Food puzzle စားလို့ လူကို မဝစေတာဘာရှိလဲ


လာမယ့် ဧပြီ (၇) ရက် ကမ္ဘာ့ကျန်းမာရေးနေ့အတွက် ဆောင်ပုဒ်က အစားအစာလုံခြုံရေးဖြစ်ပါတယ်။
မြန်မာပြည်ကလူတွေမှာ အဝလွန်တာအဖြစ်မများပါ။ ပိန်ချင်လို့ မေးကြသူတွေအများစုကလဲ ခန္ဓာကိုယ်အချိုးအစား ကျချင်လို့နဲ့ ပိုပြီးလှချင်ကြလိုဖြစ်တယ်။ အမျိုးသမီးတွေဆိုရင် အိမ်ထောက်ရက်သားကျ၊ ကလေးမွေးရပြီမှ ပိုဝလာလို့ အလေးချိန် ချချင်ကြတယ်။ ပိန်နေသူတွေ ဝချင်လို့ အရပ်ဆေးနည်းနဲ့ ဒုက္ခရောက်ရသူကပိုများတယ်။

ချမ်းသာဖွံ့ဖြိုးတဲ့တိုင်းပြည်တွေမှာတော့ ကိုယ်အလေးချိန်အလွန်အကဲများတာက အမျိုးသားကျန်းမာရေးပြဿနာကြီး ဖြစ်နေတာကြာပါပြီ။ ကိုယ်အလေးချိန်ဟာ ကျန်းမာရေးကို သိသိသာသာသက်ရောက်တယ်။ လူမဝချင်ရင် (၁) အစားအသောက်ဂရုစိုက်ပါ၊ (၂) လေ့ကျင့်ခန်းလုပ်ပါ၊ (၃) လိုအပ်ရင်ဆေးသောက်ပါလို့သာ ဆရာဝန်တွေကပြောနိုင်တယ်။ မျိုးဗီဇအရ ဝနေတာကိုတော့ ပြင်မရပါ။ ဟော်မုန်း (တားဆေး၊ ကိုယ်ဝန်) ကြောင့်ဖြစ်တာ အပြင်ရ အတော်ခက်တယ်။ ဆောရီး။

ပိန်ဆေးတွေကို ရှာဖွေဖေါ်စပ်ပြီး ရောင်းတဲ့စီးပွါးရေးကလဲ အမြတ်အစွန်းကြီးမားလှတယ်။ နိုင်ငံတိုင်းမှာ FDA ခေါ်တဲ့ ဆေးဝါးနဲ့အစားအသောက်အာဏာပိုင်အဖွဲ့ကနေ ခွင့်ပြုချက်ရမှသာ တရားဝင်ရောင်းခွင့်ရှိတယ်။ မြန်မာနိုင်ငံလို ဥပဒေစိုးမိုးမှု အလွန်မတန် အားနည်းတဲ့နိုင်ငံများမှာသာမကပါ ကမ္ဘာ့ထိပ်တန်းနိုင်ငံတွေမှာလဲ FDA ခွင့်ပြုချက်မပါဘဲ ဆေးရောင်းတာတွေ ရှိတယ်။ အွန်လိုင်းဈေးရောင်းစနစ်ပေါ်လာတော့ ပိုပြီးလျော့ရဲမှုတွေရှိလို့ အသိအမှတ် ပြုမထားတဲ့ဆေးတွေ ပိုပြီးရောင်းနိုင်၊ ဝယ်နိုင်လာတယ်။ ကျွန်တော့်ကို မမေးတဲ့နေ့ မရှိပါ။

ပိန်ဆေးတွေရှိတယ်။
(၁) အဆီလောင်ကျွမ်းစေတဲ့ဆေး = Gamma linoleic acid DNP, Acai berry, Whey
(၂) အဆီပိတ်ပင်ဆေး = Chitosan, Guar gum hydroxycitrate
(၃) စားချင်စိတ်နည်းစေတဲ့ဆေး = Hoodia beta glucan, Acai berry, Whey, Guar gum hydroxycitrate, Leptin
(၄) ဇီဝဖြစ်စဉ်များစေတဲ့ဆေး = Bitter orange, Green coffee, Leptin

ဒီဆေးတွေကို FDA ကနေ အသိအမှတ်ပြုမထားသေးပါ။ ထိရောက်မှု အသင့်အတင့်သာရှိပြီး၊ ဘေးထွက်ဆိုးကျိုး သုတေသန နည်းသေးတယ်။ FDA က အသိအမှတ်ပြုပြီး ပိန်ဆေးဆိုတာ Belviq နဲ့ Qsymia ဆေးတွေသာဖြစ်ပါတယ်။
လူတွေ ကျန်းမာရေးနဲ့ ညီညွတ်အောင်စားတတ်ဘို့ ဆရာဝန်တွေကနေ အကြံပြုချက်တွေ ထုတ်ပေးပါတယ်။ ဒါပေမဲ့ အစားအသောက် ပိရမစ်ဆိုတာက ၁ဝ နှစ်တခါလောက် ပြောင်းလာနေရတယ်။ မကြာခင်ကထုတ်တဲ့ တိုင်းမ်မဂ္ဂဇင်းမှာ ဆီ၊ အဆီ၊ ကိုလက်စထော၊ ပြည့်ဝဆီနဲ့ ကာဗွန်ဟိုက်ဒရိတ် (ကစီဓါတ်) တွေထဲမှာ ဘယ်ဓါတ်ကနေ လူကို ပိုဝစေသလည်းနဲ့ နှလုံးရောဂါရစေသလဲဆိုတဲ့ ဆန်းစစ်မှုဆောင်းပါးရှည်ကြီးပါတယ်။ အဆီလျှော့စားပါ၊ ရယ်ဒီမိတ် အမဲသား၊ ဆိတ်သား မစားပါနဲ့ဆိုတဲ့ ကျန်းမာရေးလမ်းညွှန်ပေါ်လာတော့ အဆီနည်းအစားအစာတွေနဲ့ အဆီထုတ်နွားနို့တွေကို ပြောင်းခဲ့ကြရတယ်။ အမေရိကန်တွေ အရင်ကဆိုရင် အမဲသားကနေ ကယ်လိုရီ ၃၄၉ ရအောင်စားခဲ့ပေမဲ့ အခု ၂၆၈ သာ ရတော့တယ်။ ၁၉၇ဝ တုံးက ဂျုံမှုံ့နဲ့ အစေ့အဆံမှုံ့တွေကနေ ကယ်လိုရီ ၄၂၉ ရပေမဲ့ ၂ဝ၁ဝ မှာ ကယ်လိုရီ ၆၁ဝ သာ ရတယ်။

ဒါပေမဲ့ နှလုံးရောဂါဖြစ်နှုန်းနဲ့ သေနှုန်းကို ဆန်းစစ်တဲ့အခါ သိသိသာသာ လျှော့မလာလို့ ဘာကြောင့်လဲ လုပ်ရပြန်တယ်။ အဆီနည်းစားပါဆိုတာကို ကောင်းကောင်းလိုက်နာကြပေမဲ့ ကယ်လိုရီများတဲ့ အသီးအနှံအစားအစာတွေကို အစားထိုးပြီး စားသောက်ကြလို့ လူတွေကမပိန်ဘဲ ဆက်ဝနေကြပြီး၊ ရောဂါတွေလဲအဖြစ်မနည်းတာလို့ယူဆလာတယ်။ ဒါကြောင့် ကယ်လိုရီသာ နည်းစေပါ၊ အဆီတိုင်းမကောင်းတာမဟုတ်ပါဖြစ်လာပြန်ပြီ။ ထောပတ်စားပါဆိုတာ တိုင်းမ် မဂ္ဂဇင်း မျက်နှာဖုံးဆောင်းပါးဖြစ်တယ်။ ထောပတ်ကုမ္ပဏီကနေ အရေးခိုင်းတာလားမသိပါ။ ကျွန်တော်က တစိတ်တပိုင်းသာ သဘောတူပါတယ်။ ဖတ်စ်ဖုဒ် ခေါ်တဲ့ အသင့်စားနိုင်တဲ့ အစားအသောက်တွေကို ပြောင်းစားတဲ့ယဉ်ကျေးမှုက ကူးစက်ရောဂါကြီးနဲ့ အကြောင်းခံတခု ဖြစ်ပါတယ်။ ကမ္ဘာရွာကို ဥပမာပေးရင် အဲဒီ အစားအစာတွေကိုပါ ပေးလေ့ရှိတယ်။ ဟမ်းဘာဂါ၊ ကေအက်ဖ်စီ၊ ပီဇာ။ မက်ဒေါ်နယ်လ် အဲတာတွေကို ထရန့်စ်ဖက် ခေါ်ဆီနဲ့ ချက်ပြုတ်ကျော်လှော်တာတွေပါ။ ထရန့်ဆီဟာ ဝါစေ့ဆီ၊ ပဲပုတ်စေ့ဆီတွေကနေ ထုတ်တာပါ။ သမားရိုးကျစားသုံးခဲ့ကြတဲ့ဆီကို ဟိုက်ဒရိုဂျင် ထပ်ပေါင်းထည့်လိုက်တာ ဖြစ်တယ်။

ရောဂါတိုင်း၊ ကျန်းမာရေးအခြေအနေတိုင်းအတွက် ဆေးသုတေသနတွေ လုပ်နေတာကလဲ အကြီးအကျယ်ပါ။ ကျွန်တော်လည်း အချိန်ရတိုင်း ဆေးသုတေသနသတင်းတွေ တင်ပါတယ်။ ဆေးစွမ်းကောင်း အသစ်အဆန်းပေါ်လာရင် ဝမ်းမြောက်ဝမ်းသာ ဖြစ်ကြတယ်။ သတိပေးချင်တာက အသစ်ဆိုတိုင်း တန်းပြီးမယုံပါနဲ့။ သုတေသနလုပ်ပြီးဖြစ်တယ် ဆိုတိုင်းလဲ စိတ်ချရပြီလို့ မအောက်မေ့ပါနဲ့။ ကြော်ငြာကောင်းတွေရဲ့ လှည့်စားမှုကို မခံချင်ကြပါနဲ့။ မိဘဘိုးဘွား၊ ရိုးရာအစဉ်အဆက် စားသောက်လာတာတွေကိုလဲ မေ့မပြစ်ကြပါနဲ့။ ခေတ်လည်းနောက်မကျပါစေနဲ့။ အညာမခံပါနဲ့။ ကိုယ့်ပင်ကိုယ်သဘာဝအလှကို ချစ်ပါ။

ဒေါက်တာတင့်ဆွေ
https://www.facebook.com/drtintswe

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ