ကျွန်မအိမ်မှာ နှစ်လသား အရွယ်ကတည်းက မွေးထားသည့် ချောကလက်ဆိုသည့် ခွေးမလေး၏ မိခင်စိတ်ကိုတော့ မည်သူတစ်ဦးတစ်ယောက်မှ သင်ကြားပေးထားတာ မဟုတ်ပါ။ အတုမြင်အတတ်သင် ဆိုသလိုဖြစ်လာအောင်လည်း အနားတွင် အခြားခွေးမကြီးနှ င့် ခွေးသားလေးများမရှိပါ ။ ချောကလက်သည် ဖေ့စ်ဘွတ်ခ်လည်း သုံးတတ် မည်မဟုတ်ပါ ။ ချောကလက်လေးဟာ လစေ့လို့ ဗိုက်နာလာတော့ ပန်းအိုးများကြားတွင် ခွေးကလေးကိုမွေးပါသည်။ သူ့သားလေးကို အန္တရာယ်ပေးနိုင်မည့် ကျီးကန်းဆိတ်ခြင်း၊ အခြားခွေးကြီးများ လာကိုက်ခြင်းတို့မှ ကာကွယ်ရန် ပန်းအိုးများကို အတားအဆီးအဖြစ် သုံးထားခြင်းဖြစ်ပါသည်။ တစ်ဖန် ခွေးလေးမှဆော့သောအခါ သံဆန်ခါနှင့် ညှပ်မိသည့်အခါတွင်လည်း ကျွန်မတို့ကို အသံတစ်မျိုးပေးပြီး ကယ်ဆယ်ခိုင်းသည်။ ဒီခွေးလေးအနားမှ တစ်ဖဝါးမှ မခွာဘဲ အချိန်မှန်နို့တိုက်သည်။
ခွေးကလေးကိုလျှာနှင့်လျက်၍ သန့်ရှင်းရေး လုပ်ပေးသည်။ အခြားခွေးကြီးများနှင့် လူစိမ်းများ ခွေးလေး အနားကပ်လာလျှင် မာန်ဖီပြီးပြန်ကိုက်တတ်သည်။ ချောကလက်ဟာ ဒီလိုမိခင်စိတ်ကို ဘယ်လိုများ ရသွားတာပါလိမ့်ဟု တွေးမိသည်။
ကျွန်မတို့အားလုံး၏ အမေများတွင် မိခင်စိတ် အပြည့်အဝရှိကြသည်။ အမေတို့တွင် မိခင်စိတ်ဖြစ်လာ သည်မှာ အမေတို့၏မိဘများက လက်ဆင့်ကမ်းသင်ကြား ပြသမှုကြောင့်လည်းဖြစ်နိုင်သည် ။ အဘိုး၊အဘွား၊ဒေါ်ကြီး၊ဒေါ်လေး တို့၏ လမ်းညွှန်မှုကြောင့်လည်း ဖြစ်နိုင်သည်။ ညီအစ်ကိုမောင်နှမတို့၏ နည်းလမ်းပြမှုကြောင့်လည်းဖြစ်နိုင်သည်။ သို့တည်းမဟုတ် စာအုပ်စာပေတို့ကြောင့် ရရှိ လာသည့် မိခင်စိတ်လည်းဖြစ်နိုင်သည် ။
မိခင်များတွင် ကိုယ်ဝန်စဆောင်စဉ်မှစ၍ မီးဖွားပြီးချိန်အထိ ခန္ဓာကိုယ်အစိတ်အပိုင်းအားလုံး ပြောင်းလဲမှုများ တဖြည်းဖြည်းဖြစ်လာသည် ။ မီးဖွားပြီးတစ်လခွဲကြာသော အခါခန္ဓာကိုယ်အစိတ် အပိုင်း တော်တော်များများ သည် မူလအရွယ်အစားအနေအထားသို့ ပြန်ရောက်သွားသည် ။
ကာလရည်ကြည် သန္ဓေတည်သည့် အချိန်မှစပြီး သန္ဓေသား ဖွံ့ဖြိုးရေးအတွက် ဟော်မုန်းများ ပိုမို ထွက်လာသည် ။ ယင်းဟော်မုန်းများသည် တဖြည်းဖြည်း ကြီးထွားလာမည့် သန္ဓေသားအတွက် အရေးပါ သလို သန္ဓေသား အဓိကမှီခိုရာအချင်း ကြီးထွားကြံ့ခိုင်ရေးအတွက် လုပ်ဆောင်ပေးသည်။ ထို့ပြင် မိခင် ၏နှလုံးနှင့် သွေးလှည့်လည်မှု စနစ်ကလည်း ပိုမိုအလုပ်လုပ်ရသည်။ ပုံမှန်အသက်ရှူမှုထက် ပိုမို အားစိုက်ရသည် ။ တစ်ဖန်သန္ဓေသားအတွက် အာဟာရပိုရစေရန် မိခင်ကပိုမိုစားသုံးရသဖြင့် အစာအိမ်နှင့် အူလမ်းကြောင်းကလည်း ပိုမိုလှုပ်ရှားရသည်။ မိခင်၏ ကျောက်ကပ်နှင့် အသည်းကလည်း ဝန်ပို ထမ်းကြရသည် ။
သို့သော်ယခင်က ကိုယ်ဝန်ဆောင်မိခင်၏ ဦးနှောက်ပိုင်းဆိုင်ရာ ပြောင်းလဲမှုများကို အကျယ်တဝင့် ဖော်ပြ ထားခြင်း မရှိခဲ့ကြသေးပါ ။ ပြီးခဲ့သည့်လက ဘာစီလိုနာ တက္ကသိုလ်မှသုတေသီများက ကိုယ်ဝန်ဆောင် မိခင်၏ ဦးနှောက် တွင် ပြောင်းလဲမှုများ တွေ့ရှိရကြောင်း ထုတ်ပြန်ခဲ့သည်။
၎င်းတို့၏သုတေသနတွင် သားဦးကိုယ်ဝန်ဆောင် မိခင်နှင့် ဖခင်၂၅ ဦးကို လေ့လာထားခြင်းဖြစ်သည်။
ဤအုပ်စုတွင် ကိုယ်ဝန်မဆောင်ထားသည့် မိခင်နှင့် ဖခင်တို့လည်းပါဝင်သည်။
ပထမဦးဆုံး သန္ဓေလွယ်ထားသည့် မိခင်၂၅ ဦး၏ ကိုယ်ဝန်မဆောင်မီနှင့်မွေးဖွားပြီးချိန် ဦးနှောက်ကို သံလိုက် လှိုင်းပုံရိပ်ဖော်စက်ဖြင့် ပုံရိပ်အမျိုးမျိုးကို လေ့လာခဲ့သည်။
ဂရေးမတ္တာခေါ်ဦးနှောက် အစိတ်အပိုင်း လျော့နည်းလာသည်ကို တွေ့ရှိသော်လည်း မိခင်၏မှတ်ဉာဏ်နှင့် စဉ်းစားဆင်ခြင်ဆုံးဖြတ်နိုင်စွမ်း ဆိုသည့် ထိပ်သီးဦးနှောက်ဆိုင်ရာ လုပ်ဆောင်ချက်များ မပြောင်း လဲကြောင်း တွေ့ရ သည် ။ ဂရေးမတ္တာဆိုသည်မှာ ဦးနှောက်၏အပြင်ပိုင်းတွင် ရှိပြီး အတတ်ပညာ သင်ယူခြင်း ၊ မှတ်ဉာဏ် ၊ ကိုယ်လက်လှုပ်ရှားမှုဆိုင်ရာ ထိန်းချုပ်ခြင်း၊ လူမှုဆက်ဆံမှု ၊ ဘာသာ စကားနှင့် ပြဿနာဖြေရှင်းခြင်း ဆိုင်ရာ အဓိက အဆောက်အအုံကြီးဖြစ်သည် ။
ကိုယ်ဝန်ဆောင်မိခင်၏ ဦးနှောက်ပိုင်းဆိုင်ရာ ပြောင်းလဲမှုများသည် အနည်းဆုံး နှစ်နှစ်ခန့်ကြာသည်ဟု သုတေသီ တို့ကဆိုကြသည် ။
ယင်းပြောင်းလဲမှုသည်မိခင်၏မှတ်ဉာဏ်နှင့် စိတ်ပိုင်းဆိုင်ရာကို ဆုတ်ယုတ်မှုမဖြစ်စေပါ။ ဤပြောင်းလဲမှု များသည် မိခင်တစ်ဦးရင်ဆိုင်ရမည့် အခက်အခဲများကို ရင်ဆိုင်ဖြေရှင်းရာတွင် အထောက်အကူဖြစ်စေ သည်ဟု ဆိုသည်။ ထို့ပြင် မိမိရင်သွေးငယ်၏ လိုအပ်ချက်များ ရင်သွေးငယ်၏ စိတ်ပိုင်းဆိုင်ရာ အနေ အထားများကို သိရှိနားလည်စေပြီး ရင်သွေးငယ်ကို ထိန်းကျောင်းရာတွင် ကျန်းမာရေးနှင့် လုံခြုံမှု ကိုဖြစ်စေကြောင်း တင်ပြထားသည်။ ။
မြဝတီ
https://www.facebook.com/mwdwebportal
