သွားကိုက် သွားနာခြင်း (Dental Caries) ဝေဒနာ


လူမျိုးမရွေး၊ နိုင်ငံမရွေး၊ အသက် အရွယ်မရွေး၊ ဆင်းရဲချမ်းသာမရွေး လူတိုင်း သွားကိုက် သွားနာ တတ်သည်။သွားကိုက် သွားနာခြင်းအကြောင်းရင်း။ သွားကိုက်သွားနာခြင်းမှာ သွားပိုးစားခြင်းကြောင့် ဖြစ်သည်။ လူသားတို့တွင် အများဆုံး ဖြစ်ပွားတတ်သော ရောဂါများ၌ သွားပိုးစားခြင်းသည် တစ်မျိုး အပါအဝင် ဖြစ်သည်။

မာကျောသော အရာတစ်ခုခုကို ကိုက်မိ၍ လည်းကောင်း၊ စိတ်ကြောင့်လည်းကောင်း သွားနာခြင်း ဖြစ်တတ်သည်။ အသက်အရွယ် ကြီးလာသူများတွင် သွားခိုင်ခံ့မှု လျော့နည်းလာပြီး အစာစားစဉ်တွင် မကြာခဏ သွားနာလေ့ရှိသည်။

သွားပိုးစားခြင်း။ စားကြွင်းစားကျန်များရှိ ကာဗိုဟိုက်ဒရိတ် ကစီဓာတ်ကို အခြေခံ၍ ခံတွင်းအတွင်းရှိ ဗက်တီးရီးယား ပိုးမွှားငယ်များနှင့် တံတွေးမှ အစာခြေ ရည်အင် ဇိုင်းဓာတ်တို့ ပူးပေါင်းပြီး နို့အက်စစ် ဓာတ်အဖြစ် အစာများ အချဉ်ပေါက်လာကြသည်။ ယင်း အက်စစ်ဓာတ်သည် ပထမသွား၏ အပြင်ဆုံး လွှာဖြစ်သော ကြွေသွားလွှာပေါ် စတင် ပျက်စီးစေ၍ အမည်းစက်ကလေး အသွင်ဖြင့် ပေါ်ပေါက် လာခဲ့သည်။ ယင်းကြွေသွားလွှာသည် မီးလောင် ကျွမ်းနိုင်ခြင်းမရှိ၊ နှစ်ပေါင်းများစွာ မပျက်စီး၊ ခန္ဓာကိုယ်တွင် အမာဆုံးပစ္စည်း ဖြစ်သော်လည်း အက်စစ်ဓာတ်ကို ခံနိုင်စွမ်းမရှိပေ။

အတန်ကြာသောအခါ သွား၏ ဒုတိယအလွှာဖြစ်သော ဆင်စွယ်နှစ်လွှာကိုပါ ပျက်စီးစေ၏။ ကြွေသွားလွှာနှင့် ဆင်စွယ်နှစ်လွှာတို့အကြား ဘေးကို ပြန့်ကား၍ သွားလျှင်အခေါင်း ဖြစ်စေနိုင်သည်။

ယင်းကဲ့သို့ အလွှာနှစ်လွှာ ပျက်စီးသည့်အခြေအနေတွင် သွားကိုက်သွားနာခြင်းကို မခံရ သေးသော်လည်း အပူအအေးစသည်တို့ကို ကောင်းစွာ မခံနိုင်ပေ။ အထူးသဖြင့် အအေးဓာတ်၊ ရေခဲရေ သောက်လိုက်လျှင် လျှပ်စစ် ဓာတ်နှင့် အတို့ခံရသကဲ့သို့ သွားတွင် ကျဉ်၍ လာတတ်သည်။

နောက်တဖြည်းဖြည်း သွား၏ အတွင်းလွှာပါ ပျက်စီးလာသောအခါ အတွင်းရှိ အာရုံကြောငယ်များနှင့် ယင်းအက်စစ်ဓာတ်တို့ ထိသွားပြီး အလွန်အမင်း နာကျင်၍အခံရခက်လှသော သွားကိုက်ခြင်းဝေဒနာ ခံစားရလေ သည် ။ ယင်းကဲ့သို့ သွားပိုးစားပြီး သွားကိုက်ခံရခြင်းမှာ လမ်းဘေး သွားပိုးချဆရာ အမည်ခံများ ချပြသော မျက်စိဖြင့် မြင်နိုင်လောက်သည့် ပိုးကောင်မျိုးမဟုတ်ပါ မျက်စိနှင့် မမြင်နိုင်ပါ။

သွားပိုးစားခြင်း အများဆုံး ဖြစ်ပွားလေ့ရှိသော နေရာများမှာ သွားများအတွင်း အစာကပ်၍ တင်ကျန် နေတတ်သော မျက်နှာပြင်များ ဥပမာ-အံသွားအပေါ် မျက်နှာပြင်တွင်ရှိသော ချိုင့်ကလေးများ၊ သွားကြို သွားကြားနှင့် သွားအရင်းတို့တွင် ဖြစ်တတ်ပါသည်။

သွားပိုးစားခြင်းနောက်ဆက်တွဲများ။ သွားပိုးစားခြင်းသည် သွားကိုက်၊ သွားနာခြင်း ဝေဒနာကို ပေးနိုင်သည် သာမက အခြား နောက်ဆက်တွဲ အန္တရာယ်များ ရှိနိုင်သည်။ သွားပိုးစားခြင်းကြောင့် သွားများ အချိန်မတိုင်မီ ကျိုးခြင်း၊ ကျွတ်ထွက်ခြင်းဖြင့် လုံလောက်သော သွားအရေအတွက် မပြည့်စုံသဖြင့် အစာကြေညက်စွာ မဝါးနိုင်ခြင်း၊ သွားများ ချို့ယွင်း၍ အမြင်မလှ အကြည့်ရဆိုးခြင်း၊ သွားကိုက်ခဲနာကျင်ခြင်း၊ အလုပ် ပျက်ခြင်းတို့ ဖြစ်သည် ။

သွားပိုးစားခြင်းမှ ဗက်တီးရီးယားများက သွားအတွင်းပိုင်းရှိ သွေးကြောငယ်များ အတွင်းသို့ ဝင်ရောက်၍ တစ်ကိုယ်လုံး ပျံ့နှံ့ပြီး အပြင်းဖျားခြင်း၊ အဆစ်အမျက်ရောင်ခြင်း၊ နှလုံး အတွင်းသား ရောင်ခြင်း၊ ကျောက်ကပ်ရောင်ခြင်း စသည်တို့ဖြစ်ကာ အာရုံကြောနှင့် မျက်စိကိုလည်း ထိခိုက်စေနိုင်သည်။

သွားကိုက်၊ သွားနာလျှင်။ သွားပိုးစားခြင်းမှ သွားကိုက်သွားနာခြင်း ဖြစ်ပေါ်လာလျှင် ယာယီအားဖြင့် သွားပိုးစားထားသော သွားအခေါင်းပေါက်အတွင်းရှိ ငြိတွယ်နေသော အစာဟောင်းများကို အသာအယာ ဖယ်ထုတ်၍ လည်းကောင်း၊ ပလုတ်ကျင်း၍လည်းကောင်း စင်ကြယ်စေပြီး လေးညှင်းပွင့်၊ လေးညှင်းဆီ သို့မဟုတ် သစ်ကြံပိုးဆီ စသည်တို့ကို ဝါဂွမ်းသန့်သန့်မှာဆွတ်ပြီး အခေါင်း ပေါက်ထဲတွင် ထည့်သွင်းခြင်း၊ အကိုက်အခဲ ပျောက်ဆေး စားခြင်းစသည်တို့ဖြင့် သက်သာစေနိုင်သည်။

အမြဲသွားကောင်းစေရန် သွားဘက်ဆိုင်ရာ ဆရာဝန်ထံပြသပြီး သွားပိုး အခေါင်းကို ပိတ်၍ ကြွေဖာခြင်း၊ သွားပိုးစားခြင်းများလျှင် နုတ်ပစ်ခြင်း၊ ပြန်လည် သွားစိုက်ခြင်းစသည်တို့ ဆောင်ရွက်နိုင်သည်။

သွားကိုက် သွားနာခြင်းမဖြစ်ရန်။ စီးပွားရေး ဖွံ့ဖြိုးပြီးနိုင်ငံတို့တွင် အစိုးရက ကြီးကြပ်၍ သောက်သုံးရေ၌ ဖလိုရိုက်ဓာတ်ဆားကို သင့်လျော်သော အချိုးအဆ (ရေအဆတစ်သန်းလျှင် ဓာတ်ဆားတစ်ဆ) ထည့်ခြင်းဖြင့် သွားပိုးစားခြင်းမှ ကာကွယ်ကြသည်။ ယင်းဓာတ်ဆားက အက်စစ်ဓာတ်၏ တိုက်ဖျက်မှုကို ခုခံပေးသည်။

လွန်ခဲ့သောနှစ်ပေါင်း ၈ဝ လောက်ကတည်းက အမေရိကန် ပြည်ထောင်စုမှာ စတင် အသုံးပြုခဲ့သော ယင်းနည်းကို နိုင်ငံအတော်များများတွင် အသုံးပြုနေကြပါပြီ။ ၁၉၇ဝ ပြည့်နှစ်တွင် ကမ္ဘာ့ကျန်းမာရေး အဖွဲ့ကြီးက ယင်းနည်းသည် လူကို အန္တရာယ် မဖြစ်စေဘဲ အကျိုး ဖြစ်ထွန်းစေကြောင်း တရားဝင် အသိအမှတ် ပြုခံရသည်။ စရိတ်စက အကုန်အကျ အသင့်အတင့်ရှိ၍ မြန်မာနိုင်ငံက မသုံးနိုင်သေးပါ။ ရန်ကုန် ရေပေးဝေရေး စနစ်မှာ ရေအဆ တစ်ကုဋေ၌ တစ်ဆနှုန်းသာ ပါဝင်ပါတယ်။

မှန်ကန်သော သွားတိုက်နည်း။ ခံတွင်းသန့်ရှင်း၍ သွားရောဂါ ကင်းနိုင်စေရန် အဓိကအားဖြင့် မှန်ကန်စွာ သွားတိုက်တတ်ဖို့လိုသည်။ သွားကိုက်ခြင်း၏ အကျိုး သက်ရောက်မှုသည် သွားတိုက်နည်းစနစ်၊ သွားတိုက်သည့်အချိန်၊ သွားတိုက်ဆေးနှင့် သွားပွတ်တံ စသည်တို့အပေါ်တွင် မူတည်သည်။

သွားတိုက်ခြင်းသည် သွားကိုစင်ကြယ်စေ၍ သွားဖုံးကို သန်မာစေကာ ခံတွင်းမှ အနံ့ဆိုးများကိုလည်း ကာကွယ်နိုင်သည်။ သွားတိုက်ဆေးနှင့် သွားပွတ်တံတို့သည် သွားတိုက်ခြင်းတွင် အဓိက အကျဆုံး မဟုတ်သဖြင့် မိမိကြိုက်နှစ်သက်ရာ အနံ့နှင့်ပုံစံကို ရွေးချယ်၍ သုံးနိုင်ပါသည်။ သွားတိုက်ဆေးတွင် ဖလိုရိုက်ဓာတ်ဆာါးဝင်၍ ပိုမို သင့်လျော်သည်။

အဓိက အရေးကြီးသည်မှာ သွားတိုက်နည်းစနစ်နှင့် သွားတိုက်သည့်အချိန် မှန်ကန်ရန် ဖြစ်သည်။ လူအများစုမှာ မှားယွင်းသောနည်းဖြင့် သွားတိုက်လေ့ရှိသည်။ ယင်းမှာ ပါးစပ်တစ်ဖက်မှ အခြားတစ်ဖက်သို့ ကန့်လန့်ဖြတ်တိုက်ကြခြင်း၊ သွားအရင်းကို လွှနဲ့တဖြည်းဖြည်းပွတ် တိုက်သကဲ့သို့ဖြစ်စေသဖြင့် ကြာလျှင်သွားအရင်း၌ ပွန်းပြီး သွားအလွှာများ တိုက်စား သွားစေနိုင်၍ အအေး မခံနိုင်ခြင်းများ ဖြစ်လာစေနိုင်သည်။

မှန်ကန်သော သွားတိုက်နည်းမှာ ပါးစပ်အတွင်းသွား ပွတ်တံနှင့် သွားများ၏ အပြင်၊ အတွင်း၊ အပေါ်၊ ဘေးစသည့်နေရာစုံကို တစ်နေရာတွင် ငါးကြိမ်ခန့် အထက်အောက်ဆွဲတိုက်ရမည်။

ဆား၊ မီးသွေးနှင့် သွားတိုက်ခြင်းသည် မသင့်လျော်လှချေ။ ဆားသည် ကျစ်လျစ်မာကျော၍ ဆားပွင့်များ၌ ထောင့်စွန်းများပါသည်။ အမြဲတမ်းဆားဖြင့် သွားတိုက်ပါက သွားအပေါ်ယံလွှာ ပါးလွှာပြီး ကြာလျှင်အပူ၊ အအေးဒဏ်ကိုမခံနိုင်ဖြစ်လာစေသည်။ ယင်းပြင် တစ်ခါတစ်ရံ သွားဖုံးများကိုပါ ပွန်းမိလျှင် သွားဖုံးမှသွားကိုက်ခြင်း ဖြစ်စေနိုင်သည်။

အမှန်စစ်စစ် နံနက်အိပ်ရာထ သွားတိုက်ခြင်းထက်

ညအိပ်ရာဝင် သွားတိုက်ခြင်းကပို၍ မှန်ကန်သည်။ အိပ်ပျော်နေစဉ်သွားတွင် စားကြွင်း၊ စားကျန်များ ကပ်မနေစေရန်၊ ညအိပ်ရာဝင်ခါနီး မှန်မှန် သွားတိုက်ရန် လိုပါသည်။

သွားဖုံးရောင်ခြင်းမှာ ဗက်တီးရီးယား စထရပ်တိုကော့ကပ်ဖြစ်ရာ ပဋိဇီဝဆေး သောက်သုံးရမည်။ ဝက်ရူးပြန်၊ မျိုးဗီဇကြောင့် သွားဖုံးရောင်ခြင်းနှင့် အကြောင်း တစ်စုံတစ်ရာ မရှိဘဲ ရောင်ခြင်း၊ ပါးစပ်ဖြင့် အသက်ရှူပြီး အိပ်တတ်သူများတွင် ဖြစ်တတ်သည်။ ဟော်မုန်းကြောင့် သွားဖုံးရောင်ခြင်းများမှာ လိင်နှင့် ပတ်သက်ပြီး ပြောင်းလဲသော ဟော်မုန်း ဓာတ်ကြောင့်လည်းကောင်း၊ ကိုယ်ဝန်ဆောင် အမျိုးသမီးများတွင် လည်းကောင်း၊ မီးယပ်လာသော အခါတွင် လည်းကောင်း၊ ပဋိသန္ဓေ တားဆေး စားသော အမျိုးသမီးများ တွင် လည်းကောင်း သွားဖုံးရောင်တတ်ပါသည်။

သွားဖုံးထိပ်များရိပြီး သွားဖုံးရောင်ရောဂါတွင် ဗီပရီယို၊ ဘက်စလပ်ဖြူဖော်မင်နှင့် စပိုင်ရိုကီဘာ ဗင်စီတီကြောင့်ဖြစ်သည်။ ယင်းသွားဖုံး ရောဂါဖြစ်သူသည် ဖျားခြင်း၊ မအီမသာ ဖြစ်ခြင်း၊ သွားဖုံးများ နီမြန်းပြီး ရောင်ခြင်းများ ဖြစ်တတ်သည်။ သွေးများ ထွက်လာတတ်သည်။ နာလည်းနာပြီး သွားများကြားရှိ သွားဖုံးထိပ်များရိပြီး ချိုင့်ဝင်နေတတ်လျက် သွေးစို့နေသည်။ ခံတွင်းမှ အာပုပ်နံ့ထွက်တတ်သည်။ အချိန်မီ ဂရုတစိုက် မကုသပါက ရောဂါပြန့်ပွားပြီး ပါးပေါက်သွားခြင်း၊ မေးရိုးပုပ်ခြင်းများ ဖြစ်ပြီး အသက်ကို အန္တရာယ် ဖြစ်စေနိုင်သည်။

သွားဖုံးရောင် ကုသနည်းမှာ အနားယူခြင်းနှင့် အရည်များများ သောက်ပေးရန် လိုသည်။ ခံတွင်းကို ဗက်တီးရီးယားနိုင်သည့် ဆေးရည်မရပါက ဆားရည်နွေးဖြင့် ဆေးကြောပေးခြင်း၊ သွားဝန်းကျင်ကို သွားခြစ် ကိရိယာဖြင့် သန့်ရှင်းအောင် ခြစ်ပေးခြင်းများ ပြုလုပ်နိုင်သည်။

အချို့ ပဋိဇီဝဆေး၊ အနာကိုက်ခဲ ဆေးများက သွားဖုံးရောင်ခြင်း၊ သွားကိုက်ခြင်း ကုသနိုင်သည်။

အလွန် အခံရခက်လှသော သွားကိုက်၊ သွားနာ ဝေဒနာဆိုးသည် သွားပိုးစားခြင်းကြောင့် ဖြစ်သည်။ တစ်ဖန် သွားပိုးစားရခြင်းသည် ခံတွင်း မသန့်ရှင်းမှုကြောင့် အဓိကဖြစ်၏။ အစာစားပြီးတိုင်း ဖလိုရိုက်ပါတဲ့ သွားတိုက်ဆေးနှင့် သွားတိုက်ပေးခြင်း၊ ဆားရည်နှင့် ပလုတ်ကျင်းခြင်း၊ ခံတွင်းသန့်ရှင်းအောင် ထားခြင်းတို့ ဆောင်ရွက်ရ ပါမည်။

သွားကိုက်၊ သွားနာ၊ သွားဖုံးရောင်ဝေဒနာဆိုး၊ သွားပိုးစားခြင်း ရောဂါစသည်တို့ မဖြစ်ရအောင် နေ့စဉ်မနက်နှင့် ည(အနည်းဆုံး) နှစ်ကြိမ် သွားတိုက်သင့်ပါသည်။ အစာစားပြီးတိုင်း သွား မတိုက်နိုင်ပါက၊ သွားကြားရှိ အစာများ ဖယ်ရှားခြင်း၊ ဆားရည်နှင့် ပလုတ်ကျင်းခြင်း ရိုးရိုးရေနှင့် ပလုတ်ကျင်းခြင်းများ ဆောင်ရွက်နိုင်သည်။

အချိုစာ၊ အသားများ လျှော့စားပြီး ဟင်းသီးဟင်းရွက်၊ သစ်သီးများများ စားကာ ခံတွင်း သန့်ရှင်းရေးကို အစဉ် ဂရုပြုရန် လိုပါသည်။ ။

ဒေါက်တာလွင်သန့်
မြ၀တီ
https://www.facebook.com/pg/mwdmedia

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ