Rheumatism (1) လေးဘက်နာ (၁)


၁။ မင်္ဂလာပါဆရာရှင့် ။ ကျွန်မအသက်(၂၁)နှစ်ပါ ။ အရင်က လေဘက်နာရောဂါရှိခဲ့ပါတယ် ။ ASO 400 ကျော်ရှိပါတယ်ဆရာ ။ အခုကတော့ ASO-200အောက်ဖြစ်သွားပါတယ် ။ ဆရာဝန်ညွန်ကြားချက်အရ Pen-V သောက်စရာမလိုလို့ လွှတ်ထားပါတယ် ။ Nat-B ပဲသောက်ခိုင်းလို့ သောက်နေပါတယ်ဆရာ ။ မသက်သာပဲ သွေးလေးပီး ညောင်းနေပါတယ်ဆရာ အဆစ်နေရာတွေကလဲ တကျွိကျွိ မြည်နေပါတယ် ဆရာ ။ Pen-V သောက်တုန်းကလဲ ဒီအတိုင်းပါပဲဆရာ ။ ဘယ်လိုဆက်လုပ်ရမလဲ ညွန်ပေးပါဆရာရှင့် ။

၂။ ကျွန်မအသက် ၂၇ နှစ်ပါ ။ လွန်ခဲ့တဲ့ ၂ နှစ်လောက်က လေးဘက်နာ Value 423 ရှိဖူးပါတယ် ။ အခုထပ်စစ်တော့ လေးဘက်နာပို မရှိတော့ပါဘူး။ အဖြေက Value 150 ပါ။ ဒါပေမဲ့ အခုဖြစ်နေတာ ၂ ပါတ်လောက်ရှိနေပြီ။ လက်ဆစ် ခြေဆစ်တွေ တစ်ခုပြီးတစ်ခု နာလိုက်ပျောက် လိုက်ဖြစ်နေတယ် ။ နေ့တိုင်းဘဲ လေးဘက်နာပိုးစစ်တော့လည်း မရှိဘူး ။ အရမ်းနာကျင်ပြီး ကိုက်ခဲလွန်းတယ် ။ အဲ့ဒါ ဘာရောဂါလက္ခဏာလဲဆိုတာ သိချင်ပါတယ်ဆရာ ။ အများဆုံးဖြစ်တာက ဒူးဆစ် ခြေချင်းဝက် လက်ချောင်းလေးတွေ တစ်နေရာပြီးတစ်နေရာ အဆက်မပြတ်ဖြစ်နေတာ။ လမ်းလျှောက်မကောင်း ကွေးဆန့်မကောင်းဖြစ်ပြီး နာကျင်စွာခံစားရတယ်။

လေးဘက်နာဟာ ဆေးစာမှာတော့ အနီးစပ်ဆုံးက Rheumatism ဖြစ်ပါတယ် ။ Rhumatic အဆစ်နာ ၊ Rhumatic အဖျား ၊ Rhumatic နှလုံးရောဂါ ၊ စတာတွေကို ခြုံခေါ်တာဖြစ်ပါတယ် ။ ဒီအသုံးက နဲနဲတော့ ခေတ်နောက်ကျသွားပါပြီ ။ ရောကောသောကော လုပ်ရာကျနေလို့ပါ ။ ဒီအုပ်စုဝင် Arthritis ရောဂါကို ကုရတာနဲ့ Lupus ကို ကုရတာ ဘာမှ မဆိုင်အောင် မတူလို့ ရောဂါအုပ်စု တခုထဲလုပ်ဘို့ မဆီလျှော်လို့ ဖြစ်ပါတယ် ။

အဆစ်နာတာသာမက ဖျားတာ ၊ လည်ပင်းနာတာ ၊ နှလုံးရောဂါတွေလည်း ဆက်စပ်နေတယ် ။ အများအားဖြင့် ခြေ ၊ လက် ၊ လည်ပင်း ၊ ခါး ၊ အဆစ်မှန်သမျှ ဒုက္ခပေးတယ် ။ Arthritis အဆစ်နာအပြင် Tendonitis အရွတ်နာ၊ Bursitis အဆစ်ဖုံးနာ၊ Fibromyalgia အရွတ်ကြောနာ။ အများဆုံး ထိတာက Synovial joints အဆစ်ဖုံးနေရာ ရောင်တာပါ ။ ကြွက်သားမှာ ဖြစ်ရင် ဝတ်နေကြ အဝတ်တောင် အတင်မခံနိုင်ဘူး ။

အောက်တိုဘာ ၁၂ ရက်ကို ကမ္ဘာ့အဆစ်နာနေ့လို့ သတ်မှတ်ထားတယ် ။ လူ ၁ဝဝ မှာ ၁ ယောက် ဖြစ်နေကြတယ်။ အမျိုးသမီးတွေမှာ ၃ ဆများတယ် ။ သွေးထဲမှာ အဆိပ်လို Toxic waste products ကိုယ်နဲ့ မသင့်တာ ရှိလာလို့ ။ ရာသီဥတုနဲ့ ဆိုင်တဲ့သူတွေက ဆိုင်တယ် ။

တချို့က ခုခံအားစနစ်နဲ့ ဆိုင်လို့ Auto-immune ရောဂါအုပ်စုမှာ ပါတယ် ။ AIDS နဲ့ မဆိုင်ပါ ။ သူ့အောက်မှာလည်း ရောဂါမျိုးစုံပါတယ် ။ မတည့်တာဝင်လာရင် ခန္ဓာကိုယ်က ခုခံတိုက်ထုတ်နိုင်စွမ်းရှိတယ် ။ သူ့လူနဲ့ ကိုယ့်လူ မခွဲခြားတတ်ဘဲ ၊ လူမှားပြီး ၊ (အော်တို-အင်မြူး) ရောဂါဖြစ်လာရတယ် ။ အဲဒီထဲက တခုကတော့ Rheumatoid arthritis (ရူမတွိုက်) အဆစ်နာပါ ။ ဒါကို လေးဘက်နာလို့ ပြောတာမှန်တယ် ။ တကယ်တော့ လေးဘက်မကပါ ၊ အဆစ်အများကြီးမှာ ဖြစ်တတ်တယ် ။ အဆစ်အသေးစားရော အကြီးစားပါဖြစ်တာ ။

အဆစ်နာတာနဲ့ နှလုံးရောဂါ တွဲနေတတ်တာက အရေးပါတယ် ။ များသောအားဖြင့် ငယ်ငယ်-ရွယ်ရွယ် ၊ ၅-၁၆ နှစ်တွေမှာ ဖြစ်တတ်တယ် ။ နှလုံးရောဂါက Rheumatic fever (ရူမက်တစ်) အဖျားရဲ့ အကျိုးဆက် ဖြစ်တယ် ။ Group A Streptococcus ဆိုတဲ့ (ဗက်တီးရီးယား) ကြောင့်ဖြစ်ရတဲ့ Strep throat ဆိုတဲ့ လည်ပင်းနာနဲ့ Scarlet fever အဝါရောင် အဖျား ရောဂါတွေကို လက်ညှိုးထိုးရတယ် ။ နှလုံးရောဂါဆို တာကလည်း အမျိုးမျိုးရှိသေးတယ် ။ လေးဘက်နာနဲ့ ဆိုင်တာက အဆို့ရှင်ရောဂါတွေပါ ။ MS ကျဉ်းတာ၊ MI ကျယ်တာ ။

သေခြာအောင် ASO Test, Complete blood count, ECG, ESR စမ်းသပ်မှုတွေ လုပ်ရတယ် ။ ASO ဆိုတာ Antistreptolysin-O သွေးစစ်တာခေါ်တယ် ။ Group A streptococci ကို ခုခံပေးမဲ့ (အင်တီဘော်ဒီ) ဖြစ်ပါတယ် ။ ပုံမှန် 160 Todd units per milliliter တနည်းပြောရရင် လူကြီးဆို 200 units အောက် ၊ ကလေးဆို 300 units အောက်ရှိတယ် ။

ဆေးကုနည်း သုံးပိုင်းရှိတယ် ။ နာနေတဲ့နေရာကို ဒဏ်သက်သာအောင်လုပ်တာ ၊ ရုပ်ပိုင်းဆိုင်ရာ-အလုပ်အကိုင်ဆိုင်ရာ ပြန်လုပ်နိုင်အောင် ကုသပေးတာ နဲ့ ခွဲစိတ်ကုသတာတွေပါ ။ ဆေးဝါးမှာလဲသုံးမျိုး ။ (စတီရွိုက်) မပါတဲ့ NSAID အနာ သက်သာဆေး ၊ (ကော်တီကိုစတီရွိုက်) ဆေး၊ DMARD (ရူမက်တစ်) ဆန့်ကျင်ဆေး ။

Rheumatic ရူမက်တစ်အဖျားဖြစ်ရင် ချက်ချင်းပဋိဇီဝဆေး Penicillin, Amoxicillin, Sulfadiazine, Erythromycin တမျိုးမျိုးပေးတယ် ။ လက္ခဏာတွေ သက်သက်သာအုံးတော့ အဲလို Antibiotics ပိုးသေဆေးကို ၁ဝ ရက်အပြည့် ပေးတယ် ။ နာတာသက်သာအောင် Aspirin ပေးတယ် ။ ရောင်တာ သက်သာအောင် Corticosteroids (စတီရွိုက်) ဆေး ပေးတယ် ။ ပါးစပ်-လည်ပင်းနဲ့ဆိုင်ရင် ဆားရည်နဲ့ ပလုပ်ကျင်းရတယ် ။ Throat lozenges ငုံရတယ် ။ သူများကို ကူးစေနိုင်လို့ ၂-၃ ရက် ကျောင်းမတက်ဘဲနေ၊ လူကြားသူကြားမသွားနဲ့ ။

ဆိုးဝါးတဲ့နှလုံးရောဂါ ရမလာအောင် တာရှည်ခံ (ပနယ်စလင်) ထိုးရတယ် ။  Benzathine Penicillin G 1.2 ဖြစ်တယ် ။ အများအားဖြင့် ၁ လ တခါ ၊ ၆ လကြာ ၊ ထိုးလေ့ရှိတယ် ။ Rheumatic fever က ပြန်ပေါ်လာတတ်တယ် ။ ဒါ့ကြောင့် ပဋိဇီဝဆေး နည်းနည်းကို ၃-၅ နှစ်ကြာ ပေးတတ်တယ် ။

လူက သိပ်ဝနေရင် အရိုး-အဆစ်ကို ဒဏ်မပိစေဘို့ ကိုယ်အလေးချိန် ထိန်းပေးရတယ် ။ နားခိုင်းတယ် ။ လိုအပ်ရင် တုတ်ကောက်၊ ဂျိုင်းထောက်သုံးရမယ် ။ လိုအပ်သေးရင် (ဖီဇီယို) ပညာရှင်တို့ အလုပ်ပြန် လုပ်နိုင်အောင် ကူညီ သင်ကြားပေးတဲ့ ပညာရှင်တို့နဲ့ ကုသရတယ် ။ ဆိုးရင် အဆစ်ထဲ Corticosteroids ဆေးထိုး ပေးရတတ်တယ် ။ အဆစ်လှုတ်ရှုားမှုကို ထိခိုက်လာရင် ခွဲစိတ်ရတယ် ။ Synovectomy, Arthroplasty လုပ်ရတာပါ ။

ခဏခဏအဆစ်နာရင် အလုပ်အကိုင်ပါပျက်မယ် ။ ကြာလာရင် အထူးသဖြင့် လက်ဆစ်တွေက ပုံသဏ္ဌာန် ပြောင်းသွားလို့ ကြည့်မကောင်း ဖြစ်လာတတ်တယ် ။ အမျိုးအဆွေထဲမှာ လူနာရှိရင် စိတ်တော့မပျက်ပါနဲ့လို့ အရင်ပြောထားပါရစေ ။ ရိုးရိုးသားသား ဝန်ခံရရင် Rheumatoid arthritis ဖြစ်ရင် လုံးဝပျောက်သွားစေရမယ်လို့ ဆရာဝန်များက အာမမခံပါ ။ ဆေးကုတာရဲ့ ရည်မှန်းချက်က နာနေတာတွေ သက်သာအောင်၊ အထိခိုက်နည်းအောင် ၊ ဒုက္ခိတ ဖြစ်မသွားအောင်သာ ဖြစ်ပါတယ် ။ ရောဂါရှိတာကို စောစောသိဘို့လိုတယ် ။ သိလို့ အပြင်းအထံဆေးကုခံပေမဲ့ ပျောက်စေမယ်လို့ မပြောနိုင်တာ ဆောရီးပါ ။

Rheumatoid arthritis and Antimalarial therapy လေးဘက်နာနဲ့ ငှက်ဖျားဆေးများ
ရုမတွိုက် အဆစ်နာကို ငှက်ဖျားဆေးတွေပေးပြီးကုသနည်းကို mild disease modifying therapy အသင့်အတင့် ရောဂါမွမ်းမံနည်းအဖြစ် သုံးတယ်။
1. Chloroquine sulphate - Nivaquine / plasmoquine
2. Chloroquine phosphate - Chloroquine
3. Hydroxychloroquine – Plaquenil တွေကို သုံးကြတယ် ။

ဆေးဘယ်လောက်ပေးမလဲ
• Chloroquine - 4mg/kg chloroquine base
• Hydroxychloroquine - 6mg / kg

ဒီဆေးပေးဘို့ ဆုံးဖြတ်ချက်ဟာ နာနေတာ သက်သာမဟုတ်ဘဲ ရောဂါပြီးစနစ်ကို ကြည့်ရတယ် ။ ဆေးကို တုန့်ပြန်မယ် ဆိုရင် ၂-၆ လအတွင်းမှာ သိသာပါမယ် ။ ငှက်ဖျားဆေး တမျိုးထဲပေးနည်းရှိသလို တခြား Methotrexate ဆေးနဲ့ပါ တွဲပေးတာလဲရှိတယ် ။ အဲလိုနည်းကနေ Methotrexate ရဲ့ ဘေးထွက်-ဆိုးကျိုးနည်းစေတာတွေ့ရတယ် ။

Rheumatoid arthritis ရူမက်တစ် အဆစ်နာအပြင် (SLE) ရောဂါမှာ သိသာတယ် ။ Psoriasis ကိုပေးတာမှာတော့ အငြင်းပွားနေဆဲဖြစ်တယ် ။ အဲဒိအကုရခက်တဲ့ရောဂါတွေကိုလည်းရေးထားပါတယ် ။

ဘေးထွက်-ဆိုးကျိုးတွေ = နေလောင်မခံနိုင် ၊ အရေပြား အစက်အပျောက်ဖြစ် ၊ အလာဂျီ အနီကွက်ဖြစ် ၊ ပျို့ (အထူးသဖြင့် ခါးတာစားမိရင် ) ၊ နားထဲအသံမည် ၊ မျက်စိကြည့်မကောင်း (ရှားပါး) ။

Arthritis အဆစ်နာ http://dts-medicaleducation.blogspot.com
ASO ဆိုတာ http://dts-medicaleducation.blogspot.com
Rheumatism (1) လေးဘက်နာ (၁) http://doctortintswe.blogspot.com
Rheumatism (2) လေးဘက်နာ (၂) http://doctortintswe.blogspot.com/2014/10/rheumatism-2.html
Pregnancy and Rheumatism ကိုယ်ဝန်ဆောင်နှင့် လေးဘက်နာ http://doctortintswe.blogspot.com/2014/11/pregnancy-and-rheumatism.html
Rheumatic skin disease အရေပြားလေးဖက်နာ http://doctortintswe.blogspot.com/2016/01/rheumatic-skin-disease.html

ဒေါက်တာတင့်ဆွေ
https://www.facebook.com/drtintswe/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Sponsors

အနုပညာရှင်နှင့် လူသိများသူများ

အားကစား သတင်များ

နည်းပညာ သတင်းများ

Most Reading

အသစ်တင်သမျှ အချိန်နဲ့ တပြေးညီဖတ်ရှုရန် Like နှိပ်ပေးပါ

အသစ် တင်သမျှ သတင်းများ အလို အလျှောက်ပို့  ပေးပါမည်

သတင်းစာနှင့် ဂျာနယ်များ