Restless legs syndrome ခြေမငြိမ်ရောဂါ


မင်္ဂလာပါဆရာ Restless legs syndrome ခေါ် ခြေမငြိမ်ရောဂါအကြောင်း သိချင်ပါတယ်ဆရာ။ အဲဒီရောဂါဖြစ်ရင် ဘယ်လိုဆေးဝါးတွေ သောက်ရမလဲ။ ဆရာဆောင်းပါးထဲမှာ ဖတ်ဖူးတာလေးတွေ့လို့ ဆရာကို ရိုသေစွာဖြင့် မေးခွင့်ပြုပါ။ ကျနော့အကို ညအိပ်ရင် ခြေထောက်နှစ်ချောင်းကိုပွတ်ပြီး ဇိမ်ယူတာလို့ ထင်ခဲ့မိတာ ဆရာဆောင်းပါးတွေဖတ်ပြီး ကျန်းမာရေးပြဿနာဆိုတာ သိခွင့်ရခဲ့တာပါ။ အဲဒီလို နှစ်ပေါင်းများစွာ အိပ်ရင် ခြေနှစ်ချောင်းကို ပွတ်ပြီး မပျော်တချက် ပျော်တချက်နဲ့ အိပ်ရေးမဝတဲ့နှစ်တွေ များလာတော့ သူအသက် ၃၅နှစ်လောက်မှာ စိတ်ရောဂါဖြစ်သွားပြီး ထိန်းမနိုင် သိမ်းမရ နောက်ဆက်တွဲ ကျန်းမာရေး ပိုဆိုးလာပါတယ်ဆရာ။ သူ့ကို အထူးကုဆရာဝန်တွေဆီ လိမ်ညာပြီး ခေါ်ကုပေမယ့် သူ့ကိုသူ စိတ်ကျန်မာရေးနဲ့ ဒီရောဂါတွေ ဖြစ်နေတယ်ဆိုတာ ပြောပြလို့ လက်မခံပါဘူးဆရာ။ ခက်တာက ဆရာဝန်တွေက လူနာမပါရင် ဆေးထုတ်မပေး။ သူက နောက်တခါ ခေါ်လို့မရနဲ့ ဆေးသောက်နေတုန်းပဲ သက်သာတဲ့ ဒီရောဂါကို အလွယ်ဖြေရှင်းတဲ့အနေနဲ့ နီးစပ်ရာ ဆေးခန်းတွေမှာ သူ့ဆေးကဒ် အဟောင်းတွေပြပြီး ခဏတာအေး အစဉ်ပူ ဖြေရှင်းနေရတာ ကြာပါပြီဆရာ။ တိုက်ရင် တိုက်တုန်းပဲ ကောင်းနေတဲ့ဆေးတွေရဲ့ ဘေးထွက်ဆိုးကျိုးနဲ့ နောက်ဖြစ်လာမယ့် ပြဿနာတွေ စိုးရိမ်ပူပန်မိလို့ ရေရှည်မှာ ဘယ်လိုဆေးဝါးတွေ သောက်သုံးရမလဲဆိုတာ ကူညီဖြေကြားပေးပါဆရာ။

အာရုံကြောရောဂါဖြစ်တယ်။ ခြေထောက် ကိုက်မယ်။ ဆွဲထားသလိုနေမယ်။ ကြွက်ဆက်သလိုနေမယ်။ အနေရခက်မယ်။ စိတ်နဲ့ထိန်းမရ။ နာလိုက်တဲ့အချိန် အိပ်ရာထဲလှဲချိန်၊ ညပိုင်းအချိန်မှာ ပိုဖြစ်တယ်။ အိပ်ရေးပျက်မယ်။ ကြာတော့ အားကုန်သလိုနေမယ်။ စိတ်ပိုင်းပါထိခိုက်လို့ မှတ်သားတာ အာရုံစိုက်တာ အရင်ကလောက်မကောင်းဖြစ်လာကြတယ်။ စိတ်ဓါတ်ပါကျလာတယ်။ လူ ၂% ကနေ ၁ဝ% လောက်အဲလိုဖြစ်တယ်။ ကျား-မ ဖြစ်ကြတယ်။ အမျိုးသမီးတွေက နည်းနည်း ပိုများတယ်။ အသက်ကြီးရင်ပိုအဖြစ်များတယ်။

သူတို့ထဲက ၈ဝ% မှာ Periodic limb movement of sleep ခေါ် စိတ်ကနေမခိုင်းပဲ ခြေထောက်က လှုပ်နေတာ ခံစားရတယ်။ ၁၅-၄ဝ စက္ကန့်ကြာတခါဖြစ်တယ်။ တခါတလေ ညလုံးပေါက်ဖြစ်တယ်။ တဖက်တည်းရော နှစ်ဖက်လုံးပါ ဖြစ်နိုင်တယ်။ လှုပ်ရင်ပိုဖြစ်တယ်။ မနက်ထသက်သာနေမယ်။

ဘာလို့ဖြစ်ရသလဲ သေချာမပြောနိုင်ပါ။ မျိုးဗီဇနဲ့ ဆိုင်နိုင်တယ်။ သံဓါတ်နည်းတာနဲ့ဆက်စပ်သလား စဉ်းစားရတယ်။ တချို့မှာ နာတာရှည်ရောဂါတချို့နဲ့ ဆက်စပ်ဖြစ်တယ်။ ဆီးချို၊ ကျောက်ကပ်ရောဂါ၊ အာရုံကြောရောဂါ။

prochlorperazine နဲ့ metoclopramide အအန်သက်သာဆေးတွေ၊ haloperidol နဲ့ phenothiazine derivatives စိတ်ရောဂါဆေးတွေ၊ အလာဂျီဆေးတွေနဲ့ဆက်စပ်နိုင်တယ်။ ကိုယ်ဝန်ရင်လာချိန်မှာလည်း တချို့ဖြစ်တယ်။ အရက်နဲ့ အိပ်ရေးပျက်ရင်ပိုဖြစ်တယ်။

အဲဒီအချက်တွေထဲက ကိုယ်နဲ့ မသင့်တာကို ရှောင်ရမယ်။ သံဓါတ်၊ ဖေါလစ်အက်စစ်၊ မက်ဂနီဆီယမ် မနည်းစေရ။ ဆေးလိပ်၊ ကေဖင်း၊ အရက် မသင့်။ အိပ်ချိန်စနစ်နဲ့လုပ်ပါ။ ကိုယ်လက်လှုပ်ရှားမှု သင့်တာလုပ်ပါ။ ခြေထောက်နှိပ်နယ်တာ။ ရေနွေးနဲ့ရေချိုးတာ ကောင်းမယ်။

Dopaminergic agents ဆေးသုံးတယ်။ ပါကင်ဆန်ရောဂါမှာပေးတဲ့ဆေးမျိုးဖြစ်တယ်။ ropinirole, pramipexole နဲ့ rotigotine ဆေးတွေသုံးနိုင်တယ်။ ရေရျည်သုံးတာတော့ သတိထားသင့်တယ်။

gabapentin enacarbil ဆေးကိုလည်းသုံးနိုင်တယ်။ gabapentin နဲ့ pregabalin တွေက ခံစားမှုကို သက်ရောက်စေတာ သတိထားရမယ်။ ခေါင်းမူး၊ အားကုန်၊ အိပ်ရေးပျက်ဖြစ်နိုင်တယ်။

Benzodiazepines (clonazepam နဲ့ diazepam) စိတ်ငြိမ်ဆေးလည်း တချို့လူနာတွေကိုပေးတယ်။

ဘိန်းပါတဲ့အနာသက်သာဆေးတွေ codeine, propoxyphene နဲ့ oxycodone တွေလည်းပေးတယ်။ ခေါင်းမူးတာ၊ ပျို့တာ၊ ဆေးစွဲတာဖြစ်နိုင်တယ်။

Relaxis pad ဆိုတဲ့ အခုအခံသုံးနိုင်တယ်။ မိနစ် ၃ဝ ကြာ တုန်ခါမှုလုပ်ပေးမယ်။

နာတာရှည် ဖြစ်တယ်။ ပျောက်မယ့်ဆေးနည်း မရှိသေးပါ။ ဆောရီး။

ဒေါက်တာတင့်ဆွေ
https://www.facebook.com/drtintswe

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ