၁။ ဆရာရှင့် ကျွန်မအသက် ၂၆ နှစ်ပါ။ အိမ်ထောင်သက် ၁ နှစ် ၂ လ။ ဒုတိယကိုယ်ဝန်လွယ်ထားပါတယ်ဆရာ။ ပထမကိုယ်ဝန်ကထိခိုက်မိပြီး ၈ လနဲ့ ကလေးနှလုံးမခုန်တော့လို့ ရိုးရိုးမွေးထားပါတယ်ဆရာ။ အဖတ်မတင်ပါ။ ခုကိုယ်ဝန်က ၂ လရှိပါပြီ။ ခါးနာနေလို့ပါဆရာ။ ဘယ်လိုနေထိုင်သင့်သလဲ ဘာဖြစ်တတ်သလဲပြောပြပေးပါဆရာရှင့်။
Dr သမီး Dr ဆောင်းပါးကို Hblog မှာ ကလေးတယောက်ရဲ့စတင်ဖြစ်တည်ပုံကိုသိရှိခဲ့ရပါတယ်။ ဒါကြောင့် စာရေးချင်နေတာကြာပါပြီ။ သမီးအသက် ၃၇ ရှိပါပြီ။ EDD က 27 May မှာ ဖွားတော့ April 5 မှာဖွားပါတယ်။ လမစေ့လို့ ကလေးတပတ်မပြည့်ခင်တယောက်၊ ၁ဝ ရက်ပြည့်တော့ တယောက်ဆုံးသွားပါတယ်ဆရာ။ OG ပြောတာက 33 ပတ်နဲ့ဖွားတော့ နလုံးအလုပ်ကောင်းကောင်း မလုပ်နိုင်သေးလို့မရှင်တာပါတဲ့။ Ultrasound ၃ ကြိမ်ရိုက်ဖူးပါတယ်။ အားလုံးကောင်းပါတယ်။ ဖွားတော့ဆုံပိုင်းဖြစ်တဲ့အပြင် ကလေးနစ်ဦးက လည်တံချင်းလိမ်နေပါတယ်ဆရာ။ သမီးကိုယ်ဝန် ၅ လအထိ ကျန်းမာရေးနဲနဲမကောင်းပါဘူး။ နောက်ပိုင်းအရမ်းကောင်းပါတယ်။ သမီးသိချင်တာက ဘာကြောင့် စောမွေးရတာပါလဲ။ ကိုယ်ဝန် ၄ လမှာ ဆီးလမ်းကြောင်းပိုးဝင် ကျောက်ကပ်မှာ sport တွေ့လို့ ၂ ပတ်ကျော်လောက် ဆေးကုသခဲ့ရပါတယ်။ သမီးက ဆရာမပါ။ တာဝန်ကျတာက ၄ နာရီခရီး စက်လှေစီးရပါတယ်။ ကားတွေမရှိတော့လို့ ရန်ကုန်ပြန်ပြီးမှ သမီးတို့ဆီရောက်ဖို့ ၅ နာရီ ကားစီးရပါတယ်။ အများအပြောက ခရီးသွားတာများလို့ စောမွေးတာတဲ့။ March လကုန်က မီးဖွားခွင့်သွားတင်ပါတယ်။ နေ့ချင်းပြန်သွားခဲ့ပါတယ်။ ဒါကြောင့်လို့ပြောကြပါတယ်။ အရပ်ထဲမှာ ပြောကြတာ ၇ လမွေးအသက်ရှင်တယ်တဲ့။ ဘာကြောင့် သမီးလေးတွေ မရှင်ရတာလဲ။ ဒီတကြိမ် ကိုယ်ဝန် ပြန်ဆောင်ရင် စောမွေးမှာကြောက်ပါတယ်။ ဒါကြောင့် ကိုယ်ဝန်ဘယ်နှစ်ပတ်မှာ ကိုယ်ဝန်စောမမွေးအောင် ဆေးထိုးရပါမလဲဆရာ။
ကလေးစောမွေးတာကို Pre-term labor လို့လဲခေါ်တယ်။ ခန့်မှန်းခြေမွေးမဲ့ရက်ထက် ၃ ပတ်စောရင်၊ (သို့) ကိုယ်ဝန် ၃၇ ပတ်ထက်စောမွေးရင် ခေါ်တယ်။ စောမမွေးစေအောင် အိပ်ယာမှာ ဆေးရုံတက်သလို နားနေတာ၊ အားဆေးသွင်းပေးတာနဲ့ ဆေးပေးတာတွေနဲ့ အတော်များများကို ကာကွယ်နိုင်တယ်။
တကမ္ဘာလုံးမှာ တနှစ်အောက်ကလေးသေဆုံးမှုထဲမှာ လမစေ့ဘဲမွေးတဲ့ကလေး ၁ဝ% ပါတယ်။ အရေအတွက်ဆိုရင် တနှစ်မှာ အဲလိုကလေးပေါင်း ၅ သိန်းလောက်ရှိတယ်။ ဘာလို့စောမွေးသလဲ တခါတလေ (၅ဝ%) အကြောင်းရှာမရဘူး။ အာဟာရဓါတ်နည်းတာကို စဉ်းစားရတယ်။ တခါအဲလိုမွေးဘူးသူတွေမှာ သူများထက် ၁၅-၅ဝ%) ပိုဖြစ်နိုင်တယ်။ ရာနှုန်းပြည့်မဟုတ်ပါ။ ဖင်လန်မှာ ဆန်းစစ်မှုတခု လုပ်တော့ လက်ထပ်ပေါင်းသင်းခြင်းမရှိဘဲ ကလေးမွေးသူတွေမှာ ၂ဝ% ပိုများတာ တွေ့ရတယ်။
အမွှာကိုယ်ဝန်မှာ ပိုဖြစ်တယ်။ ရောဂါပိုးဝင်တာကိုလဲ ထည့်တွက်ရတယ်။ ဥပမာ မွေးလမ်းကြောင်း ပိုးဝင်တာ။
စမ်းသပ်ကြည့်ရင် မွေးလမ်း-သားအိမ်ဝအရည်ထဲမှာ Fetal fibronectin များနေရင် ဖြစ်တယ်။ Obstetric ultrasound အာလ်ထွာဆောင်းနဲ့လဲစစ်ရမယ်။ သားအိမ်ဝ (နှုတ်ခမ်း အလျား) တိုရင် မကောင်းပါ။ ကိုယ်ဝန် ၂၄ ပတ်မှာ ၂၅ မီလီမီတာထက်ရှည်သင့်တယ်။ တချို့ ကိုယ်ဝန်ဆောင်မှာ အလုပ်လုပ်မျိုးတွေမှာ ဥပမာ မတ်တပ်အကြာကြီး ရပ်ရသူတွေမှာ အဖြစ်ပိုများတာ တွေ့ရတယ်။ ဖေါလစ်အက်စစ်နည်းရင်လဲ မကောင်းပါ။ ဆီးစစ်လို့ ပိုးတွေ့ရင် ဆေးကုရမယ်။ Progesterone (ပရိုဂျက်တီရုန်း) ဟော်မုန်း ပေးသင့်ရင်ပေးရတယ်။ ၃၂ ပတ်နောက်မှာပေးတယ်။
ကာကွယ်ဘို့ရာ စတီရွိုက်ဆေးပေးနည်းကို နေရာအတော်များများမှာသုံးတယ်။ တခြား စမ်းသပ်သုံးတဲ့ဆေးနည်းတွေလဲ ရှိပါတယ်။ NSAIDs, Magnesium sulfate, Calcium channel blockers, Beta mimetics, Atosiban တွေပါဝင်တယ်။ Tocolysis ဆေးလဲပါတယ်။ Calcium-channel blockers နဲ့ Oxytocin antagonist ဆေးတွေက ၄၈ နာရီ နောက်ကျစေပေမဲ့ ဘေးထွက်-ဆိုးကျိုးတွေလဲရတယ်။ Prophylactic antibiotic ကာကွယ်တဲ့သဘောနဲ့ ပိုးသေဆေး ပေးနည်းကလဲ အကျိုးရှိတယ်။ Amoxicillin နဲ့ Erythromycin ဆေးတွေပေးတယ်။ ဒါပေမဲ့ Amoxicillin + Clavulanic acid ဆေးတွဲကို မသုံးသင့်ပါ။
Cervical cerclage သားအိမ်ဝမလုံသူတွေကို ကိုယ်ဝန်ဆောင်နေတုံးမှာ သားအိမ်ဝကို ချုပ်ပေးထားရတယ်။ ကျွန်တော် ဒေလီ ဒုက္ခသည်တွေအတွက် ယမုန်နာဆေးခန်းလေးဖွင့်ခဲ့တုန်းက အဲလိုကိုယ်ဝန်ဆောင်တယောက်ကို သားအိမ်ဝ ချုပ်ပေးထားခဲ့တယ်။ လမစေ့ခင် ဗိုက်နာလာတော့ ကျွန်တော်က အစည်းအဝေးတက်နေရတယ်။ ကံတရားလည်း အားကိုးရပါမယ်။ ကလေးစောမွေးမှာ၊ ကိုယ်ဝန်ပျက်ချင်တာအတွက် Duvadilan (Isoxsuprine) ဆေးပြာလည်းသုံးတယ်။ ကြွက်တက်တာမှာလည်းပေးတတ်တယ်။
ဒေါက်တာတင့်ဆွေ
https://www.facebook.com/drtintswe
