၁။ ဆရာရှင့် သမီးကိုယ်ဝန် ငါးလခွဲရှိပါပြီ။ ဆေးခန်းက antibiotics ပေးရင်းနဲ့ ၁နာရီခြားရင် probiotics တနေ့နှစ်ကြိမ် သောက်ဖို့ပါပေးပါတယ်။ အခု antibiotics ကပြီးသွားပါပြီ။ protexin probiotics ကြီးပဲ ဆက်သောက်လို့ ရ မရ သိချင်ပါတယ်။
၂။ ဆရာမင်္ဂလာပါရှင်။ သမီးက့့ မြို့မှာ နေပါတယ်ဆရာ။ သားနှစ်ယောက်ရှိပါတယ်။ အခုသိချင်တာက probiotic အကြောင်းပါဆရာ။ ကလေးငယ်တွေကို တိုက်လို့ရပါသလားဆရာ။ ကိုယ်ခံအားကောင်းတယ်လို့ကြားလို့ပါ။ သားကြီး ဝမ်းကိုက်တုန်းကတော့ တခါတိုက်ဖူးပါတယ်ဆရာ။ ဆေးရဲ့အကျိုးအာနိသင်ကို သိပါရစေရှင့်။
၃။ ဆရာ Bioflor က ဘာအတွက်ပိုကောင်းပါသလည်းရှင့်။ သူကဝမ်းပိတ်ဆေးလား ဓာတ်ဆားလားမသိလို့ပါ။
(ပရိုဘိုင်အောတစ်) ဆိုတာ အစာလမ်းကြောင်းမှာ ရှိနေကြတဲ့ ဗက်တီးရီးယားအကောင်းတွေနဲ့ (ပရိုဘိုင်အောတစ် ယိစ်) တွေကိုခေါ်တယ်။ ကျန်းမာရေးအတွက် ကောင်းစေတယ်။ အထူးသဖြင့် အစာခြေရာမှာအသုံးကျတယ်။ ကိုယ်ထဲမှာလည်း ရှိနေတယ်။ အစားအသောက်တွေထဲမှာလည်းပါနေတယ်။ အစားအသောက် တွေကနေ ဆေးအဖြစ်ထုတ်တယ်။ ဒါ့အပြင် အစာတွေကနေ ကင်ဆာဖြစ်စေမှာကိုလဲ တားနိုင်တယ်လို့ ဆိုပါတယ်။ ဇီဝ-ဓါတုဗေဒလိုပြောရရင် b-glucuronidase နဲ့ Nitro-reductase ခေါ်တဲ့ (အင်ဇိုင်းမ်) တွေကနေ ကင်ဆာဖြစ်စေမှာမျိုး ပြောင်းလဲ မသွားစေဘို့ရာ လုပ်ပေးနိုင်တယ်။ ကိုယ်ခန္ဓာရဲ့ ခုခံအားစနစ်တခုထဲကနေ ဒီတာဝန်ယူနေရတာကို ဒါတွေကနေ အကူညီပေးတယ်။
Bioflor ဆိုတာ Probiotics (ပရိုဘိုင်အောတစ်) လို့ခေါ်တဲ့ဆေးဖြစ်တယ်။ မိတ်ဆွေပိုးတွေပါတယ်။ yeast (Bioflor) ယိစ်တွေနဲ့ ဗက်တီးရီးယားတွေ (lactobacillus, bifidobacterium) ပါတယ် ။ လူတွေ အစာလမ်းထဲမှာ အလိုလို ရှိနေတဲ့ပိုးတွေဖြစ်တယ်။ ဝမ်းပျက်တာ၊ irritable bowel အူမငြိမ်ရောဂါတွေဖြစ်ရင်ပေးတယ် ။ နှင်းကူနာ၊ မွေးလမ်း မှိုပိုးဝင်တာ၊ လက်တို့စ်နဲ့မတည့်တာ၊ ဆီးလမ်းပိုးဝင်တာတွေအတွက်လည်း ပေးတယ်။ ရောဂတ် ခေါ် ဒိန်ချဉ်၊ နို့၊ သစ်သီးရည်၊ ပဲပုပ် အစားအစာတွေမှာပါတယ်။ FDA ကနေ စိတ်ချရမှုနဲ့ ထိရောက်မှုကို လေ့လာမှုမလုပ်သေးပါ။
ရောဂါအတွက် (အင်တီဘိုင်အောတစ်) ခေါ် ပဋိဇီဝဆေးသောက်ရရင် ကိုယ်မှာရှိနေတဲ့ ဗက်တီးရီးယား အကောင်းတွေကိုပါ သေစေတယ်။ အဲလိုအချိန်မှာ (ပရိုဘိုင်အောတစ်) ကနေအစားထိုးလုပ်ပေးမယ်။ (ပရိုဘိုင်အောတစ်) ကနေ ဆိုးတဲ့ဗက်တီးရီးယားတွေကိုနည်းစေနိုင်တယ်။ အဲတာကြောင့် အဆိုး-အကောင်း မျှနေမှသာကျန်းမာမယ်။
အမျိုးအစား (၂) မျိုးရှိတယ်။
(၁) Lactobacillus (လက်တိုဗက်ဆဲလပ်စ်) အမျိုးကအများဆုံးတွေ့ရတယ်။ Yogurt ရောဂတ်နဲ့ Fermented foods ဖါမင့်ဖြစ်အောင်လုပ်ထားတဲ့အစားအစာတွေမှာပါတယ်။ ဝမ်းလျှောတာကို သက်သာစေတယ် ။ နို့ထဲမှာပါတဲ့ lactose လက်တို့စ်သကြားဓါတ်ကို မခံနိုင်သူတွေ အတွက် လည်းကောင်းတယ် ။
(၂) Bifidobacterium ဘိုင်ဖစ်ဒိုဗက်တီးရီးယမ်ဆိုတာက တချို့နို့ထွက်အစားအသောက်တွေထဲမှာပါတယ်။
အသုံးတည့်တဲ့ရောဂါတွေကတော့ Irritable bowel syndrome အူမငြိမ်ရောဂါ Inflammatory bowel disease (IBD) အူရောင်ရောဂါ၊ Infectious diarrhea ပိုးတွေကြောင့်ဖြစ်တဲ့ ဝမ်လျှောရောဂါနဲ့ Antibiotic-related diarrhea ပိုးသေဆေးကြောင့်ဖြစ်တဲ့ ဝမ်းလျှောရောဂါတွေဖြစ်တယ်။
တချို့သုတေသနတွေအရ အစာလမ်းကြောင်းနဲ့မဆိုင်တဲ့ရောဂါတွေအတွက်လည်း ကောင်းစေတယ်လို့သိရတယ်။ နှင်းကူနာ၊ ဆီးလမ်းနဲ့ အမျိုးသမီးလိင်အင်္ဂါလမ်း၊ အလာဂျီနဲ့ အအေးမိခြင်း၊ ခံတွင်းကျန်းမာရေး။
အမျိုးသမီးတွေရဲ့ ဗဂျိုင်းနားထဲမှာ ပုံမှန်အားဖြင့် ဗက်တီးရီယားတွေရှိတယ်။ ပဋိဇီဝဆေးသောက်ရရင်ဖြစ်ဖြစ်၊ ပိုးသေဆေးပါ သန့်ရှင်းရေးဆေးရည်တွေ မလိုအပ်ပဲသုံးတာကြောင့်ဖြစ်ဖြစ် ပုံမှန် ဗက်တီးရီးယားတွေ ကိုပါ သေစေမယ်။ အဲဒီအချိန်မှာ ဖန်းဂတ်စ်ခေါ် မှိုပိုးဝင်လာတတ်တယ်။ အဖြူဆင်းတာဖြစ်မယ်။
တချို့မှာ (ပရိုဘိုင်အောတစ်) သောက်ရင် ဗိုက်ကယ်၊ လေပွနေတယ်။ သောက်ကာစမှာအဲလိုဖြစ်ပြီး မဖြစ်တာလည်း ရှိတယ်။ တချို့မှာ အလာဂျီရတယ်။ အဲတာဆိုဘယ်တော့မှ မသောက်ပါနဲ့။
FDA စည်းကမ်းအရ Probiotics ကို ဖြည့်စွက်အစားအသောက်စာရင်းထဲမှာ ထည့်ထားတယ် ။ ဆေးဝါး မဟုတ်ပါ ။ ဆေးတွေလို အသိအမှတ်ပြုရယူစရာမလိုပါ။ အဲတာကြောင့် စိတ်ချရမှုအတိုင်းအတာက အကန့်သတ်သာရှိလို့ ကြော်ငြာကောင်းတိုင်း စိတ်ချရတယ်လို့မထင်သင့်ပါ။ ကိုယ်ဝန်ဆောင်အားဆေး မဟုတ်ပါ။
ဒေါက်တာတင့်ဆွေ
https://www.facebook.com/drtintswe
