ရင်သွေးငယ်များ ဘက်စုံကျန်းမာ ကြံ့ခိုင်စေရေးအတွက် မိခင်နို့ရည်ဟာ ဘယ်လောက် တောင်အရေးပါတယ် ဆိုတာကို ကမ္ဘာ့နိုင်ငံ အသီးသီးမှ သက်ဆိုင်ရာ ကျန်းမာရေး အဖွဲ့အစည်းများက ကျန်းမာရေး အသိဖြင့် နှိုးဆော် လျက်ရှိပြီး နိုင်ငံတိုင်းမှ မိခင်များ ကလည်း သိနှင့်ထားကြပြီး ဖြစ်ပါတယ်။ ထူးခြားချက် အနေဖြင့် ဂရိနိုင်ငံ၌ လူမြင်ကွင်းမှာ ကလေးငယ်များအား နို့ချို တိုက်ကျွေးခြင်းကို ရှေးနှစ်ပေါင်း များစွာ ကတည်းက တားမြစ်ပိတ်ပင် ထားခဲ့ပါတယ်။ ဒါကြောင့်လည်း ဂရိနိုင်ငံမှာ ကလေးငယ် များကို မိခင်နို့ချို တိုက်ကျွေးနှုန်းဟာ အလွန်နိမ့်ကျ လျက်ရှိပါတယ်။ သို့သော် ၂ဝ၁၄ ခုနှစ် နိုဝင်ဘာလမှာတော့ ဂရိနိုင်ငံ၏ ကျန်းမာရေး ဝန်ကြီးဌာနက နို့ချိုတိုက်ကျွေးရေး သီတင်းပတ် အခမ်းအနားကို ပါဝင် ဆင်နွှဲကြရန်အတွက် ကြေညာချက် ထုတ်ပြန်ခဲ့ပြီး နိုဝင်ဘာလရဲ့ တစ်ခုသော တနင်္ဂနွေနေ့မှာတော့ ဂရိနိုင်ငံရှိ မြို့ပေါင်း ၅ဝ ကျော်မှ မိခင်များက ''ကမ္ဘာ့မိခင် နို့ချိုတိုက်ကျွေးရေး သီတင်းပတ်''ကို အားတက်သရော ပါဝင်ဆင်နွှဲ ခဲ့ကြပါတယ်။
ထိုအခမ်းအနားမှာ မိခင်ပေါင်း ၆ဝဝ ကျော်ခန့်ဟာ လူမြင်ကွင်းမှာ နို့ချိုတိုက်ကျွေး ခဲ့ကြပါတယ်တဲ့။ အကြောင်းကတော့ ဂရိနိုင်ငံတွင် မိခင်နို့ရည်၏ အရေးပါပုံကို အခြားသော ကမ္ဘာ့နိုင်ငံများ နည်းတူ သိရှိပြီး ဖြစ်သလို လတ်တလော လေ့လာ တွေ့ရှိချက် များအရ ရင်သွေးငယ်များကို ၁၂ လကြာ နို့ချို တိုက်ကျွေးခြင်းဖြင့် ကလေးငယ်လူလား မြောက်လာတဲ့အခါမှာ ဆီးချိုသွေးချို ရောဂါ ဖြစ်ပွားနိုင်မှုကို ၅ဝ ရာခိုင်နှုန်းထိ လျှော့ချပေးနိုင်မှာ ဖြစ်သကဲ့သို့ ကလေးများ၏ တစ်နှစ်သား အရွယ်အတွင်း ဆေးဝါးကုသမှု ခံရခြင်းမှလည်း ၁ဝ ဆခန့် လျှော့ချ ပေးနိုင်တာကို လေ့လာ သိရှိခဲ့ခြင်းကြောင့်လို့ ဆိုပါတယ်။
မှန်ပါတယ်။ ကျန်းမာ ကြံ့ခိုင်တဲ့ ရင်သွေးငယ် ဖြစ်ဖို့အတွက် အမိဝမ်းတွင်း သန္ဓေသား ဘဝတည်းကပင် ပြည့်စုံလုံလောက်တဲ့ အာဟာရ တွေကို ရရှိနေရမှာ ဖြစ်သလို အမိဝမ်းတွင်းမှ ကျွတ်လွတ်ပြီး ခြောက်လ ပြည့်တဲ့အထိ အာဟာရ ဓာတ်ပြည့်ဝတဲ့ နို့ချိုကို တိုက်ကျွေး နိုင်မှသာ ထိုကလေးငယ် လူလားမြောက် တဲ့အထိ ကိုယ်ခံအား ကောင်း၍ ရောဂါ ကင်းဝေးနေမှာ ဖြစ်ပါတယ်။ မွေးပြီးစ တစ်ရက်အတွင်း မဖြစ်စလောက် ထွက်ရှိလာသော နို့ဦးရည်ဟာ အနည်းငယ်ပျစ်ပြီး ဝါကြန့်ကြန့် အရောင်ဖြစ်ပါတယ်။ ထိုနို့ဦးရည်က ကလေးငယ် အစာချေဖျက်မှု နှင့်ဖွံ့ဖြိုး ကြီးထွားမှုအတွက် လွန်စွာ အရေးပါ လှပါတယ်။
မိခင် နို့ရည်မှာ ရင်သွေးငယ် များအတွက် မရှိမဖြစ် လိုအပ်တဲ့ ဗီတာမင်၊ ပရိုတင်းနှင့် အဆီဓာတ်တို့ အချိုးကျ မျှတစွာ ပါဝင် နေကြတာကြောင့် မွေးကင်းစ ကလေးငယ် များအတွက် မိခင်နို့ရည် သည်သာ အကောင်းဆုံးနှင့် တန်ဖိုး အရှိဆုံး အာဟာရ ဖြစ်ပါတယ်။
ကလေးငယ် အသက်ခြောက်လ အထိ မိခင်နို့ချိုရည် တစ်မျိုးတည်းကိုသာ တိုက်ကျွေး ပေးခြင်းဖြင့် နို့ရည်ထဲ မှာပါတဲ့ သဘာဝ ပဋိဇီဝ ပစ္စည်းများကြောင့် ပြင်ပ ကူးစက် ဗိုင်းရပ်စ်ပိုးများ၊ ဗက်တီးရီးယား ပိုးများကို ခုခံကာကွယ် နိုင်ပြီး ပန်းနာ ရင်ကျပ်ခြင်းနှင့် ဓာတ်မတည့်မှု ဖြစ်ခြင်းတို့ နည်းပါးစေခြင်း၊ နားရောဂါ၊ အသက်ရှူလမ်းကြောင်း ရောဂါနှင့် ဝမ်းလျှော ဝမ်းပျက်ခြင်းတို့ မဖြစ်စေနိုင်တော့ခြင်း၊ ကလေးငယ်တွင် ဥာဏ်ရည်မြင့်မားခြင်း၊ မိခင်နှင့် အမြဲထိတွေ့ဆက်ဆံ နေရသောကြောင့် လုံခြုံ နွေးထွေးမှုကို ခံစားရခြင်း၊ ကိုယ်အလေးချိန်ကို ထိန်းညှိ ပေးနိုင်တာကြောင့် ကလေးငယ်မှာ အဝလွန်ခြင်းနှင့် ဆီးချိုဖြစ်ခြင်းကို ထိန်းချုပ် ပေးနိုင်ခြင်း စသည့် ကျန်းမာရေး အကျိုးကျေးဇူး များကို ရရှိ စေနိုင်ပါတယ်။
နို့ချို တိုက်ကျွေးခြင်းဖြင့် နို့တိုက် မိခင်အတွက် ရရှိနိုင်မည့် အကျိုးကျေးဇူး များကတော့ ကိုယ်ခန္ဓာရှိ အဆီပိုများကို လောင်ကျွမ်းစေခြင်း၊ သားအိမ်ကို ပိုမိုလျင်မြန်စွာ ကျုံ့စေနိုင်၍ အလိုအလျောက် သားဆက်ခြားပြီးသား ဖြစ်သွားခြင်း၊ ရင်သားကင်ဆာ၊ သားအိမ်ကင်ဆာ၊ အရိုးပါး၊ အရိုးပွရောဂါ ဖြစ်ခြင်းမှ လျှော့ချပေးနိုင်ခြင်း၊ ထို့ပြင် အချိန်အခါမရွေး နေရာမရွေး အလွယ်တကူ နို့ချိုတိုက်ကျွေး နိုင်တာကြောင့် မိခင်မှာ အလုပ်မရှုပ် စေတော့ဘဲ အချိန်ပို ထွက်လာခြင်း၊ နို့မှုန့်ဖိုး အကုန်အကျ သက်သာ စေခြင်းစတဲ့ ကောင်းကျိုး ရလဒ်တွေ ခံစား ရနိုင်ပါတယ်။
အကယ်၍ မိခင်မှာ ခုခံအားကျဆင်း ရောဂါ၊ အဆုတ်ရောဂါ၊ ရောဂါတစ်မျိုးမျိုးကြောင့် ပဋိဇီဝ ဆေးဝါးများ သုံးစွဲ နေရလျှင်သော်လည်းကောင်း၊ ကင်ဆာရောဂါကြောင့် ဓာတုကုထုံး ခံယူနေရလျှင်သော် လည်းကောင်း၊ မူးယစ်ဆေးဝါး တစ်ခုခု စွဲနေလျှင် သော်လည်းကောင်း ကလေးငယ်များမှာ ရှားပါးစွာ ဖြစ်တတ်သော မိခင်နို့ရည်နှင့် ဓာတ်မတည့် ရောဂါ ပါလာလျှင် သော်လည်းကောင်း ထိုထူးခြား ဖြစ်စဉ်များအတွက် ဆရာဝန်နှင့် တိုင်ပင် ဆွေးနွေးပြီးမှသာ နို့ချိုတိုက်ကျွေး ပေးရမှာပါ။
သို့သော် မိခင်မှာ ရိုးရိုးသာမန် အအေးမိ၊ တုပ်ကွေး၊ ဖျားနာခြင်းကိုတော့ နို့တိုက်ခြင်းကို မရပ်နား သင့်ပါဘူး။
မိခင်နို့ရည်ကို ညှစ်ထုတ်၍ ရေခဲသေတ္တာ ထဲမှာ နှစ်ရက်တိတိ သိုလှောင်သိမ်းဆည်း ထားခြင်းက အာဟာရမပြယ်၊ အာနိသင်မပြယ် စေနိုင်တာကြောင့်လည်း အလုပ်လုပ် သော နို့တိုက်မိခင်များအတွက် အဆင်ပြေပါတယ်။
သို့သော် အေးခဲထားသော မိခင်နို့ကို အသုံးပြုမည် ဆိုပါက မူလအာဟာရ တန်ဖိုး မဆုံးရှုံး ရလေအောင် ပြန်လည် အပူပေးနွှေးခြင်း မပြုသင့်ဘဲ ရိုးရိုး အရည်ပျော် လာအောင်သာ အချိန်ပေး စောင့်ဆိုင်း၍ ရင်သွေးငယ်ကို တိုက်ကျွေးပေးရမှာ ဖြစ်ပါတယ်။
မိခင်နို့ချိုတိုက် ကျွေးတဲ့အခါ လက်ကို ပါးစပ်ဖြင့် စုပ်ခြင်း၊ ငိုသံပေးခြင်း၊ နို့စို့သကဲ့သို့ ပါးစပ်တပြင်ပြင် လုပ်ခြင်းတွေက ကလေးငယ်နို့ဆာနေတဲ့ လက္ခဏာများပါ။ တစ်နေ့လျှင် အနည်းဆုံး ရှစ်ကြိမ်မှ ၁၂ ကြိမ်ခန့်အထိ နို့ချိုတိုက်ကျွေး ရမှာဖြစ်ပြီး နို့တစ်ကြိမ် တိုက်ကျွေးချိန်ဟာ အနည်းဆုံး ၁ဝ မိနစ်မှ ၁၂ မိနစ်အထိ ကြာမြင့်ရမှာပါ။ နို့တိုက် ကျွေးနေစဉ်မှာ ရင်သွေးငယ်လေးကို ဂရုတစိုက်ဖြင့် တယုတယ ကိုင်တွယ် ပွတ်သပ် ပေးသင့်ပါတယ်။ ဒါမှသာ ချစ်ခြင်းမေတ္တာကြောင့် မိခင်နို့တိုက်ကာ နို့ထွက် အားကောင်းလာစေမှာပါ။ နို့ချိုတိုက်ကျွေး နေစဉ်မှာ မိခင်၏ ကိုယ်ဟန် အနေအထားနှင့် ရင်သွေးကို ထွေးပွေ့ရမည့် ပုံစံမှန်ကန် မှသာလျှင် မိခင်ရောကလေးပါ သက်သောင့်သက်သာ အနေအထား ဖြစ်စေပြီး သားသား မီးမီးတို့ နို့ဝစေမှာ ဖြစ်ပါတယ်။
နို့ချိုတိုက်ကျွေးစဉ် မိခင်၏ ကိုယ်ဟန်အနေအထား
(က) ခုတင် သို့မဟုတ် လက်တင်ပါသော ကုလားထိုင် သို့မဟုတ် လှုပ်ကုလားထိုင်ပေါ် မတ်မတ်ထိုင်ပါ။
(ခ) ရင်သွေးငယ်ကို သက်သောင့်သက်သာ ရှိစေရန် မိခင်၏ ကျောနောက်ဘက်၊ တံတောင်ဆစ်အောက်ဘက်နှင့် ပေါင်ခွင်တို့မှာ ခေါင်း အုံးငယ်လေးများကို ထား၍ ထောက်ကူပေးပါ။
(ဂ) မတ်မတ်ထိုင်နိုင် ရန်အတွက် ခွေးခြေခုံနိမ့်ကို အသုံးပြုပါ သို့မဟုတ် ခေါင်းအုံးကို ဒူးအောက်မှာ ခုခံထားပေးပါ။
နို့ချို တိုက်ကျွေးစဉ် ရင်သွေးကို ထွေးပွေ့ရမည့် ပုံစံ(က) ကလေးငယ်၏ ခန္ဓာကိုယ် တစ်ခုလုံးကို မိခင်ဘက်ဆီသို့ တစောင်း အနေအထားဖြင့် ရှိစေရန် ကလေး ခြေထောက်များကို မိခင်ဘက်သို့ လှည့်ကာ ပွေ့ပိုက် ထားပေးရပါမယ်။
(ခ) ကလေးငယ် သက်သောင့်သက်သာ ဖြစ်စေဖို့နှင့် နို့ကို အားစိုက်၍ မစုပ်ယူ ဖြစ်စေဖို့အတွက် မိခင်၏ ပေါင်ခွင်ပေါ်တွင် ကလေးကို ခေါင်း အုံးခု၍ တင်ကာ ထွေးပွေ့ ထားပေးပါ။
နို့ချို တိုက်ကျွေးရမည့် ပုံ(က) လက်မနှင့် လက်ညှိုး U သို့မဟုတ် C ပုံသဏ္ဌာန် ကွေးညွတ်စေပြီးလက်မကို သားမြတ်၏ အပေါ်မှာ ထားပေးပါ။
(ခ) ကျန်လက်လေးချောင်းကိုလည်း အောက်ဘက် မှထား၍ နို့သီး၏ နောက်ဘက်မှ ဖြည်းညင်း စွာညှပ်ပြီး ကလေးပါးစပ်ဝတွင် တေ့ကာ ကလေးနှင့် မိခင်နို့ကို တစ်တန်းတည်း အနေ အထားဖြင့် နီးကပ်စွာ ရှိနေစေရမှာပါ။
(ဂ) ကလေးငယ်၏ ပါးစပ်ကို ကျယ်ကျယ်ဟ စေရန်အတွက် ကလေး၏ နှုတ်ခမ်းကို မိခင်နို့သီး ခေါင်းဖြင့် ဖြည်းညင်းစွာ တို့ထိပေးဖို့ လိုပါတယ်။ ဒါမှသာ နို့ကောင်းကောင်း စို့နိုင်မှာ ဖြစ်ပါတယ်။
(ဃ) ကလေးငယ်က နို့စို့နေရင်း အခြားတစ်ဖက်သို့ လှည့်သွားလျှင် ဖြစ်စေ၊ ပါးစပ်ထဲမှ နို့သီးခေါင်း လွတ်ကျသွားလျှင် ဖြစ်စေ ကလေးပါးကို ညင်သာစွာ ပွတ်သပ်လိုက်ပါက အလိုအလျောက် တုံ့ပြန်လာပြီး ဆက်လက်၍ နို့စို့လာမှာ ဖြစ်ပါတယ်။
(င) မိခင်နို့သီးဟာ ကလေးငယ်၏ လျှာပေါ်တွင် ရှိနေစေရမှာ ဖြစ်သလို ကလေးငယ် ၏ သွားဖုံးဟာလည်း သားမြတ်ထိပ်ရှိ အမည်းဝိုင်း အပေါ်တွင် ရှိနေ စေရမှာပါ။ ဒါမှသာ နို့သီးခေါင်း ထွက်မကျတော့ဘဲ နို့ကို ကောင်းကောင်း စုပ်ယူနိုင်မှာ ဖြစ်ပါတယ်။
(စ) ကလေးငယ်၏ ပါးတစ်ဖက်ကို သားမြတ်နှင့် အလွန် နီးကပ်စေရန် ဖိထားပေးဖို့ လိုပါတယ်။
(ဆ) အရေးကြီးဆုံး အချက်မှာ နို့ချိုတိုက်ကျွေးစဉ် ကလေးနှာခေါင်းကို မဖိမိစေရန် အတွက် ကလေးငယ်ကို ပင့်မထားပေးရမှာ ဖြစ်ပါတယ်။
(ဇ) အထက်ပါ နည်းအတိုင်း ကလေးငယ်ကို အနေအထား မှန်ကန်စွာ နို့တိုက်ခြင်းက မိခင်မှာ ညောင်းညာခြင်းနှင့် အခြား မည်သည့် နာကျင်မှု ကိုမျှ ခံစားရမည် မဟုတ်ပါ။
(ဈ) ကလေးငယ် နို့ဝသွားတဲ့အခါ နို့စို့ယူနှုန်းအားနည်း နိမ့်ကျသွားမည်ကို မိခင်မှ အလိုအလျောက် နားလည် ခံစား ရနိုင်ပါလိမ့်မည်။
(ည) နို့ချိုတိုက်ကျွေး တဲ့အခါမှာ ကလေးငယ် သောက်နိုင်သလောက်သာ တိုက်ကျွေး ပါ။
(ဋ) ကလေးငယ်ကို နို့တိုက်တဲ့အခါ ရင်သားနှစ်ဖက်စလုံးကို ဘက်မျှအောင် တိုက်ကျွေး ပေးရမှာ ဖြစ်ပါတယ်။ ဒါမှသာ မိခင်မှာ နို့ချောင်း ပိတ်ဆို့ခြင်း၊ နို့ရည် မလိုက်ခြင်း၊ ရင်သားတစ်ဖက် ပိုကြီးခြင်း သို့မဟုတ် ပိုသေးနေခြင်း မျိုး မဖြစ်စေ တော့ပါဘူး။ ။
မြဝတီ
https://www.facebook.com/pg/mwdwebportal
