၁။ ဆရာ ကျွန်မအသက်က ၃၁နှစ်ပါ။ ကိုယ်ဝန်နဲ့ပါ။ ၂၀၁၇ ခု့့ လပိုင့်း့ ရက်နေ့ ခွဲမွေးမှာပါဆရာ။ အဲ့ဒါမွေးရင် စောင့်ပေးမည့် ဆွေမျိုးညီမလေးက HIV ဖြစ်နေလို့ art ဆေးသောက်နေပါတယ်ဆရာ။ အဲ့ဒါ ဗိုက်ခွဲမွေးမည့် ကျွန်မနှင့် မွေးကင်းစကလေးအတွက် ကူးစက်နိုင်လားသိချင်လို့ပါရှင့်။
၂။ ကျွန်မအသက် ၃၃ နှစ်ပါဆရာ။ ကိုယ်ဝန်က ၇ လပါ။ အိမ်ထောင်ပြုပြီး တန်းကလေးရပါတယ်ဆရာ။ ကိုယ်ဝန် ၅ လမှာ သွေးစစ်တော့ အဖြေကအကုန်ကောင်းပါတယ်။ အဲဒီအချိန်ကျမှ အမျိုးသားက သူ ART သောက်နေတာ ၃ နှစ်ရှိပြီဆိုတာ ပြောပါတယ်။ ကလေးနဲ့ကျွန်မ ဘယ်လိုကာကွယ်နေထိုင်သွားရမလဲဆိုတာ သိချင်ပါတယ်ရှင့်။
HIV ပိုးရှိတဲ့သူနဲ့ တအိမ်တည်းနေရတာဟာ ပိုးမရှိသူနဲ့နေရတာနဲ့က ဘာမှသိပ်မထူးလှပါ။ ဒီအချက်ကို သုတေသနက ပြောတာဖြစ်ပါတယ်။ ပုံမှန်-သာမန် ထိတွေ့မှုတွေကြောင့်တော့ ဒီရောဂါပိုးကူးတယ်ဆိုတာမရှိဘူး ပြောရလောက်အောင် စိုးရိမ်စရာ ကင်းပါတယ်။ ဒါပေမဲ့ အရမ်းကာရောတော့ မဟုတ်ဘူး။ တကယ်မကူးအောင် အချင်းချင်းဆက်သွယ်မှုနဲ့ အသိပညာတွေက သော့ချက်တွေ ဖြစ်ပါတယ်။ သံမဏိစည်းကမ်း ၁ ကနေ ၅ အထိ ပြောပါမယ်။
၁။ အခြေအနေမှန်ကို ရှင်းရှင်း သိနေကြအောင် ပွင့်ပွင့်လင်းလင်း ပြောပါ။ စိုးရိမ်တာ ရှိသမျှ ထုတ်ပြောပါ။ တယောက် အပေါ်တယောက် ရိုးသားပါ။ ကိုယ်ထင်တာကို တရားသူကြီးလုပ် ဆုံးဖြတ်ချက်မချပါနဲ့။
၂။ အကြောက်မလွန်ပါနဲ့။ မီးဖိုနဲ့ အိမ်သာ အတူသုံးရတာနဲ့ ပိုးက ကိုယ့်ဆီကူးမလာနိုင်ပါ။ အတူနေလေ့ရှိကြတဲ့ ညီအကိုလို၊ မောင်နှမလို၊ သားအမိ-သားအဖလို၊ အခန်းကို (ရှယ်) လုပ်နေလေ့ရှိတဲ့ သူငယ်ချင်းလို နေကြတာက စိုးရိမ်စရာ နတ္ထိပါ။
၃။ HIV အကြောင်း ကျန်းမာရေး-လူမှုရေးသုတတော့ လေ့လာထားပါ။ တိတိပပပြောပါ့မယ်။ သွေး၊ မိခင်နို့၊ ကျား-သုတ်ရည်၊ မ-ဗဂျိုင်းနားကအရည်၊ ဤလေးမည်ကနေသာ ကူးပါတယ်။ လက်ခြင်းထိ၊ ပါးခြင်းအပ်၊ ကျောခြင်းကပ်ယုံနဲ့ လုံးဝမကူးပါ။ သွားထိလို့ ဓါတ်လိုက်မှာလား ကြောက်စရာမထားပါနဲ့။ စာအတူဖတ်ပါ၊ တီဗွီအတူထိုင်ကြည့်ပါ။ ထမင်း တစားပွဲနည်းထိုင်စားပါ။ ညောင်းလို့ နှိပ်နင်းပေးလဲ ရောဂါမရပါ၊ ကုသိုလ်သာရပါမယ်။
၎။ စည်းကမ်းကလနား သတ်မှတ်ထားပါ။ ကိုယ့်ပစ္စည်း လာသုံးတာကို အပြတ်ငြင်းပါ၊ အားမနာပါနဲ့။ ဆောရီး လောက်နဲ့ မရပါ။ ပိုးရှိသူကနေ ချတဲ့ စည်းကမ်းကိုလည်း တခြားလူတွေက လိုက်နာကြပါ။
၅။ သူ့အတွင်းရေးလုံခြုံမှုကို လေးစားပါ။ သူစိမ်းတရံတွေကို သူကရောဂါသည်လို့ မလိုအပ်ဘဲနဲ့၊ နှိမ်ချင်တဲ့သဘောနဲ့ မပြောပါနဲ့။
HIV ပိုးရှိနေတဲ့ကိုယ်ဝန်ဆောင်ကနေ မွေးလာမဲ့ကလေးကို ကူးစက်နိုင်တဲ့ အခွင့်အလမ်း ၂ဝ-၄၅% ရှိတယ်။ ကူးနိုင်တဲ့ နည်းတွေက (၁) ကိုယ်ဝန်ဆောင်နေတုံး၊ (၂) မွေးဖွါးဖြစ်စဉ် ဖြစ်နေတုံး နဲ့ (၃) နို့တိုက်နေတုံး၊ သုံးခုလုံးကနေ ဖြစ်နိုင်တယ်။ နိုင်လို့ပြောတာပါ။ သက်သာအောင်လုပ်နည်း ရှိပါသေးတယ်။ ကိုယ်ဝန်ဆောင်နေတုံး အချင်းကနေ သန္ဓေသားဆီ များသောအားဖြင့်မရောက်ပါ။ မိခင်က ကျန်းမာရေးကောင်းနေရင် အချင်းကအကာကွယ်ပေးရာကျတယ်။ ဒါ့ကြောင့် မိခင်လောင်းက အစာအာဟာရ ကောင်းဘို့လိုတယ်။ တခြားရောဂါ (ငှက်ဖျား၊ တီဘီ၊ ဆီးအောင့်၊) မဝင်အောင် ဂရုစိုက်ရမယ်။ မိခင်က HIV ဆေးကုနေရင် ကလေးကို ကူးစရာအခွင့်အလမ်း ၂% ဘဲ ရှိလို့ ဆေးကုနေပါ။
အမေရိကားမှာ Zidovudine (ZDV, AZT, Retrovir) ဆေးကို စသုံးခဲ့တယ်။ အခု တခြားဆေးနဲ့ တွဲပေးနေတယ်။ ZDV ဆေးကို ကိုယ်ဝန် ၃ လနောက်ပိုင်းမှာ ပေးရတယ်။ မွေးပြီးတဲ့အထိပါ။ ဘာ အကာအကွယ်မှ လုပ်မထားရင် ကလေး ဖွါးနေတုံးမှာ မိခင်ကနေ ကလေးကူးဘို့ ၁ဝ-၂ဝ% ရှိတယ်။ သွေးနဲ့ ရေမြွှာရည်နဲ့ ထိရင် ကူးတယ်။ ဒါ့ကြောင့် ဆရာဝန်-ဆရာမကနေ ရေမြွှာအိတ်ကို စောပြီးဖေါက် မွေးမပေးရဘူး။ မွေးလမ်းချဲ့ မွေးတာလည်း ရှောင်ရမယ်။ LSCS ခွဲမွေးနည်းက ကူးစရာလမ်း နည်းစေတယ်။ အရင်က ဆေးပေးမထားရသေးရင် မွေးတော့မဲ့ အချိန်မှာ ZDV နဲ့ 3TC or Nevirapine ဆေး ပေးရတယ်။
မွေးပြီးတာနဲ့ ကလေးကိုလည်း ZDV ဆေး ၁ လခွဲအထိ ပေးရမယ်။ ပိုးရှိမိခင်က နို့တိုက်လို့ ကလေးကူးရတာ ၁၅% ရှိတယ်။ နို့စောစော ဖြတ်သင့်တယ်။ နို့မတိုက်လေ ကူးဘို့အခွင့် နည်းလေ။ မကြာသေးခင်ကဘဲ HIV ပိုးရှိသူ မိခင်တွေက နို့တိုက်တာကို WHO က တားမြစ် လိုက်ပါတယ်။ မအေကို ဆေးကုသမှုခံဘို့နဲ့ ကလေးမှာ ရောဂါပိုး ရှိ-မရှိ စောနိုင်သမျှ စောပြီး (၆ ပတ်အတွင်း) ဆေးစစ်ဘို့ပါ အကြံပြုတယ်။ ကလေးက ရောဂါပိုးရှိလို့ စောစော ဆေးမကုရင် ၂ နှစ်ထက် အသက် မရှည်ဘူးလဲ ဆိုပါတယ်။
HIV ကိုသုတေသနတွေ အများကြီးလုပ်နေပါတယ်။ အခုနောက်ဆုံး သတင်းကတော့ ဥရောပမှာ စမ်းသပ်နေတဲ့ ကာကွယ်ဆေးသောက်နည်းဖြစ်ပါတယ်။ Pre-exposure prophylaxis (PrEP) ပိုးနဲ့ မတွေ့ခင် ဆေးကြိုတင်သောက်နည်း ဖြစ်တယ်။ လူတယောက်ဟာ HIV ကူးစက်နိုင်တဲ့လိင်အပြုအမူရှိမယ်လို့ထင်တာတဲ့ ဆေးသောက်လိုက်တာပါ။
သံသယရှိတဲ့ လိင်မှုပြုမယ်ဆိုသူတိုင်း Truvada (tenofovir + emtricitabine) ဆေး ၂ ပြားကို ၂၄ နာရီ ကြိုတင် သောက်ထားလိုက်ပါ။ တကယ်ပဲအဲလိုအမှုပြုပြီးရင် တရက် ၁ လုံး၊ ၂ ရက်ဆက် သောက်လိုက်ပါ။ အခုလေ့လာမှုကို IPERGAY trial လို့ခေါ်ပါတယ်။ ပြင်သစ်နိုင်ငံမှာ ၆ နေရာနဲ့ ကနေဒါမှာ ၁ နေရာ စမ်းသပ်ခဲ့ပါတယ်။ သိသိသာသာ ထိရောက်တယ်လို့ ကောက်ချက်ချပါတယ်။ ပိုးရှိထားသူတွေ နိုင်ငံလှည့်ပြီး၊ ကမ္ဘာလှည့်ပြီး၊ ရောဂါကာကွယ်ရေး အသိပေးသူတွေ မနည်းတော့ပါ။ ဒီလိုအမျိုးအစားရောဂါက ဆရာဝန်မှမဟုတ်ပါ၊ အလွန်တော်တဲ့၊ အင်မတန် စိတ်ထားမြင့်တဲ့ ဆိုရှယ်ဝပ်ကားတွေပါ ဖြစ်နိုင်ကြပါတယ်။
တအိမ်သားလုံး ပိုးရှိ-မရှိ စစ်ပါ။ ပိုးရှိနေသူရဲ့ နှာရည်၊ သွားရည်၊ ဝမ်း၊ ဆီး၊ တံတွေး၊ ချွေး၊ အန်ဖတ်တွေမှာ သွေးမပါရင် မကူးစေပါ။ တအိမ်လုံး လက်အိတ် သုံးပါ။ ပိုးရှိသူမှာ အနာအဆာ၊ ဒဏ်ရာရရင် အမြဲ ပလာစတာ-ပတ်တီးစည်းထားပါ။ လူတိုင်းက လက်ဆေးတဲ့ အကျင့် လုပ်ကြပါ။ ပိုးမရှိတဲ့သူ ဒဏ်ရာရရင် အထူးဂရုစိုက်ပါ။ ပိုးမရှိတဲ့သူ နေထိုင်မကောင်း ဖြစ်ရင် ရှိသူနဲ့ အနေဝေးပါစေ။ သွားတိုက်တံ၊ သွားကြားထိုးတံ၊ မုတ်ဆိတ်ရိတ်ဒါး၊ လက်သည်းညှပ်၊ နားကပ်၊ စတာတွေ လုံးဝ လဲတာ၊ ငှားသုံးတာ၊ အတူသုံးတာ မလုပ်ရပါ။ သွေးထွက်နိုင်တဲ့ ဆော့ကစားတာမျိုး ရှောင်ပါ။ ကွန်ပြူတာ-ဂိမ်း ကစားလို့တော့ ရပါတယ်။ မိခင်နဲ့ကလေး လက်ပွန်းတတီး နေတာနဲ့တော့ ရောဂါမရပါ။ ကလေးချစ်လို့ မွှေးမွှေး များများ ပေးနိုင်ပါတယ်။
ဒီစာကိုရေးထားတာ ၅ နှစ်လောက်ရှိပြီ။ အခု ကာကွယ်နည်းထွက်ပါပြီ။ HIV Prevention ကာကွယ်ဆေး http://doctortintswe.blogspot.com/2014/10/hiv-prevention.html
ဒေါက်တာတင့်ဆွေ
https://www.facebook.com/drtintswe
