သွားပိုးစားခြင်းဆိုတာ တကယ်တော့ သွားကို ပိုးကစားသွားခြင်း မဟုတ်ပါဘူး ။ အမှတ်မှားက ကြာတော့ အမှန်ထင်တက်ကြပါတယ် ။ ဒါကြောင့်လဲ အခုချိန်ထိ သွားပိုးချတယ်ဆိုတာကို တောရောမြို့ပါ ပညာတတ်များပါမကျန် ပျောက်လိုပျောက်ငြားဆိုပြီး လုပ်နေကြတုန်းပါ ။ ကျွန်တော်တို့လို နယ်ကသွားဆရာဝန်တွေမှာဆို သွားပို့ချတယ်ဆိုတာ မကြားဖူးတဲ့သူမရှိသလောက်ပါပဲ ။ အမြဲလိုလို လူနာတွေထံမှကြား ကြားနေကြရပါတယ် ။
ဆေးခန်းမှာလည်းရှင်းပြ နယ်ဆေးကုသွားလည်း မဖြစ်မနေ အသိပညာတွေပေးနေကြရတုန်းပါ ။ တကယ်တော့ သွားပိုးစားခြင်းမဟုတ်ပါဘူး ။ သွားဆွေးမြေ့သွားခြင်းသာ ဖြစ်ပါတယ် ။ ဘာကြောင့် ဒီလောက်မာတဲ့သွား ဆွေးမြေ့ရတာလဲဆိုတော့ အစာကြွင်းအစာကျန်တွေကနေထွက်တဲ့ အက်စစ်ကြောင့်သာ သွားရဲ့ အပေါ်ယံကြွေလွှာကနေ တဆင့် သွား ဆွေးမြေ့ခြင်းဖြစ်စဉ် ဖြစ်ရခြင်း ပဲဖြစ်ပါတယ် ။ အစာအကြွင်းအကျန်မှ အချဉ်ပေါက်လာပြီး သွားကိုဆွေးမြေ့စေတာပဲဖြစ်ပါတယ် ။ ဒါကြောင့် သွားပိုးစားခြင်းမှ ကာကွယ်ရန် အကောင်းဆုံးနည်းလမ်းကတော့ သွားမှန်မှန်တိုက်ခြင်း ၊သွားနှင့်ခံတွင်းကို သန့်သန့်ရှင်းဖြစ်စေခြင်း ၊ အစာစားပြီးတိုင်း အစာကြွင်းအစာကျန် မဖြစ်စေဖို့ ပလုပ်ကျင်းခြင်း ၊လိုအပ်ရင် သွားပွတ်ကြိုးဖြင့်သာ သွားကြိုသွားကြားမှ အစာကိုထုတ်ပေးခြင်းတို့ပဲ ဖြစ်ပါတယ် ။ တချို့သော လူနာတွေက "ဆရာရယ် အိမ်က ကလေးတွေ သွားပိုးမစားအောင် သွားကို နေ့စဉ် နှစ်ကြိမ်မှန်မှန် တိုက်ပေမယ့် သွားပိုးစာတာတွေက ဖြစ်တာပါပဲ"ဆိုပြီး စိတ်ပျက်အားငယ်စွာ ပြောကြပါတယ်။
တကယ်တော့ သွားကိုဘယ်လောက်ပဲတိုက်တိုက် တိုက်နည်းမမှန်ဘူး ၊ သွားပွတ်ကြိုးမသုံးဘူး ဆို ပြောင်စင်မသွားနိုင်ပါဘူး ။ နောက်တစ်ခုက ယနေ့အစားအစာတွေအပေါ်လည်း မူတည်ပါတယ် ။ (ငယ်သွားပိုးစားခြင်းနဲ့ ထိန်းသိမ်းကာကွယ်ခြင်း ကို သီးခြားဖော်ပြပါအုန်းမယ်) သွားပိုးစားပြီဆိုရင် ပထမအပေါ်ယံကြွေလွှာနဲ့ သွားအက်ကြောင်းလေးတွေမှာ အမဲစက်လေးတွေ ဖြစ်လာတတ်ပါတယ် ။ အဲဒီကြွေလွှာကနေတစ်ဆင့် (Dentine)လို့ခေါ်တဲ့ ဆင်စွယ်နှစ်လွှာကိုရောက်လာရင် သွားကျင်ခြင်းကို ခံစားရလေ့ရှိပါတယ် ။ အကယ်၍ သွားပိုးစားခြင်းဟာ အတွင်းဆုံးအလွှာဖြစ်တဲ့ (Pulp)ကို ထိသွားရင် အသည်းခိုက်အောင် သွားကိုက်ဝေဒနာ ခံစားရပါတော့တယ် ။ သို့သော် တချို့သောသူများမှာ သွားပိုး စားခြင်းဖြစ်စဉ်ကို မသိ၊သွားကျင်ခြင်းကိုလည်း မသိပါပဲ သွားတွေပျက်စီးဆုံးရှုံးသွားကြရတာတွေလည်း ရှိပါတယ် ။ အမှန်က သွားကိုထောက်ပံ့ထားတဲ့အလွှာ ပျက်စီးသွားလို့သာ သွားမကျင် သွားမကိုက် ရခြင်းပဲ ဖြစ်ပါတယ် ။ များသောအားဖြင့် လူနာအများစုဟာ သွားကိုက် ၊ သွားနာမှ ရောက်လာကြ တာများပါတယ် ။ ကိုက်ပြီနာပြီဆို သွားဖာခြင်းကို ချက်ချင်းလုပ်လိုမရတော့ပါဘူး။ အကြောထုတ် ကုသခြင်းနဲ့ ကုသမှုခံယူရင်တော့ ရပါသေးတယ် ။ တကယ်တော့ စောစောစီးစီးပြသပြီး သွားကို ဖာလိုက်ခြင်းသည်သာ အကောင်းဆုံးဖြစ်ပါတယ် ။ ဒါပေမယ့် နယ်တွေမှာတော့ နာရင်နှုတ် ဆိုတဲ့အသိတွေပဲ ရှိနေပါသေးတယ် ။ မနှုတ်ပဲ အကြောထုတ် ကုသလို့ရရင်တောင် ပင်ကိုသွား ၊ ဖာလို့ရတဲ့ သွားလိုတော့ မကောင်းတော့ပါဘူး ။ အချိန်လည်း တစ်ခေါက်တည်းနဲ့မပြီးတော့ပါဘူး။ ကုန်ကျစရိတ် ကလည်း များလာပါတယ် ။ ဒီတော့ ဒီလိုအချိန်တွေမပေးနိုင် နာကျင်ကိုက်ခဲတဲ့ဝေဒနာတွေကိုလည်း မခံစားနိုင်ကြတော့ သွားကိုနှုတ်ပြစ်လိုက်ကြပါတော့တယ် ။ ဒီတော့ သွားဆုံးရှုံးခြင်း ၊ သွားပြန် စိုက်ရခြင်းတွေ လုပ်ကြရပါတော့တယ် ။ တကယ်တော့ ဘယ်သူမဆို မိမိတို့သွားများ ပိုးစားခြင်းရှိမရှိကို အတိအကျမသိနိုင်တာကြောင့် သွားဆေးခန်းမှာ အနည်းဆုံး (၆)လ တစ်ကြိမ်ပြသ စစ်ဆေးခြင်း ၊ ကုသခြင်းသာ ပြုလုပ်နိုင်မယ်ဆို သွားဆွေးမြေ့ခြင်း ပျက်စီးခြင်း ၊ သွားဆုံးရှုံးခြင်းမှ ကာကွယ်နိုင်ပါကြောင်း အသိပေးအပ်ပါတယ် ။ သွားနှင့်ခံတွင်း ရောဂါကင်းလို့ ကိုယ်စိတ်နှစ်ဖြာ ချမ်းသာကြပါစေ ။
မေတ္တာဖြင့်
Drသန်းထွန်း (မိုးထက်ပါရမီ)
Health Guide
https://www.facebook.com/healthguidemyanmar
