစက သွေးပေါင်ကို တက်စေသည်။ နှလုံးသွေးကို ခဲစေသည်။ သွေးကြောအတွင်း မျက်နှာပြင်ကို ပျက်စီးစေသည်။ သွေးကြောကို ကျဉ်းစေ၊ ပိတ်စေသည်။ ဦးနှောက်တွင်းရှိ သွေးကြောများကိုပါ ဒုက္ခပေး၏။ လေသင်တုံးခေါ် လေဖြတ်ရောဂါ ရသည်။ သွေးတိုးရောဂါရှိသူ သွေးတိုးရောဂါကို ထိန်းချုပ်ရန် ခက်ခဲလာသည်။ ပင်မသွေးကြောရောင်နေသူများ ဆေးလိပ်ငွေ့ကြောင့် ပေါက်သွားနိုင်သည်။ အဆုတ်ကြောင့် ချောင်းဆိုးရင်ကျပ်ရောဂါရှိသူများ အဆုတ်ကြောင့်ဖြစ်သော နှလုံးရောဂါ (Carpulmonale)
ကို ဖြစ်စေသည်။ ဆေးလိပ်သောက်သူများတွင် လက်များ၊ခြေထောက်များသို့သွားသောသွေးကြောများမှာ ကျဉ်းမြောင်းလာသဖြင့် ခြေချောင်း၊ လက်ချောင်း ဖြတ်ပစ်ရသည်အထိ ဖြစ်နိုင်ပါသည်။ နှလုံးသွေးကြောကျဉ်းရောဂါသည် ကိုယ်တိုင် ဆေးလိပ်မသောက်သော်လည်း တစ်ဆင့်ခံ
ဆေးလိပ်ငွေ့ရှူခြင်း (Passive Smoking) ကြောင့်လည်းဖြစ်နိုင်သည်ကို သတိပြုကြရပါမည်။

ကင်ဆာရောဂါများတွင် ခံတွင်းကင်ဆာ၊ အသံအိုးကင်ဆာ၊ အစာမျိုလမ်းကြောင်းကင်ဆာ၊ အစာအိမ် ကင်ဆာ၊ ဆီးအိမ်ကင်ဆာ၊ သားအိမ်ထိပ်ကင်ဆာတို့အဖြစ်များသည်။ အဆုတ်၏ လုပ်ငန်းတာဝန်များကို ထိခိုက်ပျက်စီးစေသော ရောဂါများလည်း ရနိုင်ပါသည်။ ပန်းနာရင်ကျပ် (Asthma)၊ အဆုတ်လေပြွန်အိတ် (alveoli)ကလေးများ လုံးဝပျက်စီးသွားခြင်းကြောင့် နှလုံးတွင် အလုပ်ပိုလုပ်ပေးရပြီး နောက်တွင် cor-pulmonale ရောဂါဖြစ်လာနိုင်သည်။

ဆေးလိပ်ငွေ့ကသွေးကြောကိုကျဉ်းစေသဖြင့် အမျိုးသားများလိင်အင်္ဂါသို့ သွေးလျှောက်မှုကို အဟန့်အတား ဖြစ်စေသည်ဖြစ်ရာ အိမ်ထောင်ရေးသုခ အပြည့်အဝ မခံစားရသော အဖြစ်မျိုးရနိုင်သည်။ ထိုနည်းတူ သားသမီးမရနိုင်ခြင်း၊ မထွန်းကားနိုင်ခြင်းများ ဖြစ်နိုင်ပါ သည်။ အမျိုးသမီးများမှာလည်း ကိုယ်ဝန်ဆောင်စဉ် သားအိမ်မှ သန္ဓေသားသို့သွားသည့် သွေးကြောကျဉ်းသဖြင့် သွေးခဲကာ သန္ဓေသား အောက်ဆီဂျင်နှင့် လိုအပ်သော အာဟာရဓာတ် လုံလောက်စွာမရဘဲ မိခင်ရောကလေးပါ ထိခိုက်စေနိုင်ပြန်ပါသည်။ ထိုမျှမက သားအိမ်ပြင်ပသန္ဓေတည်ခြင်း၊ သားပျက်၊ သားလျှောခြင်း၊ လမစေ့ မီးဖွားခြင်း၊ ပေါင်ချိန်မပြည့်သည့် ကလေးမွေးခြင်း၊ အသေမွေးခြင်း၊ မွေးရာပါအင်္ဂါချို့ယွင်းမှုဖြစ်ခြင်းများ ကြုံရနိုင်သည်။ နောက်ဆုံးကလေးကို ဦးနှောက်နှင့်ကိုယ်ခန္ဓာ ဖွံ့ဖြိုးမှု အားနည်းခြင်းလည်း ဖြစ်နိုင်ပါသေးသည်။

အမေရိကန်နိုင်ငံတွင် နှစ်စဉ် အဆုတ်ကင်ဆာဖြင့် သေဆုံးသူအမျိုးသားအားလုံး၏ (၈ဝ ရာခိုင်နှုန်း) နှင့်အဆုတ်ကင်ဆာရောဂါဖြင့် သေဆုံးသူအမျိုးသမီးအားလုံး၏ (၇၅ ရာခိုင်နှုန်း)က ဆေးလိပ်သောက်သုံးမှုကြောင့်ဟု တွေ့ရသည်။ အဆုတ်ကင်ဆာဖြစ်ပွားပါက ငါးနှစ်အထိ အသက်ရှင်နိုင်သူ (၁ဝ ရာခိုင်နှုန်း) ပင် မရှိကြောင်းသိရပါသည်။ ယတိပြတ် ဆေးလိပ်ဖြတ်မှု ၁၂ နှစ်ကြာပါက သာမန်မသောက်သူကဲ့သို့ အန္တရာယ်လျော့ပါးသွားနိုင်သော်လည်း တစ်နေ့အလိပ် ၂ဝ ကျော် သောက်သူများမှာ သာမန်အဆင့်သို့ ပြန်ရောက်ရန် ခက်ခဲပါသည်။ ယခုအခါ တစ်ကမ္ဘာလုံး အဆုတ်ကင်ဆာဖြစ်ပွားမှု အစဉ်တိုးတက်နေကြောင်း သိရသည်။

WHO ၏ ခန့်မှန်းချက်အရ ကမ္ဘာပေါ်တွင် ဆေးလိပ်၊ဆေးရွက်ကြီး သုံးစွဲသူ လူဦးရေသန်းတစ်ထောင်ကျော် ရှိနေကြောင်း၊ အများစုက မိမိတို့ အာရှတိုက်မှဖြစ်ကြောင်း၊ ဆေးလိပ်ကိုစတင်ခဲ့သူ အနောက်တိုင်းသားများ ဆေးလိပ်၊ ဆေးရွက်ကြီးအန္တရာယ်ကို သိရှိနားလည်လာချိန်၊ သောက်သုံးမှုကို လျှော့ချနေချိန်၊ ဖွံ့ဖြိုးဆဲနိုင်ငံများတွင် အရှိန်အဟုန်ကောင်းဆဲ၊ မြင့်တက်နေဆဲဟုဆိုနိုင်သည်။ အထူးသဖြင့် လူငယ်နှင့် အမျိုးသမီးငယ်များကို သိသာစွာ တိုးတက်လွှမ်းမိုးနေသည်ဟု သိရသည်။WHO နှင့် မြန်မာ ပူးပေါင်းဆောင်ရွက်သည်နှင့် ဆေးလိပ်သောက်သုံးမှု သုတေသနစစ်တမ်းတွင် ၂ဝ၁၁ ခုနှစ် စစ်တမ်းအရ ၈၊ ၉၊ ၁ဝ တန်း ကျောင်းသားများ ၆ ဒသမ ၈ ရာခိုင်နှုန်းဖြစ်ကြောင်း ဖော်ပြထားသည်။

ဆေးလိပ်ဘာကြောင့် ဖြတ်သင့်သလဲ

ကမ္ဘာ့ကျန်းမာရေးအဖွဲ့ (WHO) က ဆေးလိပ်သောက်ခြင်းမှာ နီကိုတင်း၏စွဲလမ်းမှုကြောင့် ဖြစ်ပေါ်သော အပြုအမူဟု သတ်မှတ်ကြေညာခဲ့သည်။ ၁၉၉၈ ခုနှစ်က(US General Surgeon’s report) မှ စီးကရက်နှင့်အခြား ဆေးရွက်ကြီးဖြင့် ပြုလုပ်သည့် ဆေးလိပ်များသည် စွဲလမ်းမှု အာနိသင်ရှိခြင်းကြောင့် ဆေးလိပ်ကို ပုံမှန်သုံးစွဲနေကြပြီး အကြောင်းတစ်ခုခုကြောင့် ဆေးလိပ်ကို မသုံးစွဲဘဲဖြတ်
လိုက်ပါက ရပ်နားဖြတ်တောက်ဝေဒနာ (Withdrawal Syndrome) ခံစားရမည်ဖြစ်ကြောင်း သုံးသပ်တင်ပြထားသည်။

ဆေးဝါးပိုင်းဆိုင်ရာနှင့် အမူအကျင့်ပိုင်းဆိုင်ရာဖြစ်စဉ် များအရ နီကိုတင်းစွဲလမ်းမှုသည် မူးယစ်ဆေး ဝါးများဖြစ်သော ဟီးရိုးအင်းနှင့် ကိုကင်းစွဲလမ်းမှုများနှင့် တူညီနေသည်ဟုဆိုသည်။ နီကိုတင်း၏ ဒိုပါမင်းတန်ပြန်မှု စနစ်များအပေါ်သက်ရောက်မှုသည် ဟီးရိုးအင်း၊ အင်ဖက်တမင်း (Amphetamine) နှင့် ကိုကင်းတို့ကဲ့သို့သော မူးယစ်ဆေးဝါးများနှင့်လည်း တူညီနေပြန်ပါသည်။ ထို့ပြင်စိတ်ပိုင်းဆိုင်ရာ တက်ကြွမှု (Psycho-active) ဘက်တွင် နီကိုတင်း၏ စွဲလမ်းမှုအတိုင်းအတာမှာ ဟီးရိုးအင်း၊ ကိုကင်း၊ အရက်(Alcohol) ကဖင်း (Caffeine) နှင့် ဆေးခြောက်တို့ ထက်ပင် ပိုနေသည်ကို တွေ့ရသည်။

လူ့ခန္ဓာကိုယ်တွင်းသို့ရောက်ရှိသည့် နီကိုတင်းသည် (Brain neurotransmitters) များနှင့် (Neuroendocrine system) များအားလုံးအပေါ်တွင် သက်ရောက်မှုရှိသဖြင့် ကာလကြာရှည် စွာသောက်သုံးသည့် အကျိုးဆက်က နီကိုတင်းကြောင့် ဦးနှောက်အတွင်း (Nicotine receptors) များပွားများစေခြင်းဖြင့် ဦးနှောက်အတွင်း အသွင်များကို ပြောင်းလဲစေသည်။ ထို့ကြောင့် နီကိုတင်းသုံး
စွဲမှုကြောင့်ဖြစ်ပေါ်သော လတ်တလော အကျိုးဆက်များ နှင့် ကြာရှည်အကျိုးဆက်များကို ဖြစ်ပေါ်စေပါသည်။

ကမ္ဘာ့ကျန်းမာရေးအဖွဲ့ ကျွမ်းကျင်သူပညာရှင်များကော်မတီ၏ ''ဆေးလိပ်သောက်မှုထိန်းချုပ်ရေးနည်း
ဗျူဟာ'' စာအုပ်တွင် စိတ်ဝင်စားစရာကောင်းသော အချက်မှာ နိုင်ငံတိုင်းတွင် ဆေးလိပ်ဖြတ်ကြသူ ၉ဝ ရာခိုင်နှုန်းသည် မိမိတို့၏စိတ်ဆန္ဒအရဖြတ်ခဲ့ကြပြီး မည်သည့်ဆေးဝါးအကူအညီမျှ အမှီမပြုခဲ့ရဟု သိရသည်။ သို့ဖြစ်ရာ ဆေးလိပ်ဖြတ်ရန်သည် စိတ်သာအဓိကဟု ဆိုရပါမည်။ ပြတ်စေ၊ ဖြတ်စေသည် အံ့ဖွယ်ဆေးဝါးများသည်လည်း မရှိနိုင်ပါ။ ဖြတ်နည်းများသည်လည်း တစ်ဦးနှင့်တစ်ဦး ထပ်တူထပ်မျှ မဖြစ်နိုင်ကြပါ။

''ငါဆေးလိပ်ဖြတ်တော့မည်'' ဟု ယတိပြတ် ပထမ ဆုံးဖြတ်ရန်လိုသည်၊ နောက်ဆုံးဖြတ်သည့်အတိုင်း မဖြစ်မနေ လိုက်နာရန်လိုသည်။ နောက်ဆုံးတစ်ကြော့ပြန်ပြန်မစမိဖို့လိုသည်။ ယင်းသို့ ခိုင်မာစွာ သန္နိဋ္ဌာန် ချနိုင်ခြင်းသည် သာ မိမိဘဝ၏ တစ်ဆစ်ချိုးတန်ဖိုးဖြစ်သည်။

ယင်းသို့ ဆုံးဖြတ်ရန်အတွက် မိမိမှာကျန်းမာရေးအသိ ပညာ ရရှိလာသောကြောင့်လည်းကောင်း၊ ရောဂါတစ်ခုခု ခံစားလာရ၍ ဆရာဝန်၏ အကြံပြုချက်ကြောင့်လည်းကောင်း၊ ငွေကြေးအကုန်အကျကို ငဲ့စောင်းသတိပြုလာမိ ၍လည်းကောင်း၊ မိမိ၏ပတ်ဝန်းကျင်က တစ်စုံတစ်ရာ တွန်းအားကြောင့်သော် လည်းကောင်း ဆေးလိပ်ကို မဖြစ် မနေဖြတ်ရန် ဖြစ်လာရခြင်းဖြစ်သည်။

မည်သို့ဆိုစေ မိမိတို့တစ်ခုသတိပြုရမည်မှာ ဆေးလိပ်ဖြတ်ရန် လိုအပ်သောအကူအညီတို့ကို ပေးသူက ပေးနေစေကာမူ ဆေးလိပ်သောက်သူကိုယ်တိုင်က မိမိတို့၏ အတွင်း စိတ်သန္တာန်က အမှန်တကယ် ဆေးလိပ်ဖြတ်လိုစိတ်ရှိဖို့၊ ပြင်းပြနေဖို့တော့ လိုသည်။

မိမိတို့မြန်မာနိုင်ငံတွင် အမျိုးသမီးများ ဆေးလိပ်သောက်သုံးမှုနည်းပါးသည်ဟု သာမန်အားဖြင့် ယူဆစရာ
ရှိသည်။ ဤသည်မှာလည်း မိမိတို့မြန်မာများ၏ ယဉ်ကျေးမှု ထုံးတမ်းဓလေ့ဆိုဆုံးမမှုအရဟု ဆိုနိုင်မည်ဖြစ်သည်။
ဗိုင်းကောင်းကျောက်ဖိ ကြီးပြင်းလာရသော မြန်မာ့မိကောင်းဖခင်သမီးများ ဖြစ်သည်။ သို့စေကာမူ လူဦးရေ
ထူထပ်သိပ်သည်းသော ဘင်္ဂလားဒေ့ရ်ှလိုနိုင်ငံတွင်မူ မိန်းမသားငါးသန်းခန့် သောက်သုံးကြသည် ဟုဆိုသည်။ အိန္ဒိယနိုင်ငံတွင် ၄၅ သန်းခန့်သောက်သုံးသည်။ နီပေါနိုင်ငံတွင် ၁၉၉၈ ခုနှစ် လေ့လာချက်အရ တောင်ပေါ်ဒေသနေ မိန်းကလေးများ၏ (၇၁ ဒသမ ၇ ရာခိုင်နှုန်း) သောက်ပြီး
မြေပြန့်နေအမျိုးသမီးများ၏ (၅၈ ဒသမ ၉ ရာခိုင်နှုန်း) ဖြစ်၍ ကမ္ဘာပေါ်တွင် အမျိုးသမီးဆေးလိပ်သောက် သုံးမှု အမြင့်ဆုံးဟု ဆိုနိုင်သည်။

ထိုင်းနိုင်ငံမြောက်ပိုင်းတွင် မိန်းမသားများ အဆုတ်ကင်ဆာရောဂါ အများဆုံးဖြစ်ကြ၍ ထိုသို့ဖြစ်ရသည်မှာ
လည်း ဆေးလိပ်သောက်ခြင်းနှင့် ဆက်စပ်နေကြောင်း သိရသည်။ မော်လ်ဒိုက်နိုင်ငံတွင် ၁၉၉၇ အမျိုးသား
အဆင့် ကွင်းဆင်းစိစစ်ချက်အရ အသက် (၁၆) နှစ်ကျော်မိန်းမသားများ၏ (၂၉ ဒသမ ၄ ရာခိုင်နှုန်း)သည် ဆေးလိပ်သောက်ကြောင်း တွေ့ရှိရသည်။ သီရိလင်္ကာနှင့် အင်ဒိုနီးရှားတို့တွင်မူ အတော် အသင့် နည်းပါးကြောင်း တွေ့ရသည်။

မိမိတို့မြန်မာနိုင်ငံတွင် အမျိုးသမီးများ၏ (၂ဝ ရာခိုင်နှုန်း) ခန့်သည် ဆေးလိပ်သောက်ကြကြောင်း တွေ့ရသည် ။ အထူးသဖြင့် ကျေးလက်နေအမျိုးသမီးထုအတွင်း ဆေးလိပ်သောက်ခြင်း၊ ငုံခြင်း အလေ့အကျင့် ထွန်းကားလျက် ရှိသည်ဟုဆိုသည်။ ဆေးလိပ်ကုမ္ပဏီကြီးများကလည်း လူငယ် လူရွယ်များကို ပစ်မှတ်ထားလာကြသည်။ ဤသည်ကိုကာကွယ်ရန် အကြောင်းတရား အရင်း အမြစ်များဖြစ်သည့် ဆေးလိပ်ကုမ္ပဏီကြီးများမှ ပံ့ပိုးမှုကို ပိတ်ပင်ခြင်း၊ အမြတ်အခွန်များ စည်းကြပ်ခြင်း၊ ဆေးလိပ်တန်ဖိုးကို တိုးမြှင့်သတ်မှတ်ခြင်း၊ (၁၈) နှစ်အောက်ကလေးများ ဆေးလိပ်ရောင်းချမှုကို ပိတ်ပင်တားမြစ်ခြင်း၊ နိုင်ငံခြားမှ ဆေးလိပ်တင်သွင်းမှုကို လျှော့ချခြင်း၊ ဆေးလိပ်ကြော်ငြာများ တားဆီးခြင်း၊ ဆေးလိပ်ဆိုးကျိုးများကို အများပြည်သူ အထူးသဖြင့် ကျောင်းများတွင် ရှုထောင့်စုံမှ ပညာပေးခြင်းနှင့်
နှစ်သိမ့်ဆွေးနွေး စည်းရုံးကြရမည်ဖြစ်သည်။

ယင်းသို့သော ဝင်ငွေနည်း နေ့စား၊ အလုပ်သမား၊ ကျပန်းအလုပ်သမားများ မိသားစုများအနေဖြင့် တစ်နှစ်အတွင်း ဆေးလိပ်အတွက် ကုန်ကျခဲ့သောငွေပမာဏသည်ပညာရေးအတွက် ကုန်ကျခဲ့သော ပမာဏထက် (၂ ဒသမ ၄ ဆ) ခန့် ပိုမိုများပြားခဲ့ပြီး ကျန်းမာရေးအတွက် ကုန်ကျခဲ့သောငွေ ပမာဏ ထက်လည်း (၅ ဒသမ ၅ ဆ)ခန့် ပိုမိုများပြားခဲ့ကြောင်း သိရသည်။ ဆေး/ကွမ်းသုံးစွဲကြသူများအတွက် နေ့စဉ် တစ်ဦးချင်းဝင်ငွေ၏ ၁၅ ရာခိုင်နှုန်းခန့်အထိ သုံးစွဲနေကြရသည်။

ဆေးလိပ်၊ ကွမ်းစားခြင်းကြောင့် ရရှိလာသည့် နှလုံးရောဂါ၊ အဆုတ်ရောဂါ၊ ကင်ဆာရောဂါတို့အတွက် ကုန်ကျစရိတ်များမှာလည်း ကြီးမားလှသည်။ နိုင်ငံတော်ကလည်း တစ်နွယ်ငင်တစ်စင်ပါ ဝန်ဆောင်မှုကြီးမားသည်သာ ဖြစ်သည်။ မိသားစုမှာလည်း ဝန်ထုပ်ဝန်ပိုးဖြစ်ရသည်။ မိသားစု၏ ပိုလျှံဝင်ငွေဟူ၍ မရှိနိုင်တော့။ မိသားစု အဓိကဝင်ငွေကို ရှာနေရသူကိုယ်တိုင်ဖြစ်က မှီခိုနေရသူ တစ်မိသားစုလုံး ဒုက္ခပင်လယ်ဝေကြရတော့သည်။ ဆိုးရွာသည်မှာ မလိုမတူဘဲ ဆေးလိပ်ငွေ့သောက် ရှူမိရာက ရောဂါ ရရှိလာခြင်းများဖြစ်သည်။ လူငယ် ကျောင်းသား၊ ကျောင်း သူတို့သို့ အတင့်ရဲစွာ ပစ်မှတ်ပြုလာနေသော ဆေးလိပ်၊ စီးကရက်၊ ဆေးရွက်များကို တားဆီးရန်သည် အချိန်တိုင်း အရေးပေါ် အခြေအနေဟု ဆိုရပါမည်။ သွေးမအေးသွားကြဖို့ သတိပေးလိုပါသည်။

သို့ဖြစ်ရာ မိမိတို့မြန်မာနိုင်ငံသည် WHO ၏ ဦးဆောင်မှုဖြင့် ''ဆေးလိပ်နှင့် ဆေးရွက်ကြီးထွက်ပစ္စည်း သောက်သုံးမှု ထိန်းချုပ်ရေး အပြည်ပြည်ဆိုင်ရာကွန်ဗင်းရှင်း''ကို ၂ဝဝ၃ ခုနှစ် အောက်တိုဘာ ၂၃ ရက်တွင် သဘောတူလက်မှတ်ရေးထိုးပြီး ၂ဝဝ၄ ခုနှစ် ဧပြီ ၂ဝ ရက်တွင် အတည်ပြုခဲ့သည်ဖြစ်ရာ ယင်းသို့ အဖွဲ့ဝင်ဖြစ်သည်နှင့် အညီကွန်ဗင်းရှင်းပါအချက်အလက်များကို အခြေခံလျက်ဆေးလိပ်၊ ဆေးရွက်ကြီးထွက်ပစ္စည်းသောက်သုံးမှုထိန်းချုပ်ရေးဥပဒေကို ၂ဝဝ၆ ခုနှစ် မေ ၄ ရက်တွင် ပြဋ္ဌာန်းခဲ့ကြောင်း သိရသည်။

မည်သို့ဖြစ်စေ ဆေးလိပ်၊ ဆေးရွက်ကြီး၏ ဆိုးကျိုး ဘေးအန္တရာယ်ကို တစ်နေ့ထက်တစ်နေ့ ဆေးပညာ စူးစမ်းရှာဖွေနိုင်သည်နှင့်အမျှ ပိုမိုသိမြင်လာကြသည်နှင့်အညီ ဝိသမစီးပွားရေးသမားများ၏ ပစ်မှတ်ဖြစ်လာနေသော ငယ်ရွယ်သူ ကျောင်းသား ကျောင်းသူများ ဆေးလိပ် ဆေးရွက်ကြီးဘေးမှ ကင်းဝေးနိုင်ကြရန် မိမိတို့နိုင်ငံသားတိုင်း အမျိုးသားအသိ၊ အမျိုးသားအမြင်၊ အမျိုးသားသတိဖြင့် ကိုယ့်ဝန်ကိုတာမှ တာဝန်ကျေကြရန် ''၂ဝ၁၇ ခုနှစ် ကမ္ဘာ့ဆေးလိပ်မသောက်ရေးနေ့'' တွင် တိုက်တွန်းနှိုးဆော်ရပါသည်။

ကိုးကား-

ဆေးလိပ်အန္တရာယ် (FACTS ON TOBACCO) ကျန်းမာရေးဝန်ကြီးဌာန။
ရာမည - သွေးမွန်
MOI Webportal Myanmar
https://www.facebook.com/pg/MOIWebportalMyanmar

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ