ဆရာရှင့် ကျွန်မအသက် ၂၉ ပါ။အိမ်ထောင်ကျတာ ၁ နှစ်ရှိပါပြီ ။ ၂ လ မာဘလွန် တားဆေးစားခဲ့ပါတယ် ။ ဆေးဖြတ်ပြီး ခုထိကလေးမရသေးပါဘူးရှင့် ။ဆေးစစ်ကြည့်တော့လည်း အမျိုးသားရော ၂ ယောက်လုံး ကောင်းပါတယ် ။ ရာသီလည်း ပုံမှန်ပါဘဲ။ ovulation test kit နဲ့စမ်းတော့လည်း လတိုင်းသားဥကြွေပါတယ်ရှင့်။ folic acid စားနေတာလည်း ၅ လ တောင်ရှိပါပြီရှင့်။ ခုသားဥပြွန်နဲ့ဝမ်းခေါင်းထဲ သုက်ပိုးတိုက်ရိုက်ထည့်နည်းဆိုတဲ့ IUTPI ဆိုတဲ့နည်း လုပ်နေကြပါတယ်ဆရာ။ အဲနည်းနဲ့လုပ်သင့်ပါလားဆရာ။အဲနည်းရဲ့ side effect တွေများပါလားဆရာ။
၂။ ဆရာဖန်ပြွန်သန္ဓေသားနဲ့ပက်သက်လို့ စုံစုံလင်လင်သိချင်ပါတယ်ရှင့်။
၃။ မင်္ဂလာပါဆရာ။ သမီး ဆရာ့ကို မေးစရာလေးရှိလို့ပါ။ IUI and IUTPI နှစ်ခုမှာ ဘယ်တစ်ခုက ပိုပြီး အောင်မြင်ပါလဲဆရာ။ ပြီးတော့ နာတာကျင်တာကရော ဘယ်တစ်ခုကိုပိုပြီး ရှိပါလဲဆရာ။ သမီးက အဲဒီနှစ်ခုလုပ်မှ ရတော့မှာမို့လို့ပါရှင်။
Standard IUI သုံးနေကျ စံချိန်ကိုက်နည်း
Ovarian stimulation ဆိုတဲ့ မျိုးဥထွက်အောင်လုပ်ပေးတာနဲ့အတူ သုက်ပိုးကို အပြင်ကနေစီမံပြီး စနစ်တကျ ထည့်နည်း ဖြစ်တယ်။ ၁၅ နှစ်သက်တမ်းရှည်ပြီ။ ပဌမဆုံးရွေးကြတဲ့နည်းလဲဖြစ်တယ်။ IVF နည်းထက် ၂ ဆပိုပြီး ရလဒ်ထွက်တယ်။ ပိုမြန်တယ်။ နာတာလဲသက်သာတယ်။ မေံဆေးမလိုတတ်ဘူး။ WHO နဲ့ဆေးသိပ္ပံစာတမ်းတွေအရ Sperm insemination သုက်ပိုးထည့်ပေးခြင်းကို IVF နည်း ၆ ကြိမ်နဲ့ မအောင်မြင်မှ ဒီနည်းကို ဆက်သွားတယ်။ Gonadotrophins ဟော်မုန်းဆေး ထိုးတာကလည်း ၄ ရက်သာလိုတာမို့ IVF ထက်နည်းတယ်။
Insemination သုက်ရည်ထည့်တာကို hCG (Pregnyl or Profasi) ဆေးပေးပြီးနောက် ၂၄-၃၆ နာရီအကြာမှာ လုပ်တယ်။ သူ့ခင်ပွန်းဆီကနေ သုပ်ပိုးထုတ်စေမယ်။ ဒိနောက် Sperm preparation procedure ပြင်ဆင်မှုလုပ်တယ်။ Motile spermatozoa တွေကိုစုယူမယ်။ Prostaglandins အပြင် Inflammatory factors နဲ့ Antigenic proteins တွေကို ဖယ်ထုတ်ပြစ်မယ်။ Dead သေနေတာ၊ Damaged ပျက်စီးနေတာနဲ့ Abnormal spermatozoa ပုံစံမမှန်တောတွေလဲ ဖယ်ထားတယ်။
ဒါ့အပြင် Leukocytes သွေးဖြူဥတွေ၊ Immature germ cells တွေ၊ Bacteria ဗက်တီးရီးယားတွေ၊ တခြား White blood cells သွေးဖြူဥတွေနဲ့ Cellular debris အစအနတွေကိုပါ ဖယ်ရှားမယ်။ Insemination ကို Catheter ပိုက်အပျော့စားလေးနဲ့လုပ်တယ်။ Prepared sperm ပြုပြင်ထားပြီးသာ သုက်ရည် 0.5ml ကိုထည့်သွင်းပေးမယ်။ ထည့်သွင်းပြီးနောက်မှာ Progesterone ဟော်မုန်းစားဆေး ၁၄ ရက်သောက်ရမယ်။ Luteal phase အဆင့်ကိုပိုကောင်းစေဘို့ဖြစ်တယ်။ ၁၄ ရက်အကြာမှာ Pregnancy ကိုယ်ဝန်ကို Blood test သွေးစစ်ပြီးစစ်ဆေးမယ်။
IUTPI = Intra Uterine Tubo Peritoneal Insemination
နည်းသစ်ကို L. Mamas method နည်းလို့လဲခေါ်သေးတယ် ။ သုက်ပိုးကို 10ml အထိထည့်ပေးတာဖြစ်တယ်။ သုတေသန လုပ်ကြည့်တော့ သုက်ရည် 4 ml ထည့်တာတောင်မှ မလုံလောက်ဘူးလို့တွေ့ရှိရာကနေ ဒီနည်းကို တီထွင်အသုံးပြုတာ ဖြစ်တယ်။ Intrauterine pressure သားအိမ်တွင်းဖိအားကြောင့်ဖြစ်မယ်လို့ ယူဆတယ်။ ဒါနဲ့ ထုထည်ကို တိုးတိုးပြီး စမ်ရာကနေ ဒီပမာဏအထိ ထည့်ပေးတယ်။ ကိုယ်ဝန်ရနှုန်း မထင်မှတ်ဘဲ များတာကိုတွေ့ရတယ်။ Hysterosalpingography (HSG) လုပ်နာကိုပါ တွဲလုပ်ပါသေးတယ်။ ဒီလိုလုပ်တာအတွက် ဆွေးနွေးမှုတွေ အများကြီး လုပ်နေပါတယ်။ ကိုယ်ဝန်ရလမ်း များတာတွေ့ရတယ်။
ဘာလို့ ကလေးမရသေးသလဲဆိုတဲ့အချက်က မရေမရာသူတွေအတွက် ဒီနည်းကနေ ဖြေရှင်းနိုင်မယ်လို့ ယူဆကြပါတယ်။ ဥပမာ သားအိမ်ပြွန်က အဖျားနေရာမှ ပိတ်နေရင် သုက်ရည်ထုထည်နည်းနည်းက မစွမ်းနိုင်ဖြစ်မယ်။ သုက်ရည်များတော့ သားအိမ်အတွင်းခေါင်း ကိုသာမက ပြွန်ကနေ ထွက်လာပြီး ဗိုက်ခေါင်းထဲနဲ့ သားအိမ်နောက်နေရာ Pouch of Douglas အထိ ရောက်စေပြီး Peritoneal ဝမ်းတွင်းခေါင်းထဲက အရည်နဲ့ Follicular fluids မျိုးဥအိမ်ကအရည်တွေနဲ့ပါ ပေါင်းစပ်စေနိုင်မယ်။ ဒီလိုဖြစ်အောင်မြင်ခြင်းကို Intra Utero Tubo Peritoneal Insemination (IUTPI) နည်းဖြစ်လာစေတယ်လို့ ဆေးစာအရပြောပါတယ်။
ဒီစာဖတ်ပြီး ကလေးအမေအခေါ်ခံရပါစေသတည်း။
ဒေါက်တာတင့်ဆွေ
https://www.facebook.com/drtintswe
