ရှေးဦးစွာ ဂွမ်းလုံးလေးကို ရေနွေးခဲမှာ စိမ်လိုက်ပါ ။ ပြီးတဲ့အခါမှာ ဂွမ်းလုံးလေးကို ရေညှစ်လိုက်ပြီး မျက်တောင် မျက်ခွံစတဲ့ နေရာတဝိုက်ကို သန့်စင်ပါ ။ အဲ့ဒီနရာမှာ ရှိတဲ့ ခြောက်သွေ့ပြီးကပ်နေတဲ့ မျက်ဝတ် ပြည် စတာတွေ သန့်စင်စေဖို့ပဲ ဖြစ်ပါတယ် ။ နှာခေါင်းဘေးနေရာကနေ စတင်ပြီး အပြင်ဘက် (နားရွက်ရှိရာ)ကို ဝိုက်ပြီး ပွတ်သုတ်ပေးရမှာ ဖြစ်ပါတယ် ။ တကယ်လို့ မျက်ဝတ်ပြည် စတာတွေ မရှိရင်တော့ ဒီ အဆင့်ကို ကျော်လို့ရပါတယ် ။ မျက်စဉ်းပုလင်းကို မကိုင်တွယ်မီ လက်ကို ဆပ်ပြာနဲ့ စင်ကြယ်အောင်အရင်ဆေးကြောပါ ။
မျက်စဉ်းပုလင်းကို စက္ကန့်အနည်းငယ် ကြာ လှုပ်ခါပေး သို့မဟုတ် လှည့်ပေးခြင်းဖြင့် အထဲထဲက ပါဝင်ပစ္စည်းများကို သမမျှတစေပါတယ် ။ မျက်စဉ်းပုလင်း အဖုံးကို ဖွင့်ပါ ။ အဖုံးကို ဘေးနားမှ သန့်စင်သောနေရာတွင်ထားပါ ။ သတိပြုရမှာက မျက်စဉ်းပုလင်းရဲ့ အဝ ထိပ် နှုတ်ခမ်းကို လက်နဲ့ထိတာမျိုး မလုပ်ပါနဲ့ ။ ခေါင်းကို နောက်လှန်ပြီး မျက်စဉ်းခတ်နိုင်သလို အိပ်ရာပေါ် ကို သက်တောင့်သက်သာနဲ့ လှဲချလိုက်ပြီး မျက်လုံးကို အပေါ်မော့ကြည့်တဲ့ အနေအထားကလည်း အဆင်ပြေစေပါတယ် ။ အောက်ဘက်မျက်ခွံကို လက်နဲ့ ဆွဲချလိုက်ခြင်းအားဖြင့် မျက်လုံးနဲ့ အောက်မျက်ခွံကြား က ဖြစ်လာတဲ့ချိုင့်လေးဟာ မျက်စဉ်းတစ်စက်အတွက် လုံလောက်တဲ့ နေရာလေးပါပဲ ။ အဲ့ဒီ ချိုင့်လေးထဲကို မျက်စဉ်းတစ်စက်ခတ်လိုက်ပါ ။တကယ်လို့ ပိုခတ်မိရင်တော့ မျက်စဉ်းတွေ လျှံကျလာနိုင်ပါတယ် ။
သတိထားရမှာက မျက်စဉ်းပုလင်း နှုတ်ခမ်းအဝကို မျက်ခွံ မျက်တောင် စတဲ့ အစိန်အပိုင်းတွေနဲ့ မထိတွေ့ပါစေနဲ့ ။ မျက်လုံးက ရောဂါပိုးတွေ မျက်စဉ်းပုလင်းထဲကို ဝင်သွားနိုင်လို့ပဲ ဖြစ်ပါတယ် ။ မျက်စဉ်းက ဝင်သွားတာ သေချာပါစေ။ တကယ်လို့ စိတ်ထဲမသေချာရင် နောက် တစ်စက် ခတ်နိုင်ပါတယ် ။ မျက်လုံးကို တစ်မိနစ်ခန့် ပိတ်ထားပါ ။ နှာခေါင်းရဲ့ အရင်း (နေရာအနားက အပေါ်နဲ့အောက်မျက်ခွံဆုံတဲ့နေရာလေး) ကို အသာလေးဖိထားပေးခြင်းက မျက်စဉ်းကို မျက်ရည်ပြွန်မှတစ်ဆင့် နှာခေါင်းထဲ စီးကျခြင်းကို ကာကွယ်ပေး ပါတယ် ။ မျက်လုံးအနီးတဝိုက်က ပိုနေသော မျက်စဉ်းများကို ဂွမ်းစလေးနဲ့ သုတ်ပေးနိုင်ပါတယ် ။ မျက်လုံးကို မပွတ်ပါနဲ့ ။ စီးလာတဲ့ မျက်ရည် စသည်ကို မျက်လုံးထဲကို ပြန်မသွင်းပါနဲ့ ။ မျက်စဉ်းက တစ်စက်ထက်ပိုခတ်ရမယ်ဆိုရင် ငါးမိနစ်ခန့်စောင့်ပြီးမှ ဒုတိယ တစ်စက်ကို ခတ်ပါ ။
မျက်စဉ်းတောင့် (အဆီ ) ကို ထည့်ရမယ်ဆိုရင်လည်း မျက်စဉ်းခတ်ပုံနဲ့ သဘောတရားအတူတူပါပဲ ။ ညှစ်ဆေးointment ကို အောက်မျက်ခွံကို ဆွဲချပြီး အလျားလိုက်လေး ထည့်သွင်းပေးပါ ။ ညှစ်ဆေးတောင့် ရဲ့ ပျော်ဝင်မှုအားကောင်းစေဖို့ ဆေးတောင့်ကို အသုံးမပြုခင် လက်ထဲကိုင်ကာ (ပွတ်ပေးရင်လည်းရပါတယ်) အနွေးဓာတ်ပေးထားနိုင်ပါတယ် ။
သတိပြုရမဲ့ အရာတွေက မျက်လုံးထဲကို မျက်စဉ်းတစ်စက်ခတ်ရင်လုံလောက်ပါတယ် ။ ဆေးရုံကို လာပြတဲ့အခါ မျက်စဉ်းပုလင်း ကို ယူလာခဲ့ပါ ။ မျက်စဉ်းကို ရောဂါလက္ခဏာ သက်သာသွားပြီဆိုပြီး မျက်စဉ်းခတ်တာကို ရပ်လိုက်တာမျိုး မလုပ်ရပါဘူး ။တစ်ချို့သော မျက်စဉ်းတွေဟာ ပဋိဇီဝဆေး ပါဝင်တဲ့ အတွက် သတ်မှတ်ထားသော course အတိုင်း ရက်ပြည့်တဲ့အထိ ခတ်ရမှာ ဖြစ်တဲ့အတွက်ပါ ။ ဆရာဝန်က မျက်စဉ်းခတ်တာကို ရပ်ဖို့ ပြောတဲ့ အချိန်ထိ မျက်စဉ်းကို ခတ်ပေးဖို့ လိုအပ်ပါတယ် ။ မျက်စဉ်းခတ်နေစဉ် ခရီးသွားရန်ရှိတဲ့ အခါလည်း မျက်စဉ်းပုလင်းကို ယူဆောင်သွားပြီး အိမ်မှာ ခတ်နေကျ အချိန်တိုင်းကို မျက်စဉ်း ခတ်ပေးပါ ။ မျက်စဉ်းပုလင်းကို ဖုန် အညစ်အကြေး စတာတွေ မဝင်စေဖို့ ဂရုစိုက်ပါ ။ မျက်စဉ်းခတ်လိုက်လို့ မိနစ်ပိုင်းအတွင်းမှာ ပူလောင်တဲ့ ခံစားမှုဖြစ်လာတာ၊ မျက်လုံးနီရဲလာတာ ၊ မျက်ခွံ ရောင်ကိုင်းလာတာ မျိုး ယားယံလာတာမျိုး ရှိလာတဲ့အခါ မျက်စဉ်းခတ်တာကို ရပ်လိုက်ပြီး သင့်မျက်စိဆရာဝန်နဲ့ ပြန်လည်ပြသတိုင်ပင်ပါ။
မျက်စဉ်း ရွေးချယ်မှုတွေကတော့ ဈေးကွက်ထဲမှာ ဝယ်လို့ရတဲ့ သင်လက်လှမ်းမီတဲ့ မျက်စဉ်း တံဆိပ်မျိုးစုံရှိပါတယ်။ ဥပမာ မျက်စိနာတာအတွက် မျက်စဉ်း မျက်လုံးခြောက်တာအတွက် မျက်စဉ်း စသည်ဖြင့်ပါ။ မျက်စိနီရဲနာကျင်တာမျိုး ၃ရက်ထက်ကျော်နေပြီလား ။ ဓာတ်မတည့်ခြင်းကြောင့် မျက်စိနီရဲလာခြင်းလား ။ မျက်လုံးရဲ့ အစိုဓာတ်ကို ဖြည့်စွမ်းဖို့ပဲ လိုအပ်နေတာလား ။ မျက်လုံးခြောက်သွေ့လို့၊ မျက်စိနီရဲလာလို့ ဆိုတဲ့ အကြောင်းပြချက်ဟာ လူတွေကို မျက်စဉ်းအသုံးပြုရစေတဲ့ အကြောင်းရင်းထဲက တစ်ခုပါပဲ။ယနေ့ခတ် ကွန်ပျူတာကို ကြာရှည်စွာ အသုံးပြုရတဲ့ အခြေအနေတွေမှာ မျက်စဉ်း သုံးကြပါတယ် ။ မျက်စဉ်း အဆီ (eye ointment) ကို အသုံးပြုတဲ့အခါ ကြာလာရင် အမြင်ဝေဝါးတာမျိုး ဖြစ်တတ်ပါတယ် ။ ခြောက်သွေ့တဲ့ မျက်လုံးအတွက် ဓာတုပစ္စည်းမပါဝင်တဲ့ မျက်ရည်တု (artificial tears ) က အကောင်းဆုံးပါပဲ ။ ရောဂါပိုးကြောင့်ဖြစ်တဲ့ မျက်စိနီရဲ ရောင်ရမ်းခြင်းတွေအတွက် ပိုးသတ်ဆေး antibiotics ပါတဲ့ မျက်စဉ်းဆေးတွေရှိသလို ဓာတ်မတည့်ခြင်းတွေအတွက် anti histamine ပါဝင်တဲ့ မျက်စဉ်း တံဆိပ်တွေ လည်း ရှိပါတယ် ။ သင့်အနေနဲ့ဈေးကွက်ထဲက ကောင်တာပေါ်မှာ ရှိတဲ့ မျက်စဉ်းပုလင်း ကိုကောက်ယူလိုက်ဖို့ထက် မျက်စိဆရာဝန်နဲ့ တိုင်ပင်တာက ပိုမိုသင့်တော်ပါတယ် ။ သူက သင်မျက်စဉ်းခတ်ရမဲ့ အစက်အရေအတွက် အကြိမ်ရေ နဲ့ ရက်သတ္တပတ်အပိုင်း အခြားကို ပါ ညွှန်ကြားပေးနိုင်လို့ပါပဲ ။
ခွန်းညိုသွေး
Health Guide
https://www.facebook.com/healthguidemyanmar/photos/
