ကိုယ်ဝန်ဆောင် မိခင်လောင်းများသည် သာမန်လူများကဲ့သို့ပင် တစ်ခါတစ်ရံ အနာရောဂါဝေဒနာများကို ခံစားရလေ့ ရှိကြသည်။ ထိုရောဂါများသက်သာပျောက်ကင်းစေရန် ဆေးဝါးများကို မှီဝဲရလေ့ရှိသည်။ ဆေးဝါးဆိုသည်မှာ လည်း ဘေးထွက်ဆိုးကျိုးများအနည်းနှင့် အများဆိုသလိုပင် ရှိတတ်ကြသည်။ ကိုယ်ဝန်လွယ်ထားခြင်းမရှိ သောသူများအဖို့ မှီဝဲလိုက်သော ဆေးဝါးများ၏ဘေးထွက်ဆိုးကျိုးများကို တစ်ဦးတည်းခံစားရလေ့ရှိသော် လည်းကိုယ်ဝန်ဆောင် မိခင်လောင်းများအဖို့ မိမိအတွက်သာမက သန္ဓေသားလောင်းအတွက်ကိုပါ ထည့်သွင်း
စဉ်းစားရလေ့ရှိသည်။ အချို့ဆေးဝါးများ၏ ဘေးထွက်ဆိုးကျိုးများမှာ အရွယ်ရောက်ပြီးသူ တစ်ဦးအဖို့ မထောင်းသာလှသော်လည်း နုနယ်သေးသော သန္ဓေသားလောင်းအတွက်မူ ကြီးမားသော ဘေးဒုက္ခအန္တရာယ်များကို ကျရောက်စေနိုင်သည်။
ကိုယ်ဝန်ဆောင်နေစဉ်တွင် ဆေးဝါးများကို သုံးစွဲရန် လိုအပ်လာသည့်အခါ ဆရာဝန်နှင့် ပြသတိုင်ပင်ပြီးမှသာ သုံးစွဲသင့်သည်ဟု သတ်မှတ်ချက်ရှိသော်လည်း ဝေဒနာခံစားရချိန်တွင်လက်လှမ်းမီသော ဆေးဝါးများကို အ လွယ်တကူ ယူငင်သုံးစွဲလေ့ရှိတတ်ကြသည်။ ပို၍ဆိုးရွားသည်မှာ ဆေးဝါးနှင့်ပတ်သက်ပြီးတီးခေါက်မိ အဆင့် လောက်သာသိကျွမ်းထားသော သူများရောင်းချပေးသည့်''စပ်ဆေးများ'' ကိုဝယ်ယူသုံးစွဲခြင်းပင်။ ထိုအခါ လွယ် ထားရသော ရင်သွေးအတွက် ထိခိုက်မှုများရှိလာနိုင်ပါသည်။ ဆေးဝါးများမှာလည်း အမျိုးအစားပေါ်မူတည်၍ ကိုယ်ဝန်ဆောင်နေစဉ်တွင် လုံးဝရှောင်ကြဉ်ရမည့် ဆေးဝါးများ၊ဘေးထွက် ဆိုးကျိုးများ အထိုက်အလျောက်ရှိ သော်လည်း ရောဂါအတွက် လိုအပ်သဖြင့် သတိထား၍ သုံးစွဲရမည့်ဆေးဝါးများနှင့် မိခင်ရောကလေးအတွက်ပါ ဘေးအန္တရာယ် ထိခိုက်မှုနည်းပါးသဖြင့် သုံးစွဲနိုင်သော ဆေးဝါးများဟူ၍ ခွဲခြားနိုင်သည်။
ကိုယ်ဝန်ဆောင်သည့် ကာလမှာ ကိုးလဖြစ်ပြီး ဆယ်လမြောက်တွင်ဖွားမြင်ပါသည်။ ထို့ကြောင့်လည်း ကိုးလ လွယ်ပြီးဆယ်လတွင် ဖွားသည်ဟု ပြောစမှတ်ပြုကြခြင်းဖြစ်ပါသည်။ ကိုယ်ဝန်ဆောင်ကာလ ကိုးလကို သုံးလစီ အညီအမျှပိုင်းခြားပြီး ပထမသုံးလ၊ ဒုတိယသုံးလနှင့် တတိယသုံးလဟူ၍ သတ်မှတ်နိုင်ပါသည်။ သန္ဓေသား အတွက် အန္တရာယ်ရှိနိုင်သော ဆေးဝါးများကို ကိုယ်ဝန်ဆောင် ကာလပထမသုံးလတွင် သောက်မိပါက ကိုယ် လက်အင်္ဂါ စုံလင်မှုမရှိသော ရင်သွေးမွေးဖွားလာနိုင်ပြီး ကိုယ်ဝန်ဆောင်ကာလ ဒုတိယနှင့် တတိယသုံးလ တို့တွင် မှီဝဲမိပါက ရင်သွေး၏ ကြီးထွားဖွံ့ဖြိုးမှုတို့ကို ထိခိုက်စေနိုင်သည်။
ကိုယ်ဝန်ဆောင်ချိန်တွင် အကြောင်းအမျိုးမျိုးကြောင့် သုံးစွဲရသော ဆေးဝါးများ၏ သန္ဓေသားအပေါ်ထိခိုက်နိုင်မှု နှင့်ပတ်သက်၍ သတ်မှတ်ချက်အမျိုးအစား အေ၊ ဘီ၊စီ၊ဒီနှင့် အိပ်စ်ဟူ၍ ငါးမျိုးခွဲခြား သတ်မှတ်ဖော်ပြလေ့ရှိ ပါသည။် အမျိုးအစားအေ ဆိုသည်မှာ ရင်သွေးကို ထိခိုက်စေသည့် အထောက်အထားမတွေ့ရှိရသော ဆေးဝါး အမျိုးအစားဖြစ်သည်။ အမျိုးအစားဘီ ဆေးဝါးများမှာ ရင်သွေးကိုထိခိုက်စေမှု ရှိ/မရှိမသေချာသေးသော အမျိုး အစားဖြစ်သည်။ အမျိုးအစားစီ မှာမူ တိရစ္ဆာန်များကို စမ်းသပ်ကြည့်ရာတွင် ၎င်းတို့၏ရင်သွေးများအပေါ် ထိခိုက်သည်ကိုတွေ့ရှိရသော်လည်း ကိုယ်ဝန်ဆောင်အမျိုးသမီးများတွင် စမ်းသပ်မှုမပြုလုပ်ရသေးသော ဆေးဝါးအမျိုး
အစားဖြစ်သည်။ အမျိုးအစားဒီ မှာ ရင်သွေးအပေါ် အန္တရာယ်ရှိနိုင်သော်လည်း မိခင်၏ကျန်းမာရေးအတွက် လိုအပ်ပါကသုံးစွဲသင့်သော ဆေးဝါး အမျိုးအစားဖြစ်သည်။ အမျိုးအစား အိပ်စ် ရင်သွေးအပေါ် ဆိုးရွားစွာ ထိ ခိုက်နိုင်သောကြောင့် ကိုယ်ဝန်ဆောင် အမျိုးသမီးများ ရှောင်ရှားရမည့် ဆေးဝါးများဖြစ်ကြသည်။
အကြမ်းဖျင်းအားဖြင့်ဆိုရပါမူ အောက်ဖော်ပြပါ ဆေးဝါးများကို ကိုယ်ဝန်ဆောင်နေစဉ် ရှောင်ကြဉ်သင့်လှ ပေသည်-
(က) အကိုက်အခဲပျောက်ဆေးများ။ ။အကိုက်အခဲပျောက်ဆေးများတွင် အက်စပရင်၊ ဘာစပရို၊အင်ဒိုမီသာဇင်၊ ဒိုင်ကလိုဖင့်နစ်နှင့် အိုင်ဗျူပရိုဖင်စသည်တို့ပါဝင်သည်။ ၎င်းတို့ကို ကိုယ်ဝန်ဆောင်ကာလ တတိယသုံးလတွင် သောက်သုံးပါက ရင်သွေး၏နှလုံးနှင့် သွေးကြောဖွဲ့စည်းမှုများကို ထိခိုက်စေနိုင်သောကြောင့် မွေးရာပါနှလုံး ရောဂါကို ဖြစ်စေနိုင်သည်။Danazo 1 ခေါ်အကိုက်အခဲကို သက်သာစေသောဆေးမှာမူ မိန်းကလေးရင်သွေး များ၏ လိင်အင်္ဂါဖွဲ့စည်းဖြစ်ပေါ် ဖွံ့ဖြိုးမှုကို ထိခိုက်စေနိုင်သည်။ ၎င်းတို့မှာ ဒီဆေးဝါးအမျိုးအစားတွင် ပါဝင် သည်။
( ခ ) ပဋဇိဝ ဆေးဝါးများ။ ။ တက်ထရာဆိုင်ကလင်းဆေးသည် ရင်သွေး၏ အရိုးများအတွင်းသို့ ဝင်ရောက်ပြီး ဖွံ့ဖြိုးကြီးထွားမှုကို ထိခိုက်စေသည်။ ထို့ပြင်မွေးဖွားပြီးနောက် သွားပေါက်လာသော အရွယ်တွင်သွားများမှာ ဖြူဖွေးမှုမရှိဘဲဝါ ကြန့်ကြန့်ဖြစ်ခြင်း သို့မဟုတ် သွားပေါက်မှု မမှန်ကန်ခြင်းတို့ဖြစ်စေနိုင်ပါသည်။ ကိုယ်ဝန် ဆောင်ကာလ ဒုတိယနှင့် တတိယသုံးလတို့တွင် သုံးစွဲပါက ရင်သွေးကိုထိခိုက်နိုင်မှုပိုမိုသည်ဟုဆသိုသည်။ ၎င်းမှာ ဒီဆေးဝါး အစားဖြစ်ပါသည်။ အခြားရှောင်ကြဉ်သင့်သည့် ပဋိဇီဝဆေးဝါးများမှာ ဆာလ်ဖာပါသော ဆေး ဝါးများ (အထူးသဖြင့် ကိုယ်ဝန်ဆောင်ကာလ တတိယသုံးလတွင် ရှောင်ကြဉ်ရပါမည်)၊ ဂျင်တာမိုင်ဆင်ကဲ့သို့ သော အမိုင်နိုဂလိုက်ကို ဆိုက်ဆေးများနှင့် စီဖရမ်၊ နော်ဘက်တင်ဆေးဝါးများ ဖြစ်ကြသည်။
( ဂ ) ဗိုက်နာဗိုက်အောင့် ပျောက်ဆေးများ ။ ။အလွယ်တကူ ဝယ်ယူသုံးစွဲနိုင်သော ဗိုက်အောင့် ပျောက်ဆေးများ တွင် Cimetidine ဆိုသည့် ဆေးဝါးကိုရှောင်ကြဉ်ရပါမည်။ အဘယ်ကြောင့် မူမွေးဖွားလာမည့် ရင်သွေးငယ်၏ အာရုံကြောဆိုင်ရာ ဖွံ့ဖြိုးတိုးတက်မှုကို ထိခိုက်စေသောကြောင့်ပင်။ အခြားအစာအိမ်အနာ ပျောက်ဆေးများဖြစ် ကြသော မဂ္ဂနီစီယမ်၊ အလူမီနီယံ၊ ဂျဲလ်မက်နှင့် Bisthmus ဆေးတို့မှာမူ ရင်သွေးငယ်ကို မထိခိုက်စေနိုင်သော ကြောင့် သောက်သုံး၍ရပါသည်။
(ဃ) သွေးအတွင်း အဆီဓါတ်ကိုကျဆင်းစေသောဆေးဝါးများ။ ။ အထူးသဖြင့် Statins ဆေးများဖြစ်ကြသည်။ မိခင်၏သွေးမှ ရရှိမည့် ကိုလက်စထရောအပါအဝင် အဆီဓာတ်သည် ရင်သွေးငယ်၏ ကြီးထွားဖွံ့ဖြိုးမှုအတွက် လိုအပ်သောကြောင့် သွေးအတွင်း အဆီဓာတ်လျော့နည်း ကျဆင်းနေပါက ရင်သွေးငယ်၏ ကိုယ်အင်္ဂါ အစိတ် အပိုင်းများ ဖွံ့ဖြိုးမှုကို ဟန့်တားနှောင့်ယှက်စေနိုင်ပါသည်။
( င ) ဗီတာမင်အေဓာတ် ပါဝင်သော ဆေးဝါးများ။ ။ မိခင်၏သွေးထဲတွင် ဗီတာမင်အေဓာတ် ပါဝင်မှု များပြားပါ ကမွေးလာမည့် ရင်သွေးငယ်တွင် နှလုံးဖွဲ့စည်းမှု မမှန်ကန်ခြင်း၊ ဦးခေါင်းအရွယ် အစားသေးခြင်းနှင့် ကိုယ် လက်အင်္ဂါဖွဲ့စည်းမှု မမှန်ကန်ခြင်းတို့နှင့် ရင်ဆိုင်ကြုံတွေ့နိုင်သည်။ ထို့ကြောင့်ကိုယ်ဝန်ဆောင်နေစဉ် ဗီတာမင် အေဆေးဝါးနှင့် ဗီတာမင်အေ ပါဝင်မှုများသော ငါးကြီးဆီကို ရှောင်ကြဉ်သင့်ပါသည်။ ဖောလစ် အက်စစ်အပါ အဝင် အခြားဗီတာမင်များကိုမူ သောက်သုံးပေးရပါမည်။
( စ ) အိပ်ဆေးဒိုင်ယာဆီပင်။ ။ ဒိုင်ယာဆီပင်နှင့် ၎င်းအမျိုးအစားအိပ်ဆေးများကို ကိုယ်ဝန်ဆောင်စဉ်မှီဝဲပါက မွေးလာမည့်ရင်သွေးတွင် နှုတ်ခမ်းကွဲ၊ အာခေါင်ကွဲပါလာနိုင်ပါသည်။
(ဆ) စိတ်ကြွဆေးဝါးများ။ ။ ၎င်းဆေးအမျိုးအစားတွင် အမ်ဖီတမင်းနှင့်မက်အမ်ဖီတမင်းတို့ ပါဝင်ကြပါသည်။ ထိုဆေးများကိုသုံးစွဲသူ မိခင်၏စားသောက်ချင်စိတ်ကို လျော့ပါးစေသောကြောင့် မိခင်ရောရင်သွေးမှာ ပါအာ ဟာရချို့တဲ့မှုနှင့် ရင်ဆိုင်ကြုံတွေ့ ရနိုင်ပါသည်။ ထို့ပြင်မွေးဖွားလာပါက ရင်သွေးပေါင်ချိန် မပြည့်ခြင်း၊ ဦးခေါင်း သေးခြင်း၊နှလုံးဖွဲ့စည်းမှုမမှန်ခြင်း၊ နှုတ်ခမ်းကွဲ၊ အာခေါင်ကွဲခြင်းစသည်တို့နှင့် ကြုံတွေ့ရနိုင်သည်။ ကလေးပျက် ကျခြင်းနှင့် ကလေးအသေမွေးဖွားခြင်းတို့နှင့်လည်း ကြုံတွေ့ရနိုင်သည်။ ထိုဆေးဝါးများသည် တားမြစ်ဆေးများ ဖြစ်ကြသည့်အတွက် လက်ဝယ်သိမ်းဆည်းခံရပါက ရာဇဝတ်ပြစ်မှုမြောက်သည်။
အထက်တွင် ဖော်ပြခဲ့သော ဆေးဝါးများအပြင် အရက်နှင့်ဆေးလိပ်တို့ကိုလည်း ကိုယ်ဝန်ဆောင်နေစဉ်တွင် သောက်သုံးခြင်း မပြုလုပ်သင့်ပေ။ ကိုယ်ဝန်ဆောင်စဉ်တွင် ရင်သွေးထိခိုက်ခြင်းမရှိအောင် သောက်သုံးနိုင်သည့်
အရက်ပမာဏနှင့် ပတ်သက်၍ တိကျစွာ သတ်မှတ်နိုင်ခြင်း မရှိသောကြောင့် ရှောင်ကြဉ်နိုင်လျှင် အကောင်း ဆုံးဖြစ်သည်။ အရက်အလွန်အကျွံသောက်သော မိခင်ကမွေးဖွားလာမည့် ရင်သွေးမှာ ဦးနှောက်ဖွံ့ဖြိုးမှု အား နည်းခြင်း၊ဥာဏ်ရည်ဥာဏ်သွေး ထိခိုက်ခြင်း၊ ဦးခေါင်းသေးခြင်း၊ မျက်လုံးပေါက်ကျဉ်းခြင်းနှင့် ကိုယ်ခန္ဓာ ကြုံလှီ ခြင်းတို့ ဖြစ်ပွားနိုင်သည်။ မွေးဖွားပြီးသည့် နောက်တွင် ကလေးမှာ အရက်ကြောင်သည့် ဝေဒနာကိုလည်း ခံစားရနိုင်သည်။၎င်းကြီးပြင်းလာပါက အရက်သမားဖြစ်ရန်အလားအလာ များပြားသွားပါတော့သည်။
ဆေးလိပ်သောက်ရာတွင် မိမိကိုယ်တိုင်သောက်ခြင်းနှင့် အခြားဆေးလိပ်သောက်သူမှ ရှူထုတ်လိုက်သော ဆေး လိပ်ငွေ့ကိုရှူရှိုက်ခြင်းတို့ပါဝင်သည်။ ထို့ပြင် third hand smoking ဟုခေါ်သော မီးမငြှိမ်းဘဲစွန့်ပစ်ထားသည့် ဆေးလိပ်အစီခံမီးလောင်ရာမှ ထွက်ပေါ်လာသောအငွေ့ကို ရှူရှိုက်ခြင်းလည်းပါဝင်သည်။ ဆေးလိပ်သောက် ခြင်းသို့မဟုတ် ဆေးလိပ်ငွေ့ကို ရှူရှိုက်မိသောကိုယ်ဝန်ဆောင်မိခင်တွင် ကလေးပျက်ကျခြင်း၊ ရက်လမစေ့ဘဲကလေးမွေးဖွားခြင်း၊ ပေါင်ချိန်မပြည့်သောရင်သွေးကို မွေးဖွားခြင်း၊ အချိန်မတိုင်မီ အချင်းကွာ၍ သွေးဆင်းခြင်းနှင့်အချင်းရှေ့ရောက်ကာ မွေးလမ်းကြောင်းကို ပိတ်ဆို့ခြင်းတို့နှင့် ရင်ဆိုင်ကြုံတွေ့ရနိုင်သည်။ ၎င်းကလေးများ
ကြီးပြင်းလာသောအခါ ပန်းနာရင်ကျပ် ဝေဒနာကို ခံစားရနိုင်သည်။
အထက်တွင်ဖော်ပြခဲ့သော ကိုယ်ဝန်ဆောင်စဉ် ရှောင်ကြဉ်သင့်သည့် ဆေးဝါးများမှာ အသုံးပြုလေ့ရှိသော ဆေး ဝါးများကိုသာ အကြမ်းဖျင်း ဖော်ပြထားခြင်းဖြစ်ပါသည်။
အထက်ပါအချက်များကို သတိမူပြီးသည့်နောက် အကောင်းဆုံး နည်းလမ်းမှာ ဆေးတစ်မျိုးကို မသောက်သုံး မီနားလည် တတ်ကျွမ်းသော ဆေးဘက်ပညာရှင်များနှင့် တိုင်ပင်ကာ အကြံဥာဏ်များ ရယူသင့်ပါကြောင်း ရေး သားလိုက်ရပေသည်။ ။
ဒေါက်တာမင်းစိုးဦး
မြဝတီ
https://www.facebook.com/pg/mwdwebportal
