ကင်ဆာရောဂါကုထုံးတွေရဲ့သမိုင်းကြောင်းကိုချီပြီးပြောရမယ်ဆိုရင်တော့ ကင်ဆာကုသရေးမှာ အစောဆုံး ပေါ်ပေါက်လာခဲ့တဲ့ကုသန်းကတော့ ခွဲစတ်ကုသခြင်းဖြစ်ပါတယ် ။ အခုအချိန်ထိအောင်ကိုပဲ ကင်ဆာခွဲစိတ်ကုသခြင်းဟာ အောင်မြင်တဲ့ကင်ဆာကုထုံးတစ်ခုအဖြစ်ရပ်တည်နေဆဲပါ။ ဖြစ်ခါစ (Early stage) ကင်ဆာရောဂါတွေဆိုရင် ခွဲစိတ်ကုသ ခြင်းနဲ့လုံးဝပျောက်ကင်းသွားနိုင်တာဖြစ်ပါတယ် ။
နောက်ထပ်ကင်ဆာကုသခြင်းကတော့ ဓာတ်ရောင်ခြည်ပေးပြီးကုသခြင်း (Radiotherapy) ဖြစ်ပါတယ် ။ ကင်ဆာခွဲစိတ်ကုသခြင်းနောက်ပိုင်း ပေါ်ပေါက်လာတဲ့ကင်ဆာကုထုံးတစ်ခုဖြစ်ပါတယ် ။ ဓာတ်ရောင်ခြည် ကုထုံးရဲ့ သဘောသဘာဝ ကတော့ ကင်ဆာဆဲလ်တွေရဲ့ မျိုးဗီဇ DNA ကို သတ်ပစ်လိုက်တာပါပဲ ။ ဓာတ်ရောင်ခြည်ဖြတ်သန်းမှုဧရိယာထဲမှာပါဝင်တဲ့ကင်ဆာဆဲလ်များသာမကပုံမှန်ဆဲလ်များလည်းသေဆုံးသွားနိုင်တာဖြစ်ပါတယ်။ ယနေ့ကင်ဆာကုသရေးမှာ ဓာတ်ရောင် ခြည်ကုထုံးများကို ကင်ဆာရောဂါထိန်းချုပ်မှု (Local control) များအတွက်သုံးစွဲနေကြတာဖြစ်ပါတယ်။
အထက်ပါကုသနည်းနှစ်မျိုးက ထပ်ခါထပ်ခါခွဲစိတ်လို့၊ ဓာတ်ရောင်ခြည်ပေးလို့မရနိုင်တဲ့ကန့်သတ်ချက်တွေ ရှိပါတယ် ။ တစ်ကိုယ်လုံးမှာပျံ့နှံ့နေတဲ့ ကင်ဆာဆဲလ်တွေကို ထိန်းချုပ်ဖို့နေရာမှာလည်း အားနည်းချက်တွေ ရှိပါတယ် ။ ဒီလိုနဲ့ ၂၀ရာစုအစောပိုင်းမှာ ကင်ဆာဆဲလ်များ အပါအ၀င် ဆဲလ်ကလာပ်စည်းတွေ ကို သေကြေစေမယ့် Cytotoxic therapy တွေကိုဖော်ထုတ်လာကြပါတယ် ။ ယနေ့ ကင်ဆာဆေးသွင်း ကုခြင်း Chemotherapy ခေါ်တဲ့ ကုထုံးပဲဖြစ်ပါ တယ် ။ သွေးကြောထဲကနေထိုးသွင်းရပြီး တစ်ကိုယ်လုံး ကိုပျံ့နှံ့သွာစေတာမို့ အာနိသင်လည်းရှိ ၊ အန္တရာယ်လည်းများတဲ့ ကုထုံးတစ်မျိုးဖြစ်ပါတယ်။ ဒါတွေကတော့ ယနေ့ကာလမှာ အဓိကသုံးစွဲနေကြတဲ့ကင်ဆာကုထုံးများပဲဖြစ်ပါတယ်။
ကင်ဆာဆေးမသွင်းခင် ဘာတွေပြင်ဆင်ထားရမလဲ
ကျယ်ပြန့်တဲ့မေးခွန်းတစ်ခုပါ ။ အကျဉ်းချုံးပြောရရင်တော့ လူနာရဲ့အသက်အရွယ် ၊ နောက်ခံရောဂါ အခြေအနေ များ အပေါ်မှာ မတည်တယ်ဆိုရမှာပဲ ။ နောက်တစ်ချက်က အသုံးပြုဖို့ရွေးချယ်ထားတဲ့ ကင်ဆာဆေးများအပေါ်မူတည်ပြီး ပြင်ဆင်ဖို့ဖြစ်ပါတယ် ။
အသက်ငယ်ရွယ်တဲ့လူငယ်လေးတွေမှာကင်ဆာကုတော့မယ်ဆိုရင် နောက်တစ်ချိန်မှာ သားသမီးရယူနိုင်ဖို့ သုတ်သွေးကို ကြိုတင်ထုတ်ယူစုဆောင်းထားတာမျိုးအထိပြင်ဆင်ထားဖို့လိုပါတယ် ။ ဒီမှာတော့ မလုပ်နိုင်သေးဘူးဆိုပေ မယ့် တစ်ချိန်မှာလုပ်ကြရတော့မှာပါ ။ လူနာရဲ့နောက်ခံရောဂါတွေကိုကြိုတင်လ့လာထားပြီး ဘယ်အင်္ဂါတွေမှာဖြင့် ဒဏ်ရာ တွေရှိတယ် ဆိုတာကို သိရှိထားဖို့လိုပါတယ် ။
အသုံးပြုမယ့်ကင်ဆာဆေးများရဲ့ထူးခြားတဲ့ဘေးထွက်ဆိုးကျိုးများအပေါ်မူတည်ပြီး လူနာအဖို့ ပြင်ဆင် ထားစရာ တွေလည်း ရှိပါတယ် ။ ဥပမာ-ရင်သားကင်ဆာလူနာများဆိုရင် နှလုံးညှစ်နှုန်းကို မဖြစ်မနေ စစ်ဆေးထားဖို့လိုပါတယ် ။ ရင်သားကင်ဆာများမှာ မပါမဖြစ်သုံးရတဲ့ Doxorubicin ဆိုတဲ့ဆေး ဟာ နှလုံးကိုဒုက္ခပေးတတ်လို့ပါ ။
အရေးကြီးဆုံးကတော့ကင်ဆာဆေးသွင်းလိုက်တဲ့အခါ ဘေးထွက်ဆိုးကျိုးတစ်ခုဖြစ်လာပြီဆိုတာနဲ့ အဲဒီပြဿနာ ဟာ ကင်ဆာဆရာဝန်က ကြိုတင်အသိပေးထားပြီးသား ပြင်ဆင်ထားပြီး သား ပြဿနာဖြစ်နေ ဖို့လိုပါတယ် ။ ဒါမှသာ ကင်ဆာဆရာဝန်ဘက်က တာဝန်ကျေမှာဖြစ်ပါတယ် ။
ကင်ဆာလူနာတွေဘယ်လိုအစားအသောက်တွေကိုစားသောက်သင့်ပါသလဲ။
ခန္ဓာကိုယ်မှာအရေးကြိးတဲ့ အာဟာရတွေကအများသိကြတဲ့အတိုင်း ကစီဓာတ်၊ အသားဓာတ်၊ အဆီဓာတ်၊ ဗီတာမင်နဲ့ သတ္တုဓာတ်တွေပါ။ ကင်ဆာရောဂါစတင်စွဲကပ်လာပြီဆိုတာနဲ့ ကိုယ်အလေးချိန်ကျလာတတ် ပါတယ်။ ဥပမာ- အစာအိမ်ကင်ဆာလူနာများရဲ့ ၈၀ရာခိုင်နှုန်းဟာ ရောဂါမသိခင်မှာကိုပဲ ကိုယ်အလေးချိန် ကျဆင်းလာကြတာဖြစ်ပါတယ် ။ ဒီတော့ ကင်ဆာလူနာများဟာ ပုံမှန်လူများထက် အစာအာဟာရတွေ လိုအပ်နေကြတာပါ။
ကင်ဆာရောဂါကြောင့်လည်းကောင်း၊ ကင်ဆာကုထုံးတွေကြောင့်လည်းကောင်း၊ ကင်ဆာလူနာများမှာ အာဟာရ ချို့တဲ့နေတတ်ကြပါတယ် ။ Malnutrition ခေါ်တာပေါ့လေ ။ အထူးသဖြင့် အသားဓာတ်က ကင်ဆာလူနာများမှာသိသိသာသာကို ကျဆင်းနေတတ်ကြပါတယ် ။ တချို့ကင်ဆာဆေးများဟာ ကိုယ်ခန္ဓာထဲမှာ အလုပ်မလုပ်နိုင်တော့ဘဲ စုပုံပြီး အဆိပ် အတောက်ဖြစ်လာစေပါတယ် ။ ဒါကြောင့်မို့ ကင်ဆာလူနာများကိုသန့်ရှင်းပြီး အာဟာရပြည့်ဝတဲ့ အစားသောက်မျိုးစုံကို စား သောက်ပြီး အထူးသဖြင့် အသားဓာတ်ပါဝင်တဲ့ အစားအသောက်များကို ပိုမိုစားသောက်သင့်ကြောင်း အကြံပေးလိုပါတယ် ။
ကင်ဆာလူနာများအတွက် Depression မရဖို့ ဘာကအရေးကြီးပါသလဲ ။
လူဆိုတာ ကံ၊ စိတ်၊ ဥတု၊ အာဟာရဆိုတဲ့ ဓာတ်ကြီးတွနဲ့ဖွဲ့စည်းတည်ဆောက်ထားတာဖြစ်ပါတယ် ။ ကျွန်တော်တို့ ကင်ဆာဆာရာဝန်တွေဆေးကုပေးတယ်ဆိုတာ ဥတုကိုပဲ ပြင်ဆင်ပေးနိုင်တာပါ ။ ဘယ်လိုလူမျိုးမှာ ကင်ဆာဖြစ်မယ်ဆိုတာ လည်း အတိအကျမပြောနိုင်ဘူး ။ ကံတရားနဲ့အများကြီးသက်ဆိုင်နေတယ် ။ အနောက်တိုင်းပညာရှင်တွေကတော့ မျိုးဗီဇ များရဲ့ random mutation လို့ခေါ်ကြပါတယ် ။ မျိုးဗီဇအစီအစဉ်တွေ ပြုပြင်ပြောင်းလဲပြီး ကင်ဆာတွေဖြစ်လာကြတာမို့ပါ။ အာဟာရဆိုတာကလည်းအပေါ်ကဖြေဆိုခဲ့သလို လူနာကိုယ်တိုင်ကပဲ ဖြည်းဆည်းရမှာဖြစ်ပါတယ်။ ဆရာဝန်တွေကတော့ ၀ိုင်းကူပေးကြတာပေါ့ ။
နောက်ဆုံးကျန်တဲ့ စိတ်ဆိုတဲ့ Factor ဟာလည်း ကင်ဆာကုသရေးမှာအလွန်အရေးကြီးပါတယ် ။ စိတ်ဖိစီးမှုများ တာဟာ ကင်ဆာနဲ့သွယ်ဝိုက်ဆက်စပ်နေသလို စိတ်ဓာတ်ကျပြီး မစားမသောက်၊ အိပ်ယာထဲဗုံးဗုံးလဲသွားတာဟာလည်း ကင်ဆာလူနာများအတွက် သက်တမ်းတိုစေမယ့် အကြောင်း တစ်ချက်ပါ ။ တစ်ခုတော့ရှိပါတယ် ။ နာတာရှည် နာကျင်မှုဝေဒ နာများ (Chronic pain) ကြောင့် တချို့ကင်ဆာလူနာတွေစိတ်ဓာတ်ကျဆင်းနေကြတာရှိပါတယ်။ ဒီလိုအခြေအနေမျိုးဆို ရင်တော့ ဆရာဝန်များအနေနဲ့ လူနာရဲ့ နာကျင်မှုဝေဒနာကို ထိန်းချုပ်ပေးနိုင်မယ်ဆိုရင်ဖြင့် စိတ်အားပြန်လည် တက်ကြ လာနိုင်တာမျိုးဖြစ်ပါတယ် ။
ကင်ဆာဆေးသွင်းခြင်းရဲ့ ဘေးထွက်ဆိုးကျိုးတွေကိုလည်း ပြောပြပေးပါဦးဆရာ။
ကင်ဆာဆေးများအားလုံးလိုလိုဟာ Cytotoxic ခေါ်တဲ့ အဆိပ်ဓာတ်တွေဖြစ်တဲ့ အတွက်ကြောင့် ဘေး ထွက်ဆိုး ကျိုးတွေ အနည်းနဲ့အများရှိနေတတ်ပါတယ် ။ ဒါကြောင့် ကင်ဆာဆေးများကို ကျွမ်းကျင်တဲ့ ဆရာဝန် ၊ သူနာပြုတွေရှိတဲ့ နေရာမှာ သွင်းသင့်တယ်လို့ပြောကြတာပါ ။ ကင်ဆာဆေးများကြောင့်ဖြစ်တဲ့ ဘေးထွက်ဆိုးကျိုးများဟာ လတ်တလော ချက်ချင်းဖြစ်တာရှိသလို၊ လပိုင်းလောက်ကြာသွားမှဖြစ်တာမျိုးလည်းရှိပါတယ်။ နှစ်နဲ့ချီကြာပြီးတော့မှ ဖြစ်တာမျိုးလည်း ရှိတတ်ပါတယ်။
ကင်ဆာကုသဆေးများဟာ လျင်မြန်စွာပွားများနေတဲ့ ဆဲလ်ကလာပ်စည်းတွေကို အဓိကတိုက်ခိုက်တာမို့ ခံတွင်း၊ အစာအိမ်၊ အူလမ်းကြောင်းတစ်လျှောက်ကဆဲလ်တွေ၊ သွေးကြောထဲကသွေးဆဲလ်တွေကို အဓိကထိခိုက်စေတာဖြစ်ပါ တယ် ။ ဒါ့ကြောင့် ကင်ဆာဆေးတွေသွင်းပြီးတိုင်း ပါးစပ်မှာ အနာတွေပေါက်တယ် ၊ ၀မ်းတွေလျှောတယ် ၊ သွေးအားတွေ ကျပြီးသွေးတွေသွင်းရတယ် စသဖြင့်ဘေးထွက်ဆိုးကျိုးတွေကြုံနေရတာဖြစ်ပါတယ် ။
အဲဒီပြဿနာတွေအပြင် ကိုယ်တွင်းကလီစာတွေဖြစ်တဲ့ အဆုတ်။ နှလုံး၊ ကျောက်ကပ်၊ အသည်းစတဲ့ ကိုယ်အင်္ဂါတွေကိုလည်း အနည်းနဲ့အများ အသုံးပြုတဲ့ကင်ဆာဆေးဝါးအပေါ်မူတည်ပြီး ထိခိုက်စေနိုင်ပါတယ် ။
ဘေးထွက်ဆိုးကျိုးတွေကို ဘယ်လိုဖြေရှင်းရပါသလဲဆရာ။
အလွန်ပြင်းထန်တဲ့ဆေးဝါးတွေဖြစ်တဲ့အတွက် ကင်ဆာဆေးများကိုအသုံးပြုတော့မယ်ဆိုတာနဲ့ ကြိုတင်ပြင်ဆင်မှု တွေပြုလုပ်ထားရပါတယ် ။ သွေးအားကောင်းမကောင်း ၊ လတ်တလော အဖျားဝင်နေတာ ရှိမရှိ ၊ ကျောက်ကပ်၊ အသည်း၊ နှလုံးတွေကောင်းမကောင်း စသည်ဖြင့် စစ်ဆေးထားပြီး အားလုံးစိတ်ချရ ပြီဆိုတော့မှ ကင်ဆာဆေးများသွင်းရတာ ဖြစ်ပါ တယ် ။ ဒီလိုစနစ်တကျသွင်း တာတောင် မျှော်လင့် မထားတဲ့ ဘေးထွက်ဆိုးကျိုးတွေ ဖြစ်လာနိုင်ပါသေးတယ် ။ အမှန်တော့ ကင်ဆာဆေးသွင်းပြီး ကုသတဲ့ ဆရာဝန်ဟာ ကင်ဆာဆေးများရဲ့ဘေးထွက်ဆိုးကျိုးအမျိုးမျိုးကိုသိရှိပြီး ပြဿနာကုစားနည်း များကိုပါ ကျွမ်းကျင်နေဖို့လိုပါတယ် ။ ပြဿနာဖြေရှင်းနည်းတွေကတော့ ဖြစ်တဲ့ဘေးထွက်ဆိုးကျိုးအခြေအနေပေါ် မူတည်ပြီး ကုသမှုအမျိုးမျိုးနဲ့ ဖြေရှင်းကြရတာဖြစ်ပါတယ် ။
ယခုလိုပြောကြားပေးသောဆရာ့ကို ကျန်းသုခ Health Guide မှ အထူးကျေးဇူးတင်ပါတယ်။
Dr လွှမ်းမိုးဟန် (ဆေးကုသမှုပါရဂူ - ပထမတန်း)
Health Guide
https://www.facebook.com/healthguidemyanmar
